ಆರೋಗ್ಯಕರ ಬ್ರೇಕ್‌ಫಾಸ್ಟ್: ರೈಸ್ ಆಮ್ಲೆಟ್‌ ಹಾಗೂ ಮಶ್ರೂಮ್‌ ಆಮ್ಲೆಟ್‌ ರೆಸಿಪಿ

ಬೆಳಗ್ಗೆ ಬ್ರೇಕ್‌ಫಾಸ್ಟ್‌ಗೆ ಆರೋಗ್ಯಕರ ಆಹಾರ ಆಮ್ಲೆಟ್‌, ಆಮ್ಲೆಟ್ ಅನ್ನು ನೀವು ಅನೇಕ ರುಚಿಯಲ್ಲಿ ತಯಾರಿಸಬಹುದು. ನಾವಿಲ್ಲಿ ನಿಮಗೆ 2 ವಿಭಿನ್ನ ರುಚಿಯ ಆಮ್ಲೆಟ್‌ ರೆಸಿಪಿ ನೀಡಿದ್ದೇವೆ, ಅನ್ನ ಹಾಕಿ ಮಾಡುವ ಆಮ್ಲೆಟ್‌, ನಂತರ ಅಣಬೆ ಹಾಕಿ ಮಾಡುವ ಆಮ್ಲೆಟ್, ಈ ಎರಡೂ ಬೆಳಗಿನ ಬ್ರೇಕ್‌ಫಾಸ್ಟ್‌ಗೆ ಸೂಪರ್ ರೆಸಿಪಿಯಾಗಿದೆ. ಬನ್ನಿ ಈ ಎರಡು ಆಮ್ಲೆಟ್‌ ರೆಸಿಪಿ ಮಾಡುವುದು ಹೇಗೆ ಎಂದು ನೋಡೋಣ:

ಬೇಕಾಗುವ ಸಾಮಗ್ರಿ
4 ಮೊಟ್ಟೆ
30 ಗ್ರಾಂ ಅಕ್ಕಿ
20 ಗ್ರಾಂ ಕತ್ತರಿಸಿದ ಕೆಂಪು ದುಂಡು ಮೆಣಸು
4 ಚಮಚ ಹಾಲು
ಕರಿಮೆಣಸು
ಈರುಳ್ಳಿ 1
1 ಕ್ಯಾಪ್ಸಿಕಂ
1 ಟೊಮೆಟೊ
ರುಚಿಗೆ ತಕ್ಕ ಉಪ್ಪು
ಅಲಂಕಾರಕ್ಕೆ ಕೊತ್ತಂಬರಿ ಸೊಪ್ಪು

ಮಾಡುವುದು ಹೇಗೆ
* ಅಕ್ಕಿಯನ್ನು 15 ನಿಮಿಷ ನೆನೆಹಾಕಿ, ನಂತರ ಪಾತ್ರೆಯಲ್ಲಿ ಹಾಕಿ, ನೀರು ಹಾಕಿ ಬೇಯಿಸಿ.
* ನಂತರ ಎಣ್ಣೆ ಸವರಿದ ಮಾತ್ರೆಗೆ ಅನ್ನವನ್ನು ಹರಡಿ, ಅದರ ಮೇಲೆ ತರಕಾರಿಯನ್ನು ಹರಡಿ, ನಂತರ ಮೊಟ್ಟೆಯನ್ನು ಒಡೆದು, ಸ್ವಲ್ಪ ಉಪ್ಪು ಸೇರಿಸಿ ಚೆನ್ನಾಗಿ ಮಿಕ್ಸ್ ಮಾಡಿ ಮೊಟ್ಟೆಯನ್ನು ಸುರಿಯಿರಿ, ಅದರ ಮೇಲೆ ಕಾಳು ಮೆಣಸಿನ ಪುಡಿ ಉದುರಿಸಿ. ನಂತರ ಸ್ಟೀಮ್‌ನಲ್ಲಿ ಬೇಯಿಸಿ.

ಆರೋಗ್ಯಕರ ಆಹಾರಕ್ಕೆ ಪರ್ಫೆಕ್ಟ್ ಆಹಾರ ಇದಾಗಿದೆ.

2. ಮಶ್ರೂಮ್ ಆಮ್ಲೆಟ್‌
ಬೇಕಾಗುವ ಸಾಮಗ್ರಿ
4 ಮೊಟ್ಟೆ
1 ಚಿಟಿಕೆಯಷ್ಟು ಸಾಸಿವೆ ಪುಡಿ
1 ಚಮಚ ವೈಟ್‌ ಪೆಪ್ಪರ್ ಪುಡಿ
2-3 ಚಿಕ್ಕ ಈರುಳ್ಳಿ
ಸ್ವಲ್ಪ ಅಣಬೆ
2 ಚಮಚ ಬೆಣ್ಣೆ
ರುಚಿಗೆ ತಕ್ಕ ಉಪ್ಪು
ಕರಿಮೆಣಸಿನ ಪುಡಿ

ಮಾಡುವ ವಿಧಾನ
* ಮೊದಲು ಅಣಬೆಯನ್ನು ಶುದ್ಧ ಮಾಡಿ.
* ನಂತರ ಪ್ಯಾನ್‌ ಬಿಸಿ ಮಾಡಿ 1 ಚಮಚ ಬೆಣ್ಣೆ ಹಾಕಿ ಅದರಲ್ಲಿ ಅಣಬೆ ಮತ್ತು ಈರುಳ್ಳಿ ಹಾಕಿ, ರುಚಿಗೆ ತಕ್ಕ ಉಪ್ಪು ಹಾಕಿ ಫ್ರೈ ಮಾಡಿ.
* ಒಂದು ಬೌಲ್‌ಗೆ ಮೊಟ್ಟೆ ಒಡೆದು ಹಾಕಿ ನಂತರ ಅದರಲ್ಲಿ ಫ್ರೈ ಮಾಡಿದ ಅಣಬೆ, ಈರುಳ್ಳಿ ಹಾಕಿ, ನಂತರ ಸಾಸಿವೆ ಪುಡಿ, ವೈಟ್‌ ಪೆಪ್ಪರ್‌ ಪುಡಿ , ರುಚಿಗೆ ತಕ್ಕ ಉಪ್ಪು ಹಾಕಿ ಮಿಕ್ಸ್ ಮಾಡಿ.
* ನಂತರ ಪ್ಯಾನ್‌ಗೆ ಎಣ್ಣೆ ಹಾಕಿ ನಂತರ ಅದರಲ್ಲಿ ಮೊಟ್ಟೆ ಸುರಿದು ಅದರ ಮೇಲೆ ಕಾಳು ಮೆಣಸಿನ ಪುಡಿ ಉದುರಿಸಿದರೆ ಆಮ್ಲೆಟ್‌ ರೆಡಿ.