ಆಲೂ ದೋಸೆ : ಕಾಸು ಕಮ್ಮಿ, ರುಚಿ ಜಾಸ್ತಿ!

ಹೋಟೆಲ್‌‍ಗಳಲ್ಲಿ ಸಾಲು ನಿಂತು ಮಸಾಲೆ ದೋಸೆ ತಿನ್ನುವುದಕ್ಕಿಂತಲೂ ಮನೆಯಲ್ಲಿ ಆಲೂ ದೋಸೆ ತಯಾರಿಸಿಕೊಳ್ಳುವುದು ಬಲು ಸುಲಭ. ಅಡುಗೆಮನೆಯಲ್ಲಿ ಆಲೂ ದೋಸೆ ತಯಾರಿಸುತ್ತಿದ್ದರೆ, ಮನೆಮಂದಿಯೆಲ್ಲಾ ಸಾಲು ನಿಂತು ತಮ್ಮ ಸರದಿಗಾಗಿ ಕಾಯಬೇಕು ಹಾಗೆ ಮಾಡುತ್ತದೆ ಅದರ ಘಮಲು! ಒಮ್ಮೆ ಪ್ರಯತ್ನಿಸಿ ನೋಡಿ.

ಬೇಕಾಗುವ ಸಾಮಗ್ರಿ :

ಅಲೂಗಡ್ಡೆ : 4
ಮೈದಾ : 1 ಕಪ್
ಹಸಿ ಮೆಣಸಿನ ಕಾಯಿ : 4
ಕೊತ್ತಂಬರಿ ಸೊಪ್ಪು : 1 ಹಿಡಿ
ಉಪ್ಪು : ರುಚಿಗೆ ತಕ್ಕಷ್ಟು
ಹುರಿಯಲು ಎಣ್ಣೆ

ಮಾಡುವ ವಿಧಾನ :

ಅಲೂಗಡ್ಡೆಯ ಸಿಪ್ಪೆ ತೆಗೆದು ತುರಿದುಕೊಳ್ಳಿ. ಉಪ್ಪನ್ನು ಬೆರಸಿ ಪಕ್ಕಕ್ಕಿಡಿ. ಈಗ ಮೈದಾವನ್ನು ಆಲೂಗಡ್ಡೆಗೆ ಬೆರಸಿ ಸ್ವಲ್ಪ ನೀರಿನೊಂದಿಗೆ ದೋಸೆ ಹಿಟ್ಟಿನ ತರಹ ಮಾಡಿಕೊಳ್ಳಿ. ಈ ಹಿಟ್ಟಿಗೆ ಹೆಚ್ಚಿಕೊಂಡ ಹಸಿಮೆಣಸಿನ ಕಾಯಿ ಕೊತ್ತಂಬರಿ ಸೊಪ್ಪನ್ನು ಸೇರಿಸಿ ಚೆನ್ನಾಗಿ ಕಲಸಿ.

ಹೆಂಚನ್ನು ಬಿಸಿಮಾಡಿ ಅದಕ್ಕೆ ಎಣ್ಣೆಯನ್ನು ಸವರಿ. ಕಾದ ಹೆಂಚಿನ ಮೇಲೆ ಹಿಟ್ಟನ್ನು ಹಾಕಿ ದೋಸೆಯ ರೀತಿ ಹರಡಿ. ಒಂದು ಚಮಚ ಎಣ್ಣೆಯನ್ನು ಹಾಕಿ ಎರಡು ಕಡೆ ಕಂದು ಬಣ್ಣ ಬರುವವರೆಗೆ ಹುರಿಯಿರಿ. ಅಷ್ಟೆ ನಿಮ್ಮ ನೆಚ್ಚಿನ ಆಲೂ ದೋಸೆ ತಯಾರಾದಂತೆ.

(ದಟ್ಸ್ ಕನ್ನಡ ಪಾಕಶಾಲೆ)