ಉಪ್ಪಿಟ್ಟುಇಷ್ಟನೇ ಇಲ್ಲ ಅನ್ನುವವರು ಕೂಡ ಇಷ್ಟಪಟ್ಟು ತಿಂತಾರೆ ಈ ಬನ್ಸ್‌ರವೆ ಅವರೆಕಾಳು ಉಪ್ಪಿಟ್ಟು

ಅವರೆಕಾಳಿನ ರವೆ ಉಪ್ಪಿಟ್ಟು ತುಂಬಾನೇ ರುಚಿಯಾಗಿರುತ್ತದೆ. ಇದಕ್ಕೆ ನೀವು ಸಂಪೂರ್ಣ ಅವರೆಕಾಳು ಅಥವಾ ಹಿತಕಿದ ಅವರೆ ಬೇಳೆ ಸೇರಿಸಬಹುದು. ಅವರೆಕಾಳಿನ ಈ ಸೀಸನ್‌ನಲ್ಲಿ ಮಿಸ್‌ ಮಾಡದೆ ಮಾಡಲೇಬೇಕಾಸದ ರೆಸಿಪಿ ಇದಾಗಿದೆ. ಕೆಲವರಿಗೆ ಉಪ್ಪಿಟ್ಟು ಅಂದರೆ ಆಗಲ್ಲ ಅಂಥವರು ಕೂಡ ತುಂಬಾ ಇಷ್ಟಪಟ್ಟು ತಿನ್ನುವ ಉಪ್ಪಿಟ್ಟು ಇದಾಗಿದೆ, ಉಪ್ಪಿಟ್ಟು ತುಂಬಾ ಟೇಸ್ಟಿಯಾಗಿರಬೇಕೆಂದರೆ ಈ ಟಿಪ್ಸ್ ಅನುಸರಿಸಿ:

ಅವರೆಕಾಳಿನ ಬನ್ಸ್ ರವೆ ಉಪ್ಪಿಟ್ಟು: ಉಪ್ಪಿಟ್ಟು ಇಷ್ಟನೇ ಇಲ್ಲದವರು ಕೂಡ ಇಷ್ಟಪಟ್ಟು ತಿನ್ನುವಿರಿ

ಬೇಕಾಗುವ ಸಾಮಗ್ರಿ
ಅವರೆಕಾಳು ಅರ್ಧ ಕಪ್‌
ಈರುಳ್ಳಿ
ಹಸಿ ಮೆಣಸು
1-3
ಬನ್ಸ್ ರವೆ 1/2 ಕಪ್‌
ಆಲೂಗಡ್ಡೆ 1
ಸ್ವಲ್ಪ ಬೀನ್ಸ್
ಟೊಮೆಟೊ 1
ಕ್ಯಾರೆಟ್1
ಸ್ವಲ್ಪ ಕೊತ್ತಂಬರಿ ಸೊಪ್ಪು
ಚಟಿಕೆಯಷ್ಟು ಅರಿಶಿಣಪುಡಿ
1 ಚಮಚ ಎಣ್ಣೆ
1 ಚಮಚ ತುಪ್ಪ
1/2 ಚಮಚ ಉದ್ದಿನ ಬೇಳೆ
1 ಚಮಚ ಕಡ್ಲೆಬೇಳೆ

ಮಾಡುವ ವಿಧಾನ

• ನೀವು 1/2 ಚಮಚ ತುಪ್ಪ ಹಾಕಿ ಅದರಲ್ಲಿ ಬನ್ಸ್‌ ರವೆ ಸ್ವಲ್ಪ ರೋಸ್ಟ್‌ ಮಾಡಿಡಿ
• ನೀವುತರಕಾರಿಗಳನ್ನು ಕತ್ತರಿಸಿಡಿ
• ಈಗ ಪಾತ್ರೆ ಬಿಸಿ ಮಾಡಿ ಇದರಲ್ಲಿ ತುಪ್ಪ ಮತ್ತು ಎಣ್ಣೆ ಹಾಕಿ
• ಎಣ್ಣೆ ಬಿಸಿಯಾದಾಗ ಉದ್ದಿನ ಬೇಳೆ, ಕಡ್ಲೆಬೇಳೆ ಹಾಕಿ, ಹಸಿ ಮೆಣಸು ಹಾಕಿ
• ಈರುಳ್ಳಿ ಹಾಕಿ, ಕರಿಬೇವು ಹಾಕಿ
• ತರಕಾರಿ, ಅವರೆಕಾಳು, ಸ್ವಲ್ಪ ಅರಿಶಿಣ ಪುಡಿ ಹಾಕಿ, ರುಚಿಗೆ ತಕ್ಕ ಉಪ್ಪು ಹಾಕಿ ಮಿಕ್ಸ್ ಮಾಡಿ
• ನಂತರ ಒಂದೂವರೆ ಕಪ್‌ ನೀರು ಹಾಕಿ ತರಕಾರಿ ಬೇಯುವವರೆಗೆ ಬೇಯಿಸಿ, ನಂತರ ಬನ್ಸ್ ರವೆ ಹಾಕಿ ಮಿಶ್ರಣ ಸ್ವಲ್ಪ ಗಟ್ಟಿಯಾಗುವವರೆಗೆ ಬೇಯಿಸಿ. ನಂತರ ಕೊತ್ತಂಬರಿ ಸೊಪ್ಪು ಉದುರಿಸಿದರೆ ಅವರೆಕಾಳಿನ ಉಪ್ಪಿಟ್ಟು ರೆಡಿ.

ಇತರ ಸಲಹೆ

• ನುಚ್ಚು ಗೋಧಿಯ ಉಪ್ಪಿಟ್ಟು ಅಥವಾ ನವೆಣೆ ಉಪ್ಪಿಟ್ಟು ಮಾಡುವಾಗ ಕೂಡ ನೀವು ಇದೇ ವಿಧಾನ ಬಳಸಿ ಮಾಡಿದರೆ ಸೂಪರ್ ಆದ ಉಪ್ಪಿಟ್ಟು ರೆಡಿಯಾಗಿರುತ್ತದೆ.
• ಇದನಕ್ಕೆ ಬೇಕಿದ್ದರೆ ಸ್ವಲ್ಪ ತೆಂಗಿನ ತುರಿ ನೀರು ಕುದಿ ಬರುವಾಗ ಸೇರಿಸಿ ನಂತರ ರವೆ ಹಾಕಿದರೆ ಇನ್ನೂ ಟೇಸ್ಟ್‌ ಆಗಿರುತ್ತದೆ.
• ಈ ರವೆ ಉಪ್ಪಿಟ್ಟು ಮಾಡುವಾಗ ನೀರಿನ ಅಳತೆ ತುಂಬಾನೇ ಮುಖ್ಯ, ನೀರು ಕಡಿಮೆಯಾಗಲೂ ಬಾರದು, ನೀರು ಹೆಚ್ಚಾಗಲು ಬಾರದು, ಆದ್ದರಿಂದ ನೀವು ಎಷ್ಟು ರವೆ ತೆಗೆದುಕೊಳ್ಳುತ್ತೀರೋ ಅದರ ಡಬಲ್ ಅಂದರೆ ಅರ್ಧ ಕಪ್‌ ರವೆಯಾದರೆ 1 ಕಪ್‌ ನೀರು ತೆಗೆದುಕೊಳ್ಳಬೇಕು, ಅದೇ ಇಷ್ಟೆಲ್ಲಾ ತರಕಾರಿ ಸೇರಿಸುವಾಗ ಅದು ಬೇಯಲು ನೀರು ಬೇಕು, ಹಾಗಾಗಿ ಇನ್ನೂ ಅರ್ಧ ಕಪ್ ನೀರು ಹೆಚ್ಚು ಸೇರಿಸಲಾಗಿದೆ.
• ನೀವು ತುಪ್ಪದ ಬದಲಿಗೆ ತೆಂಗಿನೆಣ್ಣೆ ಮಾತ್ರ ಬಳಸಿ ಕೂಡ ಮಾಡಬಹುದು, ನಿಮಗೆ ಯಾವ ರುಚಿ ಇಷ್ಟವಾಗುವುದೋ ಅದರಂತೆ ಮಾಡಿ, ಆದರೆ ರವೆ ರೋಸ್ಟ್ ಮಾಡುವಾಗ ಸ್ವಲ್ಪ ತುಪ್ಪ ಸೇರಿಸಲು ಮರೆಯಬೇಡಿ, ಟೇಸ್ಟ್ ಸೂಪರ್ ಆಗಿರುತ್ತದೆ.