ಅವಳಿ ಮಕ್ಕಳಾಗುವುದು ಹೇಗೆ? ಅವಳಿ ಮಕ್ಕಳಿದ್ದರೆ ಗರ್ಭಾವಸ್ಥೆಯಲ್ಲಿರುವ ಸವಾಲುಗಳೇನು?

ಅವಳಿ ಮಕ್ಕಳಾಗುವುದು ಹೇಗೆ?

ಫಲವತ್ತತೆಯಾದ ಅಂಡಾಣು ವಿಬ್ಭಾಗವಾಗಿ ಒಂದಕ್ಕಿಂತ ಹೆಚ್ಚು ಭ್ರೂಣಗಳಾದಾಗ ಅವು ಮಗುವಾಗಿ ರೂಪುಗೊಂಡು ಅವಳಿ ಮಕ್ಕಳಾಗುತ್ತವೆ.

ಸಾಮಾನ್ಯವಾಗಿ ಒಂದು ಫಲವತ್ತತೆಯ ಅಂಡಾಣು ಒಡೆದು ಎರಡು ಭಾಗಗಳಾಗಿ ಅವಳಿ ಮಕ್ಕಳಾಗುತ್ತವೆ. ಆದರೆ ಫರ್ಟಿಲಿಟಿ ಟ್ರೀಟ್ಮೆಂಟ್‌ ಪಡೆಯುತ್ತಿದ್ದರೆ ಅಂಡಾಣುಗಳನ್ನು, ವೀರ್ಯಾಣುಗಳ ಜೊತೆ ಸೇರಿಸಿ ಪ್ರತ್ಯೇಕವಾಗಿ ಫಲವತ್ತತೆ ಮಾಡಿ, ಗರ್ಭಕೋಶದೊಳಗಡೆ ಹಾಕಲಾಗುವುದು, ಹಾಗಾದಾಗ ಕೂಡ ಅವಳಿ ಮಕ್ಕಳ ಸಾಧ್ಯತೆ ಹೆಚ್ಚುವುದು.

ಅವಳಿ ಮಕ್ಕಳಿದ್ದರೆ ಎಚ್ಚರವಹಿಸಬೇಕು, ಏಕೆ?

ಹೊಟ್ಟೆಯೊಳಗೆ ಅವಳಿ ಮಕ್ಕಳಿದ್ದರೆ ಅವಧಿ ಪೂರ್ವ ಹೆರಿಗೆಯಾಗುವ ಸಾಧ್ಯತೆ ಹೆಚ್ಚು. ಕೆಲವೊಮ್ಮೆ 37 ವಾರಗಳು ತುಂಬುವ ಮುನ್ನವೇ ಹೆರಿಗೆಯಾಗಬಹುದು. ಅವಧಿ ಪೂರ್ವ ಮಕ್ಕಳ ಜನನವಾದರೆ ಬದುಕಿಳಿಯುವ ಸಾಧ್ಯತೆ ಕಡಿಮೆ, ಅದರಲ್ಲೂ ಅವಳಿ ಮಕ್ಕಳಾಗಿದ್ದರೆ ಮೈ ತೂಕ ತುಂಬಾನೇ ಕಡಿಮೆ ಇರುತ್ತದೆ. ಹಾಗಾಗಿ ಜನಿಸಿದ ಮಕ್ಕಳಲ್ಲಿ ಉಸಿರಾಟದ ತೊಂದರೆ ಕಾಣಿಸಿಕೊಳ್ಳಬಹುದು.

ರಕ್ತ ಹೀನತೆ

ಒಂದು ಮಗು ಹೊಟ್ಟೆಯಲ್ಲಿರುವ ಗರ್ಭಿಣಿಗಿಂತ, ಎರಡು ಅಥವಾ ಅಧಿಕಿಂತ ಹೆಚ್ಚಿನ ಮಕ್ಕಳು ಹೊಟ್ಟೆಯಲ್ಲಿರುವ ಗರ್ಭಿಣಿಯರಲ್ಲಿ ರಕ್ತ ಹೀನತೆ ಸಮಸ್ಯೆ ಕಾಣಿಸಿಕೊಳ್ಳುತ್ತದೆ.

ಗರ್ಭಿಣಿಯರಲ್ಲಿ ಹೈಪರ್ ಟೆನ್ಷನ್‌ (ಅಧಿಕ ರಕ್ತದೊತ್ತಡ ಕಾಣಿಸಿಕೊಳ್ಳಬಹುದು)

ಗರ್ಭಾವಸ್ಥೆಯಲ್ಲಿ ಅಧಿಕ ರಕ್ತದೊತ್ತಡ ಕಾಣಿಸಿಕೊಳ್ಳುವ ಸಾಧ್ಯತೆ ತುಂಬಾನೇ ಹೆಚ್ಚು. ಅದರಲ್ಲೂ ಅವಳಿ ಮಕ್ಕಳಿದ್ದರೆ ಈ ಸಮಸ್ಯೆ ಇನ್ನೂ ಹೆಚ್ಚು, ಅದರಿಂದ ಕಸದ ಚೀಲ ಜಾರುವುದು ಮುಂತಾದ ಸಮಸ್ಯೆ ಕಾಣಿಸಬಹುದು.

ಜನಿಸುವ ಮಕ್ಕಳಲ್ಲಿ ನ್ಯೂನ್ಯತೆ

ಈ ರೀತಿಯ ಸಾಧ್ಯತೆ ಕಡಿಮೆಯಾಗುತ್ತಿದೆ, ಏಕೆಂದರೆ ಹೊಟ್ಟೆಯೊಳಗಿನ ಮಗುವಿನಲ್ಲಿ ಏನಾದರೂ ನ್ಯೂನ್ಯತೆ ಇದ್ದರೆ ಸ್ಕ್ಯಾನಿಂಗ್ ಮುಖಾಂತರ ತಿಳಿಯುವುದು. ಆಗ ವೈದ್ಯರು ನಿಮಗೆ ಸೂಕ್ತ ಮಾರ್ಗದರ್ಶನ ಸೂಚಿಸುತ್ತಾರೆ. ಆದರೆ ಮಗು ಶೇ. 100ರಷ್ಟು ಆರೋಗ್ಯವಾಗಿದೆಯೇ ಎಂದು ಹೇಳಲು ಸಾಧ್ಯವಿಲ್ಲ, ಈ ಕಾರಣದಿಂದಾಗಿ ಕೆಲವೊಂದು ಮಗುವಿನಲ್ಲಿ ನ್ಯೂನ್ಯತೆ ಕಂಡು ಬರುವುದು. ಅವಳಿ ಮಕ್ಕಳಿದ್ದರೆ ಈ ರೀತಿಯ ಸಾಧ್ಯತೆ ಅಧಿಕ.

ಗರ್ಭಪಾತ

ಅವಳಿ ಮಕ್ಕಳಲ್ಲಿ ಗರ್ಭಪಾತದ ಸಾಧ್ಯತೆ ಕೂಡ ಹೆಚ್ಚಿದೆ. ಕೆಲವರಲ್ಲಿ ಮೊದಲ ತ್ರೈ ಮಾಸಿಕದಲ್ಲಿ ಎರಡು ಭ್ರೂಣ ಕಾಣಿಸಿ, ನಂತರದ ಸ್ಕ್ಯಾನಿಂಗ್‌ನಲ್ಲಿ ಒಂದೇ ಭ್ರೂಣ ಕಂಡು ಬಂದಿರುವುದೂ ಇದೆ. ಅವಳಿ ಮಕ್ಕಳಿಗೆ ಗರ್ಭಧಾರಣೆಯಾಗಿದ್ದರೆ ಮೊದಲ ತ್ರೈಮಾಸಿಕದಲ್ಲಿ ತುಂಬಾನೇ ಜಾಗ್ರತೆವಹಿಸಿ.

ಗರ್ಭಕೋಶ ದುರ್ಬಲವಾಗಿದ್ದರೆ

ಅವಳಿ ಮಕ್ಕಳಿದ್ದಾಗ ಗರ್ಭಕೋಶದ ಮೇಲೆ ಅಧಿಕ ಒತ್ತಡ ಬೀಳುತ್ತದೆ, ಆಗ ಗರ್ಭಪಾತವಾಗುವ ಸಾಧ್ಯತೆ ಅಥವಾ ಅವಧಿ ಪೂರ್ವ ಮಕ್ಕಳು ಜನಿಸುವ ಸಾಧ್ಯತೆ ಇರುವುದರಿಂದ ಸರ್ವಿಕಲ್ ಸ್ಟಿಚ್ ಹಾಕಿಸುವಂತೆ ಸೂಚಿಸುತ್ತಾರೆ. ಸರ್ವಿಕಲ್‌ ಸ್ಟಿಚ್‌ ಹಾಕಿದ ಮೇಲೆ ಅವಧಿ ಪೂರ್ವ ಮಗುವಿನ ಜನನ ಸಾಧ್ಯತೆ ಕಡಿಮೆಯಾಗುವುದರಿಂದ ಅಪಾಯ ಕೂಡ ಕಡಿಮೆ.

ಇತರ ಸಲಹೆ:

* ವೈದ್ಯರು ಸೂಚಿಸಿರುವ ಸಪ್ಲಿಮೆಂಟ್ಸ್ (ಫಾಲಿಕ್ ಆಮ್ಲ, ಐರನ್ ಸಪ್ಲಿಮೆಂಟ್ಸ್..) ಸರಿಯಾಗಿ ತೆಗೆದುಕೊಳ್ಳಿ, ಇದು ಮಗುವಿನಲ್ಲಿ ನ್ಯೂನ್ಯತೆ ಕಡಿಮೆ ಮಾಡಲು ಸಹಕಾರಿ.

* ಸರಿಯಾದ ಪೋಷಕಾಂಶವಿರುವ ಆಹಾರ ಸೇವಿಸಿ

* ವೈದ್ಯರು ಬೆಡ್‌ರೆಸ್ಟ್ ಸೂಚಿಸಿದ್ದರೆ ಪಾಲಿಸಿ

* ಮನಸ್ಸಿನಲ್ಲಿ ಯಾವುದೇ ಒತ್ತಡ ತೆಗೆದುಕೊಳ್ಳಬೇಡಿ

* ಧ್ಯಾನ ಮಾಡಿ