For Quick Alerts
ALLOW NOTIFICATIONS  
For Daily Alerts

ವೀಕೆಂಡ್‌ ಸ್ಪೆಷಲ್: ಚಿಕನ್ ಬಿರಿಯಾನಿ ರೆಸಿಪಿ

Posted By:
|

ಈ ವೀಕೆಂಡ್‌ ಹೋಟೆಲ್‌ ಅಡುಗೆ ಬೇಡ, ಮನೆಯಲ್ಲಿಯೇ ಏನಾದರೂ ಸ್ಪೆಷಲ್ ಅಡುಗೆ ಮಾಡಿ ತಿನ್ನುವ ಎಂದು ನೀವು ಬಯಸುವುದಾದರೆ ಇಲ್ಲಿದೆ ನೋಡಿ ನಿಮಗೆ ಪರ್ಫೆಕ್ಟ್ ರೆಸಿಪಿ.

chicken biryani recipe

ಇಲ್ಲಿ ನಾವು ಚಿಕನ್ ಬಿರಿಯಾನಿ ರೆಸಿಪಿ ನೀಡಿದ್ದೇವೆ. ಚಿಕನ್ ಬಿರಿಯಾನಿಯನ್ನು ನೂರಕ್ಕೂ ಹೆಚ್ಚು ವಿಧದಲ್ಲಿ ಮಾಡಬಹುದು, ಆದರೆ ಇಲ್ಲಿ ನೀಡಿರುವ ಚಿಕನ್ ಬಿರಿಯಾನಿ ಮಾಡಲು ಸುಲಭವಾಗಿದ್ದು ನೀವು ಸುಲಭದಲ್ಲಿ ತಯಾರಿಸಬಹುದು, ಇನ್ನು ರುಚಿಯಂತೂ ಸೂಪರ್ ಆಗಿರುತ್ತದೆ, ಇನ್ನೇಕೆ ತಡ ಟ್ರೈ ಮಾಡಿ, ಹೇಗೆ ಬಂತು ಅಂತ ನಮಗೆ ತಿಳಿಸಿ.

ಚಿಕನ್ ಬಿರಿಯಾನಿ ರೆಸಿಪಿ, Chicken Biryani Recipe
ಚಿಕನ್ ಬಿರಿಯಾನಿ ರೆಸಿಪಿ, Chicken Biryani Recipe
Prep Time
20 Mins
Cook Time
40M
Total Time
1 Hours0 Mins

Recipe By: Reena TK

Recipe Type: Biryani

Serves: 4

Ingredients
  • ಬೇಕಾಗುವ ಸಾಮಗ್ರಿ

    ಚಿಕನ್ ಅರ್ಧ ಕೆಜಿ

    ಚಕ್ಕೆ 1

    ಲವಂಗ 3

    ಟೊಮೆಟೊ 2

    2 ಗೋಡಂಬಿ, 2 ಬಾದಾಮಿ

    ಈರುಳ್ಳಿ 1

    ಖಾರದ ಪುಡಿ 11/2 ಚಮಚ

    ಕೊತ್ತಂಬರಿ ಪುಡಿ 1 ಚಮಚ

    ಗರಂ ಮಸಾಲ 1/2 ಚಮಚ

    ಅರಿಶಿಣ ಪುಡಿ 1/4 ಚಮಚ

    ಬಿರಿಯಾನಿ ಮಸಾಲೆ 1 ಚಮಚ

    ಪಲಾವ್ ಎಲೆ 1

    ಗಟ್ಟಿ ಮೊಸರು 1/4 ಕಪ್

    ರುಚಿಗೆ ತಕ್ಕ ಉಪ್ಪು

    ಬಾಸುಮತಿ ಅಕ್ಕಿ 1ಕಪ್

Red Rice Kanda Poha
How to Prepare
  • ಮಾಡುವ ವಿಧಾನ:

    * ಈರುಳ್ಳಿ, ಟೊಮೆಟೊ, ಗೋಡಂಬಿ, ಬಾದಾಮಿ ಪೇಸ್ಟ್ ಮಾಡಿ ಇಡಿ.

    * ಬಾಸುಮತಿ ಅಕ್ಕಿಯನ್ನು ತೊಳೆದು 10 ನಿಮಿಷ ಇಡಿ, ನಂತರ ಬೇಯಲು ತಕ್ಕ ನೀರು ಹಾಕಿ 1 ವಿಶಲ್‌ ಬರುವವರೆಗೆ ಬೇಯಿಸಿ,

    *ಹಾಗೇ ಪಾತ್ರೆಯಲ್ಲಿ ಬೇಯಿಸುವುದಾರೆ ಅನ್ನ ಬೇಯಲು 5 ನಿಮಿಷ ಇರುವಾಗ ಬಸಿಯಿರಿ.

    * ದಪ್ಪ ತಳವಿರುವ ಪಾತ್ರೆಗೆ ಒಂದು ಚಮಚ ತುಪ್ಪ ಹಾಕಿ, ಎಣ್ಣೆ ಬಿಸಿಯಾದಾಗ ಪಲಾವ್‌ ಎಲೆ ಹಾಕಿ, ಅದಕ್ಕೆ ಶುಂಠಿ, ಬೆಳ್ಳುಳ್ಳಿ ಪೇಸ್ಟ್ ಹಾಕಿ, ನಂತರ ಟೊಮೆಟೊ, ಈರುಳ್ಳಿ , ಗೋಡಂಬಿ, ಬಾದಾಮಿ, ಪೇಸ್ಟ್ ಹಾಕಿ ತುಪ್ಪ ಮೇಲ್ಭಾಗದಲ್ಲಿ ತೇಲುವವರೆಗೆ ಕಡಿಮೆ ಉರಿಯಲ್ಲಿ ಫ್ರೈ ಮಾಡಿ, ಈಗ ಖಾರದ ಪುಡಿ, ಕೊತ್ತಂಬರಿ ಪುಡಿ, ಗರಂ ಮಸಾಲ ಪುಡಿ, ಸ್ವಲ್ಪ ಬಿರಿಯಾನಿ ಮಸಾಲ ಹಾಕಿ ಚಿಕನ್ ಹಾಕಿ , ರುಚಿಗೆ ತಕ್ಕ ಉಪ್ಪು ಸೇರಿಸಿ ಕಡಿಮೆ ಉರಿಯಲ್ಲಿ ಬೇಯಿಸಿ.

    * ಚಿಕನ್ ಮುಕ್ಕಾಲು ಭಾಗ ಬೆಂದಾಗ ಮೊಸರು ಹಾಕಿ, ಪಾತ್ರೆಯ ಬಾಯಿ ತೆರೆದು ಬೇಯಿಸಿ, ಚಿಕನ್ ಸೆಮಿ ಡ್ರೈ ರೀತಿಯಾದಾಗ ಕೊತ್ತಂಬರಿ ಸೊಪ್ಪು ಕತ್ತರಿಸಿ ಹಾಕಿ, ಈಗ ಅದೇ ಪಾತ್ರೆಗೆ ಮುಕ್ಕಾಲು ಭಾಗ ಬೆಂದ ಅನ್ನ ಹಾಕಿ ಪಾತ್ರೆಯ ಬಾಯಿ ಮುಚ್ಚಿ ಕಡಿಮೆ ಉರಿಯಲ್ಲಿ 10 ನಿಮಿಷ ಬೇಯಿಸಿ. ನಂತರ ಮಿಕ್ಸ್ ಮಾಡಿದರೆ ರುಚಿಕರವಾದ ಚಿಕನ್ ಬಿರಿಯಾನಿ ರೆಡಿ.

Instructions
  • ಈ ಚಿಕನ್ ಬಿರಿಯಾನಿಗೆ ದಪ್ಪ ತಳವಿರುವ ಪಾತ್ರೆ ಬಳಸಿ ಮಾಡಿ, ಇಲ್ಲದಿದ್ದರೆ ತಳ ಹಿಡಿಯುವುದು. ಎಣ್ಣೆ ಬದಲಿಗೆ ತುಪ್ಪ ಬಳಸುವುದರಿಂದ ಬಿರಿಯಾನಿ ಸ್ವಾದ ಹೆಚ್ಚುವುದು.
Nutritional Information
  • ಸರ್ವ್ - 2
  • ಕ್ಯಾಲೋರಿ - 1040
  • ಕೊಬ್ಬು - 68ಗ್ರಾಂ
  • ಪ್ರೊಟೀನ್ - 137ಗ್ರಾಂ
  • ಕಾರ್ಬೋ - 232 ಗ್ರಾಂ
[ 4.5 of 5 - 60 Users]
Story first published: Friday, February 14, 2020, 17:28 [IST]
X
Desktop Bottom Promotion