ಹಾಟ್ & ಸ್ಪೈಸಿ.. ಮಳೆಗಾಲಕ್ಕೆ ಚಿಲ್ಲಿ ಇಡ್ಲಿ ಮಾಡಿ ನೋಡಿ! ಮತ್ತೆ ತಿನ್ನಲೇಬೇಕು ಅನಿಸುತ್ತೆ

ಮಳೆಗಾಲದ ಸಂಜೆ. ಹೊರಗಡೆ ಸುರಿಯುವ ಜಿಟಿಜಿಟಿ ಮಳೆ. ಎಂತಹವರಿಗೂ ಬಿಸಿ ಬಿಸಿ ಚಹಾದ ಜೊತೆ ಏನಾದರೂ ಸ್ನಾಕ್ಸ್ ತಿನ್ನಬೇಕು ಎಂಬ ಬಯಕೆ. ಆದರೆ, ಪ್ರತಿದಿನ ಅದೇ ಬಜ್ಜಿ, ಬೋಂಡಾ ತಿಂದು ಬೋರ್ ಆಗಿರುತ್ತೆ. ನೀವು ಮಾಡಿದ ಇಡ್ಲಿ ಬೆಳಗಿನಿಂದ ಹಾಗೆಯೇ ಉಳಿದಿರುತ್ತೆ. ನಿಮ್ಮ ಮಕ್ಕಳು ಚಿಲ್ಲಿ ಚಿಕನ್, ಚಿಲ್ಲಿ ಪೊಟಾಟೊ ಮತ್ತು ಚಿಲ್ಲಿ ಮಶ್ರೂಮ್ ನಂತಹ ಸ್ಪೈಸಿ ಚೈನೀಸ್ ಶೈಲಿಯ ತಿಂಡಿಗಳನ್ನು ತುಂಬಾ ಇಷ್ಟಪಡುತ್ತಾರೆ. ಆದರೆ, ಇಡ್ಲಿಯಿಂದ ಏನಾದರೂ ಹೊಸದಾಗಿ ಮಾಡಬಹುದೇ ಎಂದು ಯೋಚಿಸಿದಾಗ, ನಮ್ಮ ಕಣ್ಣಿಗೆ ಒಂದು ರೆಸಿಪಿ ಬಿದ್ದಿತು. ಅದೇ ಈ 'ಚಿಲ್ಲಿ ಇಡ್ಲಿ'.

ಮಳೆಗಾಲ ಎಂದರೆ ಚಟ್ನಿ, ಕಾಫಿ, ಬಜ್ಜಿ ಅಥವಾ ಬೆಂಡೆಕಾಯಿ ಹುಳಿ, ಬರಿ ಇಷ್ಟಲ್ಲ. ಈಗ ಹೊಸ ಟ್ರೆಂಡ್ ಏನಂದ್ರೆ, ಚಿಲ್ಲಿ ಇಡ್ಲಿ (chilli idli). ಹೌದು, ಇಡ್ಲಿ ಅಂದರೆ ನಮ್ಮ ಮನೆಯಲ್ಲಿ ನಿತ್ಯ ಉಪಹಾರ ಅನ್ನೋ ಖಾದ್ಯ. ಆದ್ರೆ, ಅದನ್ನೇ ತಾಜಾ ತರಕಾರಿ, ಗರಂ ಮಸಾಲೆ, ಸಾಸು ಮತ್ತು ಚಿಲ್ಲಿ ಫ್ಲೇವರ್‌ನೊಂದಿಗೆ ಮಿಕ್ಸ್ ಮಾಡಿದ್ರೆ, ಬಾಯಲ್ಲಿ ನೀರೂರಿಸುವ 'ಚಿಲ್ಲಿ ಐಡ್ಲಿ' ಅನ್ನೋ ಫ್ಯೂಷನ್ ಡಿಶ್ ಆಗುತ್ತೆ. ಸಾಮಾನ್ಯವಾಗಿ ರಸ್ತೆ ಬದಿಯ ಚೈನೀಸ್ ಖಾದ್ಯಗಳಿಗೆ ಪ್ರಿಯರಾಗಿರುವವರಿಗೆ, ಈ ವಿಭಿನ್ನ ಇಡ್ಲಿ ಅಚ್ಚರಿಯ ಖಾದ್ಯವಾಗಲಿದೆ. ಬನ್ನಿ, ಚಿಲ್ಲಿ ಇಡ್ಲಿ ಮಾಡುವುದು ಹೇಗೆ (chilli idli recipe) ಅಂತ ನೋಡೋಣ.

ಚಿಲ್ಲಿ ಇಡ್ಲಿ ತಯಾರಿಸಲು ಬೇಕಾಗುವ ಸಾಮಗ್ರಿಗಳು

• ಎಣ್ಣೆ - 1 ಚಮಚ
• ಬೆಳ್ಳುಳ್ಳಿ ಎಸಳು - 3 ರಿಂದ 4
• ಹೆಚ್ಚಿದ ಹಸಿ ಮೆಣಸಿನಕಾಯಿ - 2 ರಿಂದ 3
• ಹೆಚ್ಚಿದ ಶುಂಠಿ - ಅರ್ಧ ಇಂಚು
• ಕ್ಯಾಪ್ಸಿಕಂ - 1
• ಕೆಂಪು ಬೆಲ್ ಪೆಪರ್ - 1
• ಹಳದಿ ಬೆಲ್ ಪೆಪರ್ - 1
• ಈರುಳ್ಳಿ - 1
• ಹೆಚ್ಚಿದ ಸ್ಪ್ರಿಂಗ್ ಆನಿಯನ್ಸ್ - ಒಂದು ಹಿಡಿ

ಸಾಸ್‌ಗೆ ಬೇಕಾಗುವ ಸಾಮಗ್ರಿಗಳು

• ಸೋಯಾ ಸಾಸ್ - 2 ಚಮಚ
• ಚಿಲ್ಲಿ ಸಾಸ್ - 1 ಚಮಚ
• ಟೊಮೆಟೊ ಕೆಚಪ್ - 1 ಚಮಚ
• ವಿನೆಗರ್ - 1 ಚಮಚ
• ಕಾರ್ನ್‌ಫ್ಲೋರ್ ಸ್ಲರಿ (ಕಾರ್ನ್‌ಫ್ಲೋರ್ ಮತ್ತು ನೀರು) - 1 ಚಮಚ

ಚಿಲ್ಲಿ ಇಡ್ಲಿ ತಯಾರಿಸುವ ವಿಧಾನ

ಒಂದು ಬಾಣಲೆಯಲ್ಲಿ ಎಣ್ಣೆಯನ್ನು ಬಿಸಿ ಮಾಡಿ. ಅದಕ್ಕೆ ಬೆಳ್ಳುಳ್ಳಿ, ಹಸಿ ಮೆಣಸಿನಕಾಯಿ ಮತ್ತು ಶುಂಠಿಯನ್ನು ಹಾಖಿ. ಚೆನ್ನಾಗಿ ಚಿನ್ನದ ಬಣ್ಣಕ್ಕೆ ಬರುವವರೆಗೆ ಮತ್ತು ಶುಂಠಿಯ ಪರಿಮಳ ಬರುವವರೆಗೆ ಹುರಿಯಿರಿ. ನಂತರ ಹೆಚ್ಚಿದ ತರಕಾರಿಗಳಾದ ಕ್ಯಾಪ್ಸಿಕಂ, ಬೆಲ್ ಪೆಪರ್‌ಗಳು ಮತ್ತು ಈರುಳ್ಳಿ ಹಾಕಿ. ಈರುಳ್ಳಿಯನ್ನು ಚಿಕ್ಕದಾಗಿ ಕತ್ತರಿಸದೆ, ಚೈನೀಸ್ ಶೈಲಿಯಲ್ಲಿ ಪದರಗಳನ್ನು ಬೇರ್ಪಡಿಸಿ ಹಾಕಬೇಕು. ಈಗ ತರಕಾರಿಗಳು ಸ್ವಲ್ಪ ಗರಿಗರಿಯಾಗುವವರೆಗೆ ಹುರಿಯಿರಿ.

ಈ ಮಧ್ಯೆ, ಒಂದು ಬೌಲ್‌ನಲ್ಲಿ ಸೋಯಾ ಸಾಸ್, ಚಿಲ್ಲಿ ಸಾಸ್, ಟೊಮೆಟೊ ಕೆಚಪ್ ಮತ್ತು ವಿನೆಗರ್ ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ. ಈ ಸಾಸ್ ಮಿಶ್ರಣವನ್ನು ಬಾಣಲೆಯ ತರಕಾರಿಗಳೊಂದಿಗೆ ಹಾಕಿ, ಚೆನ್ನಾಗಿ ತಿರುಗಿಸಿ. ನಂತರ ಕಾರ್ನ್‌ಫ್ಲೋರ್ ಸ್ಲರಿಯನ್ನು ಹಾಕಿ. ಸಾಸ್ ಗಟ್ಟಿಯಾಗಿ ಸ್ವಲ್ಪ ಕುದಿಯಲು ಪ್ರಾರಂಭಿಸಿದಾಗ, ಉರಿಯನ್ನು ಆಫ್ ಮಾಡಿ.

ಈ ಮಿಶ್ರಣಕ್ಕೆ ಇಡ್ಲಿಗಳನ್ನು ಹಾಕಿ. ಇಡ್ಲಿಗಳನ್ನು ತಿನ್ನಲು ಸುಲಭವಾಗುವಂತೆ ಸಣ್ಣ ತುಂಡುಗಳಾಗಿ ಕತ್ತರಿಸುವುದು ಉತ್ತಮ. ಸಾಸ್‌ನೊಂದಿಗೆ ಇಡ್ಲಿಗಳನ್ನು ನಿಧಾನವಾಗಿ ಮತ್ತು ಚೆನ್ನಾಗಿ ಮಿಕ್ಸ್ ಮಾಡಿ. ಬಿಸಿಬಿಸಿಯಾಗಿರುವಾಗಲೇ ಚಿಲ್ಲಿ ಇಡ್ಲಿಗಳನ್ನು ಸವಿಯಲು, ಮೇಲೆ ಹೆಚ್ಚಿದ ಸ್ಪ್ರಿಂಗ್ ಆನಿಯನ್ಸ್ ಹಾಕಿ ಅಲಂಕರಿಸಿ. ಇದರಿಂದ ಮಸಾಲೆಯುಕ್ತ ಖಾದ್ಯಕ್ಕೆ ಗರಿಗರಿಯಾದ ಅನುಭವ ಸಿಗುತ್ತದೆ. ಚಿಲ್ಲಿ ಇಡ್ಲಿಗಳನ್ನು ತಕ್ಷಣವೇ ತಿನ್ನವುದು ಉತ್ತಮ. ಇಲ್ಲದಿದ್ದರೆ ಸಾಸ್‌ನಲ್ಲಿ ನೆನೆದು ಮೆತ್ತಗಾಗಬಹುದು. ಮತ್ತೊಂದೆಡೆ, ಇಡ್ಲಿಗಳನ್ನು ಮೊದಲೇ ಕರಿದು ಬಳಸುವುದರಿಂದ ಅವುಗಳ ಆಕಾರವನ್ನು ಉತ್ತಮವಾಗಿ ಉಳಿಸಿಕೊಳ್ಳಲು ಸಹಾಯ ಮಾಡುತ್ತದೆ.

ನೀವು ಇದಕ್ಕೆ ಹೋಟೆಲ್‌ನಿಂದ ತಂದ ಇಡ್ಲಿಗಳು ಅಥವಾ ಸಿದ್ಧ ಮಿಶ್ರಣದಿಂದ ತಯಾರಿಸಿದ ಇಡ್ಲಿಗಳನ್ನು ಬಳಸಿದರೆ ಉತ್ತಮ. ನೀವು ಇಡ್ಲಿ ತಯಾರಿಸುವುದನ್ನು ತಪ್ಪಿಸಲು ಇದು ಸುಲಭ ಅಥವಾ ಉತ್ತಮ ಮಾರ್ಗ. ಒಟ್ಟಾರೆಯಾಗಿ, ಚಿಲ್ಲಿ ಇಡ್ಲಿಯು ಮಸಾಲೆಯುಕ್ತ, ಸಾಸ್‌ನಿಂದ ಕೂಡಿದ ಮತ್ತು ಪ್ರತಿ ಬೈಟ್‌ನಲ್ಲೂ ವಿಶೇಷ ರುಚಿಗಳನ್ನು ನೀಡುತ್ತದೆ. ಇದಕ್ಕೆ ಬೇರೆ ಯಾವುದೇ ಸೈಡ್ ಡಿಶ್ ಅಗತ್ಯವಿಲ್ಲ. ಇದು ಸಂಜೆಯ ಸ್ನ್ಯಾಕ್‌ಗೆ ಹೊಸ ಆಯ್ಕೆಯಾಗಲಿದೆ.