ಫಸ್ಟ್ ಕ್ಲಾಸ್ ಫಿಶ್ ಕಬಾಬ್ ಮಾಡೋದು ಹೇಗೆ? ಇಲ್ಲಿದೆ ಸುಲಭದ ರೆಸಿಪಿ!

ನಾನ್ ವೆಜ್ ಪ್ರಿಯರಿಗೆ ಚಿಕನ್ ಮಟನ್ ಜೊತೆಗೆ ಮೀನು ಸಹ ಬಹಳ ಇಷ್ಟವಾಗುವ ಖಾದ್ಯ. ಮೀನು ಬಳಸಿಕೊಂಡು ಹತ್ತು ಹಲವು ರೀತಿಯ ಅಡುಗೆಗಳು, ಖಾದ್ಯಗಳ ಮಾಡುವುದು ನೋಡಬಹುದು. ಮೀನಿನ ಸಾಂಬಾರ್, ಫ್ರೈ ಸೇರಿ ವಿವಿಧ ರೀತಿಯ ಖಾದ್ಯ ಸಿದ್ದ ಮಾಡಬಹುದು. ಮಾಂಸಹಾರ ಪ್ರಿಯರು ಈ ಮೀನಿನ ಹಲವು ಖಾದ್ಯಗಳನ್ನು ಸವಿಯೋದು ಅಂದ್ರೆ ಬಾಯಲ್ಲಿ ನೀರು ತರಿಸುವುದು ಖಚಿತ.

ಮೀನು ಬಳಸಿ ಮಾಡುವಂತಹ ಈ ಖಾದ್ಯದಲ್ಲಿ ನಾವಿಂದು ಫಿಶ್ ಕಬಾಬ್ ಕುರಿತು ಹೇಳಲಿದ್ದೇವೆ. ಮೀನನ್ನು ಫ್ರೈ ಮಾಡುವ ವಿಧಾನದಲ್ಲಿಯೇ ಸ್ವಲ್ಪ ಭಿನ್ನವಾಗಿ ಈ ಫಿಶ ಕಬಾಬ್ ಮಾಡಬಹುದು. ಬಹುತೇಕರಿಗೆ ಊಟದೊಂದಿಗೆ ಫಿಶ್ ಫ್ರೈ ಸವಿಯುವ ಅಭ್ಯಾಸ ಇರುತ್ತೆ. ಆದ್ರೆ ಇಲ್ಲಿ ಸುಲಭವಾಗಿ ಫಿಶ್ ಕಬಾಬ್ ಮಾಡಿ ಸವಿಯುವ ಕುರಿತಾಗಿ ತಿಳಿದುಕೊಳ್ಳೋಣ.

ಯಾವುದೇ ಸಾಂಬಾರ್ ಇರಲಿ ಅದರ ಜೊತೆಗೆ ಈ ಫಿಶ್ ಕಬಾಬ್ ಬಹಳ ರುಚಿ ನೀಡಲಿದೆ. ಹಾಗೆ ಇದನ್ನು ಮಾಡುವುದು ಕೂಡ ಬಹಳ ಸುಲಭ. ಹೀಗಾಗಿ ನಾವಿಂದು ನಾನ್ ವೆಜ್ ಪ್ರಿಯರ ಬಾಯಲ್ಲಿ ನೀರು ತರಿಸುವಂತಹ ಈ ರುಚಿ ರುಚಿ ಫಿಶ್ ಕಬಾಬ್ ಕುರಿಯಾಗಿ ತಿಳಿದುಕೊಳ್ಳೋಣ. ಈ ಫಿಶ್ ಕಬಾಬ್ ಮಾಡಲು ಯಾವೆಲ್ಲಾ ವಸ್ತುಗಳು ಬೇಕು? ಮಾಡುವ ವಿಧಾನವೇನು? ಎಷ್ಟು ಸಮಯ ಹಿಡಿಯಲಿದೆ ಎಂಬುದನ್ನು ತಿಳಿದುಕೊಳ್ಳೋಣ.

ಫಿಶ್ ಕಬಾಬ್ ಮಾಡಲು ಯಾವೆಲ್ಲಾ ವಸ್ತುಗಳು ಬೇಕು?

• ಮೀನು
• ಮೈದಾ ಹಿಟ್ಟು
• ಜೀರಾ ಪುಡಿ
• ಗರಂ ಮಸಾಲೆ
• ಖಾರದ ಪುಡಿ
• ಶುಂಠಿ ಬೆಳ್ಳುಳ್ಳಿ ಪೇಸ್ಟ್
• ಕಾರ್ನ್ ಫ್ಲೋರ್
• ಉಪ್ಪು
• ಎಣ್ಣೆ
• ನಿಂಬೆ ರಸ

ಫಿಶ್ ಕಬಾಬ್ ಮಾಡುವ ವಿಧಾನವೇನು?

ಫಿಶ್ ಕಬಾಬ್ ಮಾಡಲು ಮೊದಲು ಮೀನನ್ನು ಚೆನ್ನಾಗಿ ತೊಳೆದು ಇಟ್ಟುಕೊಂಡಿರಿ. ದೊಡ್ಡದಾಗಿದ್ದರೆ ಸಣ್ಣದಾಗಿ ಇಲ್ಲವೆ ನಿಮಗೆ ಯಾವ ಗಾತ್ರಕ್ಕೆ ಬೇಕೋ ಆ ಗಾತ್ರಕ್ಕೆ ಕತ್ತರಿಸಿ ಇಟ್ಟುಕೊಳ್ಳಿ. ಇದಕ್ಕೆ ಉಪ್ಪು ಹಾಕಿ ನೆನೆಸಿಟ್ಟುಕೊಳ್ಳಿ. ಈಗ ಒಂದು ಬೌಲ್‌ಗೆ ಕಾರ್ನ್ ಫ್ಲೋರ್, ಮೈದಾ ಹಿಟ್ಟು, 5 ಸ್ಪೂನ್ ಕಾರ್ನ್ ಫ್ಲೋರ್‌ಗೆ 2 ಸ್ಪೂನ್ ಮೈದಾ ಹಿಟ್ಟು ಮಿಕ್ಸ್ ಮಾಡಿಕೊಳ್ಳಿ.

ಹಾಗೆ ಇದಕ್ಕೆ ಖಾರಕ್ಕೆ ತಕ್ಕಷ್ಟು ಖಾರದ ಪುಡಿ, ಗರಂ ಮಸಾಲೆ, ಜೀರಾ ಪುಡಿ, ಶುಂಠಿ ಬೆಳ್ಳುಳ್ಳಿ ಪೇಸ್ಟ್ ಹಾಗೆ ಒಂದು ಮೊಟ್ಟೆಯನ್ನು ಒಡೆದು ಹಾಕಿ ಚೂರು ಉಪ್ಪು ಹಾಕಿಕೊಂಡು, ನಿಂಬೆ ರಸ ಸಹ ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿಕೊಳ್ಳಿ. ನೀರು ಹಾಕದೆ ಮಿಕ್ಸ್ ಮಾಡಿ. ಬಹಳ ಗಟ್ಟಿಯಾಗಿ ಈ ಹಿಟ್ಟು ಬರಬೇಕು. ಇದು ಅಂಟು ಅಂಟಾಗಿ ಬರಬೇಕು.

ಈಗ ಒಂದೊಂದೇ ಮೀನಿನ ಪೀಸ್ ತೆಗೆದುಕೊಂಡು ಈ ಮಸಾಲೆಯನ್ನು ಹಚ್ಚಿಕೊಳ್ಳಬೇಕು. ಮೀನಿನ ಎರಡೂ ಭಾಗಕ್ಕೂ ಮೀನಿನ ಮಸಾಲೆ ಹಚ್ಚಬೇಕು. ಚೆನ್ನಾಗಿ ತೆಳುವಾಗಿ ಈ ಮಸಾಲೆ ಹಚ್ಚಿಕೊಳ್ಳಿ. ಎಲ್ಲಾ ಫಿಶ್‌ಗೂ ಮಸಾಲೆ ಹಚ್ಚಿದ ಬಳಿಕ ಇದಕ್ಕೆ ಮುಚ್ಚಳ ಮಚ್ಚಿ 1 ಗಂಟೆಯಾದರೂ ಬಿಡಬೇಕು. ಫಿಶ್ ಅನ್ನು ಎಣ್ಣೆಗೆ ಬಿಡುವ ಮುನ್ನ 10 ನಿಮಿಷ ಆದರೂ ಎಣ್ಣೆ ಬಿಸಿಯಾಗಲು ಬಿಡಬೇಕು.

ಈಗ ಎಣ್ಣೆ ಕಾದ ಬಳಿಕ ಎಲ್ಲಾ ಮೀನುಗಳನ್ನು ಎಣ್ಣೆಯಲ್ಲಿ ಚಿಕನ್ ಕಬಾಬ್ ಕರಿದುಕೊಂಡಂತೆ ಕರಿದುಕೊಳ್ಳಬೇಕು. ಎಣ್ಣೆಯಲ್ಲಿ 15ರಿಂದ 20 ನಿಮಿಷ ಕರಿದುಕೊಳ್ಳಬೇಕು. ಇಷ್ಟಾದರೆ ಊಟದೊಂದಿಗೆ ಸವಿಯಲು ಫಿಶ್ ಕಬಾಬ್ ಸಿದ್ದಾಗುತ್ತೆ. ಬೇಕಿದ್ದ ಈ ಎಣ್ಣೆಗೆ ಕರಿಬೇವು ಸಹ ಹಾಕಿಕೊಂಡು ಕರಿದುಕೊಳ್ಳಬಹುದು. ನೀವು ಸಹ ಮನೆಯಲ್ಲಿ ಈ ರೀತಿ ಫಿಶ್ ಕಬಾಬ್ ಟ್ರೈ ಮಾಡಿ ನೋಡಿ.