ಅದ್ಭುತ ರುಚಿಯ ಬೆಳ್ಳುಳ್ಳಿ ಕರಿಬೇವು ಕಬಾಬ್ ಮಾಡಿ ನೋಡಿ..! ಇಲ್ಲಿದೆ ರೆಸಿಪಿ!

ನಾನ್‌ವೆಜ್ ಪ್ರಿಯರಿಗೆ ಚಿಕನ್‌ನಿಂದ ಮಾಡುವ ಎಲ್ಲಾ ಖಾದ್ಯಗಳು ಬಹಳ ರುಚಿಯಾಗಿರುತ್ತೆ. ಅದರಲ್ಲೂ ಚಿಕನ್ ಪ್ರಿಯರು ಬಹಳ ಇಷ್ಟಪಟ್ಟು ಸವಿಯುವುದು ಕಬಾಬ್ ಅನ್ನು. ಹೋಟೆಲ್‌ನಲ್ಲಿ ಮನೆಯಲ್ಲೂ ಕೂಡ ಮಾಡಿ ಸವಿಯುತ್ತಾರೆ. ಮಧ್ಯಾಹ್ನ, ರಾತ್ರಿ ಊಟಕ್ಕೆ ಇದು ಕಬಾಬ್ ಇದ್ದರೆ ಎಂತವರು ಕೂಡ ಹೆಚ್ಚಿಗೆ ಊಟ ಮಾಡುತ್ತಾರೆ. ಹಾಗೆ ಮಾಡೋದು ಕೂಡ ಬಹಳ ಸುಲಭ.

ಇನ್ನು ಚಿಕನ್ ಕಬಾಬ್‌ನಲ್ಲಿ ಹಲವು ಬಗೆಗಗಳಿವೆ. ನೀವು ಒಂದೇ ವಿಧದ ಚಿಕನ್ ಕಬಾಬ್ ಸವಿದಿರಬಹುದು ಆದ್ರೆ ಒಂದಕ್ಕಿಂತ ಒಂದು ವಿಭಿನ್ನ ರುಚಿಯ ಕಬಾಬ್ ಕೂಡ ಮಾಡಬಹುದು. ಅದರಲ್ಲೂ ಇತ್ತೀಚಿಗೆ ಬಹಳ ಫೇಮಸ್ ಆಗಿದ್ದು ಈ ಬೆಳ್ಳುಳ್ಳಿ ಕಬಾಬ್, ಬೆಳ್ಳುಳ್ಳಿ ಬೆಳಸಿ ಮಾಡುವಂತಹ ಈ ರುಚಿ ರುಚಿತ ಕಬಾಬ್ ಕರ್ನಾಟಕದಲ್ಲಿ ಬಹಳ ಫೇಮಸ್ ಆಗಿತ್ತು.

ಎಲ್ಲಿ ನೋಡಿದ್ರೆ ಬೆಳ್ಳುಳ್ಳಿ ಕಬಾಬ್‌ನ ಸುವಾಸನೆ ಮೂಗಿಗೆ ಬಡಿಯುತ್ತಿತ್ತು. ಹಾಗೆ ಇದನ್ನು ಮನೆಯಲ್ಲೂ ಹಲವರು ಟ್ರೈ ಮಾಡಿ ಸವಿದಿದ್ದರು, ಆದ್ರೆ ನಾವಿಂದು ಇದೇ ಬೆಳ್ಳುಳ್ಳಿ ಕಬಾಬ್‌ನಲ್ಲಿ ಹೊಸ ವಿಧದ ಕಬಾಬ್ ಮಾಡಿ ಸವಿಯುವ ಕುರಿತಾಗಿ ತಿಳಿದುಕೊಳ್ಳೋಣ. ಬೆಳ್ಳುಳ್ಳಿ ಹಾಗೂ ಕರಿಬೇವಿನ ಸೊಪ್ಪು ಹಾಕಿ ಮಾಡುವ ಈ ಡ್ರೈ ಬೆಳ್ಳುಳ್ಳಿ ಕಬಾಬ್ ಮಾಡುವ ಕುರಿತು ನಾವಿಂದು ತಿಳಿಯೋಣ.

ಬೆಳ್ಳುಳ್ಳಿ ಕರಿಬೇವಿನ ಈ ಕಬಾಬ್ ಮಾಡುವುದು ಹೇಗೆ?, ಮಾಡಲು ಯಾವೆಲ್ಲಾ ಪದಾರ್ಥಗಳು ಬೇಕು? ಮಾಡುವ ವಿಧಾನವೇನು? ಎಷ್ಟು ಸಮಯ ಹಿಡಿಯಲಿದೆ ಎಂಬುದನ್ನು ನಾವಿಂದು ತಿಳಿದುಕೊಳ್ಳೋಣ.

ಬೆಳ್ಳುಳ್ಳಿ ಕಬಾಬ್ ಮಾಡಲು ಯಾವೆಲ್ಲಾ ವಸ್ತುಗಳು ಬೇಕು?

• ಚಿಕನ್
• ಕರಿಬೇವು
• ಮೊಟ್ಟೆ
• ಬೆಳ್ಳುಳ್ಳಿ
• ಹಸಿ ಶುಂಠಿ
• ಹಸಿ ಮೆಣಸಿನಕಾಯಿ
• ಚಕ್ಕೆ
• ಲವಂಗ
• ಮೊಸರು
• ಕಾರ್ನ್ ಫ್ಲೋರ್
• ಮೈದಾ ಹಿಟ್ಟು
• ಅಕ್ಕಿ ಹಿಟ್ಟು
• ಕಡ್ಲೆಹಿಟ್ಟು
• ಅರಿಶಿಣ ಪುಡಿ
• ಕಸೂರಿ ಮೆಂತ್ಯ
• ಉಪ್ಪು
• ಎಣ್ಣೆ

ಬೆಳ್ಳುಳ್ಳಿ ಕಬಾಬ್ ಮಾಡುವ ವಿಧಾನವೇನು?

ಮೊದಲು ಚಿಕನ್ ಅನ್ನು ಚೆನ್ನಾಗಿ ತೊಳೆದು ಇಟ್ಟುಕೊಳ್ಳಿ. ಈಗ ಒಂದು ಮಿಕ್ಸಿ ಜಾರ್ ತೆಗೆದುಕೊಂಡು ಅದಕ್ಕೆ ಮೂರು ಬೆಳ್ಳುಳ್ಳಿ ಗಡ್ಡೆ ಸಿಪ್ಪೆ ತೆಗೆದು ಹಾಕಿಕೊಳ್ಳಿ. ಹಾಗೆ ಹಸಿ ಶುಂಠಿ, ಚಕ್ಕೆ, ಲವಂಗ, 15 ಹಸಿ ಮೆಣಸು ಹಾಕಿಕೊಳ್ಳಿ. ಹಾಗೆ ಕರಿಬೇವಿನ ಸೊಪ್ಪು ಸಹ ಹಾಕಿಕೊಂಡು ಸ್ವಲ್ಪ ನೀರು ಸಹ ಹಾಕಿ ನುಣ್ಣಗೆ ರುಬ್ಬಿಕೊಳ್ಳಬೇಕು.

ನುಣ್ಣಗೆ ರುಬ್ಬಿದ ಬಳಿಕ ಈ ಮಸಾಲೆಯ್ನು ತೆಗೆದು ಒಂದು ಬಾಣಲೆಗೆ ಹಾಕಿಕೊಳ್ಳಿ. ನಂತರ ಇದಕ್ಕೆ ಜೊಳದ ಹಿಟ್ಟು, ಅಕ್ಕಿ ಹಿಟ್ಟು, ಕಡಲೆ ಹಿಟ್ಟು, ಅರಶಿಣ ಪುಡಿ, ಮೈದಾ ಹಿಟ್ಟು, ಪುಡಿ ಮಾಡಿದ ಕಸೂರಿ ಮೇಥಿ, ಎಣ್ಣೆ, ಮೊಸರು, ಉಪ್ಪು, ಒಂದು ಮೊಟ್ಟೆ ಒಡೆದು ಇದಕ್ಕೆ ಹಾಕಿಕೊಂಡು ಚೆನ್ನಾಗಿ ಮಿಕ್ಸ್ ಮಾಡಿಕೊಳ್ಳಬೇಕು. ಸಾಮಾನ್ಯ ಕಬಾಬ್ ಮಾಡಲು ಕೆಲವೇ ವಸ್ತುಗಳ ಬಳಸಿ ಮಿಕ್ಸ್ ಮಾಡುತ್ತೀರಿ. ಆದ್ರೆ ಈ ಬೆಳ್ಳುಳ್ಳಿ ಕಬಾಬ್ ವಿಶೇಷ ಪೇಸ್ಟ್ ರೆಡಿ ಮಾಡಿ.

ಈಗ ತೊಳೆದುಕೊಂಡಿರುವ ಚಿಕನ್ ಅನ್ನು ಈ ಪಾತ್ರೆಗೆ ಹಾಕಿಕೊಂಡು ಕಲಸಿಕೊಳ್ಳಬೇಕು. ಮಸಾಲೆ ಚೆನ್ನಾಗಿ ಹಿಡಿಯುವಂತೆ ಕಲಸಿಕೊಳ್ಳಬೇಕು. ಮಿಕ್ಸ್ ಮಾಡಿದ ಬಳಿಕ ಮತ್ತೆ ಮೇಲೆ ಕಾರ್ನ್ ಫ್ಲೋರ್ ಹಾಕಿ ಮಿಕ್ಸ್ ಮಾಡಿ. ಹಿಟ್ಟು ತೆಳುವಾಗಿರದಂತೆ ನೋಡಿಕೊಳ್ಳಿ. ಹಾಗೆ ತಟ್ಟೆ ಮುಚ್ಚಿ 30 ನಿಮಿಷ ಹಾಗೆಯೇ ಬಿಡಿ. ಈಗ ಒಲೆ ಮೇಲೆ ಒಂದು ಬಾಣಲೆ ಇಟ್ಟು ಎಣ್ಣೆ ಹಾಕಿ ಬಿಸಿ ಮಾಡಿಕೊಳ್ಳಿ.

ಈ ಎಣ್ಣೆ ಬಿಸಿಯಾದ ಬಳಿಕ ಅದಕ್ಕೆ ಕಲಸಿಕೊಂಡಿರುವ ಕಬಾಬ್ ಅನ್ನು ಬಿಡಬೇಕು. ಉರಿ ಮಧ್ಯವಾಗಿಟ್ಟು ಚೆನ್ನಾಗಿ ಕರಿದುಕೊಳ್ಳಲು ಬಿಡಿ. ಚಿಕನ್ ಎಲ್ಲಾ ಭಾಗದಲ್ಲಿ ಬೇಯುವಂತೆ ತಿರುಗಿಸಿಕೊಳ್ಳಿ. ಕೊನೆಯಲ್ಲಿ ಈ ಎಣ್ಣೆಗೆ ಕರಿಬೇವಿನ ಸೊಪ್ಪು ಹಾಕಿ ಫ್ರೈ ಮಾಡಿ ಚಿಕನ್ ತೆಗೆದುಕೊಳ್ಳಿ. ಇಷ್ಟಾದರೆ ನಿಮ್ಮ ಮುಂದೆ ಬೆಳ್ಳುಳ್ಳಿ ಕಬಾಬ್ ರೆಡಿಯಾಗುತ್ತದೆ. ನೀವು ಸಹ ಮನೆಯಲ್ಲಿ ಮಾಡಿ ನೋಡಿ.