ಚೀಸ್ ರವೆ ಟೋಸ್ಟ್: ನಿಮಿಷಗಳಲ್ಲಿ ಈ ಟೇಸ್ಟಿ ಟೋಸ್ಟ್ ರೆಡಿ.. ಬೆಳಗಿನ ತಿಂಡಿ & ಸಂಜೆ ಸ್ನ್ಯಾಕ್‌ಗೆ ಬೆಸ್ಟ್!

ಬ್ರೇಕ್‌ಫಾಸ್ಟ್‌ಗೆ ಏನು ಮಾಡೋದು ಅಂತ ಚಿಂತಿಸಬೇಡಿ. ಹಸಿವಾದಾಗ ಈ ಚೀಸ್ ಸೂಜಿ ಟೋಸ್ಟ್ (Cheese Suji Toast) ಒಮ್ಮೆ ತಿಂದ್ರೆ ಸಾಕು. ಬೆಳಗಿನ ತಿಂಡಿ ಅಥವಾ ಸಂಜೆ ಸ್ನ್ಯಾಕ್‌ಗೆ ನಿಮಿಷಗಳಲ್ಲಿ ಮಾಡಬಹುದು. ಹೌದು, ನಾವು ಹೇಳುತ್ತಿರುವುದು ಚೀಸ್, ರವೆ ಕಾಂಬಿನೇಷನ್ ಬಗ್ಗೆ. ಬೆಳಗಿನ ಉಪಾಹಾರ ಅಥವಾ ಸಂಜೆಯ ಹಸಿವನ್ನು ನಿವಾರಿಸಲು ಕೆಲವೇ ನಿಮಿಷಗಳಲ್ಲಿ ರುಚಿಕರವಾದ ಚೀಸ್ ಸೂಜಿ ಟೋಸ್ಟ್‌ ಮಾಡಬಹುದು. ಮಕ್ಕಳ ಟಿಫಿನ್ ಬಾಕ್ಸ್‌ಗೆ ಹೆಲ್ದಿ ಮತ್ತು ಟೇಸ್ಟಿ ರೆಸಿಪಿ. ಇದನ್ನು ರಾತ್ರಿಯ ಊಟಕ್ಕೂ ತಿನ್ನಬಹುದು.

ನೀವು ರುಚಿಯಲ್ಲಿ ಅದ್ಭುತವಾದ, ಆರೋಗ್ಯಕರ ಮತ್ತು ಕೆಲವೇ ನಿಮಿಷಗಳಲ್ಲಿ ತಯಾರಿಸಬಹುದಾದ ಏನನ್ನಾದರೂ ಮಾಡಲು ಬಯಸಿದರೆ, ಚೀಸ್ ರವೆ ಟೋಸ್ಟ್ ಅದ್ಭುತ ಆಯ್ಕೆಯಾಗಿದೆ. ಇದು ರವೆ ಮತ್ತು ತರಕಾರಿಗಳ ಆರೋಗ್ಯಕರ ಸಂಯೋಜನೆಯನ್ನು ಹೊಂದಿದೆ. ಇದರ ಮೇಲೆ ಚೀಸ್ ಅನ್ನು ಸೇರಿಸುವುದರಿಂದ ಇನ್ನಷ್ಟು ರುಚಿಕರವಾಗಿರುತ್ತದೆ. ಇದು ಮಕ್ಕಳ ಟಿಫಿನ್, ಸಂಜೆಯ ಸ್ನ್ಯಾಕ್ ಅಥವಾ ಲಘು ಭೋಜನಕ್ಕೆ ಸೂಕ್ತ ಎಂದು ಹೇಳಬಹುದು. ಹಾಗಾದರೆ, ಈ ಡಿಶ್‌ನ ಸುಲಭವಾದ ವಿಧಾನವನ್ನು (Cheese Suji Toast Recipe) ತಿಳಿಯೋಣ ಬನ್ನಿ.

ಚೀಸ್ ಸೂಜಿ ಟೋಸ್ಟ್ ತಯಾರಿಸಲು ಬೇಕಾಗುವ ಪದಾರ್ಥಗಳು

• ರವೆ (ಸೂಜಿ) - 1 ಕಪ್
• ಮೊಸರು - ಅರ್ಧ ಕಪ್
• ಚೀಸ್ - ಅರ್ಧ ಕಪ್ (ತುರಿದುಕೊಂಡಿದ್ದು)
• ಈರುಳ್ಳಿ - 1 (ಸಣ್ಣಗೆ ಹೆಚ್ಚಿದ್ದು)
• ಕ್ಯಾಪ್ಸಿಕಂ - 1 (ಸಣ್ಣಗೆ ಹೆಚ್ಚಿದ್ದು)
• ಹಸಿ ಮೆಣಸಿನಕಾಯಿ - 1 (ಸಣ್ಣಗೆ ಹೆಚ್ಚಿದ್ದು)
• ಕೊತ್ತಂಬರಿ ಸೊಪ್ಪು - 2 ಚಮಚ (ಸಣ್ಣಗೆ ಹೆಚ್ಚಿದ್ದು)
• ಉಪ್ಪು - ರುಚಿಗೆ ತಕ್ಕಷ್ಟು
• ಕಾಳುಮೆಣಸಿನ ಪುಡಿ - 1/4 ಚಮಚ
• ಬೇಯಿಸಿದ ಜೋಳದ ಕಾಳುಗಳು - ಕಾಲು ಕಪ್ (ಬೇಕಿದ್ದರೆ)
• ಎಣ್ಣೆ ಅಥವಾ ತುಪ್ಪ - ಟೋಸ್ಟ್ ಮಾಡಲು
• ಬ್ರೆಡ್ ಸ್ಲೈಸ್‌ಗಳು - 4 ರಿಂದ 6 ಸ್ಲೈಸ್‌ಗಳು

ಚೀಸ್ ಸೂಜಿ ಟೋಸ್ಟ್ ಮಾಡುವ ವಿಧಾನ

ಮೊದಲಿಗೆ, ಒಂದು ಬಟ್ಟಲಿನಲ್ಲಿ ರವೆ (ಸೂಜಿ) ಮತ್ತು ಮೊಸರನ್ನು ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ. 15 ರಿಂದ 20 ನಿಮಿಷಗಳ ಕಾಲ ಹಾಗೆಯೇ ಬಿಡಿ. ಅಗತ್ಯವಿದ್ದರೆ, ಸ್ವಲ್ಪ ನೀರು ಸೇರಿಸಿ ದಪ್ಪ ಪೇಸ್ಟ್ ಮಾಡಿ. ಈಗ ಅದಕ್ಕೆ ಸಣ್ಣಗೆ ಹೆಚ್ಚಿದ ಈರುಳ್ಳಿ, ಟೊಮ್ಯಾಟೊ, ಕ್ಯಾಪ್ಸಿಕಂ, ಜೋಳ, ಹಸಿ ಮೆಣಸಿನಕಾಯಿ, ಕೊತ್ತಂಬರಿ ಸೊಪ್ಪು, ಉಪ್ಪು ಮತ್ತು ಮೆಣಸಿನ ಪುಡಿ ಹಾಕಿ, ಚೆನ್ನಾಗಿ ಮಿಕ್ಸ್ ಮಾಡಿ.. ರವೆ ನೆನೆಯಲು ಈ ಹಿಟ್ಟನ್ನು 10 ನಿಮಿಷಗಳ ಕಾಲ ಬಿಡಿ.

ಈಗ ಬ್ರೆಡ್ ಸ್ಲೈಸ್ ತೆಗೆದುಕೊಂಡು ಅದರ ಒಂದು ಬದಿಯಲ್ಲಿ ತಯಾರಾದ ಹಿಟ್ಟನ್ನು ಚೆನ್ನಾಗಿ ಹರಡಿ. ಈಗ ಅದರ ಮೇಲೆ ತುರಿದ ಚೀಸ್ ಅನ್ನು ಹಾಕಿ. ನೀವು ಬಯಸಿದರೆ, ಚೀಸ್ ಜೊತೆಗೆ ಚಿಲ್ಲಿ ಫ್ಲೇಕ್ಸ್ ಅಥವಾ ಓರೆಗಾನೊ ಕೂಡಾ ಸಿಂಪಡಿಸಬಹುದು. ಈಗ, ಒಂದು ನಾನ್-ಸ್ಟಿಕ್ ತವಾ ತೆಗೆದುಕೊಂಡು ಬಿಸಿ ಮಾಡಿ, ಅದಕ್ಕೆ ಸ್ವಲ್ಪ ಬೆಣ್ಣೆ ಅಥವಾ ತುಪ್ಪವನ್ನು ಹಾಕಿ. ತಯಾರಾದ ಮಿಶ್ರಣವನ್ನು ಬ್ರೆಡ್ ಸ್ಲೈಸ್ ಮೇಲೆ ಹರಡಿ, ಬಿಸಿ ತವಾ ಮೇಲೆ ಹಾಕಿ ಕಡಿಮೆ ಉರಿಯಲ್ಲಿ ಗೋಲ್ಡನ್ ಬ್ರೌನ್ ಬರುವವರೆಗೆ ಟೋಸ್ಟ್ ಮಾಡಿ. ಎರಡೂ ಕಡೆ ಚೆನ್ನಾಗಿ ಟೋಸ್ಟ್ ಮಾಡಬೇಕು.

ನೆನಪಿಡಿ, ಚೀಸ್ ಚೆನ್ನಾಗಿ ಕರಗಬೇಕು. ನಂತರ ಅದನ್ನು ತೆಗೆದು ತಟ್ಟೆಗೆ ಹಾಕಿ. ಇಷ್ಟು ಮಾಡಿದರೆ, ಬಿಸಿ ಬಿಸಿಯಾದ ಚೀಸ್ ಸೂಜಿ ಟೋಸ್ಟ್ ಸಿದ್ಧ. ಈ ಚೀಸ್ ಸೂಜಿ ಟೋಸ್ಟ್ ಅನ್ನು ಟೊಮೆಟೊ ಕೆಚಪ್, ಅಥವಾ ಪುದೀನಾ ಚಟ್ನಿಯೊಂದಿಗೆ (ಹಸಿರು ಚಟ್ನಿ) ಸವಿಯಬಹುದು. ಮಕ್ಕಳಿಗೆ ಇದು ತುಂಬಾ ಇಷ್ಟವಾಗುತ್ತದೆ. ಹೋಟೆಲ್‌ನಲ್ಲಿ ಸಿಗುವ ರುಚಿಗಿಂತಲೂ ಇದು ಸೊಗಸಾಗಿರುತ್ತದೆ. ಒಮ್ಮೆ ಟ್ರೈ ಮಾಡಿ ನೋಡಿ.