ರೆಸ್ಟೋರೆಂಟ್‌ ರುಚಿಯ ಚಿಕನ್‌ ಟಿಕ್ಕಿಯನ್ನು ಮನೆಯಲ್ಲಿ ಕಡಿಮೆ ಖರ್ಚಿನಲ್ಲಿ ಮಾಡಬಹುದು

ರೆಸ್ಟೋರೆಂಟ್‌ಗಳಲ್ಲಿ ಸಿಗುವಂತೆ ರುಚಿ-ರುಚಿಯಾದ ಚಿಕನ್ ಕಟ್ಲೇಟ್‌ ಮನೆಯಲ್ಲಿಯೇ ಮಾಡಬಹುದು, ರೆಸ್ಟೋರೆಂಟ್‌ನಲ್ಲಾದರೆ ದುಬಾರಿ ಹಣಕ್ಕೆ 3-4 ಪೀಸ್‌ ಕಟ್ಲೇಟ್ ಸಿಗುವುದು.

ಅದೇ ಮನೆಯಲ್ಲಿ ಮಾಡುವುದಕ್ಕೆ ಅದರ ಅರ್ಧದಷ್ಟು ದುಡ್ಡು ಖರ್ಚು ಮಾಡಿದರೆ ಸಾಕು, ಮನೆಮಂದಿಯೆಲ್ಲಾ ಸೇರಿ ಸವಿಯಬಹುದು, ಅಲ್ಲದೆ ಇದನ್ನು ಮಾಡುವುದು ಕೂಡ ದೊಡ್ಡ ಟಾಸ್ಕ್ ಕೂಡ ಅಲ್ಲ, ಅಲ್ಲದೆ ಡಯಟ್‌ ಮಾಡುವವರಿಗೂ ಇದು ತುಂಬಾ ಒಳ್ಳೆಯದು.

ಮಾಡುವ ವಿಧಾನ:

300 ಗ್ರಾಂ ಬೋನ್‌ಲೆಸ್‌ ಚಿಕನ್
1/2 ಕಪ್ ಈರುಳ್ಳಿ (ಚಿಕ್ಕದಾಗಿ ಕತ್ತರಿಸಿ)
ಒಂದೂವರೆ ಚಮಚ ತುರಿದ ಶುಂಠಿ ಅಥವಾ ಪೇಸ್ಟ್
1-2 ಹಸಿ ಮೆಣಸು ಚಿಕ್ಕದಾಗಿ ಕತ್ತರಿಸಿದ್ದು
ಸ್ವಲ್ಪ ಕೊತ್ತಂಬರಿ ಸೊಪ್ಪು
ಕಾಶ್ಮೀರಿ ಚಿಲ್ಲಿ ಪ್ಲೇಕ್ಸ್
1/4 ಚಮಚ ಅರಿಶಿಣ ಪುಡಿ
ಒಂದೂವರೆ ಚಮಚ ಗರಂ ಮಸಾಲೆ
1/4 ರಿಂದ 1/2 ಕಪ್ ಬ್ರೆಡ್‌ ಚೂರುಗಳು
1/4 ಕಪ್‌ಕಡ್ಲೆ ಹಿಟ್ಟು ಅಥವಾ 1 ಮೊಟ್ಟೆ
3/4 ಚಮಚ (ರುಚಿಗೆ ತಕ್ಕ ಉಪ್ಪು)
2 ಚಮಚ ಎಣ್ಣೆ

ಮಾಡುವ ವಿಧಾನ:

• ನೀವು ಪ್ಯಾನ್‌ಗೆ 2 ಚಮಚ ಮೊಸರು, 1/2 ಕಪ್ ನೀರು ಹಾಕಿ ಮಿಕ್ಸ್ ಮಾಡಿ ಅದರಲ್ಲಿ ಚಿಕನ್ ಹಾಕಿ 2 ಗಂಟೆಗಳ ಕಾಲ ಇಡಿ.
• ನಂತರ ಪ್ಯಾನ್‌ ಅನ್ನು ಉರಿ ಮೇಲಿಟ್ಟು ಕಡಿಮೆ ಉರಿಯಲ್ಲಿ ಬೇಯಿಸಿ, ನೀರು ಸೇರಿಸಬೇಡಿ, ಆ ಮಜ್ಜಿಗೆ ನೀರಿನಲ್ಲಿಯೇ ಬೇಯಿಸಿ.
• ಆ ನೀರು ಸಂಪೂರ್ಣ ಬತ್ತಿ ಹೋದ ಮೇಲೆ ಆ ಚಿಕನ್ ಪೀಸ್‌ಗಳನ್ನು ಒಂದು ಪಾತ್ರೆಗೆ ಹಾಕಿ, ಕೈಯಿಂದಲೇ ಪುಡಿ-ಪುಡಿ ಮಾಡಿ, ನಂತರ ಅದಕ್ಕೆ ಕತ್ತರಿಸಿದ ಈರುಳ್ಳಿ, ಹಸಿ ಮೆಣಸು, ಗರಂ ಮಸಾಲ, ರುಚಿಗೆ ತಕ್ಕ ಉಪ್ಪು, ಅರಿಶಿಣ ಪುಡಿ, ಖಾರದ ಪುಡಿ ಹಾಕಿ ಮಿಕ್ಸ್ ಮಾಡಿ, ನೀವು ಬೇಯಿಸಿದ ಒಂದು ಆಲೂಗಡ್ಡೆ ಬಳಸಿದರೂ ತುಂಬಾ ಒಳ್ಳೆಯದು. ಇನ್ನು ಕ್ಯಾಬೇಜ್, ಕ್ಯಾರೆಟ್‌ ಬೇಕಾದರೂ ಸೇರಿಸಬಹುದು.
• ಚೆನ್ನಾಗಿ ಮಿಕ್ಸ್ ಮಾಡಿ, ನಂತರ ಸ್ವಲ್ಪ ಅಕ್ಕಿಹಿಟ್ಟು ಅಥವಾ ಬ್ರೆಡ್‌ ಚೂರುಗಳನ್ನು ಸೇರಿಸಿ.
• ಚೆನ್ನಾಗಿ ಮಿಕ್ಸ್ ಮಾಡಿ ಉಂಡೆಗಳನ್ನು ಕಟ್ಟಿ, ಈ ಹಿಟ್ಟಿನಿಂದ 8-9 ಉಂಡೆಗಳನ್ನು ಮಾಡಬಹುದು.
• ನಂತರ ಉಂಡೆಯನ್ನು ಕೈಯಿಂದಲೇ ತಟ್ಟಿ, ನಂತರ ಬ್ರೆಡ್‌ ಚೂರ್‌ನಲ್ಲಿ ಹೊರಳಾಡಿ ಅದನ್ನು ಚೆನ್ನಾಗಿ ಮಿಕ್ಸ್ ಮಾಡಿದ ಮೊಟ್ಟೆಯಲ್ಲಿ ಅದ್ದಿ ಇದೇ ಸಮಯದಲ್ಲಿ ಪ್ಯಾನ್ ಬಿಸಿ ಮಾಡಿ ನಂತರ ಪ್ಯಾನ್‌ಗೆ ತಟ್ಟಿದ ಕಟ್ಲೇಟ್‌ ಹಾಕಿ, ಎರಡೂ ಬದಿ ಚೆನ್ನಾಗಿ ಫ್ರೈ ಮಾಡಿ.
• ನಂತರ ಬಿಸಿ ಬಿಸಿಯಾದ ಕಟ್ಲೇಟ್ ಅನ್ನು ಟೊಮೆಟೊ ಕೆಚಪ್ ಅಥವಾ ಪುದೀನಾ ಚಟ್ನಿಯೊಂದಿಗೆ ಸರ್ವ್‌ ಮಾಡಿ.