ರೆಸಿಪಿ: ಕುಕ್ಕರ್‌ನಲ್ಲಿಯೇ ಮಾಡಬಹುದು ಎಗ್‌ಲೆಸ್‌ ಕೇಕ್

ಕೇಕ್ ಮಾಡಬೇಕು, ಆದರೆ ನಮ್ಮ ಮನೆಯಲ್ಲಿ ಓವನ್ ಇಲ್ಲ ಎಂದು ನಿಮ್ಮ ಕೇಕ್‌ ತಯಾರಿ ಹುಮ್ಮಸ್ಸಿಗೆ ಬ್ರೇಕ್ ಹಾಕಬೇಕಾದ ಅಗ್ಯತವಿಲ್ಲ, ಏಕೆಂದರೆ ಕುಕ್ಕರ್‌ನಲ್ಲಿಯೂ ಮಾಡಬಹುದು. ಮನೆಯಲ್ಲಿ ಒಂದು 5 ಲೀಟರ್ ಕುಕ್ಕರ್‌ ಇದ್ದರೆ ನೀವು ಕೇಕ್‌ ಟ್ರೈ ಮಾಡಬಹುದು. ಅದರಲ್ಲೂ ಮಕ್ಕಳಿಗೆ ಮನೆಯಲ್ಲಿ ಈ ರೀತಿ ಕೇಕ್ ಎಲ್ಲಾ ತಯಾರಿಸಿದರೆ ತುಂಬಾನೇ ಖುಷಿಯಾಗುವುದು, ಬನ್ನಿ ಇದನ್ನು ಮಾಡುವುದು ಹೇಗೆ ಎಂದು ನೋಡೋಣ ಬನ್ನಿ:

ಬೇಕಾಗುವ ಸಾಮಗ್ರಿ
ಮೈದಾ 1ಕಪ್‌
ಬೇಕಿಂಗ್ ಪೌಡರ್
ಅನ್‌ಸಾಲ್ಟಡ್‌ ಬೆಣ್ಣೆ
ಕಂಡೆನ್ಸಡ್‌ ಹಾಲು
ಸಕ್ಕರೆ
ನೀರು

*****
ಕುಕ್ಕರ್‌ನ ತಳದಲ್ಲಿ ಹಾಕಲು ಕಲ್ಲುಪ್ಪು ಅಥವಾ ನದಿ ಬದಿಯಲ್ಲಿ ಸಿಗುವ ಮರಳು ಹಾಕಿ
***********
* ಒಂದು ಬೌಲ್‌ನಲ್ಲಿ 1ಕಪ್‌ ಮೈದಾ ಹಿಟ್ಟು, 1/2 ಚಮಚ ಬೇಕಿಂಗ್‌ ಪೌಡರ್, ಅನ್‌ಸಾಲ್ಟಡ್‌ ಬೆಣ್ಣೆ ಹಾಕುವುದಾದರೆ ಚಿಟಿಕೆಯಷ್ಟು ಉಪ್ಪು ಹಾಕಿ.
* ನಂತರ 1 ಚಮಚ ವೆನಿಲ್ಲಾ ರಸ ಹಾಕಿ ಮಿಕ್ಸ್‌ ಮಾಡಿ
* 5 ಲೀಟರ್ ಕುಕ್ಕರ್‌ ಗ್ಯಾಸ್‌ಕಿಟ್‌ ಅಥವಾ ರಬ್ಬರ್‌ ರಿಂಗ್‌ ತೆಗಿಯಿರಿ, ವಿಶಲ್ ಕೂಡ ತೆಗಿಯಿರಿ.
* ಕುಕ್ಕರ್‌ ತಳ ಭಾರವಾಗಿರಬೇಕು. ಈಗ ಕುಕ್ಕರ್ ತಳದಲ್ಲಿ ಕಲ್ಲುಪ್ಪು ಹಾಕಿ ಹರಡಿ, ನೀವು ಬೇಕಾದರೆ ನದಿಯಲ್ಲಿ ಸಿಗುವ ಮರಳು ಹಾಕಬಹುದು.
* ಈಗ ಕಡಿಮೆ ಉರಿಯಲ್ಲಿ ಬಿಸಿ ಮಾಡಿ
* ಉರಿ ಕಡಿಮೆ ಇದ್ದಷ್ಟೂ ಒಳ್ಳೆಯದು.

ಅದೇ ಸಮಯದಲ್ಲಿ ಹೀಗೆ ಮಾಡಿ
* ನೀವು ಪ್ರತ್ಯೇಕ ಪ್ಯಾನ್‌ನಲ್ಲಿ 40ಗ್ರಾಂನಷ್ಟು ಬೆಣ್ಣೆ ಹಾಕಿ.
* ಅದಕ್ಕೆ 1/2 ಕಪ್‌ ಕಂಡೆನ್ಸ್ಡ್‌ ಹಾಲು ಹಾಕಿ.
* 3 ಚಮಚ ಸಕ್ಕರೆ ಹಾಕಿ.
* ಈಗ 1/2 ಕಪ್‌ ನೀರು ಹಾಕಿ
* ಈಗ ಕಡಿಮೆ ಉರಿಯಲ್ಲಿ ಬೇಯಿಸಿ
* ಬೆಣ್ಣೆ ಕರಗುವಷ್ಟು ಹೊತ್ತು ಬೇಯಿಸಿ, ಎಲ್ಲಾ ಚೆನ್ನಾಗಿ ಕರಗುವಷ್ಟು ಹೊತ್ತು ಮಿಕ್ಸ್ ಮಾಡಿ.
* ಈ ಮಿಶ್ರಣ ಮೆಲ್ಲನೆ ಬಿಸಿಯಾದಾಗ ತಕ್ಷಣವೇ ಹಿಟ್ಟನ್ನು ಹಾಕಿ, ಗಂಟು ಕಟ್ಟದಂತೆ ಮಿಶ್ರ ಮಾಡಿ.
* ಹಿಟ್ಟು ತುಂಬಾನೇ ಗಟ್ಟಿಯಾಗಬಾರದು, ನೀರು ನೀರಿನಂತೆಯೂ ಇರಬಾರದು. ಹಿಟ್ಟು ಮೀಡಿಯಂ ಆಗಿರಬೇಕು. ಆದಷ್ಟು ನೀರು ಕಡಿಮೆ ಇಡಿ, ಆವಾಗ ಬೇಕಾದರೆ ಸೇರಿಸಬಹುದು.

* ಮಿಕ್ಸ್ ಮಾಡಿ, ಆದರೆ ಅತಿಯಾಗಿ ಮಿಕ್ಸ್ ಮಾಡಬೇಡಿ.
* ಈಗ ಮಿಶ್ರಣವನ್ನು ಮೆಲ್ಲನೆ ಪಾತ್ರೆಗೆ ಸುರಿಯಿರಿ.
* ಅದನ್ನು ಕುಕ್ಕರ್‌ನೊಳಗಡೆ ಮೆಲ್ಲನೆ ಇಳಿಸಿ ಇಡಿ.
* ಕುಕ್ಕರ್‌ನ ಮುಚ್ಚಳ ಮುಚ್ಚಿ, ಆದರೆ ರಬ್ಬರ್ ರಿಂಗ್ ಹಾಗೂ ವಿಶಲ್‌ ತೆಗೆದಿರಬೇಕು.
* ಕಡಿಮೆ ಉರಿಯಲ್ಲಿ 40-50 ನಿಮಿಷ ಬೇಯಿಸಬೇಕು.
* ಮೇಲ್ಭಾಗ ಗೋಲ್ಡನ್‌ ಬಣ್ಣಕ್ಕೆ ತಿರುಗಿದ್ದರೆ ಕೇಕ್‌ ರೆಡಿ.
* ನಂತರ ಆ ಪಾತ್ರೆಯನ್ನು ಹಿಡಿಕೆಯ ಸಹಾಯದಿಂದ ಮೆಲ್ಲನೆ ತೆಗೆಯಿರಿ ನಂತರ ಕೇಕ್‌ ಪೀಸ್‌ಗಳಾಗಿ ಕತ್ತರಿಸಿ.

ಇದೇ ರೆಸಿಪಿಯನ್ನು ಓವನ್‌ನಲ್ಲಿ ಮಾಡಬಹುದೇ?
ಮಾಡಬಹುದು, ಓವನ್‌ ಇತರ ಕೇಕ್‌ ಮಾಡುವಂತೆ ಇದನ್ನು ತಯಾರಿಸಬಹುದು.