For Quick Alerts
ALLOW NOTIFICATIONS  
For Daily Alerts

ಕ್ರಿಸ್ಮಸ್ ಕೇಕ್: ಫ್ರೂಟ್‌ ಕೇಕ್‌ ರೆಸಿಪಿ

Posted By:
|

ಡಿಸೆಂಬರ್‌ ಬಂತೆಂದರೆ ಒಂದು ರೀತಿಯ ಸಡಗರ, ವರ್ಷದ ಕೊನೆಯಾಗುತ್ತಿದೆ, ಹೊಸ ವರ್ಷ ಬರಲಿದೆ ಎಂಬ ಸಂಭ್ರಮ, ಜೊತೆಗೆ ಕ್ರಿಸ್ಮಸ್‌ ಖುಷಿ. ಕ್ರಿಸ್ಮಸ್‌ ಎಂದ ಮೇಲೆ ಕೇಕ್ ಇರಲೇಬೇಕು. ಎಲ್ಲಾ ಸ್ವೀಟ್ಸ್‌ಗಿಂತ ಕೇಕ್‌ಗಳದ್ದೇ ಕಾರುಬಾರು.

 Here are fruit cake recipe for Christmas

ಈ ಕ್ರಿಸ್ಮಸ್‌ಗೆ ನೀವು ಮನೆಯಲ್ಲಿ ಪ್ಲಮ್ ಅಥವಾ ಫ್ರೂಟ್ಸ್ ಕೇಕ್ಸ್ ಮಾಡಬಯಸುವುದಾದರೆ ಇಲ್ಲಿದೆ ನೋಡಿ ಸ್ಟೆಪ್ ಬೈ ಸ್ಟೆಪ್ ರೆಸಿಪಿ. ಇದನ್ನುಮೊಟ್ಟೆ ಹಾಕದೆ ಮಾಡುವ ರೆಸಿಪಿ ನೀಡಲಾಗಿದೆ, ನೀವು ಬೇಕಾದರೆ ಮೊಟ್ಟೆ ಹಾಕಿ ಮಾಡಿದರೆ ಮತ್ತಷ್ಟು ರುಚಿಯಾಗಿರುತ್ತೆ.

Plum Cake Recipe, ಫ್ರೂಟ್ ಕೇಕ್ ರೆಸಿಪಿ
Plum Cake Recipe, ಫ್ರೂಟ್ ಕೇಕ್ ರೆಸಿಪಿ
Prep Time
2 Mins
Cook Time
40M
Total Time
42 Mins

Recipe By: Reena TK

Recipe Type: Cake

Serves: 8

Ingredients
  • ಬೇಕಾಗುವ ಸಾಮಗ್ರಿ

    * 1/4 ಕಪ್ ಒಣದ್ರಾಕ್ಷಿ

    * 1/4 ಕಪ್ ಕ್ರ್ಯಾನ್‌ಬೆರ್ರಿ

    * ಸ್ವಲ್ಪ ಒಣ ಅಂಜೂರ

    * ಸ್ವಲ್ಪ ಏಪ್ರಿಕಾಟ್

    * ಸ್ವಲ್ಪ ಒಣ ಖರ್ಜೂರ

    * 1 ಕಪ್ ದ್ರಾಕ್ಷಿ ಜ್ಯೂಸ್ ಅಥವಾ ಆ್ಯಪಲ್ ಜ್ಯೂಸ್ ಅಥವಾ ರೆಡ್ ವೈನ್/ಬ್ರಾಂಡಿ/ರಮ್

    ಪ್ಲಮ್ ಕೇಕ್‌ಗೆ ಹಟ್ಟು ರೆಡಿ ಮಾಡಲು ಬೇಕಾಗುವ ಸಾಮಗ್ರಿ

    * ಒಂದೂ ಕಾಲು ಕಪ್ ಬಿಸಿ ನೀರು

    * 1 ಕಪ್ ಬ್ರೌನ್ ಶುಗರ್ (ಪುಡಿ)

    (ನೀವು ಬೇಕಿದ್ದರೆ ಬಿಳಿ ಸಕ್ಕರೆ ಪುಡಿ ಮಾಡಿ ಬಳಸಬಹುದು)

    * ಕಾಲು ಕಪ್‌ನಷ್ಟು ವೆಜೆಟೇಬಲ್ ಎಣ್ಣೆ

    * 2 ಕಪ್ ಮೈದಾ

    * 1/2 ಚಮಚ ಬೇಕಿಂಗ್ ಪೌಡರ್

    * 1/2 ಚಮಚ ಚಕ್ಕೆ ಪುಡಿ

    * ಚಿಟಿಕೆಯಷ್ಟು ಉಪ್ಪು

    * 1/4 ಚಮಚ ಜಾಯಿಕಾಯಿ (nutmug powder)

    * 1/2 ಚಮಚ ಏಲಕ್ಕಿ

    * 1 ಚಮಚ ವೆನಿಲ್ಲಾ ರಸ

    * 1/2 ಚಮಚ ನಿಂಬೆ ರಸ

    * ಸ್ವಲ್ಪ ವಾಲ್ನಟ್

Red Rice Kanda Poha
How to Prepare
  • ಮಾಡುವುದು ಹೇಗೆ?

    ಸ್ಟೆಪ್ 1

    * ಒಂದು ಬೌಲ್‌ಗೆ ಒಣ ಹಣ್ಣುಗಳನ್ನು ಚಿಕ್ಕದಾಗಿ ಕತ್ತರಿಸಿ ಹಾಕಿ. ಬಾದಾಮಿ, ವಾಲ್ನಟ್ ಇವುಗಳನ್ನು ಅಷ್ಟೆ ಚಿಕ್ಕ-ಚಿಕ್ಕ ಪೀಸ್‌ಗಳಾಗಿ ಕತ್ತರಿಸಿ ಹಾಕಿ. ನಿಮಗೆ ಬೇಕದಷ್ಟು ಡ್ರೈಫ್ರೂಟ್ಸ್ ಸೇರಿಸಬಹುದು.

    * ನಂತರ 1 ಕಪ್ ದ್ರಾಕ್ಷಿ ಜ್ಯೂಸ್ ಅಥವಾ ಬ್ರಾಂಡಿ/ರಮ್ ಹೀಗೆ ನಿಮಗಿಷ್ಟವಾದದ್ದನ್ನು ಸೇರಿಸಿ. ಆಲ್ಕೋಹಾಲ್ ಬಳಸಿದರೆ ರುಚಿ ಹೆಚ್ಚು.

    * ಆಲ್ಕೋಹಾಲ್‌ನಲ್ಲಿ ಡ್ರೈ ಫ್ರೂಟ್ಸ್‌ ಅನ್ನು ಒಂದು ರಾತ್ರಿ ಇಡಿ. ದ್ರಾಕ್ಷಿ ಜ್ಯೂಸ್‌ನಲ್ಲಿ ನೆನೆಹಾಕಿದ್ದರೆ 2 ಗಂಟೆ ಇಟ್ಟರೆ ಸಾಕು, ಇಲ್ಲದಿದ್ದರೆ ದ್ರಾಕ್ಷಿ ಜ್ಯೂಸ್ ಹಾಳಾಗುವುದು.

    ಸ್ಟೆಪ್ 2

    ಒಂದು ಬೌಲ್‌ನಲ್ಲಿ11/4 ಕಪ್ ಬಿಸಿ ನೀರು ಹಾಕಿ, ಅದಕ್ಕೆ ಅ ಕಪ್ ಸಕ್ಕರೆ ಪುಡಿ ಹಾಕಿ. ಈಗ ಎಣ್ಣೆ ಹಾಕಿ, ಎಣ್ಣೆ ಬದಲಿಗೆ ಬೆಣ್ಣೆ ಕೂಡ ಬಳಸಬಹುದು.

    * ನಂತರ ಚೆನ್ನಾಗಿ ಕಲೆಸಿ, ಸಕ್ಕರೆ ಸಂಪೂರ್ಣ ಕರಗಬೇಕು.

    * ನಂತರ ಎರಡು ಕಪ್ ಮೈದಾ ಹಿಟ್ಟು ಹಾಕಿ.

    * ಈಗ ಒಂದು ಚಮಚ ಬೇಕಿಂಗ್ ಪುಡಿ, ಅರ್ಧ ಚಮಚ ಅಡುಗೆ ಸೋಡಾ ಹಾಕಿ.

    * ನಂತರ ಚಕ್ಕೆ ಪುಡಿ, ಜಾಯಿಕಾಯಿ ಪುಡಿ, ಏಲಕ್ಕಿ, ಉಪ್ಪು ಸೇರಿಸಿ ಚೆನ್ನಾಗಿ ಮಿಕ್ಸ್ ಮಾಡಿ.

    * ಈಗ ಅರ್ಧ ನಿಂಬೆಯನ್ನು ತುರಿದು ಹಾಕಿ.

    * ಒಂದು ಚಮಚ ವೆನಿಲ್ಲಾ ರಸ ಸೇರಿಸಿ.

    * ಈಗ ಮಿಕ್ಸ್ ಮಾಡಿ, ತುಂಬಾ ಮಿಕ್ಸ್ ಮಾಡಬೇಡಿ, ಕೇಕ್ ಗಟ್ಟಿಯಾಗುವುದು.

    * ನೆನೆ ಹಾಕಿದ ಡ್ರೈ ಪ್ರೂಟ್ಸ್ ಹಿಂಡಿ ಕೇಕ್‌ ಮಿಶ್ರಣಕ್ಕೆ ಹಾಕಿ.

    * ಗೋಡಂಬಿ, ಬಾದಾಮಿ ಸೇರಿಸಿ.

    * ಈಗ ಕೇಕ್‌ ಹಿಟ್ಟನ್ನು ಕೇಕ್‌ ಮೌಲ್ಡ್ ಅಥವಾ ಬ್ರೆಡ್‌ ಮೌಲ್ಡ್‌ಗೆ ಎಣ್ಣೆ ಸವರಿ ಸುರಿಯಿರಿ.

    ಕೇಕ್ ತಯಾರಿ

    ಈಗ ಓವನ್ ಪ್ರೀಹೀಟ್ ಮಾಡಿ ಕೇಕ್ ಅನ್ನು 180 ಡಿಗ್ರಿ C ಅಥವಾ 356 ಡಿಗ್ರಿ F ಉಷ್ಣತೆಗೆ 40 ನಿಮಿಷ ಬೇಯಿಸಿ.

    * ನಂತರ ಓವನ್‌ನಿಂದ ತೆಗೆದು ತಣ್ಣಗಾಗಲು ಬಿಡಿ. ನಂತರ ಕತ್ತರಿಸಿ ಸರ್ವ್ ಮಾಡಿ.

Instructions
  • * ಮೊಟ್ಟೆ ಹಾಕದೆ ಮಾಡುವುದಾದರೆ ತುಂಬಾ ಎಣ್ಣೆ ಹಾಕಿ, ಮೊಟ್ಟೆ ಬಳಸುವುದಾದರೆ ಎಣ್ಣೆ ಕಡಿಮೆ ಸಾಕು. * ಬೇಯುವಾಗ ಗಮನಿಸಿ, ತುಂಬಾ ಹೊತ್ತಾದರೆ ಸೀದು ಹೋಗುವುದು.
Nutritional Information
  • ಸರ್ವ್ - 1/4 ಕೆಜಿ
  • ಕ್ಯಾಲೋರಿ - 390ಕ್ಯಾ
  • ಕೊಬ್ಬು - 9ಗ್ರಾಂ
  • ಪ್ರೊಟೀನ್ - 7 ಗ್ರಾಂ
  • ಕಾರ್ಬ್ಸ್ - 71 ಗ್ರಾಂ
[ 4 of 5 - 22 Users]
X
Desktop Bottom Promotion