Name: ರೆಸಿಪಿ: ಹಬ್ಬಕ್ಕೆ ಮಾಡಿ ಸೋರೆಕಾಯಿ ಪಾಯಸ
Prep time: 10 min
Cook time: 20 min
Total time: 30 min
Yield: 8

ದೀಪಾವಳಿ ಹಬ್ಬ ಬಂತು....ನೀವು ಹಬ್ಬದ ಸಮಯದಲ್ಲಿ ಸಾಬುದಾನ, ಶ್ಯಾವಿಗೆ ಇಂಥ ಪಾಯಸ ಮಾಡುತ್ತಿದ್ದರೆ ಈ ಬಾರಿ ಸೋರೆಕಾಯಿ ಪಾಯಸ ಟ್ರೈ ಮಾಡಿ ನೋಡಿ. ಸೋರೆಕಾಯಿ ಪಾಯಸ ರುಚಿಯಲ್ಲಿ ಅದ್ಭುತವಾಗಿರುತ್ತೆ, ಅಲ್ಲದೆ ಇದನ್ನು ಮಾಡುವುದು ಕೂಡ ಕಷ್ಟಕರವಾಗಿಲ್ಲ. ತುಪ್ಪ ಸುಲಭವಾಗಿ ಪಾಯಸ ಮಾಡಬಹುದು. ನಾವಿಲ್ಲಿ 3-4 ಜನರಿಗೆ ಸವಿಯುವ ಅಳತೆಯಲ್ಲಿ ಪಾಯಸದ ರೆಸಿಪಿ ಹೇಳಿದ್ದೇವೆ. ನೀವು ಎಷ್ಟು ಜನರಿಗೆ ಮಾಡ್ಬೇಕೋ ಅದಕ್ಕೆ ತಕ್ಕಂತೆ ಸಾಮಗ್ರಿ ಸ್ವಲ್ಪ ಅಧಿಕ ಹಾಕಿದರೆ ಸಾಕು.

ಬನ್ನಿ ಸೋರೆಕಾಯಿ ಪಾಯಸ ಮಾಡುವುದು ಹೇಗೆ ಎಂದು ತಿಳಿಯೋಣ...

Bottle Gourd Payasa, ಸೋರೆಕಾಯಿ ಪಾಯಸ

Prep Time

10 Mins

Cook Time

20M

Total Time

30 Mins

Recipe By: Reena TK

Recipe Type: Kheer

Serves: 4

Ingredients

ಬೇಕಾಗುವ ಸಾಮಗ್ರಿ

* 1 ಚಮಚ ತುಪ್ಪ

* 1 ಕಪ್ ಸಿಪ್ಪೆ ತೆಗೆದು ತುರಿದ ಸೋರೆಕಾಯಿ

* ಎರಡೂವರೆಕಪ್ ದಪ್ಪ ಹಾಲು (ಕೆನೆ ಸಹಿತ)

* ಚಿಟಕೆಯಷ್ಟು ಕೇಸರಿ

* ಸ್ವಲ್ಪ ಏಲಕ್ಕಿ

* 5 ಚಮಚ ದೊಡ್ಡ ಚಮಚ ಸಕ್ಕರೆ (ಸಿಹಿಗೆ ತಕ್ಕಷ್ಟು)

* ಗೋಡಂಬಿ, ದ್ರಾಕ್ಷಿ

* 1-2 ಚಮಚ ರೋಸ್‌ ವಾಟರ್‌

How to Prepare

ಮಾಡುವ ವಿಧಾನ

* ದಪ್ಪ ತಳವಿರುವ ಪಾತ್ರೆ ಬಿಸಿ ಮಾಡಿ ಅದಕ್ಕೆ 1 ಚಮಚ ತುಪ್ಪ ಹಾಕಿ.

* ತುಪ್ಪ ಬಿಸಿಯಾದಾಗ ಅದರಲ್ಲಿ ತುರಿದ ಸೋರೆಕಾಯಿ ಹಾಕಿ ಸೌಟ್‌ನಿಂದ ಆಡಿಸುತ್ತಾ ಹುರಿಯಿರಿ. ಸೋರೆಕಾಯಿಯ ಹಸಿ ವಾಸನೆ ಹೋಗುವಷ್ಟು ಹೊತ್ತು ಹುರಿಯಿರಿ.

* ನಂತರ ಹಾಲು ಸೇರಿಸಿ, ಉರಿಯನ್ನು ಮೀಡಿಯಂನಲ್ಲಿಟ್ಟು ಸೌಟ್‌ನಿಂದ ಆಡಿಸಿ, ಸಕ್ಕರೆ ಸೇರಿಸಿ ಬೇಯಿಸಿ. ಆಗಾಗ ಸೌಟ್‌ನಿಂದ ಆಡಿಸುತ್ತಾ ಇರಬೇಕು. ಹಾಲು ಮೆಲ್ಲನೆ ಕುದಿ ಬರಲು ಪ್ರಾರಂಭವಾದಾಗ ರೋಸ್‌ ವಾಟರ್ ಹಾಕಿ, ಕೇಸರಿ ಸೇರಿಸಿ.

* ಹಾಲು ಕಡಿಮೆ ಉರಿಯಲ್ಲೇ ಕುದಿಯುತ್ತಾ ಇನ್ನೂ ಸ್ವಲ್ಪ ಮಂದವಾಗಬೇಕು, ಆಗ ಏಲಕ್ಕಿ ಪುಡಿ ಮಾಡಿ ಹಾಕಿ.

* ಬಳಿಕ ಗೋಡಂಬಿ-ದ್ರಾಕ್ಷಿಯನ್ನು ತುಪ್ಪದಲ್ಲಿ ಹುರಿದು ಸೇರಿಸಿದರೆ ಸೋರೆಕಾಯಿ ಪಾಯಸ ರೆಡಿ.

Instructions