ಬೆಳಗ್ಗೆ ತಿಂಡಿ ಮಾತ್ರವಲ್ಲ ಮಧ್ಯಾಹ್ನದ ಬಾಕ್ಸ್‌ಗೂ ಥಟ್ ಅಂತ ಮಾಡಿ ಕ್ಯಾಪ್ಸಿಕಂ ರೈಸ್!

ನೀವು ನಿತ್ಯ ಬೆಳಗ್ಗೆ ತಿಂಡಿಗೆ ವಿಭಿನ್ನ ರುಚಿ ಮಾಡುವ ಆಲೋಚನೆಯಲ್ಲಿರಬಹುದು. ಇಲ್ಲಿವೆ ಮಕ್ಕಳಿಗೆ ಮಧ್ಯಾಹ್ನದ ಊಟಕ್ಕೆ ಹಾಗೆ ನಿಮಗೂ ಮಧ್ಯಾಹ್ನದ ಬಾಕ್ಸ್‌ಗೂ ಇಂದು ವಿಭಿನ್ನ ತಿಂಡಿ ಮಾಡಬೇಕಾಬಹುದು. ಇಂತಹ ಸಮಯದಲ್ಲಿ ನೀವು ಯಾವುದಾದರು ಮಸಾಲೆ ಭರಿತ ಅದ್ಭುತ ರುಚಿಯ ಖಾದ್ಯ ಮಾಡಲು ಮುಂದಾಗುವುದು ನೋಡಬಹುದು. ಹಾಗೆ ಇಂತಹ ಸಮಯದಲ್ಲಿ ನೀವು ಅನ್ನದಿಂದ ಬೆಳಗ್ಗೆ ತಿಂಡಿ ಹಾಗೂ ಮಧ್ಯಾಹ್ನದ ಊಟ ಸೇರಿ ಒಂದೇ ಖಾದ್ಯ ಮಾಡಲು ಇಷ್ಟಪಡುತ್ತೀರಿ.

ಆದ್ರೆ ಬೆಳಗ್ಗೆಯ ಗಡಿ ಬಿಡಿಯಲ್ಲಿ ಎರಡು ಹೊತ್ತಿಗೆ ಒಂದೇ ಖಾದ್ಯ ಮಾಡುವುದು ಹೇಗೆ? ಅದರಲ್ಲೂ ಯಾವ ಖಾದ್ಯ ಬಹಳ ಕಡಿಮೆ ಸಮಯದಲ್ಲಿ ಕಡಿಮೆ ವಸ್ತುಗಳ ಬಳಸಿ ಮಾಡಬಹುದು ಎಂಬುದನ್ನು ಯೋಚಿಸುತ್ತೀರಿ. ಅದರಲ್ಲೂ ನಾವಿಂದು ಸುಲಭವಾಗಿ ಘಮ ಘಮ ಎನ್ನುವಂತಹ ಕ್ಯಾಪ್ಸಿಕಂ ಮಸಾಲ ರೈಸ್ ಅನ್ನು ಥಟ್ ಅಂತ ಮಾಡುವುದು ಹೇಗೆ ಅನ್ನೋದನ್ನು ನೋಡೋಣ.

ಅದರಲ್ಲೂ ಈ ಕ್ಯಾಪ್ಸಿಕಂ ರೈಸ್ ಅನ್ನು ನೀವು ಯಾವಾಗ ಬೇಕಾದರು ಮಾಡಬಹುದು, ಬೆಳಗ್ಗೆ ತಿಂಡಿಗೆ ಹಾಗೆ ಮಧ್ಯಾಹ್ನದ ಬಾಕ್ಸ್‌ಗೆ ಈ ರೈಸ್ ಅದ್ಭುತ ರುಚಿ ನೀಡಲಿದೆ. ಹಾಗಾದ್ರೆ ಈ ಕ್ಯಾಪ್ಸಿಕಂ ಮಸಾಲ ರೈಸ್ ಮಾಡೋದು ಹೇಗೆ ಅನ್ನೋದನ್ನು ನಾವಿಂದು ತಿಳಿದುಕೊಳ್ಳೋಣ.

ಕ್ಯಾಪ್ಸಿಕಂ ಮಸಾಲೆ ರೈಸ್ ಮಾಡಲು ಯಾವೆಲ್ಲಾ ಪದಾರ್ಥಗು ಬೇಕು? ಮಾಡುವ ವಿಧಾನವೇನು? ಮಾಡಲು ಎಷ್ಟು ಸಮಯ ಹಿಡಿಯಲಿದೆ ಎಂಬುದನ್ನು ನಾವಿಂದು ತಿಳಿದುಕೊಳ್ಳೋಣ.

ಕ್ಯಾಪ್ಸಿಕಂ ಮಸಾಲೆ ರೈಸ್ ಮಾಡಲು ಯಾವೆಲ್ಲಾ ಪದಾರ್ಥಗಳು ಬೇಕು?

• ಕ್ಯಾಪ್ಸಿಕಂ
• ಅನ್ನ
• ಸಾಸಿವೆ
• ಜೀರಿಗೆ
• ಈರುಳ್ಳಿ
• ಟೊಮೆಟೋ
• ಶುಂಠಿ ಬೆಳ್ಳುಳ್ಳಿ ಪೇಸ್ಟ್
• ಖಾರದ ಪುಡಿ
• ದನಿಯಾ ಪುಡಿ ಅರಶಿಣ
• ಉಪ್ಪು
• ಗರಂ ಮಸಾಲೆ
• ಎಣ್ಣೆ

ಕ್ಯಾಪ್ಸಿಕಂ ಮಸಾಲೆ ರೈಸ್ ಮಾಡುವ ವಿಧಾನವೇನು?

ಮೊದಲು ಒಂದು ಬಾಣಲೆ ಒಲೆ ಮೇಲಿಟ್ಟು ಎಣ್ಣೆ ಹಾಕಿಕೊಳ್ಳಿ. ಬಳಿಕ ಇದಕ್ಕೆ ಸಾಸಿವೆ, ಜೀರಿಗೆ, ಒಣ ಮೆಣಸು, ಈರುಳ್ಳಿ ಕತ್ತರಿಸಿ ಹಾಕಿ 2 ನಿಮಿಷ ಫ್ರೈ ಮಾಡಿ. ಹಾಗೆ ಶುಂಠಿ ಬೆಳ್ಳುಳ್ಳಿ ಪೇಸ್ಟ್ ಸಹ ಹಾಕಿ 2 ನಿಮಿಷ ಫ್ರೈ ಮಾಡಿ. ಈಗ ಒಂದು ಕ್ಯಾಪ್ಸಿಕಂ ಅನ್ನು ಸಹ ಹೆಚ್ಚಿಕೊಂಡು ಇದಕ್ಕೆ ಹಾಕಿ 2 ನಿಮಿಷ ಫ್ರೈ ಮಾಡಿ.

ಈಗ ಚಿಕ್ಕದಾಗಿ ಕತ್ತರಿಸಿಕೊಂಡಿರುವ ಟೊಮೆಟೋವನ್ನು ಸಹ ಇದಕ್ಕೆ ಹಾಕಿ ಮಿಕ್ಸ್ ಮಾಡಿಕೊಳ್ಳಿ, ಜೊತೆಗೆ ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ ಮತ್ತೆ 2 ನಿಮಿಷಗಳ ಕಾಲ ಫ್ರೈ ಮಾಡಿಕೊಳ್ಳಿ. ಈಗ ಖಾರದ ಪುಡಿ, ಗರ ಮಸಾಲೆ, ಅರಶಿಣ, ಹಾಕಿಕೊಂಡು ಮಿಕ್ಸ್ ಮಾಡಿಕೊಂಡು ಫ್ರೈ ಮಾಡಿಕೊಳ್ಳಿ. ಎಲ್ಲಾ ಮಸಾಲೆ ಫ್ರೈ ಆದ ಬಳಿಕ ಈಗ ಉರಿಯನ್ನು ಸಂಪೂರ್ಣ ಸಣ್ಣಗೆ ಇಟ್ಟುಕೊಳ್ಳಿ.

ಈಗ ಮೊದಲೇ ಮಾಡಿರುವ ಹುಡಿ ಹುಡಿಯಾದ ಅನ್ನವನ್ನು ಬಾಣಲೆಗೆ ಹಾಕಿಕೊಳ್ಳಬೇಕು. ಇದಕ್ಕೆ ನಿಂಬೆ ಹಣ್ಣಿನ ರಸ ಹಾಕಿ ಮಿಕ್ಸ್ ಮಾಡಿಕೊಳ್ಳಿ ಎಲ್ಲಾ ಮಸಾಲೆಗಳು ಚೆನ್ನಾಗಿ ಅನ್ನಕ್ಕೆ ಹಿಡಿಯುವಂತೆ ಕಲಸಿಕೊಳ್ಳಬೇಕು. ಚೆನ್ನಾಗಿ 2 ನಿಮಿಷ ಕಲಸಿಕೊಂಡರೆ ನಿಮ್ಮ ಮುಂದೆ ಕ್ಯಾಪ್ಸಿಕಂ ಮಸಾಲ ರೈಸ್ ರೆಡಿಯಾಗುತ್ತೆ, ನೀವಿದನ್ನು ಬೆಳಗ್ಗೆ ತಿಂಡಿಗೆ ಹಾಗೆ ಮಧ್ಯಾಹ್ನದ ಬಾಕ್ಸ್‌ಗೆ ಹಾಕಿಕೊಂಡು ಹೋಗಬಹುದು. ರುಚಿಯಲ್ಲೂ ಇದು ಎತ್ತಿದ ಕೈ. ನೀವು ಕೂಡ ಮನೆಯಲ್ಲಿ ಈ ಖಾದ್ಯ ಒಮ್ಮೆ ಸವಿದು ನೋಡಿ. ಸುಲಭವಾಗಿ ಮಾಡಬಹುದಾದ ಕೆಲವೇ ಕೆಲವು ಖಾದ್ಯದಲ್ಲಿ ಇದು ಕೂಡ ಒಂದಾಗಿದೆ.