ಗರಿಗರಿ ಮೈಸೂರು ಬೋಂಡಾ: ಟೀ ಜೊತೆ ಸವಿಯಲು ಬೆಸ್ಟ್‌ ಸ್ನ್ಯಾಕ್ಸ್

ಸಂಜೆ ಪಟ್‌ ಅಂತ ಏನಾದರು ಸ್ನ್ಯಾಕ್ಸ್‌ ಮಾಡಬೇಕೆಂದಿದ್ದರೆ ಈ ಮೈಸೂರು ಬೋಂಡಾ ಟ್ರೈ ಮಾಡಿ, ಪಟ್‌ ಅಂತ ಮಾಡಬಹುದು ಟೀ ಅಥವಾ ಕಾಫಿ ಜೊತೆಗೆ ಸವಿಯಲು ತುಂಬಾನೇ ಚೆನ್ನಾಗಿರುತ್ತದೆ. ಈ ಮೈಸೂರು ಬೋಂಡಾ ತಿಂದ್ರೆ ಹೊಟ್ಟೆ ಕೂಡ ತುಂಬುವುದು, ಆದ್ದರಿಂದ ಸಂಜೆ ಸ್ನ್ಯಾಕ್ಸ್‌ಗೆ ಇದು ಬೆಸ್ಟ್ ಆಗಿದೆ, ಬನ್ನಿ ಇದನ್ನು ಮಾಡುವುದು ಹೇಗೆ ಎಂದು ನೋಡೋಣ:

ಬೇಕಾಗುವ ಸಾಮಗ್ರಿ
1 ಕಪ್‌ ಮೈದಾ ಹಿಟ್ಟು ಅಥವಾ ಗೋಧಿ ಹಿಟ್ಟು
1/2 ಚಮಚ ಅಡುಗೆ ಸೋಡಾ
1/2 ಚಮಚ ಜೀರಿಗೆ
ಹಸಿ ಮೆಣಸು 2-3
ತುರಿದ ಶುಂಠಿ 1 ಚಮಚ
2 ಚಮಚ ತೆಂಗಿನ ತುರಿ, ತೆಂಗಿನ ಹೋಳು
2 ಚಮಚ ಮೊಸರು
ಕಲೆಸಲು ತಕ್ಕ ನೀರು
ರುಚಿಗೆ ತಕ್ಕ ಉಪ್ಪು

ಮಾಡುವ ವಿಧಾನ:

• ಒಂದು ಬೌಲ್‌ ತಗೆದು ಅದರಲ್ಲಿ 1 ಕಪ್‌ ಮೈದಾ ಪುಡಿ ಹಾಕಿ, ನೀವು ಮೈದಾ ಬೇಡ ಎಂದರೆ ಗೋಧಿ ಹಿಟ್ಟು ಬೇಕಾದರೆ ಸೇರಿಸಬಹುದು
• ಈಗ 1/4 ಕಪ್‌ ಅಕ್ಕಿಹಿಟ್ಟು ಸೇರಿಸಿ
• 1/2 ಚಮಚ ಬೇಕಿಂಗ್‌ ಸೋಡಾ (ಅಡುಗೆ ಸೋಡಾ ಸೇರಿಸಿ)
• ಈಗ ರುಚಿಗೆ ತಕ್ಕ ಉಪ್ಪು ಸೇರಿಸಿ
• ಈಗ ನೀವು 1/2 ಚಮಚ ಜೀರಿಗೆ, ಹಸಿ ಮೆಣಸು(ಚಿಕ್ಕದಾಗಿ ಕತ್ತರಿಸಿದ್ದು), ತುರಿದ ಶುಂಠಿ 1 ಚಮಚ ಸೇರಿಸಿ
• ಈರುಳ್ಳಿಯನ್ನು ಚಿಕ್ಕದಾಗಿ ಹೆಚ್ಚಿ ಸೇರಿಸಿ
• ಕೊತ್ತಂಬರಿ ಸೊಪ್ಪು ಕೂಡ ಚಿಕ್ಕದಾಗಿ ಕತ್ತರಿಸಿ ಸೇರಿಸಿ
• 2 ಚಮಚ ತೆಂಗಿನ ತುರಿ ಅಥವಾ ಚಿಕ್ಕದಾಗಿ ಕತ್ತರಿಸಿದ ತೆಂಗಿನ ಹೋಳು ಸೇರಿಸಿ
• 2 ಚಮಚ ಮೊಸರು ಹಾಕಿ
• ನಂತರ ನೀರು ಸೇರಿಸಿ ಮಿಕ್‌ ಮಾಡಿ

• ಈಗ ಕಡಾಯಿಗೆ ಒಂದು ಕಪ್‌ ಎಣ್ಣೆ ಹಾಕಿ ಕಾಯಿಸಿ
• ಎಣ್ಣೆ ಕಾದಾಗ ಒಂದು ಚಮಚದಲ್ಲಿ ಕಲೆಸಿದ ಹಿಟ್ಟು ತೆಗೆದು ಎಣ್ಣೆಗೆ ಹಾಕಿ ನೋಡಿ, ಆ ಹಿಟ್ಟು ಎಣ್ಣೆಗೆ ಹಾಕಿದ ತಕ್ಷಣ ಮೇಲಕ್ಕೆ ಎದ್ದರೆ ಎಣ್ಣೆ ಚೆನ್ನಾಗಿ ಬಿಸಿಯಾಗಿದೆ ಎಂದರ್ಥ. ಈಗ 4-5 ಬೋಂಡಾವನ್ನು ಹಾಕಬಹುದು.
• ಬೋಂಡಾ ಸ್ವಲ್ಪ ಕಂದು ಬಣ್ಣಕ್ಕೆ ಬರುವಾಗ ಎಣ್ಣೆಯಿಂದ ಹೊರ ತೆಗೆಯಿರಿ.
• ನಂತರ ಇದನ್ನು ಚಟ್ನಿ ಜೊತೆ ಸರ್ವ್‌ ಮಾಡಿ.

ಇತರ ಸಲಹೆ
ಹಿಟ್ಟು
ನೀವು ಈ ಬೋಂಡಾ ಮಾಡಲು ಮೈದಾ ಹಿಟ್ಟು ಅಥವಾ ಗೋಧಿ ಹಿಟ್ಟು ಇವುಗಳನ್ನು ಬಳಸಬಹುದು, ಇದರ ಜೊತೆಗೆ ಅಕ್ಕಿ ಹಿಟ್ಟು ಸೇರಿಸಿದರೆ ಗರಿಗರಿಯಾಗವುದು.

ಮೊಸರು:
ಮೊಸರು ಸೇರಿದಾಗ ಬೋಂಡಾ ಚೆನ್ನಾಗಿ ಊದಿಕೊಂಡು ಬರುತ್ತದೆ.
ಬೇಕಿಂಗ್‌ ಸೋಡಾ: ಇದರಲ್ಲಿ ಬೇಕಿಂಗ್‌ ಸೋಡಾ ಸೇರಿಸುವುದರಿಂದ ಬೋಂಡಾ ಮೃದುವಾಗಿ ಬರುತ್ತದೆ
ಈರುಳ್ಳಿ, ಶುಂಠಿ, ಕೊತ್ತಂಬರಿ ಸೊಪ್ಪು ಇವುಗಳನ್ನೆಲ್ಲಾ ತುಂಬಾ ಹಾಕಬೇಡಿ, ಮಿತಿಯಲ್ಲಿ ಸೇರಿಸಿ. ತುಂಬಾ ಹಾಕಿದರೆ ಚೆನ್ನಾಗಿರಲ್ಲ.