ಊಟದ ರುಚಿ ಹೆಚ್ಚಿಸುವ ಬೀಟ್ರೂಟ್ ಪಚಡಿ ಮಾಡಿ ನೋಡಿ! ಇಲ್ಲಿದೆ ಸುಲಭದ ರೆಸಿಪಿ..!

ಊಟದ ಜೊತೆಗೆ ಪಲ್ಯ, ಚಟ್ನಿ ಇದ್ದರೆ ಊಟದ ರುಚಿ ಹೆಚ್ಚಿಸೋದು ಖಚಿತ. ಹೀಗಾಗಿ ಸಾಂಬಾರ್ ಜೊತೆಗೆ ಚಟ್ನಿ, ಇಲ್ಲವೆ ಯಾವುದಾದರು ಸೈಡ್ಸ್‌ ಸವಿಯುತ್ತೇವೆ. ಹಾಗೆ ಪಚಮಿ ಕೂಡ ಎಲ್ಲರಿಗೂ ಇಷ್ಟವಾಗುವ ರೆಸಿಪಿ. ಅದ್ರಲ್ಲೂ ಸೌತೆಕಾಯಿ ಬಳಸಿ ಮಾಡುವಂತಹ ಪಚಡಿ ಬಹಳ ರುಚಿಕರವಾಗಿರಲಿದೆ ನೀವು ಕೂಡ ಈ ಸೌತೆಕಾಯಿಯ ಪಚಡಿ ಮಾಡಿ ಸವಿದಿರುತ್ತೀರಿ.

ನಾವಿಂದು ಸೌತೆಕಾಯಿ ಬದಲಿಗೆ ರುಚಿ ರುಚಿಯ ಬೀಟ್ರೂಟ್ ಪಚಡಿ ಮಾಡುವ ಕುರಿತಾಗಿ ತಿಳಿದುಕೊಳ್ಳೋಣ. ಬೀಟ್ರೂಟ್‌ ಬಳಸಿ ಮಾಡುವ ಎಲ್ಲಾ ಖಾದ್ಯಗಳು ಅದ್ಭುತ ರುಚಿ ನೀಡಲಿವೆ. ಊಟ ತಿಂಡಿಯೊಂದಿಗೆ ನಿಮಗೆ ರುಚಿಕರ ಸ್ವಾದ ನೀಡಲಿವೆ. ಅದರಲ್ಲೂ ಬೀಟ್ರೂಟ್ ಪಲ್ಯ ಎಲ್ಲರಿಗೂ ಇಷ್ಟವಾಗುವಂತಹ ಖಾದ್ಯ ಎನ್ನಬಹುದು.

ಆದ್ರೆ ನಾವಿಂದು ರುಚಿ ರುಚಿಯಾಗಿ ಬೀಟ್ರೂಟ್ ಪಚಟಿ ಮಾಡುವುದು ಹೇಗೆ ನೋಡೋಣ. ಇದನ್ನು ನೀವು ಊಟದೊಂದಿಗೆ ಸವಿಯಲು ಬಹಳ ರುಚಿ ನೀಡಲಿದೆ. ಹಾಗೆ ತಿಂಡಿಯೊಂದಿಗೂ ಕೂಡ ರುಚಿ ದುಪ್ಪಟ್ಟಾಗಲಿದೆ. ಹಾಗಾದ್ರೆ ಈ ಬೀಟ್ರೂಟ್ ಪಚಡಿ ಮಾಡಲು ಯಾವೆಲ್ಲಾ ಪದಾರ್ಥಗಳು ಬೇಕು?, ಮಾಡುವುದು ಹೇಗೆ? ಎಷ್ಟು ಸಮಯ ಹಿಡಿಯಲಿದೆ ಎಂಬುದನ್ನು ನಾವಿಂದು ತಿಳಿದುಕೊಳ್ಳೋಣ.

ಬೀಟ್ರೂಟ್ ಪಚಡಿ ಮಾಡಲು ಯಾವೆಲ್ಲಾ ಪದಾರ್ಥಗಳು ಬೇಕು?

• ಬೀಟ್ರೂಟ್
• ತೆಂಗಿನಕಾಯಿ
• ಹಸಿ ಮೆಣಸಿನಕಾಯಿ
• ಈರುಳ್ಳಿ
• ಜೀರಿಗೆ
• ಮೊಸರು
• ಕೊತ್ತಂಬರಿ ಸೊಪ್ಪು
• ಸಾಸಿವೆ
• ಇಂಗು
• ಉದ್ದಿನ ಬೇಳೆ
• ಒಣ ಮೆಣಸು
• ಕರಿಬೇವು
• ಅಡುಗೆ ಎಣ್ಣೆ
• ರುಚಿಗೆ ತಕ್ಕಷ್ಟು ಉಪ್ಪು

ಬೀಟ್ರೂಟ್ ಪಚಡಿ ಮಾಡುವುದು ಹೇಗೆ?

ಮೊದಲಿ ಬೀಟ್ರೂಟ್ ಸಿಪ್ಪೆ ತೆಗೆದು ಅನ್ನು ಕ್ಯಾರೆಟ್‌ನಂತೆ ತುರಿದು ಇಟ್ಟುಕೊಳ್ಳಿ. ಈಗ ಒಲೆ ಮೇಲೆ ಒಂದು ಬಾಣಲೆ ಇಟ್ಟು ಅದಕ್ಕೆ ಎಣ್ಣೆ ಹಾಕಿಕೊಂಡು ಬಳಿಕ ತುರಿದುಕೊಂಡಿರುವ ಈ ಬೀಟ್ರೂಟ್ ಅನ್ನು ಹಾಕಿಕೊಂಡು ಚೆನ್ನಾಗಿ ಮಿಕ್ಸ್ ಮಾಡಿ. ಹಾಗೆ ಇದಕ್ಕೆ ಉಪ್ಪು ಹಾಕಿ 4 ನಿಮಿಷ ಬೇಯಿಸಿಕೊಳ್ಳಬೇಕು.

ಈ ನಡುವೆ ಬೀಟ್ರೂಟ್ ಬೇಯಲು ಬಿಟ್ಟು ಒಂದು ಮಿಕ್ಸಿ ಜಾರ್‌ಗೆ ಅರ್ಧ ಕಪ್ ತೆಂಗಿನಕಾಯಿ, ಹಸಿ ಮೆಣಸು, ಈರುಳ್ಳಿ 1, ಜೀರಿಗೆ ಹಾಕಿ ನೀರು ಹಾಕದೆ ತರಿ ತರಿಯಾಗಿ ರುಬ್ಬಿಕೊಳ್ಳಬೇಕು. ಈಗ ಈ ರುಬ್ಬಿದ ಮಿಶ್ರಣವನ್ನು ಬೆಂದಿರುವ ಬೀಟ್ರೂಟ್‌ಗೆ ಹಾಕಿ ಮಿಕ್ಸ್ ಮಾಡಿ. ನಂತರ ಇದನ್ನು 2 ರಿಂದ 3 ನಿಮಿಷ ಚೆನ್ನಾಗಿ ಬೇಯಿಸಿಕೊಳ್ಳಿ.

ಈಗ ಒಲೆ ಆಫ್ ಮಾಡಿಕೊಂಡು ಅರ್ಧ ಕಪ್ ಗಟ್ಟಿ ಮೊಸರಿಗೆ ಸ್ವಲ್ಪವೇ ಸ್ವಲ್ಪ ನೀರು ಹಾಕಿಕೊಂಡು ಗಂಟುಗಳು ಇಲ್ಲದಂತೆ ಕಲಸಿಕೊಂಡು ಬೀಟ್ರೂಟ್‌ಗೆ ಹಾಕಿ ಸಣ್ಣದಾಗಿ ಹೆಚ್ಚಿದ ಕೊತ್ತಂಬರಿ ಸೊಪ್ಪು ಸಹ ಹಾಕಿ ಮಿಕ್ಸ್ ಮಾಡಿಕೊಳ್ಳಿ. ಈಗ ಒಂದು ಸಣ್ಣ ಬಾಣಲೆ ಇಟ್ಟು ಅದಕ್ಕೆ ಎಣ್ಣೆ ಹಾಕಿ ಸಾಸಿವೆ, ಜೀರಗೆ ಕಡಲೆ ಬೇಳೆ, ಉದ್ದಿನ ಬೇಳೆ, ಕರಿಬೇವು, ಒಣ ಮೆಣಸು ಹಾಕಿಕೊಂಡು ಒಂದು ಒಗ್ಗರಣೆ ರೆಡಿ ಮಾಡಿಕೊಂಡು ಪಚಡಿಗೆ ಹಾಕಿ ಒಮ್ಮೆ ಮಿಶ್ರಣ ಮಾಡಿ. ಇಷ್ಟಾದರೆ ನಿಮ್ಮ ಮುಂದೆ ರುಚಿ ರುಚಿಯ ಬೀಟ್ರೂಟ್ ಪಚಡಿ ರೆಡಿಯಾಗಲಿದೆ. ನೀವು ಕೂಡ ಮನೆಯಲ್ಲಿ ಇದನ್ನೊಮ್ಮೆ ಟ್ರೈ ಮಾಡಿ ನೋಡಿ. ಊಟ, ತಿಂಡಿಯ ಜೊತೆಗೆ ಇಂದು ಬಹಳ ರುಚಿ ನೀಡಲಿದೆ. ಹಾಗೆ