10 ನಿಮಿಷದೊಳಗೆ ಮಾಡಬಹುದು ರುಚಿಯಾದ ಬ್ರೆಡ್‌ ಉಪ್ಪಿಟ್ಟು, ರವೆ ಉಪ್ಪಿಟ್ಟು ಇಷ್ಟವಿಲ್ಲದವರು ಇದನ್ನು ಇಷ್ಟಪಡುತ್ತಾರೆ

ಪಟ್‌ ಅಂತ ಮಾಡಬಹುದಾದ ರೆಸಿಪಿಯಲ್ಲೊಂದು ಬ್ರೆಡ್‌ ಉಪ್ಪಿಟ್ಟು. ಇದನ್ನು ಮಾಡಲು ಹೆಚ್ಚು ಸಮಯ ಬೇಕಾಗಿಲ್ಲ ಪಟ್‌ ಅಂತ ಮಾಡಬಹುದು, ಅಲ್ಲದೆ ರವೆ ಉಪ್ಪಿಟ್ಟು ಇಷ್ಟಪಡದವರು ಕೂಡ ಈ ಬ್ರೆಡ್‌ ಉಪ್ಪಿಟ್ಟು ಇಷ್ಟಪಟ್ಟು ಸವಿಯುತ್ತಾರೆ.

ಈ ಉಪ್ಪಿಟ್ಟು ಮಾಡಲು ವೈಟ್‌ ಬ್ರೆಡ್‌ ಬಳಸಬಹುದು ಅಥವಾ ಡಯಟ್‌ ಬಗ್ಗೆ ತುಂಬಾ ಗಮನಹರಿಸುವವರು ವ್ಹೀಟ್‌ ಬ್ರೆಡ್‌ ಕೂಡ ಬಳಸಬಹುದು, ಅಲ್ಲದೆ ಈ ಉಪ್ಪಿಟ್ಟು ಪಟ್ ಪಟ್ ಅಂತ ಮಾಡಿ ಮುಗಿಸಬಹುದು, ಬನ್ನಿ ಇದನ್ನು ಮಾಡುವುದು ಹೇಗೆ ಎಂದು ನೋಡೋಣ:

ಬೇಕಾಗುವ ಸಾಮಗ್ರಿ

ಬ್ರೆಡ್‌ 10-15 ಪೀಸ್‌
ಅರಿಶಿಇಣ 1/ 2 ಚಮಚ
ರುಚಿಗೆ ತಕ್ಕ ಉಪ್ಪು
ಜೀರಿಗೆ 1/ 2 ಚಮಚ
ಹಸಿ ಮೆಣಸು 3(ನಿಮ್ಮ ರುಚಿಗೆ ತಕ್ಕಷ್ಟು)
ಸ್ವಲ್ಪ ಸಾಸಿವೆ
ಚಿಟಿಕೆಯಷ್ಟು ಇಂಗು (ಬಳಸದೆ ಇದ್ದರೂ ಆಗುತ್ತೆ)
ಟೊಮೆಟೊ 2
ಈರುಳ್ಳಿ 1
ನೆಲಗಡಲೆ ( ಹಾಕಿದರೆ ಇನ್ನೂ ರುಚಿ ಅನಿಸುವುದು)
ನಿಂಬೆರಸ
ಸ್ವಲ್ಪ ಕೊತ್ತಂಬರಿ ಸೊಪ್ಪು

ಮಾಡುವ ವಿಧಾನ

• ಬ್ರೆಡ್‌ನ ತುದಿ ಭಾಗವನ್ನು ಕತ್ತರಿಸಿ ನಂತರ ಎಲ್ಲಾ ಬ್ರೆಡ್‌ ಸೇರಿಸಿ ಚಿಕ್ಕ ತುಂಡುಗಳಾಗಿ ಕತ್ತರಿಸಿ
• ನೀವು ಪಾತ್ರೆಗೆ ಎಣ್ಣೆ ಹಾಕಿ ಬಿಸಿ ಮಾಡಿ ಇಂಗು ಹಾಕಿ, ನಂತರ ಸಾಸಿವೆ ಹಾಕಿ, ಜೀರಿಗೆ ಹಾಕಿ, ಜೀರಿಗೆ ಚಟ್‌ಪಟ್‌ ಶಬ್ದ ಮಾಡುವಾಗ ನೆಲಗಡಲೆ ಹಾಕಿ ಫ್ರೈ ಮಾಡಿ
• ನಂತರ ಈರುಳ್ಳಿ ಹಾಕಿ 1 ನಿಮಿಷ ಫ್ರೈ ಮಾಡಿ, ಹಸಿ ಮೆಣಸು ಸೇರಿಸಿ ಫ್ರೈ ಮಾಡಿ
• ಬಳಿಕ ಟೊಮೆಟೊ ಹಾಕಿ 2 ನಿಮಿಷ ಫ್ರೈ ಮಾಡಿ, ಅರಿಶಿಣ ಸೇರಿಸಿ, ರುಚಿಗೆ ತಕ್ಕ ಉಪ್ಪು ಸೇರಿಸಿ
• ಈಗ ಬ್ರೆಡ್‌ ಸೇರಿಸಿ ಮಿಕ್ಸ್ ಮಾಡಿ, ನಿಂಬೆ ರಸ ಹಿಂಡಿ ನಂತರ ಕೊತ್ತಂಬರಿ ಸೊಪ್ಪಿನಿಂದ ಅಲಂಕರಿಸಿದರೆ ಬ್ರೆಡ್‌ ಉಪ್ಪಿಟ್ಟು ಸೇರಿಸಿ.

ಇತರ ಸಲಹೆ: ನೀವು ಇದಕ್ಕೆ ಬೇಕಾದರೆ ಬಟಾಣಿ, ಆಲೂಗಡ್ಡೆ, ಬೀನ್ಸ್‌, ಕ್ಯಾರೆಟ್‌ ಈ ಬಗೆಯ ತರಕಾರಿ ಕೂಡ ಸೇರಿಸಬಹುದು
ಬ್ರೆಡ್‌ ಸ್ವಲ್ಪ ಟೋಸ್ಟ್ ಮಾಡಿ ನಂತರ ಕತ್ತರಿಸಿದರೆ ಉಪ್ಪಿಟ್ಟು ಇನ್ನೂ ರುಚಿ ಅನಿಸುವುದು.

ಈ ಬ್ರೆಡ್‌ ಉಪ್ಪಿಟ್ಟು ತರಕಾರಿ ಎಲ್ಲಾ ಕತ್ತರಿಸಿಟ್ಟರೆ 5 ನಿಮಿಷದಲ್ಲಿ ರೆಡಿಯಾಗುತ್ತೆ.