Breakfast Recipe: ಎರಡು ಟೊಮೆಟೋ ಇದ್ರೆ ಈ ರೀತಿ ಸ್ಪೆಷಲ್ ಪೂರಿ ಮಾಡಿ!

Breakfast Recipe: ಬೆಳಗ್ಗೆ ತಿಂಡಿಗೆ ನೀವು ವಿಶೇಷ ರುಚಿಯಲ್ಲಿ ಯಾವುದಾದರು ತಿಂಡಿ ಮಾಡಿ ಸವಿಯುವ ನಿಮ್ಮ ಬಯಕೆ ಇದ್ದರೆ ನಾವಿಂದು ಸುಲಭವಾಗಿ ಮಾಡುವ ತಿಂಡಿಯ ಕುರಿತು ನಾವಿಂದು ತಿಳಿದುಕೊಳ್ಳೋಣ. ಅದ್ರಲ್ಲೂ ವಿಶೇಷವಾಗಿ ಎರಡು ಟೊಮೆಟೋಗಳ ಬಳಸಿ ಮಾಡುವಂತಹ ಪೂರಿಯ ಕುರಿತಾಗಿ ಇಂದು ತಿಳಿದುಕೊಳ್ಳೋಣ.

ಪೂರಿ ಎಲ್ಲರ ಮೆಚ್ಚಿನ ತಿಂಡಿಗಳಲ್ಲಿ ಒಂದು. ಹೋಟೆಲ್ ರುಚಿಯಲ್ಲಿ ಪೂರಿ ಸವಿದು ನಾವು ಸವಿಯುವುದು ನೋಡಬಹುದು. ಮನೆಯಲ್ಲಿ ಪೂರಿ ಮಾಡಿದ್ರೆ ಒಂದೂ ಉಳಿಯದಂತೆ ಎಲ್ಲರು ಸವಿಯುತ್ತಾರೆ. ಗೋಧಿ ಹಿಟ್ಟಿನಿಂದ ಮಾಡುವ ಪೂರಿ ಹಾಗೆ ತರಕಾರಿ ಸಾಗು ಮಾಡಿದ್ರೆ ಬೆಳಗ್ಗಿನ ಉಪಹಾರ ರುಚಿ ರುಚಿಯಾಗಿ ಇರಲಿದೆ.

ಇನ್ನು ಬೆಳಗ್ಗೆ ತಿಂಡಿ ಮಾಡಲು ಯಾವುದೇ ತರಕಾರಿ ಇಲ್ಲ, ಅಥವಾ ಪದಾರ್ಥಗಳು ಇಲ್ಲ ಎಂಬಂತಹ ಸಂದರ್ಭದಲ್ಲಿ ಈ ರೆಸಿಪಿಯನ್ನು ಸುಲಭವಾಗಿ ಮಾಡಿ ಮುಗಿಸಬಹುದು.

ಇನ್ನು ಬೆಳಗ್ಗೆ ತಿಂಡಿಗಾಗಿ ಮನೆಯಲ್ಲಿ ಟೊಮೆಟೋ ಬಳಸಿ ಮಾಡುವ ಈ ಪೂರಿ ಬಹಳ ರುಚಿಕರವಾಗಿರಲಿದೆ. ಹಾಗೆ ಮಾಡೋದು ಕೂಡ ಬಹಳ ಸುಲಭ. ಹಾಗಾದ್ರೆ ನಾವಿಂದು ಈ ಟೊಮೆಟೋ ಪೂರಿ ಮಾಡುವ ಕುರಿತು ತಿಳಿದುಕೊಳ್ಳೋಣ. ಈ ಟೊಮೆಟೋ ಪೂರಿ ಮಾಡಲು ಯಾವೆಲ್ಲಾ ಪದಾರ್ಥಗಳು ಬೇಕು?, ಮಾಡಲು ಯಾವೆಲ್ಲಾ ಪದಾರ್ಥಗಳು ಬೇಕು?, ಮಾಡಲು ಎಷ್ಟು ಸಮಯ ಹಿಡಿಯಲಿದೆ ಎಂಬುದನ್ನು ನಾವಿಂದು ತಿಳಿದುಕೊಳ್ಳೋಣ.

ಟೊಮೆಟೋ ಪೂರಿ ಮಾಡಲು ಯಾವೆಲ್ಲಾ ವಸ್ತುಗಳು ಬೇಕು?

• ಟೊಮೆಟೋ
• ಈರುಳ್ಳಿ
• ಗರಂ ಮಸಾಲೆ
• ಅರಶಿಣ ಪುಡಿ
• ಖಾರದ ಪುಡಿ
• ಉಪ್ಪು
• ಎಣ್ಣೆ
• ಗೋಧಿ ಹಿಟ್ಟು

ಟೊಮೆಟೋ ಪೂರಿ ಮಾಡುವ ವಿಧಾನವೇನು?

ಮೊದಲು ಒಲೆ ಮೇಲೆ ಬಾಣಲೆ ಇಟ್ಟು ಅದಕ್ಕೆ ಎಣ್ಣೆ ಹಾಕಿ ಕಾಯಲು ಬಿಡಿ. ನಂತರ ಅದಕ್ಕೆ ಸಣ್ಣದಾಗಿ ಹೆಚ್ಚಿಕೊಂಡಿರುವ ಈರುಳ್ಳಿ, ಹಾಗೆ ಟೊಮೆಟೋ ಕೂಡ ಹಾಕಿಕೊಳ್ಳಿ. ನಂತರ ಚೆನ್ನಾಗಿ 1 ನಿಮಿಷ ಫ್ರೈ ಮಾಡಿಕೊಳ್ಳಿ. ಈಗ ಇದಕ್ಕೆ ಅರಶಿಣ ಪುಡಿ ಹಾಗೂ ಗರಂ ಮಸಾಲೆ, ಖಾರದ ಪುಡಿ ಹಾಗೆ ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ 1 ನಿಮಿಷ ಮಿಕ್ಸ್ ಮಾಡಿಕೊಳ್ಳಬೇಕು.

ಈಗ 2 ನಿಮಿಷ ಚೆನ್ನಾಗಿ ಫ್ರೈ ಮಾಡಿಕೊಂಡ ಬಳಿಕ ಒಲೆ ಆಫ್ ಮಾಡಿಕೊಂಡು ತಣ್ಣಗಾಗಲು ಬಿಡಿ. ಎಲ್ಲಾ ವಸ್ತುಗಳು ತಣ್ಣಗಾದ ಬಳಿಕ ಒಂದು ಪಾತ್ರೆಗೆ ಹಾಕಿಕೊಳ್ಳಿ. ಈಗ ಇದಕ್ಕೆ ಎಷ್ಟು ಬೇಕೋ ಅಷ್ಟು ಗೋಧಿ ಹಿಟ್ಟನ್ನು ಹಾಕಿಕೊಂಡು ಚೆನ್ನಾಗಿ ಮಿಕ್ಸ್ ಮಾಡಿಕೊಳ್ಳಿ. ಒಂದು ವೇಳೆ ಗಟ್ಟಿಯಾದರೆ ಸ್ವಲ್ಪ ಸ್ಲಲ್ಪ ನೀರು ಹಾಕಿಕೊಂಡು ಕೂಡ ಕಲಸಿಕೊಳ್ಳಬಹುದು.

ಇನ್ನು ಈ ಹಿಟ್ಟು ಚಪಾತಿ ಹಿಟ್ಟಿಗಿಂತ ಸ್ವಲ್ಪ ಮೃದುವಾಗಿಯೂ ಹಾಗೆ ಗಟ್ಟಿಯಾಗಿ ಬಂದರೆ ಸಾಕಾಗುತ್ತದೆ. ಈಗ ಹಿಟ್ಟನ್ನು ಪಾತ್ರೆಯಲ್ಲಿ 5 ನಿಮಿಷಗಳ ಕಾಲ ಮುಚ್ಚಿಡಿ. ನಂತರ ಮತ್ತೆ ಹಿಟ್ಟನ್ನು ನಾದಿಕೊಳ್ಳಬೇಕು. ಈಗ ಹಿಟ್ಟನ್ನು ಸಣ್ಣ ಸಣ್ಣ ಉಂಡೆಗಳಾಗಿ ಮಾಡಿಕೊಂಡು ಚಪಾತಿ ಮಣೆಯಲ್ಲಿ ಲಟ್ಟಿಸಿಕೊಳ್ಳಬಹುದು. ಬಹಳ ತೆಳುವಾಗಿ ಲಟ್ಟಿಸಿಕೊಳ್ಳಬೇಡಿ.

ಲಟ್ಟಿಸಿಕೊಂಡ ಪೂರಿಯನ್ನು ಎಣ್ಣೆಗೆ ಬಿಟ್ಟು ಕರಿದುಕೊಳ್ಳಿ. ಎರಡೂ ಕಡೆ ಕರಿದುಕೊಳ್ಳಿ. ನಿಮಗೆ ಯಾವ ಗಾತ್ರಕ್ಕೆ ಬೇಕೋ ಹಾಗೆ ಲಟ್ಟಿಸಿಕೊಳ್ಳಿ. ಇನ್ನು ಕರಿದುಕೊಂಡ ಪೂರಿಯನ್ನು ಸವಿಯಲು ನೀಡಿ. ಈ ಪೂರಿ ಸವಿಯಲು ಚಟ್ನಿ, ಸಾಗು, ಸಾಂಬಾರ್‌ನ ಅವಶ್ಯಕತೆ ಕೂಡ ಇಲ್ಲ. ಏಕೆಂದರೆ ಇದನ್ನು ಹಾಗೆ ಸವಿಯಬಬಹುದು. ನೀವು ಕೂಡ ಬೆಳಗ್ಗೆ ಬ್ರೇಕ್ ಫಾಸ್ಟ್‌ಗೆ ಇದನ್ನು ಮಾಡಿ ನೋಡಿ. ಒಮ್ಮೆ ಇದರ ರುಚಿ ನೋಡಿದ್ರೆ ಪದೇ ಪದೇ ಮಾಡಿ ಸವಿಯುವುದು ಖಚಿತ.