Click it and Unblock the Notifications
Latest Updates
-
ಬೇಸಿಗೆಯಲ್ಲಿ ಈ ಗಂಜಿ ಕುಡಿಯಿರಿ.. ಕೊಬ್ಬು ಕಡಿಮೆ, ದೇಹಕ್ಕೂ ತಂಪು! ಈ ಗಂಜಿಯ ಆರೋಗ್ಯ ರಹಸ್ಯ ಇಲ್ಲಿದೆ -
30 ವರ್ಷಗಳ ಬಳಿಕ ಸೂರ್ಯ-ಶನಿ ಸಂಯೋಗ! ಯಾರಿಗೆ ಶುಭ? ಯಾರಿಗೆ ಸಮಸ್ಯೆ? 12 ರಾಶಿಗಳ ಜಾತಕ ತಿಳಿಯಿರಿ -
ಈ 5 ವಿಷಯಗಳಲ್ಲಿ ಮಿತಿ ಮೀರಿದ್ರೆ ಜೀವನ ಸರ್ವನಾಶ! ಅಹಂಕಾರ ಬಿಡಿ.. ಇಂದೇ ಇವುಗಳಿಂದ ದೂರವಿರಿ -
ಪಕ್ಕಾ ಹೈದರಾಬಾದಿ ರುಚಿ.. ಅತಿಥಿಗಳು ಬಂದ್ರೆ ಈ ಚಿಕನ್ ಯಖನಿ ಪುಲಾವ್ ಮಾಡಿ! ಸಿಂಪಲ್ & ಸೂಪರ್ ರುಚಿ -
2026ರ ಸೂರ್ಯ ಗೋಚಾರ: ಇವರಿಗೆ ಸಿಗಲಿದೆ ಸರ್ಕಾರಿ ಉದ್ಯೋಗ! ಯಾರಿಗೆ ಮಾನಸಿಕ ಒತ್ತಡ? 12 ರಾಶಿಯವರಿಗೆ ರಾಶಿಫಲ ಇಲ್ಲಿದೆ -
ಹೋಟೆಲ್ ಶೈಲಿಯ ಆಲೂ ಮಸಾಲಾ ಪೂರಿ! ಈ ರೀತಿ ಮನೆಯಲ್ಲೇ ಮಾಡಿ, ಪರ್ಫೆಕ್ಟ್ ಆಗಿ ಉಬ್ಬಿ ಬರುತ್ತೆ -
ಇವರ ಜೀವನದಲ್ಲಿ ಹೊಸ ಕಿಡಿ ಹೊತ್ತಿಕೊಳ್ಳಲಿದೆ! ಹಠಮಾರಿ ಸ್ವಭಾವವನ್ನು ಬಿಡಿ -
March 12 Horoscope: ಹಣಕಾಸಿನ ಸವಾಲುಗಳು ದೊಡ್ಡದಾಗುವ ಸಂಭವ -
ಕೋಮಾದಲ್ಲಿದ್ದ ಹರೀಶ್ ರಾಣಾ ದಯಾಮರಣಕ್ಕೆ ಸುಪ್ರೀಂ ಒಪ್ಪಿಗೆ: ಈ ಕೇಸ್ ಬಗ್ಗೆ ನಿಮಗೆ ಗೊತ್ತಾ? -
ಪಂಜಾಬಿ ಸ್ಟೈಲ್ ಮಲೈ ಲಸ್ಸಿ! ಈ ರೀತಿ ಮಾಡಿ ಗಟ್ಟಿ ಕೆನೆಯ ಢಾಬಾ ಸ್ಟೈಲ್ ಲಸ್ಸಿ.. ಬಿಸಿಲ ತಾಪಕ್ಕೆ ಬೆಸ್ಟ್ ಕೂಲ್ ಡ್ರಿಂಕ್
ಎರಡನೇ ಮಗುವಿಗಾಗಿ ಮೊದಲ ಮಗುವಾದ ಎಷ್ಟು ಸಮಯದ ಬಳಿಕ ಪ್ಲಾನ್ ಮಾಡುವುದು ಒಳ್ಳೆಯದು?
ಮೊದಲ ಮಗು ಜನಿಸಿ ಸ್ವಲ್ಪ ವರ್ಷಗಳು ಕಳೆದ ಮೇಲೆ ಆ ಮಗುವಿಗೆ ಜತೆಯಾಗಿ ಮತ್ತೊಂದು ಮಗು ಬೇಕೆಂದು ಬಯಸುವುದು ಸಹಜ. ಇಲ್ಲ ಒಂದೇ ಮಗು ಸಾಕು, ಈ ಮಗುವನ್ನೇ ಚೆನ್ನಾಗಿ ಸಾಕಿ ದೊಡ್ಡದು ಮಾಡೋಣ ಎಂದು ದಂಪತಿ ನಿರ್ಧರಿಸಿದರೆ ಈ ಮಗುವಿಗೆ ಜತೆಯಾಗಿ ಇನ್ನೊಂದು ಮಗು ಇದ್ದರೆ ಒಳ್ಳೆಯದು, ಆಗ ಮಗುವಿನ ಒಂಟಿತನ ದೂರವಾಗುತ್ತದೆ ಎಂದು ಹಿರಿಯರು, ಆಪ್ತರು ಸಲಹೆ ನೀಡಲಾರಂಭಿಸುತ್ತಾರೆ.
ಇನ್ನು ಮೊದಲ ಮಗುವಿಗೆ 5-6 ವರ್ಷ ಆಗಿದ್ದರೆ ತನ್ನ ಸ್ನೇಹಿತರನ್ನು ನೋಡಿ ನನಗೆ ತಂಗಿ ಬೇಕು, ತಮ್ಮ ಬೇಕು ಎಂದು ಅನಿಸಿ ಅಪ್ಪ-ಅಮ್ಮನ ಬಳಿ ಹೇಳುತ್ತದೆ, ಎಷ್ಟೋ ದಂಪತಿಗಳು ತಮ್ಮ ಮೊದಲ ಮಗುವಿನ ಒತ್ತಾಯಕ್ಕೆ ಪುನಃ ಗರ್ಭಧಾರಣೆಗೆ ಮನಸ್ಸು ಮಾಡುತ್ತಾರೆ.
ಚಿತ್ರಕೃಪೆ: ಇನ್ಸ್ಟಾಗ್ರಾಮ್
ಎರಡನೇ ಮಗುವನ್ನು ಬಯಸುವವರು ಕೆಲವರು ಮೊದಲ ಮಗು ಸ್ವಲ್ಪ ದೊಡ್ಡದಾಗಲಿ ನಂತರ ಮಾಡಿಕೊಳ್ಳುವ ಎಂದು ಬಯಸಿದರೆ ಮತ್ತೆ ಕೆಲವರು ಎರಡು ಮಕ್ಕಳ ನಡುವೆ ತುಂಬಾ ಅಂತರ ಬೇಡ ಎಂದು ಬಯಸಿ ಬೇಗ ಮಾಡಿಕೊಳ್ಳುತ್ತಾರೆ. ಹಾಗಾದರೆ ಎರಡನೇ ಮಗು ಮಾಡಿಕೊಳ್ಳಲು ಎಷ್ಟು ಅಂತರವಿದ್ದರೆ ಒಳ್ಳೆಯದು? ಎಂದು ನೋಡೋಣ ಬನ್ನಿ:
ಎರಡನೇ ಮಗು ಯಾವಾಗ ಬೇಕು ಎಂದು ನಿರ್ಧರಿಸುವುದು ನಿಮ್ಮ ವೈಯಕ್ತಿಕ ವಿಚಾರ, ಆದರೆ ಎರಡನೇ ಮಗು ಬೇಕೆಂದು ಬಯಸುವ ದಂಪತಿ ಮೊದಲ ಹೆರಿಗೆಯಿಂದ ಸಂಪೂರ್ಣವಾಗಿ ಚೇತರಿಸಿಕೊಂಡ ಬಳಿಕವಷ್ಟೇ ಎರಡನೇ ಮಗುವಿಗೆ ಪ್ಲಾನ್ ಮಾಡುವುದು ಒಳ್ಳೆಯದು. ಮಕ್ಕಳ ವಯಸ್ಸಿನ ನಡುವೆ ಅಂತರ ಕಡಿಮೆಯಿದ್ದರೆ ಕೆಲವೊಂದು ವಿಷಯದಲ್ಲಿ ಒಳ್ಳೆಯದು, ಕೆಲವೊಂದು ವಿಷಯಕ್ಕೆ ಒಳ್ಳೆಯದಲ್ಲ, ಇನ್ನು ಅಂತರ ಅಧಿಕವಾದರೂ ಮಕ್ಕಳನ್ನು ನಿಭಾಯಿಸುವುದು ಸುಲಭವಾದರೂ ಕೆಲವೊಂದು ಸಮಸ್ಯೆಗಳು ಎದುರಾಗಬಹುದು, ಅವುಗಳೇನು ಎಂದು ನೋಡೋಣ.
ಮೊದಲ ಮಗುವಾಗಿ 12-18 ತಿಂಗಳ ಒಳಗೆ ಮಕ್ಕಳಾದರೆ:
ಈ ಮಕ್ಕಳು ಜತೆ ಜತೆಯಾಗಿ ಬೆಳೆಯುವುದರಿಂದ ಒಬ್ಬರಿಗೊಬ್ಬರ ಮೇಲೆ ತುಂಬಾ ಪ್ರೀತಿ ಇರುತ್ತದೆ. ಈ ವಯಸ್ಸಿನಲ್ಲಿ ಮಕ್ಕಳಿಗೆ ಅಪ್ಪ-ಅಮ್ಮ ನನಗಿಂತ ತಮ್ಮ/ತಂಗಿಯನ್ನು ಅಧಿಕ ಕಾಳಜಿ ಮಾಡುತ್ತಿದ್ದಾರೆ ಎಂಬ ಹೊಟ್ಟೆಕಿಚ್ಚು ಉಂಟಾಗುವುದಿಲ್ಲ. ತಾಯಿಗೂ ಕೂಡ ಎರಡು ಮಕ್ಕಳು ಜತೆಯಲ್ಲಿ ಬೆಳೆಯುವಾಗ ಅವರನ್ನು ನೋಡಿಕೊಳ್ಳುವುದು ಸ್ವಲ್ಪ ಕಷ್ಟವಾದರೂ ಸ್ವಲ್ಪ ವರ್ಷ ಕಳೆಯುವಷ್ಟರಲ್ಲಿ ಇಬ್ಬರು ದೊಡ್ಡವರು ಆಗುವುದರಿಂದ ತೊಂದರೆ ಇರುವುದಿಲ್ಲ. ಆದರೆ ಒಂದು ಮಗುವಾಗಿ ವರ್ಷ ತುಂಬುವುದರೊಳಗೆ ಗರ್ಭಧರಿಸಿದರೆ ಮಗು ಅವಧಿಗೆ ಮುನ್ನವೇ ಹುಟ್ಟುವ ಸಾಧ್ಯತೆ ಇರುತ್ತದೆ, ಇನ್ನು ಎರಡನೇ ಮಗುವಿನ ತೂಕ ಕಡಿಮೆ ಇರುವ ಸಾಧ್ಯತೆ ಇದೆ.
ಮಕ್ಕಳ ವಯಸ್ಸಿನ ನಡುವೆ ಎರಡು ವರ್ಷದ ಅಂತರವಿದ್ದರೆ
ಎರಡು ವರ್ಷಗಳ ನಂತರ ಗರ್ಭಧಾರಣೆಗೆ ಸೂಕ್ತವಾಗಿದೆ. ಮೊದಲ ಮಗು ಸ್ವಲ್ಪ ದೊಡ್ಡಗಾಗಿರುತ್ತದೆ, ಅದು ಅದರ ಭಾವನೆಗಳನ್ನು ವ್ಯಕ್ತ ಪಡಿಸಲಾರಂಭಿಸಿರುತ್ತದೆ. ಈ ಸಮಯದಲ್ಲಿ ಗರ್ಭಧಾರಣೆಯಾದರೆ ಎರಡು ಮಕ್ಕಳ ನಡುವೆ ಉತ್ತಮ ಬಾಂಧವ್ಯ ಕೂಡ ಉಂಟಾಗುವುದು. ಎರಡು ಮಕ್ಕಳು ಜತೆ-ಜತೆಯಲ್ಲಿ ಆಡುತ್ತಾ ಬೆಳೆಯುವುದೇ ಗೊತ್ತಾಗುವುದಿಲ್ಲ.
ಮಕ್ಕಳ ವಯಸ್ಸಿನ ನಡುವೆ 3 ವರ್ಷಕ್ಕಿಂತ ಅಧಿಕವಿದ್ದರೆ
ಈ ಸಮಯದಲ್ಲಿ ದೇಹ ಸಂಪೂರ್ಣವಾಗಿ ಚೇತರಿಸಿಕೊಂಡಿರುತ್ತದೆ. ಮಗು ಸ್ವಲ್ಪ ದೊಡ್ಡದಾಗಿರುವ ಕಾರಣ ಎರಡನೇ ಮಗು ಕಡೆ ಹೆಚ್ಚು ಗಮನ ಕೊಡಬಹುದು. ಅದರೆ ಒಂದು ಮಗು ಸ್ವಲ್ಪ ದೊಡ್ಡದಾದ ಮೇಲೆ ಇನ್ನೊಂದು ಮಗುವಾದರೆ ಮೊದಲನೇ ಮಗು ಎರಡನೇ ಮಗುವಿನ ಆಗಮನವನ್ನು ಇಷ್ಟ ಪಡಬಹುದು, ಇಲ್ಲಾ ದ್ವೇಷಿಸಬಹುದು, ಆದ್ದರಿಂದ ಎರಡನೇ ಮಗು ಬರುವಾಗ ಮೊದಲ ಮಗುವನ್ನು ಮಾನಸಿಕವಾಗಿ ಸಿದ್ಧಪಡಿಸಬೇಕು. ಇನ್ನು ಈ ಮಗು ದೊಡ್ಡದಾಗಿ ಸ್ವಲ್ಪ ಆರಾಮ ಅನಿಸಿದಾಗ ಮತ್ತೆ ನಿದ್ದೆಯಿಲ್ಲದ ರಾತ್ರಿಗೆ ಮರಳ ಬೇಕಾಗುವುದು.
ಇನ್ನು ವಿಶ್ವ ಆರೋಗ್ಯ ಸಂಸ್ಥೆ ಏನು ಹೇಳಿದೆ?
ವಿಶ್ವ ಆರೋಗ್ಯ ಸಂಸ್ಥೆಯು ಎರಡು ಮಕ್ಕಳ ನಡುವೆ 24 ತಿಂಗಳ ಅಂತರವಿದ್ದರೆ ಒಳ್ಳೆಯದು ಎಂದು ಹೇಳಿದೆ. ಈ ಸಮಯದಲ್ಲಿ ತಾಯಿ ಮೊದಲ ಹೆರಿಗೆಯಿಮದ ಚೇತರಿಸಿಕೊಂಡಿರುತ್ತಾಳೆ, 24 ತಿಂಗಳು ಅಲ್ಲದಿದ್ದರೆ ಕನಿಷ್ಠ 18 ತಿಂಗಳ ಅಂತರವಿರುವುದು ತಾಯಿ ಹಾಗೂ ಎರಡನೇಯ ಮಗುವಿನ ಆರೋಗ್ಯ ದೃಷ್ಟಿಯಿಂದ ಒಳ್ಳೆಯದು ಎಂದು ಹೇಳಿದೆ.
Continue with Google