ಮೊಟ್ಟೆ ಸಾರು, ಟೊಮೆಟೊ ಪೇಸ್ಟ್ ಹಾಕಿ ಹೀಗೆ ಮಾಡಿದರೆ ಸೂಪರ್ ಆಗಿರುತ್ತೆ

ಮೊಟ್ಟೆ ಸಾರು ನೀವು ಅನೇಕ ರುಚಿಯಲ್ಲಿ ಮಾಡಬಹುದು, ಆದರೆ ಟೊಮೆಟೊ ಪೇಸ್ಟ್‌ ಮಾಡಿ ಮಾುವ ಮೊಟ್ಟೆಯ ಸಾರು ತುಂಬಾ ಸಿಂಪಲ್‌ ಹಾಗೂ ರುಚಿ ಹೆಚ್ಚು. ಡಾಬಾಗಳಲ್ಲಿ, ಹೋಟೆಲ್‌ಗಲ್ಲಿ ಸಿಗುತ್ತೆ ಈ ಬಗೆಯ ಮೊಟ್ಟಯ ಸಾರು, ಇದನ್ನು ಮಾಡುವುದು ಸುಲಭ ನೋಡಿ, ಬನ್ನಿ ಟೊಮೆಟೊ ಪೇಸ್ಟ್ ಹಾಕಿ ಮಾಡುವ ಮೊಟ್ಟೆ ಸಾರು ರೆಸಿಪಿ ನೋಡೋಣ:

ಬೇಕಾಗುವ ಸಾಮಗ್ರಿ

5-6 ಮೊಟ್ಟೆ (ನಿಮಗೆ ಎಷ್ಟು ಮೊಟ್ಟೆ ಬೇಕೋ ಅಷ್ಟು ಬಳಸಬಹುದು, ಒಂದು 6 ಮೊಟ್ಟೆಗಿಂತ ಹೆಚ್ಚು ಬಳಸುವುದಾದರೆ ನೀವು ಗ್ರೇವಿ ಹೆಚ್ಚು ತಯಾರಿಸಿ)
6 ಸಾಧಾರಣ ಗಾತ್ರದ ಹಣ್ಣಾದ ಟೊಮೆಟೊ
2 ಚಮಚ ಎಣ್ಣೆ
1 ಇಂಚು ದೊಡ್ಡದಿರುವ ಚಕ್ಕೆ
2 ಲವಂಗ
1 ಏಲಕ್ಕಿ
1 -2 ಹಸಿ ಮೆಣಸು
1 ಚಮಚ ಜೀರಿಗೆ
ಸ್ವಲ್ಪ ಅರಿಶಿಣ ಪುಡಿ
1 ಚಮಚ ಕಾಶ್ಮೀರಿ ಮೆಣಸಿನ ಪುಡಿ
1 ಚಮಚ ಕೊತ್ತಂಬರಿ ಪುಡಿ
1/2 ಚಮಚ ಗರಂ ಮಸಾಲ ಪುಡಿ
ಸ್ವಲ್ಪ ಕೊತ್ತಂಬರಿ ಸೊಪ್ಪು
ರುಚಿಗೆ ತಕ್ಕ ಉಪ್ಪು
ಗ್ರೇವಿಗೆ ತಕ್ಕ ನೀರು

ಈ ಸಾರು ಮಾಡುವ ಮುನ್ನ ಮೊಟ್ಟೆಯನ್ನು ಮೊದಲಿಗೆ ಫ್ರೈ ಮಾಡಿ

ಪಾತ್ರೆಗೆ ಒಂದು ಚಮಚ ಎಣ್ಣೆ ಹಾಕಿ, ಅದರಲ್ಲಿ ಸ್ವಲ್ಪ ಅರಿಶಿನ ಪುಡಿ, ಖಾರದ ಪುಡಿ, ಸ್ವಲ್ಪ ಉಪ್ಪು ಹಾಕಿ ಅದರಲ್ಲಿ ಬೇಯಿಸಿದ ಮೊಟ್ಟೆ ಹಾಕಿ 4-5 ನಿಮಿಷ ಫ್ರೈ ಮಾಡಿ, ಹೀಗೆ ಮಾಡುವುದರಿಂದ ಮೊಟ್ಟೆ ಇನ್ನೂ ಟೇಸ್ಟ್ ಅನಿಸುವುದು. ಈ ಮೊಟ್ಟೆಯನ್ನು ತೆಗೆದು ತಟ್ಟೆಯಲ್ಲಿ ಹಾಕಿಡಿ.

ಸ್ಟೆಪ್‌ 2: ಈಗ ಅದೇ ಎಣ್ಣೆಗೆ ಕತ್ತರಿಸಿದ ಟೊಮೆಟೊ ಹಾಕಿ, ಹಸಿ ಮೆಣಸು, ಶುಂಠಿ, ಚಕ್ಕೆ, ಲವಂಗ ಹಾಕಿ ಫ್ರೈ ಮಾಡಿ ( ಬೇಕಿದ್ದರೆ 2-3 ಎಸಳು ಬೆಳ್ಳುಳ್ಳಿ ಸೇರಿಸಬಹುದು)
ನಂತರ ಟೊಮೆಟೊವನ್ನು ಉರಿಯಿಂದ ಇಳಿಸಿ ತಣ್ಣಗಾದ ಮೇಲೆ ಪೇಸ್ಟ್ ಮಶಾಡಿ.

ಸ್ಟೆಪ್ 3

• ಈಗ ಸಾರಿನ -ಪಾತ್ರೆಗೆ 2 ಚಮಚ ಎಣ್ಣೆ ಹಾಕಿ, ಅದರಲ್ಲಿ ಈರುಳ್ಳಿ ಹಾಕಿ ಈರುಳ್ಳಿ ಮೆತ್ತಗಾಗುವವರೆಗೆ ಫ್ರೈ ಮಾಡಿ, ನಂತರ ಮಸಾಲೆ ಸಾಮಗ್ರಿ ಹಾಕಿ ಬಳಿಕ, ಟೊಮೆೊ ಪೇಸ್ಡ್ ಹಾಕಿ ಕುದಿಸಿ, ಬಳಿಕ ಮೊಟ್ಟೆ ಸೇರಿಸಿ.
• ಸ್ವಲ್ಪ ಕ್ರೀಮ್ ಅಥವಾ ಮೊಸರು ಸೇರಿಸಿದರೆ ಇನ್ನೂ ಟೇಸ್ಟ್ ಆಗಿರುತ್ತದೆ, ಇಲ್ಲದಿದ್ದರೂ ಒಕೆ, ಉಪ್ಪು ಸರಿಯಾಗಿದೆಯೇ ನೋಡಿ, ನಂತರ ಕೊತ್ತಂಬರಿ ಸೊಪ್ಪಿನಿಂದ ಅಲಂಕರಿಸಿದರೆ ಮೊಟ್ಟೆ ಸಾರು ರೆಡಿ.

• ಟಿಪ್ಸ್: ನೀವು ಇಡೀ ಮೊಟ್ಟೆ ಹಾಕಬಹುದು ಅಥವಾ ಕತ್ತರಿಸಿ ಹಾಕಬಹುದು
• ಟೊಮೆಟೊ ಪೇಸ್ಟ್ ಹಾಕಿ ಮಾಡುವಾಗ ಮೊಟ್ಟೆ ಮಸಾಲೆ ಇದ್ದರೆ ಒಂದು ಚಮಚ ಮೊಟ್ಟೆ ಮಸಾಲೆ ಸೇರಿಸಬಹುದು
• ಮೊಟ್ಟೆಯನ್ನು ಫ್ರೈ ಮಾಡಿ ಹಾಕಿ, ಇದರಿಂದ ಮೊಟ್ಟೆ ಇನ್ನಷ್ಟು ರುಚಿ ಅನಿಸುವುದು, ಮೊಟ್ಟೆಗೆ ನೈಫ್‌ನಿಂದ ಗೆರೆ ಹಾಕಿದ್ದರೆ ಮಸಾಲೆ ಚೆನ್ನಾಗಿ ಹೀರಿಕೊಳ್ಳುತ್ತದೆ.
• ಇನ್ನು ನೀವು ಎಣ್ಣೆ ಹಾಕುವಾಗ ಸ್ವಲ್ಪ ಕರಿಬೇು ಬೇಕಿದ್ದರೆ ಸೇರಿಸಬಹುದು.
• ಟೊಮೆಟೊ ಪೇಸ್ಟ್ ಹಾಕಿದ ತಕ್ಷಣ ನೀರು ಹಾಕಬೇಡಿ, ಟೊಮೆಟೊ ಪೇಸ್ಟ್ ಸ್ವಲ್ಪ ಕುದಿ ಬರಲಿ, ನಂತರವಷ್ಟೇ ಸೇರಿಸಿ.