ಆಹಾ! ಎಷ್ಟೊಂದು ರುಚಿಕರ ಈ ಬಾದಾಮಿ ಪೂರಿ: ಮಾಡುವುದು ಹೇಗೆ?

ಬಾದಾಮಿ ಪೂರಿ ತುಂಬಾ ರುಚಿಕರವಾದ ತಿಂಡಿಯಾಗಿದೆ. ಬಾದಾಮಿ ಪೂರಿ ಸವಿಯುತ್ತಿದ್ದರೆ ಒಂದು- ಎರಡು ಅಂತ ಪೂರಿ ಹೊಟ್ಟೆಯೊಳಗೆ ಹೋಗುವುದೇ ಗೊತ್ತಾಗುವುದಿಲ್ಲ. ಈ ಬಾದಾಮಿ ಪೂರಿ ಮಾಡುವುದು ಸುಲಭ, ಪೂರಿಮಾಡಿದಂತೆಯೇ ಆದರೆ ಅದಕ್ಕೆ ಹಾಕುವ ಹಾಲಿನ ಮಿಶ್ರಣ ಇದ್ದರೆ ಸಾಕು ಬೊಂಬಾಟ್‌ ಬಾದಾಮಿ ಪೂರಿ ರೆಡಿ. ಈ ಬಾದಾಮಿ ಪೂರಿ ಸವಿಯುತ್ತಿದ್ದರೆ ಅದರ ರುಚಿಗೆ ಹೊಟ್ಟೆ ತುಂಬಿದರೂ ತಿನ್ನುವುದು ಸ್ಟಾಪ್ ಮಾಡುವುದಕ್ಕೆ ಇಷ್ಟವಾಗುವುದಿಲ್ಲ.

ಬೇಕಾಗುವ ಸಾಮಗ್ರಿ

2-3 ಚಮಚ ಗಸೆಗಸೆ
1 ಚಮಚ ಹುರಿಗಡಲೆ
ಮೈದಾ 1/2 ಕಪ್‌
ಗೋಧಿ ಹಿಟ್ಟು 1/2 ಕಪ್
ರುಚಿಗೆ ತಕ್ಕ ಉಪ್ಪು
ತೆಂಗಿನ ತುರಿ 1 ಕಪ್
ಬಾದಾಮಿ 8-10
5-6 ಗೋಡಂಬಿ
ಏಲಕ್ಕಿ 2
ಬೆಲ್ಲ 1/2 ಕಪ್‌
ಎಣ್ಣೆ 1 ಕಪ್‌

ಮಾಡುವ ವಿಧಾನ

• ನೀವು ಮೈದಾ ಹಾಗೂ ಗೋಧಿ ಹಿಟ್ಟು ಮಿಕ್ಸ್ ಮಾಡಿಡಿ. ಚಪಾತಿಗೆಕಲೆಸುವಂತೆ ಕಲೆಸಿ ಒಂದು ಗಂಟೆ ಇಡಿ.
• ಇದೇ ಸಮಯದಲ್ಲಿ ಹುರಿಗಡಲೆ ಹಾಗೂ ಗಸೆ ಹುರಿಯಿರಿ
• 8-10 ಬಾದಾಮಿ ಕೂಡ ರೋಸ್ಟ್‌ ಮಾಡಿ
• 1 ಕಪ್‌ ತೆಂಗಿನ ತುರಿಯನ್ನು ಮಿಕ್ಸಿ ಜಾರ್‌ನಲ್ಲಿ ಸೇರಿಸಿ, ಈಗ ಅದೇ ಜಾರ್‌ಗೆ ನೀವು ರೋಸ್ಟ್‌ ಮಾಡಿಟ್ಟ ಬಾದಾಮಿ, ಗಸೆಗಸೆ, ಹುರಿಗಡಲೆ ಸೇರಿಸಿ.
• 4-5 ಗೋಡಂಬಿ, 2 ಏಲಕ್ಕಿ ಕೂಡ ಸೇರಿಸಿ
• ನಂತರ ನುಣ್ಣನೆ ರುಬ್ಬಿ
• ಈಗ ಬೆಲ್ಲದ ಪಾಕ ತಯಾರಿಸಿ
• ಈಗ ನೀವು ಕಾಯಿ ಹಾಲಿನ ಮಿಶ್ರಣ ಸೋಸಿ ಕಾಯಿಸಿ
• ನಂತರ ಬೆಲ್ಲದ ಪಾಕ ಸೇರಿಸಿ
• ಮಿಶ್ರಣ ಕುದಿ ಬಂದ ಮೇಲೆ ಉರಿಯಿಂದ ಇಳಿಸಿ ಇಡಿ.
• ಈಗ ಬಾಣಲೆಗೆ ಎಣ್ಣೆ ಹಾಕಿ, ಎಣ್ಣೆ ಬಿಸಿ ಮಾಡಿ
• ನಂತರ ಪೂರಿಗೆ ಲಟ್ಟಿಸಿ ಎಣ್ಣೆಗೆ ಹಾಕಿ
• ರೆಡಿಯಾದ ಪೂರಿಯ ಮೇಲೆ ಕಾಯಿ ಹಾಲಿನ ಮಿಶ್ರಣ ಹಾಕಿ, ತುಪ್ಪ ಹಾಕಿ ಸರ್ವ್‌ ಮಾಡಿ ರುಚಿ ಬೊಂಬಾಟ್‌ ಆಗಿರುತ್ತದೆ.

ಇತರ ಸಲಹೆ

• ನೀವು ಪೂರಿಯನ್ನು ಬರೀ ಮೈದಾದಿಂದಲೂ ಮಾಡಬಹುದು
• ಮೈದಾ ಬೇಡ ಗೋಧಿ ಪೂರಿ ಸಾಕು ಅಂದರೆ ಅದರಿಂದಲೂ ಮಾಡಬಹುದು
• ಈ ಪೂರಿ ಬಿಸಿ ಬಿಸಿ ತಿನ್ನಬಹುದು,ತಣ್ಣಗಾದ ಮೇಲೂ ತಿನ್ನಬಹುದು
• ಬೇಸಿಗೆಯ ಸಮಯದಲ್ಲಿ ಕಾಯಿ ಹಾಲನ್ನು ಫ್ರಿಡ್ಜ್‌ನಲ್ಲಿಟ್ಟು ನಂತರ ಸರ್ವ್ ಮಾಡಿದರೆ ಇನ್ನೂ ಟೇಸ್ಟ್‌ ಅನಿಸುವುದು.
• ಮನೆಯಲ್ಲಿ ವಿಶೇಷ ಸಂದರ್ಭವಿದ್ದಾಗ ಇದನ್ನು ಮಾಡುವುದು ಸೂಕ್ತ.

ನೀವು ಬಾದಾಮ್‌ ಪೂರಿಗೆ ಹಿಟ್ಟು ಕಲೆಸಿ ಒಂದೆರಡು ತಾಸು ಇಟ್ಟರೆ ಒಳ್ಳೆಯದು. ಇನ್ನು ಕಲೆಸುವಾಗ ನೀರಿನ ಬದಲಿಗೆ ಹಾಲು ಹಾಕಿ ಕೂಡ ಸರ್ವ್ ಮಾಡಬಹುದು. ಈ ಬಾದಾಮಿ ಪೂರಿ ಸರ್ವ್‌ ಮಾಡುವಾದ ಅದರ ಮೇಲೆ ಬಾದಾಮಿ , ಪಿಸ್ತಾ ಪುಡಿ ಮಾಡಿಉದುರಿಸಿ ಸರ್ವ್‌ ಮಾಡಿದರೆ ಬ್ರೇಕ್‌ಫಾಸ್ಟ್ ಮತ್ತಷ್ಟು ರಾಯಲ್ ಆಗುವುದು.

ರೆಸ್ಟೋರೆಂಟ್‌, ಹೋಂಸ್ಟೇ ಇರುವವರು ಈ ರೀತಿ ಸರ್ವ್‌ ಮಾಡಿದರೆ ತಮ್ಮ ಗ್ರಾಹಕರಿಂದ ಉತ್ತಮ ಫೀಡ್‌ಬ್ಯಾಕ್‌ ಪಡೆಯಬಹುದು.