ಪ್ರತಿದಿನ ಇದನ್ನು ಕುಡಿಯಿರಿ..!! ತೂಕ ಬೇಗನೆ ಕಡಿಮೆಯಾಗುತ್ತೆ.. ಚರ್ಮ ಚಿನ್ನದಂತೆ ಹೊಳೆಯುತ್ತೆ

ದೇಹದ ತೂಕ ಇಳಿಸಲು ಪ್ರಯತ್ನಿಸುವ, ಡಯಟ್‌ನ ರುಚಿಹೀನ ಆಹಾರಗಳಿಂದ ಬೇಸತ್ತವರಿಗೆ ಪೌಷ್ಟಿಕಾಂಶ ತಜ್ಞರು ಸೂಪ್‌ಗಳನ್ನು ಶಿಫಾರಸು ಮಾಡಿದ್ದಾರೆ. ಇವು ಹಸಿವು ನೀಗಿಸಿ, ಕ್ಯಾಲೋರಿ ಕಡಿಮೆ ಮಾಡುವ ಮೂಲಕ ತೂಕ ನಿರ್ವಹಣೆ ಅಥವಾ ಇಳಿಕೆಗೆ (Weight Loss) ಸಹಕಾರಿ. ಅದರಂತೆ, ನಿಮ್ಮ ದೈನಂದಿನ ಆಹಾರಕ್ಕೆ ಬೀಟ್‌ರೂಟ್ ಸೂಪ್ (Beetroot Soup) ಉತ್ತಮ ಆಯ್ಕೆ. ಇದು ತೂಕ ಇಳಿಸಲು ಮಾತ್ರವಲ್ಲ, ರಕ್ತ ಶುದ್ಧೀಕರಿಸಿ ಚರ್ಮಕ್ಕೆ ಹೊಳಪನ್ನೂ ನೀಡುತ್ತದೆ.

ಹೌದು, ಬೀಟ್ರೂಟ್ ಸೂಪ್ ಪ್ರೋಟೀನ್ ಮತ್ತು ಅಗತ್ಯ ಪೋಷಕಾಂಶಗಳಿಂದ ಸಮೃದ್ಧವಾಗಿದೆ. ಪ್ರತಿದಿನ ಬೆಳಗ್ಗೆ 1 ಕಪ್ ಸೇವಿಸುವುದರಿಂದ ತೂಕದಲ್ಲಿ ಉತ್ತಮ ಬದಲಾವಣೆ, ನಿಮ್ಮ ಒಟ್ಟಾರೆ ರೂಪದಲ್ಲಿ ಸುಧಾರಣೆ ಕಾಣುವಿರಿ. ಪೌಷ್ಟಿಕಾಂಶ ಭರಿತ ಈ ಸೂಪ್ ತಯಾರಿಸಲು ಬೇಕಾಗುವ ಸಾಮಗ್ರಿಗಳು ಮತ್ತು ತಯಾರಿಸುವ ಸರಳ ವಿಧಾನವನ್ನು (Beetroot Soup Recipe) ಈ ಲೇಖನದಲ್ಲಿ ತಿಳಿಸಲಾಗಿದೆ. ಇದನ್ನು ಒಮ್ಮೆ ಮನೆಯಲ್ಲಿ ತಯಾರಿಸಿ, ಸೇವಿಸಿ ಮತ್ತು ನಿಮ್ಮ ಅನಿಸಿಕೆಯನ್ನು ಹಂಚಿಕೊಳ್ಳಿ.

ಬೀಟ್ರೂಟ್ ಸೂಪ್‌ ತಯಾರಿಸಲು ಬೇಕಾಗುವ ಸಾಮಗ್ರಿಗಳು

• ಬೀಟ್ರೂಟ್ - 1
• ದೊಡ್ಡ ಈರುಳ್ಳಿ - 1
• ಟೊಮೆಟೊ - 2
• ಬೇಯಿಸಿದ ತೊಗರಿಬೇಳೆ ನೀರು - 300 ಮಿಲಿ
• ಹಸಿ ಮೆಣಸಿನಕಾಯಿ - 1
• ಕೊತ್ತಂಬರಿ ಸೊಪ್ಪು - ಒಂದು ಹಿಡಿ
• ಬೆಳ್ಳುಳ್ಳಿ - 2 ಎಸಳು
• ಕರಿಬೇವಿನ ಸೊಪ್ಪು - ಸ್ವಲ್ಪ
• ಶುಂಠಿ - ಸ್ವಲ್ಪ
• ತುಪ್ಪ - 2 ಚಮಚ
• ಕಾಳುಮೆಣಸು - 1/2 ಚಮಚ
• ಸೋಂಪು - 1/2 ಚಮಚ
• ಬಿರಿಯಾನಿ ಎಲೆ - 1
• ಉಪ್ಪು - ರುಚಿಗೆ ತಕ್ಕಷ್ಟು

ಬೀಟ್ರೂಟ್ ಸೂಪ್‌ ತಯಾರಿಸುವ ವಿಧಾನ

- ತೂಕ ಇಳಿಕೆ ಮತ್ತು ತ್ವಚೆ ಹೊಳಪಿಗೆ ಸಹಕಾರಿ ಈ ಪೌಷ್ಟಿಕ ಬೀಟ್‌ರೂಟ್ ಸೂಪ್ ತಯಾರಿಸುವ ವಿಧಾನ ಹೀಗಿದೆ.

- ಬೀಟ್ರೂಟ್ ಸಿಪ್ಪೆ ಸುಲಿದು ಸಣ್ಣ ತುಂಡುಗಳಾಗಿ ಕತ್ತರಿಸಿಕೊಳ್ಳಿ. ಈರುಳ್ಳಿ, ಟೊಮೆಟೊಗಳನ್ನು ತೆಳ್ಳಗೆ ಉದ್ದವಾಗಿ ಹೆಚ್ಚಿಡಿ. ಹಸಿ ಮೆಣಸಿನಕಾಯಿ, ಕೊತ್ತಂಬರಿ, ಬೆಳ್ಳುಳ್ಳಿ, ಕರಿಬೇವು, ಶುಂಠಿ ಹಾಗೂ ಉಪ್ಪನ್ನು ಒಟ್ಟಿಗೆ ಸೇರಿಸಿ ಮಿಕ್ಸಿಯಲ್ಲಿ ತರಿತರಿಯಾಗಿ ರುಬ್ಬಿಕೊಳ್ಳಿ.

- ಪ್ರೆಷರ್ ಕುಕ್ಕರ್‌ನಲ್ಲಿ 2 ಚಮಚ ತುಪ್ಪ (ಅಥವಾ ಆರೋಗ್ಯಕರ ಎಣ್ಣೆ) ಬಿಸಿ ಮಾಡಿ. ಬಿಸಿಯಾದ ತುಪ್ಪಕ್ಕೆ ಕಾಳುಮೆಣಸು, ಸೋಂಪು, ಬಿರಿಯಾನಿ ಎಲೆ ಸೇರಿಸಿ. ರುಬ್ಬಿದ ಮಿಶ್ರಣ ಹಾಕಿ, ಹಸಿ ವಾಸನೆ ಹೋಗುವವರೆಗೆ 2 ನಿಮಿಷ ಬಾಡಿಸಿ.

- ಹೆಚ್ಚಿದ ಈರುಳ್ಳಿ, ಟೊಮೆಟೊ, ಬೀಟ್‌ರೂಟ್‌ ಸೇರಿಸಿ 5 ನಿಮಿಷ ಹುರಿಯಿರಿ. ಬಳಿಕ 300 ಮಿಲಿ ಬೇಯಿಸಿದ ತೊಗರಿಬೇಳೆ ನೀರು ಹಾಗೂ ಅಗತ್ಯವಿರುವ ಉಪ್ಪು ಸೇರಿಸಿ. ಕುಕ್ಕರ್ ಮುಚ್ಚಿ, ಒಂದು ಸಿಳ್ಳೆ ಬಂದ ಮೇಲೆ ಸ್ಟೌವ್ ಆರಿಸಿ.

- ಕುಕ್ಕರ್‌ನ ಹಬೆ ಸಂಪೂರ್ಣವಾಗಿ ತಣ್ಣಗಾದ ಮೇಲೆ ಮುಚ್ಚಳ ತೆಗೆಯಿರಿ.

- ಈಗ ರುಚಿಕರ ಮತ್ತು ಆರೋಗ್ಯಕರ ಬೀಟ್‌ರೂಟ್ ಸೂಪ್ ಸಿದ್ಧ. ತಯಾರಾದ ಸೂಪ್‌ ಅನ್ನು ಉತ್ತಮವಾಗಿ ಸೋಸಿ ಬಿಸಿಯಾಗಿ ಕುಡಿಯಿರಿ.

- ಈ ಪೌಷ್ಟಿಕಾಂಶ ಭರಿತ ಸೂಪ್ ಅನ್ನು ಪ್ರತಿದಿನ ಕುಡಿಯುವುದರಿಂದ ತೂಕ ವೇಗವಾಗಿ ಕಡಿಮೆಯಾಗುತ್ತದೆ ಮತ್ತು ನಿಮ್ಮ ಚರ್ಮವು ಚಿನ್ನದಂತೆ ಹೊಳೆಯುತ್ತದೆ.

ಬೀಟ್‌ರೂಟ್ ಕಬ್ಬಿಣಾಂಶ (Iron) ಮತ್ತು ಫೋಲೇಟ್ (Folate) ನಿಂದ ಸಮೃದ್ಧವಾಗಿದೆ. ಉತ್ತಮ ಫಲಿತಾಂಶಕ್ಕಾಗಿ, ಬೀಟ್‌ರೂಟ್ ಸೂಪ್ ಅನ್ನು ಫಿಲ್ಟರ್ ಮಾಡದೆ, ಸಣ್ಣಗೆ ಕತ್ತರಿಸಿದ ತರಕಾರಿಗಳೊಂದಿಗೆ ಸೇವಿಸುವುದು ಇನ್ನಷ್ಟು ನಾರಿನಾಂಶವನ್ನು ದೇಹಕ್ಕೆ ಒದಗಿಸುತ್ತದೆ.