ಗೋಬಿ ಫ್ರೈ: ವೆಜ್‌ ಸ್ಪೆಷಲ್ ಅಡುಗೆಗೆ ಸೂಪರ್‌ ಸೈಡ್‌ ಡಿಶ್‌

ಹೂಕೋಸು ಫ್ರೈ ಅನ್ನದ ಜೊತೆ ಸೈಡ್‌ ಡಿಶ್‌ ಆಗಿ ಸವಿಯಲು ಸೂಪರ್‌ ಟೇಸ್ಟ್, ಮಾಡುವುದು ಸುಲಭ ಕೂಡ. ಅಲ್ಲದೆ ಮನೆಗೆ ಯಾರಾದರೂ ಗೆಸ್ಟ್‌ ಬಂದಾಗ ಅಡುಗೆಗೆ ಇದನ್ನು ಮಾಡಿದರೆ ಇನ್ನೂ ಸ್ಪೆಷಲ್ ಅನಿಸುವುದು. ವೆಜೆಟೇರಿಯನ್ ಪಾರ್ಟಿಗೆ ಸೂಪರ್‌. ನಾನ್‌ವೆಜ್‌ ಪಾರ್ಟಿಯಲ್ಲಿ ಒಬ್ಬರಿಬ್ಬರು ವೆಜ್ ಮಾತ್ರ ಸೇವಿಸುವವರು ಇದ್ದರೆ ಅವರಿಗೆ ಸ್ಪೆಷಲ್ ಅಡುಗೆ ಏನು ಮಾಡುವುದು ಎಂದು ತಲೆ ಕೆಡಿಸಬೇಕಾಗಿಲ್ಲ, ಇದನ್ನು ಸುಲಭವಾಗಿ ಮಾಡಬಹುದು.

ಬೇಕಾಗುವ ಸಾಮಗ್ರಿ

ಹೂಕೋಸು 1
2 ಚಮಚ ಕಡ್ಲೆಹಿಟ್ಟು
2 ಚಮಚ ಅಕ್ಕಿ ಹಿಟ್ಟು
2 ಚಮಚ ಜೋಳದ ಹಿಟ್ಟು
1/4 ಚಮಚ ಅರಿಶಿಣ ಪುಡಿ
1/2 ಚಮಚ ಖಾರದ ಪುಡಿ
1/2 ಚಮಚ ಕೊತ್ತಂಬರಿ ಪುಡಿ
1/2 ಚಮಚ ನಿಂಬೆರಸ
1/2 ಚಮಚ ಉಪ್ಪು ಪುಡಿ
ಎಣ್ಣೆ 1 ಕಪ್

ಒಗ್ಗರಣೆಗೆ
1 ಚಮಚ ಎಣ್ಣೆ
1 ಈರುಳ್ಳಿ (ಬೇಕಿದ್ದರೆ ಹಾಕಬಹುದು)
4-5 ಬೆಳ್ಳುಳ್ಳಿ ಎಸಳು (ಚಿಕ್ಕದಾಗಿ ಕತ್ತರಿಸಿದ್ದು)
ಹಸಿ ಮೆಣಸು 1-2

ಮಾಡುವ ವಿಧಾನ

• ಹೂಕೋಸು ಬಿಡಿಸಿ ನೀರಿನಲ್ಲಿ ಹಾಕಿಡಿ, ನೀರಿಗೆ ಸ್ವಲ್ಪ ಅರಿಶಿಣ ಹಾಕಿಟ್ಟರೆ ಒಳ್ಳೆಯದು.
• ನಂತರ ಒಂದು ಬೌಲ್‌ಗೆ ಎಲ್ಲಾ ಸಾಮಗ್ರಿ ಹಾಕಿ ಮಿಕ್ಸ್ ಮಾಡಿ ಅದರಲ್ಲಿ ಹೂ ಕೋಸು ಹಾಕಿ ಮಿಕ್ಸ್ ಮಾಡಿ
• ಎಣ್ಣೆಯನ್ನು ಕಾಯಿಸಿ
• ಈಗ ಕಾದ ಎಣ್ಣೆಗೆ ಹೂಕೋಸು ಹಾಕಿ ಪ್ರೈ ಮಾಡಿ ತೆಗೆಯಿರಿ
• ಈಗ ಒಂದು ಬಾಣಲೆಗೆ ಒಂದು ಚಮಚ ಎಣ್ನೆ ಹಾಕಿ ಕರಿಬೇವು ಹಾಕಿ ಈರುಳ್ಳಿ, ಬೆಳ್ಳುಳ್ಳಿ ಹಾಕಿ ಪ್ರೈ ಮಾಡಿ ಅದರಲ್ಲಿ ಹೂಕೋಸು ಫ್ರೈ ಹಾಕಿ ಮಿಕ್ಸ್ ಮಾಡಿ.
• ಇಷ್ಟು ಮಾಡಿದರೆ ಹೂಕೋಸು ಫ್ರೈ ರೆಡಿ.