ಬೇಸನ್ ಹಲ್ವಾ ರೆಸಿಪಿ

Recipes

oi-Lekhaka

Posted By: Roopa Shenoy

| Updated: Friday, June 15, 2018, 11:20 [IST]

ಬೇಸನ್ ಹಲ್ವಾ ಪಂಜಾಬಿನಲ್ಲಿ ಹಬ್ಬ ಹರಿದಿನದೊಂದು ಮಾಡುವ ಒಂದು ಪಾರಂಪರಿಕ ವ್ಯಂಜನ. ಇದನ್ನು ತುಪ್ಪದಿಂದಲೇ ಮಾಡುವುದರಿಂದ, ಅಲ್ಲದೆ ಒಣದ್ರಾಕ್ಷಿ, ಗೋಡಂಬಿಯನ್ನು ಕೂಡ ಈ ರೆಸಿಪಿಗೆ ಬಳಸುವುದರಿಂದ ಇದರ ಸಿಹಿ ರುಚಿಯು ಇನ್ನಷ್ಟು ಹೆಚ್ಚುತ್ತದೆ. ಈ ಸಿಹಿಯು ಕಸ್ಟರ್ಡ್ ಹಾಗು ಗಟ್ಟಿಯಾದ ಹಲ್ವಾದ ಸಮಂಜಸ್ಯವಾಗಿದೆ. ಬೇಸನ್ ಹಲ್ವಾ ಕಡಿಮೆ ಸಮಯದಲ್ಲಿ ಮನೆಯಲ್ಲಿಯೇ ಮಾಡಬಹುದು. ಇದನ್ನು ತುಪ್ಪದಲ್ಲಿ ಮಾಡುವುದರಿಂದ ಇದರ ಪರಿಮಳ ಮತ್ತು ಇದರ ರುಚಿ ನಿಮ್ಮ ಸಿಹಿ ತಿನ್ನುವ ಚಪಲವನ್ನು ಇಂಗಿಸುವುದು ಅನ್ನೋದರಲ್ಲಿ ಎರಡು ಮಾತಿಲ್ಲ.

ಬೇಸನ್ ಹಲ್ವಾ ವಿಡಿಯೋ

1. ಒಂದು ಬಾಣಲೆಯನ್ನು ಸ್ವಲ್ಪ ಬಿಸಿ ಮಾಡಿ ನಂತರ ಅದರಲ್ಲಿ ಕಡಲೇ ಹಿಟ್ಟು (ಬೇಸನ್) ಹಾಕಿ ಕೆಂಪಗಾಗುವ ವರೆಗೆ ಹುರಿಯಿರಿ.

2. ತುಪ್ಪ ಮತ್ತು ಸಕ್ಕರೆ ಹಾಕಿ ಚೆನ್ನಾಗಿ ಕೈಯಾಡಿಸಿ.

3. ನಂತರ ನೀರು ಹಾಕಿ ಕಲಿಸಿ.

4. ಕುದಿಯಲು ಬಿಡಿ. ಸ್ವಲ್ಪ ಸಮಯದ ನಂತರ ಇದು ಗಟ್ಟಿಯಾಗುತ್ತಾ ಬರುತ್ತದೆ ಆಗ ಗಂಟಾಗದ ರೀತಿಯಲ್ಲಿ ಕೈ ಬಿಡದೆ ಆಡಿಸಿ.

5. ಗಟ್ಟಿಯಾದ ನಂತರ ಒಲೆಯಿಂದ ಇಳಿಸಿ ತಣ್ಣಗಾಗಲು ಬಿಡಿ.

6. ಇದೇ ಸಮಯದಲ್ಲಿ ಏಲಕ್ಕಿಯನ್ನು ಕುಟ್ಟಿ ಪುಡಿ ಮಾಡಿ

7. ಇನ್ನು ಇದನ್ನು ಬೇಸನ್ ಹಲ್ವಾದ ಮೇಲೆ ಉದುರಿಸಿ.

8. ಗೋಡಂಬಿ(ಸಣ್ಣಗೆ ಕತ್ತರಿಸಿದ) ಮತ್ತು ಒಣದ್ರಾಕ್ಷಿಯೊಂದಿಗೆ ಅಲಂಕರಿಸಿರಿ.