ಮೀನು ಸಾರು ಮಾಡುವ ಈ ಸೀಕ್ರೆಟ್‌ ತಿಳಿದರೆ ರೆಡಿಯಾಗುತ್ತೆ ಬೊಂಬಾಟ್ ರುಚಿಯ ಫಿಶ್‌ಕರಿ

ಮೀನು ಸಾರು ಈ ರೀತಿ ನೀವು ಟ್ರೈ ಮಾಡಿದ್ದೇ ಆದರೆ ಹೇಳುವಿರಿ ಅಬ್ಬಾಬ್ಬ ಎಷ್ಟು ರುಚಿಯಾಗಿದೆ! ಇದುವರೆಗೆ ನಿಮಗೆ ತಿಳಿದಿರದ ಫಿಶ್‌ಕರಿ ಸೀಕ್ರೆಟ್ ಇದು, ತುಂಬಾ ಸ್ಪೆಷಲ್ ಮಸಾಲೆ ಹಾಕಿ ಮಾಡುವ ಈ ಮೀನಿನ ಸಾರು ಮಾಡುವುದು ಹೇಗೆ ಎಂದು ನೋಡೋಣ:

ಬೇಕಾಗುವ ಸಾಮಗ್ರಿ
ಮೀನು (ಯಾವ ಮೀನು ಬೇಕಾದರು ಬಳಸಬಹುದು)
ತೆಂಗಿನೆಣ್ಣೆ
ಕರಿಬೇವು (ಕರಿಬೇವು ದಂಟು ಸಹಿತ ಬಳಸಿ)
ಕಾಚಂಪುಳಿ ಸಿಪ್ಪೆ ಅಥವಾ ಹುಣಸೆಹಣ್ಣು ಬಳಸಿ
ಬೆಳ್ಳುಳ್ಳಿ 8-10 ಎಸಳು
ಇಂಗು ಪುಡಿ
ಮೆಂತೆ ಪುಡಿ
ರುಚಿಗೆ ತಕ್ಕ ಉಪ್ಪು

ಮಸಾಲೆಗೆ
ಖಾರದ ಪುಡಿ
ಕಾಶ್ಮೀರಿ ಖಾರದ ಪುಡಿ
ಸಾಸಿವೆ
2 ಚಮಚ ತೆಂಗಿನೆಣ್ಣೆ
ಸ್ವಲ್ಪ ಕರಿಬೇವು

ಮಣ್ಣಿನ ಪಾತ್ರೆ

ಮಾಡುವ ವಿಧಾನ
ನೀವು ಯಾವುದೇ ಮೀನು ಬಳಸಿ ಕೂಡ ಈ ಸಾರು ಮಾಡಬಹುದು.
ಮೀನು ಸಾರು ಮಣ್ಣಿನ ಪಾತ್ರೆಯಲ್ಲಿ ಮಾಡಿದರೆ ರುಚಿ ಜಾಸ್ತಿ, ಹಾಗಾಗಿ ಮಣ್ಣಿನ ಪಾತ್ರೆ ಇದ್ದರೆ ಅದನ್ನು ಬಳಸಿ ತಯಾರಿಸಿ
ಸಾರು ಪಾತ್ರೆ ಬಿಸಿ ಮಾಡಿ ಅದಕ್ಕೆ 2 ಚಮಚ ತೆಂಗಿನೆಣ್ಣೆ ಹಾಕಿ, ಪಾತ್ರೆಯ ಎಲ್ಲಾ ಬದಿಗೆ ಸವರಿ (ದೋಸೆಗೆ ಎಣ್ಣೆ ಸವರುವ ಬ್ರೆಷ್‌ ಬಳಿಸಿ ಸವರಿ)
ನಂತರ ಕರಿಬೇವು ಹಾಕಿ, ಕರಿಬೇವು ಕಡ್ಡಿ ಸಹಿತ ಇಡಿ)
1/4 ಚಮಚ ಇಂಗು ಹಾಕಿ
3-4 ಕಾಚಂಪುಳಿ ತುಂಡುಗಳನ್ನು ಹಾಕಿ (ಅದಿಲ್ಲದಿದ್ದರೆ ನೀವು ಮೀಡಿಯಂ ಟೊಮೆಟೊ ಗಾತ್ರದಷ್ಟು ಹುಣಸೆಹಣ್ಣು ತೆಗೆದು ಕಲೆಸಿ ಅದರ ರಸ ಹಾಕಿ)
ನಂತರ ಶುಚಿ ಮಾಡಿಟ್ಟ ಮೀನು ಹಾಕಿ
ಮೀನು ಸರಿಯಬೇಡಿ, ಒಂದೊಂದು ಮೀನು ಜೋಡಿ, ನೀವುಒಂದು ಕೆಜಿ ಮೀನು ತೆಗೆದಿದ್ದರೆ ಅರ್ಧ ಕೆಜಿ ಈ ರೀತಿ ಮಡಿಕೆಯಲ್ಲಿ ಹರಡಿ ಮತ್ತೆ 1/4 ಚಮಚ ಮೆಂತೆ ಪುಡಿ ಹಾಕಿ,
ಅದರ ಮೇಲೆ ಮತ್ತೆ ಕರಿಬೇವು ಉದುರಿಸಿ
ಬಳಿಕ ಉಳಿದ ಮೀನು ಕೂಡ ಹಾಕಿ
ಅದರ ಮೇಲೆ 1 ಚಮಚ ಅರಿಶಿಣ ಪುಡಿ ಹಾಕಿ
ಅದರ ಮೇಲೆ ಹುಣಸೆಹಣ್ಣಿನ ರಸ (ಕಲೆಸಿದ ಹುಣಸೆಹಣ್ಣಿನ ರಸ ಅರ್ಧ ಹಾಕಿ ಮತ್ತೆ ಅರ್ಧ ಈಗ ಹಾಕಿ)
ರುಚಿಗೆ ತಕ್ಕ ಉಪ್ಪು ಸೇರಿಸಿ

ಈಗ ನೀವು ಮಸಾಲೆ ರೆಡಿ ಮಾಡಬೇಕು

• 1 ಚಮಚ ಖಾರದ ಮೆಣಸಿನ ಪುಡಿ
• ಕಾಶ್ಮೀರಿ ಮೆಣಸಿನ ಪುಡಿ 3 ಚಮಚ
• ನಂತರ 1/4 ಚಮಚ ನೀರು ಸೇರಿಸಿ ಚೆನ್ನಾಗಿ ಮಿಕ್ಸ್ ಮಾಡಿ
• ಈಗ ಪ್ಯಾನ್‌ಗೆ 2 ಚಮಚ ಎಣ್ಣೆ ಹಾಕಿ, ಎಣ್ಣೆ ಬಿಸಿಯಾದಾಗ ನೀವು ಸಾಸಿವೆ ಹಾಕಿ, ಸಾಸಿವೆ ಚಟ್‌ಪಟ್‌ ಶಬ್ದ ಮಾಡುವಾಗ 1ಚಮಚ ಸಾಸಿವೆ ಹಾಕಿ, ಸಾಸಿವೆ ಚಟ್‌ಪಟ್‌ ಶಬ್ದ ಮಾಡುವಾಗ ಸ್ವಲ್ಪ ಕರಿಬೇವು ಹಾಕಿ 8-10 ಬೆಳ್ಳುಳ್ಳಿ ಎಸಳು (ಚಿಕ್ಕದಾಗಿ ಕತ್ತರಿಸಿದ್ದು) ಹಾಕಿ, ಬೆಳ್ಳುಳ್ಳಿ ಕಂದು ಬಣ್ಣ ಬರುವಾಗ ಫ್ರೈ ಮಾಡಿ, ನಂತರ ಮಿಕ್ಸ್ ಮಾಡಿಟ್ಟ ಮೆಣಸಿನ ಪುಡಿ ಹಾಕಿ ಮಿಕ್ಸ್ ಮಾಡಿ
• ಆಗ ಈ ಪೇಸ್ಟ್ ಒಳ್ಳೆಯ ಸುವಾಸನೆ ಬೀರುತ್ತದೆ, ಈಗ ನೀವು ಜೋಡಿಸಿಟ್ಟ ಚಿಕನ್‌ ಮೇಲೆ ಈ ಮಸಾಲೆ ಸುರಿಯಿರಿ, ಅದರ ಪ್ಯಾನ್‌ ತೊಳೆದ ನೀರು ಸೇರಿಸಿ, ನಂತರ ನಿಮಗೆ ಯಾವ ಹದದಲ್ಲಿ ಸಾರು ಬೇಕು, ಅಷ್ಟು ನೀರು ಸೇರಿಸಿ.
• ನಂತರ ಮೆಲ್ಲನೆ ಮಿಕ್ಸ್ ಮಾಡಿ, ಕೆಳಗಿಟ್ಟ ಕರಿಬೇವು ಹಾಗೆ ಇರಲಿ, ಆ ರೀತಿ ಮೆಲ್ಲನೆ ಮಿಕ್ಸ್ ಮಾಡಿ
• ನಂತರ ಮೀನನ್ನು ಬೇಯಿಸಿ (ಒಂದೊಂದು ಮೀನಿಗೆ ಬೇಯಲು ಅರ್ಧ ಗಂಟೆಬೇಕು, ಅದೇ ಚಿಕ್ಕ ಬೂತಾಯಿ ಆದರೆ 10-15 ನಿಮಿಷ ಸಾಕಾಗುತ್ತೆ)
• ಸಲಹೆ
• ಗ್ಯಾಸ್‌ ಉರಿ ಮೀಡಿಯಂ ಫ್ಲೇಮ್‌ನಲ್ಲಿಟ್ಟು ಮೀನು ಬೇಯಿಸಿ
• ಮೀನು ಬೆಂದ ಬಳಿಕ ಉಪ್ಪು ಸೆರಿಯಾಗಿದೆಯೇ ನೋಡಿ, ಹುಳಿ ಇನ್ನೂ ಬೇಕೆನಿಸಿದರೆ ಸ್ವಲ್ಪ ನಿಂಬೆರಸ ಸೇರಿಸಬಹುದು.

ಈಗ ನೀವು ರೆಡಿಯಾದ ಮೀನಿನ ಸಾರು ಟೇಸ್ಟ್‌ ಮಾಡಿ ನೋಡಿ, ಮೀನು ಪ್ರಿಯರ ಖುಷಿ ಹೇಳತೀರದು ಅಷ್ಟು ಚೆನ್ನಾಗಿರುತ್ತೆ.