ಮಾಮೂಲಿ ಪೂರಿ​​ ಅಲ್ಲ.. ಘಮಘಮಿಸುವ ಈ ಹಿಂಗ್ ಪೂರಿ ಮಾಡಿ! ಸಾಫ್ಟ್ & ಗರಿಗರಿ.. ಮಾಡೋದು ಅತೀ ಸರಳ

ಈ ಕಾಂಬಿನೇಷನ್ ಒಂದಿದ್ದರೆ ಸಾಕು! ಹೊಟ್ಟೆ ತುಂಬಾ ಊಟ ಗ್ಯಾರಂಟಿ. ಸಾಮಾನ್ಯ ಪೂರಿಗಿಂತ ಈ 'ಹಿಂಗ್ ಪೂರಿ' (Hing Ki Puri) ಸಖತ್ ಸ್ಪೆಷಲ್, ಮಾಡುವ ವಿಧಾನ ಅತೀ ಸರಳ. ಹೌದು, ಪುರಿ ಎಂದರೆ ಯಾರಿಗೆ ತಾನೇ ಇಷ್ಟವಿಲ್ಲ? ಆದರೆ, ಇಂಗನ್ನು ಬಳಸಿ ತಯಾರಿಸುವ ಈ ಪುರಿ ರುಚಿಯ ಜೊತೆಗೆ ಜೀರ್ಣಕ್ರಿಯೆಗೂ ಸಹಕಾರಿ.

ಹಬ್ಬದ ದಿನಗಳಲ್ಲಿ ಅಥವಾ ವಾರಾಂತ್ಯದ ವಿಶೇಷ ಉಪಹಾರಕ್ಕಾಗಿ ಈ ಸುಲಭ ಇಂಗಿನ ಪೂರಿಯನ್ನು ತಯಾರಿಸಬಹುದು. ಆಲೂಗೆಡ್ಡೆ ಪಲ್ಯ ಅಥವಾ ಕುರ್ಮಾದೊಂದಿಗೆ ಇದು ಅದ್ಭುತವಾಗಿ ಸವಿಯಲು ಹೇಳಿ ಮಾಡಿಸಿದಂತಿದೆ. ಸಾಮಾನ್ಯ ಪುರಿ ತಿಂದರೆ ಕೆಲವರಿಗೆ ಹೊಟ್ಟೆ ಉಬ್ಬರ ಅಥವಾ ಗ್ಯಾಸ್ಟ್ರಿಕ್ ಸಮಸ್ಯೆ ಕಾಡುತ್ತದೆ. ಆದರೆ, 'ಇಂಗಿನ ಪೂರಿ' (Heeng Poori Recipe) ಇಂತಹ ಸಮಸ್ಯೆ ನಿವಾರಿಸಿ, ಹೊಸ ರುಚಿ ಬಯಸುವವರಿಗೆ ಅತ್ಯುತ್ತಮ ಆಯ್ಕೆ.

ಇಂಗು ಕೇವಲ ಸುವಾಸನೆ ನೀಡದೆ, ಜೀರ್ಣಕ್ರಿಯೆಯನ್ನು ಸುಲಭಗೊಳಿಸಲು ಸಹಾಯ ಮಾಡುತ್ತದೆ. ಹಬ್ಬಗಳು, ವಿಶೇಷ ಸಮಾರಂಭಗಳು ಅಥವಾ ವಾರಾಂತ್ಯದ ಮಧ್ಯಾಹ್ನದ ಊಟಕ್ಕೆ ಇದು ಪರಿಪೂರ್ಣ ರೆಸಿಪಿ ಆಗಿದೆ. ಇಂಗಿನ ಪೂರಿಯ (Poori) ವಿಶೇಷತೆ ಏನೆಂದರೆ, ಇದು ಸಾಮಾನ್ಯ ಪುರಿಗಿಂತ ಭಿನ್ನವಾಗಿದ್ದು, ವಿಶಿಷ್ಟ ರುಚಿ ಹೊಂದಿದೆ.

ಹಿಟ್ಟನ್ನು ಕಲಸುವಾಗಲೇ ಇಂಗು ಮತ್ತು ಅಜ್ವಾನವನ್ನು ಸೇರಿಸುವುದರಿಂದ ಪ್ರತಿ ತುತ್ತಿನಲ್ಲೂ ಭಿನ್ನವಾದ ಸ್ವಾದ ಸಿಗುತ್ತದೆ. ಇದು ತಿನ್ನಲು ಹಗುರವಾಗಿದ್ದು, ಹೊಟ್ಟೆ ಭಾರವಾದ ಅನುಭವ ನೀಡುವುದಿಲ್ಲ. ಜೀರ್ಣಕ್ರಿಯೆಗೆ ಸಹಕಾರಿ ಆಗಿರುವುದರಿಂದ ಯಾವುದೇ ಆತಂಕವಿಲ್ಲದೆ ಸವಿಯಬಹುದು. ಇಂಗಿನ ಪೂರಿ (Puri) ತಯಾರಿಸಲು ಬೇಕಾಗುವ ಸಾಮಗ್ರಿಗಳು ಮತ್ತು ಮಾಡುವ ಸರಳ ವಿಧಾನ ಇಲ್ಲಿದೆ.

ಇಂಗಿನ ಪೂರಿಗೆ ಬೇಕಾಗುವ ಸಾಮಗ್ರಿಗಳು

• ಗೋಧಿ ಹಿಟ್ಟು
• ಚಿರೋಟಿ ರವೆ (ಸೂಜಿ)
• ಇಂಗು
• ಅಜ್ವಾನ
• ರುಚಿಗೆ ತಕ್ಕಷ್ಟು ಉಪ್ಪು
• ಎಣ್ಣೆ ಅಥವಾ ತುಪ್ಪ
• ನೀರು
• ಕರಿಯಲು ಎಣ್ಣೆ

ಇಂಗಿನ ಪೂರಿ ತಯಾರಿಸುವ ಸರಳ ವಿಧಾನ

- ಮೊದಲಿಗೆ, ಒಂದು ದೊಡ್ಡ ಪಾತ್ರೆಯಲ್ಲಿ ಗೋಧಿ ಹಿಟ್ಟು, ರವೆ, ಉಪ್ಪು, ಅಜ್ವಾನ ಮತ್ತು ಇಂಗನ್ನು ಒಟ್ಟಿಗೆ ಸೇರಿಸಿ.

- ಇದಕ್ಕೆ ಒಂದು ಚಮಚ ಬಿಸಿ ಎಣ್ಣೆ ಅಥವಾ ತುಪ್ಪವನ್ನು ಸೇರಿಸಿ ಕೈಯಿಂದ ಚೆನ್ನಾಗಿ ಮಿಕ್ಸ್ ಮಾಡಿ. ಇದು ಪುರಿ ಮೃದುವಾಗಿ ಬರುವುದನ್ನು ಖಚಿತಪಡಿಸುತ್ತದೆ.

- ನಂತರ, ಸ್ವಲ್ಪ ಸ್ವಲ್ಪವೇ ನೀರನ್ನು ಸೇರಿಸುತ್ತಾ ಚಪಾತಿ ಹಿಟ್ಟಿಗಿಂತ ಸ್ವಲ್ಪ ಗಟ್ಟಿಯಾದ ಮೃದುವಾದ ಹಿಟ್ಟನ್ನು ಕಲಸಿಕೊಳ್ಳಿ.

- ಕಲಸಿದ ಹಿಟ್ಟನ್ನು ಒಂದು ಬಟ್ಟೆಯಿಂದ ಮುಚ್ಚಿ 10 ರಿಂದ 15 ನಿಮಿಷಗಳ ಕಾಲ ನೆನೆಯಲು ಬಿಡಿ.

- ಹಿಟ್ಟು ನೆನೆದ ನಂತರ, ಅದನ್ನು ಮತ್ತೊಮ್ಮೆ ನಾದಿ ಸಣ್ಣ ಸಣ್ಣ ಉಂಡೆಗಳನ್ನಾಗಿ ಮಾಡಿಕೊಳ್ಳಿ.

- ನಂತರ ಎಣ್ಣೆ ಅಥವಾ ಒಣ ಹಿಟ್ಟು ಬಳಸಿ ಮಧ್ಯಮ ಗಾತ್ರದ ಪುರಿಗಳನ್ನಾಗಿ ಲಟ್ಟಿಸಿಕೊಳ್ಳಿ.

- ಈಗ ಬಾಣಲೆಯಲ್ಲಿ ಎಣ್ಣೆಯನ್ನು ಕಾಯಲು ಇಡಿ. ಎಣ್ಣೆ ಚೆನ್ನಾಗಿ ಬಿಸಿಯಾದ ನಂತರ ಲಟ್ಟಿಸಿದ ಪುರಿಯನ್ನು ಹಾಕಿ ಎರಡೂ ಕಡೆ ಚಿನ್ನದ ಬಣ್ಣ ಬರುವವರೆಗೆ ಕರಿಯಿರಿ.

- ಪೂರಿ ಉಬ್ಬಲು ಸೌಟಿನಿಂದ ಲಘುವಾಗಿ ಒತ್ತಿರಿ. ಕರಿದ ಪುರಿಗಳನ್ನು ಟಿಶ್ಯೂ ಪೇಪರ್ ಮೇಲೆ ಇರಿಸಿ ಇದರಿಂದ ಹೆಚ್ಚಿನ ಎಣ್ಣೆ ಹೀರಿಕೊಳ್ಳುತ್ತದೆ.

ಸವಿಯುವುದು / ಬಡಿಸುವುದು ಹೇಗೆ?

ಈ ಘಮಘಮಿಸುವ ಇಂಗಿನ ಪೂರಿಯನ್ನು ಆಲೂಗೆಡ್ಡೆ ಸಾಗು (ಆಲೂ ಬಾಜಿ), ಚನಾ ಮಸಾಲಾ ಅಥವಾ ಗಟ್ಟಿ ಮೊಸರಿನೊಂದಿಗೆ ಸವಿಯಲು ತುಂಬಾ ರುಚಿಯಾಗಿರುತ್ತದೆ. ಮನೆಯಲ್ಲಿ ಅತಿಥಿಗಳು ಬಂದಾಗ ಅಥವಾ ಏನಾದರೂ ವಿಭಿನ್ನವಾಗಿ ತಿನ್ನಬೇಕು ಎನಿಸಿದಾಗ, ಈ ಇಂಗಿನ ಪೂರಿ ರೆಸಿಪಿಯನ್ನು ಖಂಡಿತಾ ಪ್ರಯತ್ನಿಸಿ. ಇದು ರುಚಿಯ ಜೊತೆಗೆ ನಿಮ್ಮ ಆರೋಗ್ಯವನ್ನೂ ಕಾಪಾಡುತ್ತೆ.