Oats Laddu Recipe: ಈ ಲಡ್ಡು ಸೇವಿಸಿದರೆ ಮೈ ತೂಕ ಹೆಚ್ಚಲ್ಲ

ತೂಕ ಇಳಿಕೆಗಾಗಿ ಡಯಟ್ (ಆಹಾರಕ್ರಮ) ಪಾಲಿಸುವಾಗ ಸಿಹಿ ತಿನ್ನಬಾರದು, ಅದಿಕ ಕೊಲೆಸ್ಟ್ರಾಲ್ ಇರುವ ಆಹಾರಗಳನ್ನು ತಿನ್ನಬಾರದೆಂದು ಅವುಗಳೆನ್ನೆಲ್ಲಾ ದೂರವಿಡುತ್ತಾರೆ. ಆದರೆ ನಮ್ಮ ನಾಲಗೆ ಮಾತ್ರ ರುಚಿಯಾದ ಆಹಾರವನ್ನು ಬಯಸುತ್ತದೆ.

ಡಯಟ್‌ ಹೆಸರಿನಲ್ಲಿ ಪಥ್ಯ ಆಹಾರ ಸೇವಿಸುವುದು ಅಥವಾ ಒಂದೇ ಬಗೆಯ ಆಹಾರ ಸೇವಿಸುವುದು ಮಾಡಿದರೆ ಸಕತ್ ಬೋರ್ ಅನಿಸುವುದು. ಇಲ್ಲಿ ನಾವು ನಿಮಗೆ ಆರೋಗ್ಯಕರವಾದ ಲಡ್ಡು ರೆಸಿಪಿ ನೀಡಿದ್ದೇವೆ. ನಿಮಗೆ ಸಿಹಿ ತಿನ್ನಬೇಕೆಂದು ಅನಿಸಿದಾಗ ತೂಕ ಹೆಚ್ಚಾಗುತ್ತದೆ ಎಂಬ ಭಯವಿಲ್ಲದೇ ಸವಿಯಬಹುದಾದ ಲಡ್ಡು ರೆಸಿಪಿ ಇದಾಗಿದೆ.

ಇದನ್ನು ಓಟ್ಸ್ ಬಳಸಿ ಮಾಡಲಾಗಿದ್ದು, ರೆಸಿಪಿ ತುಂಬಾ ಸರಳವಾಗಿದ್ದು ಬನ್ನಿ ರೆಸಿಪಿ ಮಾಡುವುದು ಹೇಗೆ ಎಂದು ನೋಡೋಣ:

Healthy Oats Laddu Recipe,ಈ ಲಡ್ಡು ಸೇವಿಸಿದರೆ ಮೈ ತೂಕ ಹೆಚ್ಚಲ್ಲ

Prep Time

10 Mins

Cook Time

10M

Total Time

20 Mins

Recipe By: Anjali Rao

Recipe Type: Sweets

Serves: 2

Ingredients

ಬೇಕಾಗುವ ಸಾಮಗ್ರಿ

1 ಕಪ್ ಓಟ್ಸ್

1 ಚಮಚ ವಾಲ್ನಟ್ ಪುಡಿ

1 ಚಮಚ ಬಾದಾಮಿ ಪುಡಿ

2 ಚಮಚ ಎಳ್ಳು

2 ಚಮಚ ತುಪ್ಪ

2 ಚಮಚ ಬೆಲ್ಲ

1 ಚಿಕ್ಕ ಚಮಚ ಏಲಕ್ಕಿ ಪುಡಿ

2 ಚಮಚ ಹಾಲು

How to Prepare

ಮಾಡುವ ವಿಧಾನ

* ಮೊದಲಿಗೆ ಪ್ಯಾನ್‌ ಬಿಸಿ ಮಾಡಿ ಅದಕ್ಕೆ ಓಟ್ಸ್ ಹಾಕಿ 2-3 ನಿಮಿಷ ರೋಸ್ಟ್ ಮಾಡಿ ಒಂದು ಪಾತ್ರೆಯಲ್ಲಿ ಹಾಕಿಡಿ.

* ನಂತರ ಎಳ್ಳು ಹಾಕಿ 2 ನಿಮಿಷ ರೋಸ್ಟ್ ಮಾಡಿ, ಒಂದು ಕಪ್‌ನಲ್ಲಿ ಹಾಕಿಡಿ.

* ನಂತರ ಪ್ಯಾನ್‌ಗೆ ತುಪ್ಪ ಹಾಕಿ, ಇದರಲ್ಲಿ ಬೆಲ್ಲ ಹಾಕಿ ಅಲುಗಾಡಿಸಿ, ಬೆಲ್ಲ ಕರಗಿದ ಬಳಿಕ ಸ್ವಲ್ಪ ತಣ್ಣಗಾಗಲು ಬಿಡಿ.

* ಇದಕ್ಕೆ ರೋಸ್ಟ್ ಮಾಡಿದ ಓಟ್ಸ್, ಎಳ್ಳು, ಪುಡಿ ಮಾಡಿದ ವಾಲ್ನಟ್, ಏಲಕ್ಕಿ, 2 ಚಮಚ ಹಾಲು ಹಾಕಿ ಮಿಕ್ಸ್ ಮಾಡಿ.

* ನಂತರ ಚೆನ್ನಾಗಿ ಮಿಶ್ರ ಮಾಡಿ, ಚಿಕ್ಕ-ಚಿಕ್ಕ ಉಂಡೆ ಮಾಡಿ.

ಇಷ್ಟು ಮಾಡಿದರೆ ಆರೋಗ್ಯಕರವಾದ ಲಡ್ಡು ರೆಡಿ. ಈ ಲಡ್ಡು ನಿಮಗೆ ಸಿಹಿ ತಿನ್ನ ಬೇಕೆನಿಸಿದಾಗ ಯಾವಾಗ ಬೇಕಾದರೂ ಮಾಡಿ ಸವಿಯಬಹುದು.

Instructions