For Quick Alerts
ALLOW NOTIFICATIONS  
For Daily Alerts

ಗರ್ಭಾವಸ್ಥೆಯಲ್ಲಿ ಮಧುಮೇಹ: ಯಾವ ಆಹಾರ ತಿನ್ನಬಹುದು, ಏನು ತಿನ್ನಬಾರದು?

|

ಮಹಿಳೆಯರಿಗೆ ಗರ್ಭವಸ್ಥೆ ತುಂಬಾ ಆರೋಗ್ಯಕರವಾಗಿ ಅಷ್ಟೇ ಆನಂದಮಯವಾಗಿ ಕಳೆಯಬೇಕು. ಇದರ ಮಧ್ಯದಲ್ಲಿ ಕೆಲವೊಂದು ಸಣ್ಣ ಪುಟ್ಟ ಆರೋಗ್ಯದ ಅಸ್ವಸ್ಥತೆಗಳು ಇದ್ದೆ ಇರುತ್ತವೆ. ಜೀವನಶೈಲಿಯ ಅತ್ಯುತ್ತಮ ನಿರ್ವಹಣೆಯಿಂದ ಇದನ್ನು ಸರಿ ಪಡಿಸಿಕೊಳ್ಳಬಹುದು. ಆದರೆ ಗರ್ಭಾವಸ್ಥೆಯಲ್ಲಿ ಮಹಿಳೆಗೆ ಎದುರಾಗುವ ಮಧುಮೇಹ ಸಮಸ್ಯೆಯನ್ನು ಕಡೆಗಣಿಸುವ ಹಾಗಿಲ್ಲ. ಏಕೆಂದರೆ ಇದು ನಂತರ ಮಾರಣಾಂತಿಕವಾಗಿ ತಾಯಿ ಹಾಗು ಹುಟ್ಟುವ ಮಗುವಿಗೆ ತೊಂದರೆ ಕೊಡಬಹುದು.

ಹಾಗಾದರೆ ಗರ್ಭಿಣಿ ಮಹಿಳೆ ಹೇಗೆ ತನ್ನ ಆರೋಗ್ಯವನ್ನು ಇಂತಹ ಆರೋಗ್ಯ ಪರಿಸ್ಥಿತಿಯಲ್ಲಿ ಹೇಗೆ ನಿರ್ವಹಿಸಿಕೊಳ್ಳಬಹುದು ಎಂಬುದನ್ನು ಈ ಲೇಖನದಲ್ಲಿ ತಿಳಿದುಕೊಳ್ಳಬಹುದು.

ಗರ್ಭಾವಸ್ಥೆಯ ಮಧುಮೇಹ ಎಂದರೇನು ?

ಗರ್ಭಾವಸ್ಥೆಯ ಮಧುಮೇಹ ಎಂದರೇನು ?

ಹೆಸರೇ ಹೇಳುವಂತೆ ಗರ್ಭಿಣಿ ಮಹಿಳೆಯರಲ್ಲಿ ಗರ್ಭಾವಸ್ಥೆಯ ಸಂದರ್ಭದಲ್ಲಿ ಕಂಡು ಬರುವ ಮಧುಮೇಹವನ್ನು ಗರ್ಭಾವಸ್ಥೆಯ ಮಧುಮೇಹ ಎಂದು ಕರೆಯುತ್ತಾರೆ. ಗರ್ಭಾವಸ್ಥೆಯಲ್ಲಿ ಬಿಟ್ಟರೆ ಬೇರೆ ಯಾವುದೇ ಸಮಯದಲ್ಲಿ ಇದು ಮಹಿಳೆಯರಿಗೆ ಬರುವುದಿಲ್ಲ. ಗರ್ಭಾವಸ್ಥೆಯ ಯಾವುದೇ ಹಂತದಲ್ಲಿ ದೇಹದಲ್ಲಿ ರಕ್ತ ಪರೀಕ್ಷೆ ನಡೆಸಿದಾಗ ರಕ್ತದಲ್ಲಿ ಹೆಚ್ಚಿನ ಪ್ರಮಾಣದ ಸಕ್ಕರೆ ಅಂಶ ಕಂಡು ಬಂದರೆ ಅದನ್ನು ಗರ್ಭಾವಸ್ಥೆಗೆ ಮಧುಮೇಹದ ಆರಂಭಿಕ ಲಕ್ಷಣ ಎಂದು ವೈದ್ಯರು ತಿಳಿಸುತ್ತಾರೆ.

ಗರ್ಭಾವಸ್ಥೆಯ ಮಧುಮೇಹ ಎದುರಾದ ಸಂದರ್ಭದಲ್ಲಿ ಗರ್ಭಿಣಿ ಮಹಿಳೆಯರು ಯಾವ ಆಹಾರಗಳನ್ನು ಸೇವನೆ ಮಾಡಬೇಕು ?

ಗರ್ಭಾವಸ್ಥೆಯ ಮಧುಮೇಹ ಎದುರಾದ ಸಂದರ್ಭದಲ್ಲಿ ಗರ್ಭಿಣಿ ಮಹಿಳೆಯರು ಯಾವ ಆಹಾರಗಳನ್ನು ಸೇವನೆ ಮಾಡಬೇಕು ?

ಅಚ್ಚುಕಟ್ಟಾದ ಆಹಾರಪದ್ಧತಿಯನ್ನು ಅನುಸರಿಸುವುದು ಪ್ರತಿಯೊಬ್ಬ ಗರ್ಭಿಣಿ ಮಹಿಳೆಯ ಆದ್ಯ ಕರ್ತವ್ಯ. ತನ್ನ ಗರ್ಭಾವಸ್ಥೆಯ ಮುಂಚೆ ಸೇವನೆ ಮಾಡುತ್ತಿದ್ದ ಬಹಳಷ್ಟು ಅನಾರೋಗ್ಯಕರ ಆಹಾರಗಳನ್ನು ಈ ಸಮಯದಲ್ಲಿ ಕೈಬಿಡಬೇಕು. ಸಾಕಷ್ಟು ಕೆಟ್ಟ ಚಟಗಳಿಂದ ದೂರ ಉಳಿಯಬೇಕು.

ಸ್ತ್ರೀ ರೋಗ ತಜ್ಞರು ಈಗಾಗಲೇ ಸೂಚಿಸಿರುವಂತೆ ....

ಅತ್ಯುತ್ತಮ ಪೌಷ್ಟಿಕ ಸತ್ವಗಳನ್ನು ಒಳಗೊಂಡ ಆಹಾರಗಳನ್ನು ಸೇವನೆ ಮಾಡಬೇಕು

ಆಹಾರ ಸೇವಿಸುವ ಯಾವುದೇ ಸಂದರ್ಭದಲ್ಲಿ ಅದರಲ್ಲಿ ಪ್ರೋಟಿನ್ ಅಂಶ ಹೆಚ್ಚಾಗಿದೆ ಎಂಬುದನ್ನು ಮೊದಲು ಖಾತ್ರಿ ಪಡಿಸಿಕೊಳ್ಳಬೇಕು

ಪ್ರತಿ ದಿನವೂ ಹಣ್ಣು ಮತ್ತು ತರಕಾರಿಗಳ ಸೇವನೆಗೆ ಹೆಚ್ಚಿನ ಆದ್ಯತೆ ಕೊಡಬೇಕು

ಸಂಸ್ಕರಿಸಿದ ಆಹಾರಗಳನ್ನು ಸೇವನೆ ಮಾಡಬಾರದು ಅಥವಾ ಸಂಪೂರ್ಣವಾಗಿ ಅವುಗಳನ್ನು ಈ ಸಮಯದಲ್ಲಿ ಕೈಬಿಡುವುದು ಒಳ್ಳೆಯದು

ಒಮ್ಮೆಲೆ ಅತಿಯಾಗಿ ಆಹಾರ ಸೇವನೆ ಮಾಡುವುದು ಬೇಡ. ಅದರ ಬದಲು ಸ್ವಲ್ಪ ಸ್ವಲ್ಪ ಆಹಾರವನ್ನು ಆಗಾಗ ಸೇವನೆ ಮಾಡುತ್ತಾ ಇರಿ.

ಗರ್ಭಾವಸ್ಥೆಯ ಸಮಯದಲ್ಲಿ ನಿಮಗೆ ಎದುರಾಗುವ ಎಲ್ಲಾ ಆರೋಗ್ಯ ಸಮಸ್ಯೆಗಳಿಗೆ ಔಷಧಿಗಳ ಮೇಲೆ ಸಂಪೂರ್ಣವಾಗಿ ಅವಲಂಬಿತರಾಗಬೇಡಿ. ಗರ್ಭಾವಸ್ಥೆಯ ಮಧುಮೇಹವನ್ನು ಕೂಡ ಕಡೆಗಣಿಸಬೇಡಿ. ಆರೋಗ್ಯಕರವಾದ ಸಮತೋಲನ ಆಹಾರ ಪದ್ಧತಿಯನ್ನು ಅನುಸರಿಸುವುದರ ಮೂಲಕ ರಾಸಾಯನಿಕ ಅಂಶಗಳನ್ನು ಒಳಗೊಂಡ ಔಷಧಿಗಳಿಂದ ಸ್ವಲ್ಪ ದೂರ ಉಳಿಯಿರಿ.

ಸಾಧಾರಣವಾಗಿ ಹೇಳುವುದಾದರೆ ನಿಮ್ಮ ಆಹಾರ ಪದ್ಧತಿಯಲ್ಲಿ ಪ್ರೋಟೀನ್ ಅಂಶ ಹೆಚ್ಚಾಗಿರಬೇಕು. ಕಾರ್ಬೋಹೈಡ್ರೆಟ್ ಅಂಶ ಮತ್ತು ನಾರಿನಾಂಶ ಕೂಡ ಸೇರಿರಬೇಕು. ಆದರೆ ಅತಿ ಹೆಚ್ಚಿನ ಪ್ರಮಾಣದ ಕಾರ್ಬೋಹೈಡ್ರೇಟ್ ಅಂಶಗಳು ನಿಮ್ಮ ದೇಹದ ರಕ್ತ ಸಂಚಾರದಲ್ಲಿ ಸಕ್ಕರೆ ಪ್ರಮಾಣವನ್ನು ಹೆಚ್ಚು ಮಾಡುವ ಸಾಧ್ಯತೆ ಇರುತ್ತದೆ. ಹಾಗಾಗಿ ಈ ವಿಚಾರದಲ್ಲಿ ಮಿತಿಯನ್ನು ಕಾಯ್ದುಕೊಳ್ಳುವುದು ಒಳ್ಳೆಯದು.

ಸಂಕೀರ್ಣ ಕಾರ್ಬೋಹೈಡ್ರೇಟ್ ಅಂಶಗಳು ಗರ್ಭಾವಸ್ಥೆಯ ಸಮಯದಲ್ಲಿ ಮಹಿಳೆಯರಿಗೆ ತುಂಬಾ ಅಗತ್ಯ. ಪೂರ್ಣ ಪ್ರಮಾಣದ ಕಾಳುಗಳು, ಸಿಹಿ ಗೆಣಸು, ಸ್ಟಾರ್ಚ್ ಅಂಶ ಹೆಚ್ಚಾಗಿ ಹೊಂದಿದ ಸಿಹಿ ಆಲೂಗಡ್ಡೆ ಮತ್ತು ಬಟರ್ ನಟ್ ಸ್ಕ್ವಾಷ್ ಇತ್ಯಾದಿಗಳು ಬಹಳ ಆರೋಗ್ಯಕರ.

ಒಂದು ವೇಳೆ ನಿಮಗೆ ಗರ್ಭಾವಸ್ಥೆಯ ಮಧುಮೇಹ ಸಮಸ್ಯೆಯ ಯಾವುದೇ ಆರಂಭಿಕ ರೋಗ - ಲಕ್ಷಣ ಕಂಡು ಬಂದರೆ, ನಿಮ್ಮ ವೈದ್ಯರನ್ನು ಮೊದಲು ಭೇಟಿ ಮಾಡಿ ಪರೀಕ್ಷೆ ಮಾಡಿಸಿಕೊಳ್ಳಿ.

ಇದರ ನಂತರದಲ್ಲಿ ನಿಮ್ಮ ವೈದ್ಯರು ನೀವು ಸೇವನೆ ಮಾಡಬೇಕಾದ ಆಹಾರದ ಬಗ್ಗೆ ಮಾಹಿತಿ ನೀಡುತ್ತಾರೆ. ನಿಮ್ಮ ಆರೋಗ್ಯದ ಜೊತೆಗೆ ನಿಮಗೆ ಹುಟ್ಟುವ ಮಗು ಕೂಡ ಇದರಿಂದ ಆರೋಗ್ಯವಾಗಿ ಇರುವಂತೆ ಮಾಡುತ್ತಾರೆ.

ಗರ್ಭಿಣಿ ಮಹಿಳೆಯರು ಅಗತ್ಯವಾಗಿ ಸೇವಿಸಬೇಕಾದ ಪೌಷ್ಟಿಕಾಂಶಗಳ ವಿವರ : -

ಗರ್ಭಿಣಿ ಮಹಿಳೆಯರು ಅಗತ್ಯವಾಗಿ ಸೇವಿಸಬೇಕಾದ ಪೌಷ್ಟಿಕಾಂಶಗಳ ವಿವರ : -

ಮೊದಲೇ ಹೇಳಿದಂತೆ ಮುಖ್ಯವಾಗಿ ನಿಮ್ಮ ಆಹಾರ ಪದ್ಧತಿಯಲ್ಲಿ ಪ್ರೋಟಿನ್ ಅಂಶ ಸೇರಿರಬೇಕು, ಇದರ ಜೊತೆಗೆ ಆರೋಗ್ಯಕರ ಕೊಬ್ಬಿನ ಅಂಶಗಳು ಜೊತೆಗೆ ನಾರಿನ ಅಂಶ ಕೂಡ ಇರಬೇಕು. ತಾಜಾ ಹಣ್ಣು ಮತ್ತು ತರಕಾರಿಗಳ ಸೇವನೆಯ ಜೊತೆಗೆ ಸಂಸ್ಕರಿಸಿದ ಆಹಾರಗಳು ನಿಮ್ಮ ಆಹಾರ ಪದ್ಧತಿಯಲ್ಲಿ ಇರಲಿ.

ಗರ್ಭಾವಸ್ಥೆಯಲ್ಲಿ ಕಂಡು ಬರುವ ಮಧುಮೇಹದ ಸಮಸ್ಯೆಯ ನಿರ್ವಹಣೆಗೆ ಯಾವುದೇ ಕಾರಣಕ್ಕೂ ನೀವು ಒಬ್ಬರೇ ನಿರ್ಧಾರ ಕೈಗೊಳ್ಳಲು ಹೋಗಬೇಡಿ. ನಿಮ್ಮ ಆರೋಗ್ಯ ತಜ್ಞರ ಜೊತೆ ನಿಮ್ಮ ಸದ್ಯದ ಆರೋಗ್ಯದ ಸ್ಥಿತಿಗತಿಯ ಬಗ್ಗೆ ಸದಾ ಚರ್ಚೆ ಮಾಡುತ್ತಾ ಇರಿ.

ಸ್ನ್ಯಾಕ್ಸ್ ಮತ್ತು ಊಟದ ಪದ್ಧತಿ : -

ಸ್ನ್ಯಾಕ್ಸ್ ಮತ್ತು ಊಟದ ಪದ್ಧತಿ : -

ಮಧುಮೇಹ ಸಮಸ್ಯೆ ಇರುವಾಗ ನಿಮ್ಮ ದೇಹದಲ್ಲಿ ರಕ್ತ ಸಂಚಾರದ ವ್ಯವಸ್ಥೆಯಲ್ಲಿ ಸಕ್ಕರೆ ಅಂಶಗಳನ್ನು ನಿಯಮಿತವಾಗಿ ಕಾಯ್ದುಕೊಳ್ಳಲು ಸಮತೋಲನವಾದ ಆಹಾರ ಪದ್ಧತಿಯನ್ನು ಅನುಸರಿಸಬೇಕಾಗಿ ಬರುತ್ತದೆ. ಇದರಲ್ಲಿ ಪ್ರಮುಖವಾಗಿ

ತಾಜಾ ಹಣ್ಣು ಮತ್ತು ತರಕಾರಿಗಳು ನಿಮ್ಮ ಆಹಾರ ಪದ್ಧತಿಯಲ್ಲಿ ಸೇರಿರಬೇಕು. ತರಕಾರಿಗಳನ್ನು ಹಸಿಯಾಗಿ ಸಹ ತಿನ್ನಬಹುದು. ಆದರೆ ಉತ್ಕೃಷ್ಟವಾಗಿ ಸ್ವಚ್ಛ ಮಾಡಿರಬೇಕು. ಇನ್ನು ಬೇಯಿಸಿ ಸಹ ತಿನ್ನುವುದು ನಿಮಗೆಲ್ಲಾ ಗೊತ್ತೇ ಇದೆ.

ಕೋಳಿ ಮೊಟ್ಟೆಗಳನ್ನು ಬಳಸಿ ಆಮ್ಲೆಟ್ ತಯಾರು ಮಾಡಿ ಸವಿಯಬಹುದು. ಮೊಟ್ಟೆಗಳಲ್ಲಿ ಅಧಿಕ ಪ್ರಮಾಣದ ಪ್ರೊಟೀನ್ ಅಂಶ ಇರುತ್ತದೆ. ಹಾಗಾಗಿ ಗರ್ಭಿಣಿ ಮಹಿಳೆಯ ದೇಹಕ್ಕೆ ಅತ್ಯುತ್ತಮವಾದ ಪೌಷ್ಟಿಕಾಂಶಗಳು ಇದರಿಂದ ಸಿಗುತ್ತದೆ.

ಇನ್ನೂ ಇದರ ಜೊತೆಗೆ ಓಟ್ ಮೀಲ್, ಕುಂಬಳಕಾಯಿ ಬೀಜಗಳು, ಬೆರ್ರಿ ಹಣ್ಣುಗಳು ಮತ್ತು ಸಿಹಿ ರಹಿತ ತೆಂಗಿನಕಾಯಿ ಸೇವನೆ ಮಾಡುವುದು ಒಳ್ಳೆಯದು.

ನೀವು ಒಂದು ವೇಳೆ ಮಾಂಸಹಾರಿ ಆಗಿದ್ದಲ್ಲಿ ಟರ್ಕಿ ಅಥವಾ ಚಿಕನ್ ಬ್ರೆಸ್ಟ್ ಸೇವನೆ ಮಾಡಿ.

ಸಮುದ್ರಾಹಾರಗಳು ನಿಮ್ಮ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು

ಸಿಹಿ ಗೆಣಸು, ಅವಕ್ಯಾಡೊ(ಬೆಣ್ಣೆಹಣ್ಣು) ಮತ್ತು ಚೆರ್ರಿ ಟೊಮೆಟೊ ಹಣ್ಣುಗಳು ತುಂಬಾ ಪ್ರಯೋಜನಕಾರಿ.

ಸೂರ್ಯಕಾಂತಿ ಬೀಜಗಳು, ದಾಲ್ಚಿನ್ನಿ ಮತ್ತು ಸೇಬು ಹಣ್ಣು ಗ್ರೀಕ್ ಯೋಗರ್ಟ್ ಜೊತೆಗೆ ತಿನ್ನಲು ಆರೋಗ್ಯಕರ.

ಯಾವ ಹಣ್ಣುಗಳನ್ನು ತಿನ್ನಬಹುದು?

ಯಾವ ಹಣ್ಣುಗಳನ್ನು ತಿನ್ನಬಹುದು?

ಇಂತಹ ಸಮಯದಲ್ಲಿ ಮಹಿಳೆಯರು ಹಣ್ಣುಗಳನ್ನು ತಿನ್ನಬಹುದು. ಆದರೆ ಮಿತಿಯನ್ನು ಕಾಯ್ದುಕೊಳ್ಳಬೇಕು. ನಿಮ್ಮ ಆಹಾರ ಪದ್ಧತಿಯಲ್ಲಿ ಪ್ರಮುಖವಾಗಿ ನೀವು ಕಾರ್ಬೊಹೈಡ್ರೇಟ್ ಅಂಶಗಳ ಮೇಲೆ ಗಮನ ಹರಿಸಬೇಕು. ಆದ್ದರಿಂದ ನಿಮ್ಮ ದೇಹದಲ್ಲಿ ಈಗಾಗಲೇ ಎಷ್ಟು ಪ್ರಮಾಣದಲ್ಲಿ ಕಾರ್ಬೋಹೈಡ್ರೆಟ್ ಅಂಶ ಇದೆ ಎಂಬುದನ್ನು ನಿಮ್ಮ ಆಹಾರ ತಜ್ಞರಿಂದ ಒಮ್ಮೆ ಪರೀಕ್ಷೆ ಮಾಡಿಸಿ ಅವರಿಂದ ನೀವು ಯಾವ ಯಾವ ಹಣ್ಣುಗಳನ್ನು ಸೇವನೆ ಮಾಡಬಹುದು ಎಂಬುದನ್ನು ಕೇಳಿ ತಿಳಿದುಕೊಳ್ಳಿ. ಒಬ್ಬೊಬ್ಬ ಗರ್ಭಿಣಿ ಮಹಿಳೆಗೆ ಒಂದೊಂದು ರೀತಿ ಆಹಾರ ಪದ್ಧತಿ ಮತ್ತು ಕಾರ್ಬೋಹೈಡ್ರೇಟ್ ಅಂಶಗಳು ದೇಹಕ್ಕೆ ಅವಶ್ಯಕತೆ ಇರುತ್ತದೆ.

ಬೆರ್ರಿ ಹಣ್ಣುಗಳು ತಮ್ಮಲ್ಲಿ ಕಡಿಮೆ ಸಕ್ಕರೆ ಅಂಶ ಮತ್ತು ಹೆಚ್ಚಿನ ನಾರಿನ ಅಂಶ ಹೊಂದಿರುತ್ತದೆ. ಇವುಗಳನ್ನು ಮೊಸರಿನ ಜೊತೆಗೆ ಅಥವಾ ಓಟ್ ಮೀಲ್ ಜೊತೆಗೆ ಸೇರಿಸಿ ಸವಿಯಬಹುದು.

 ಯಾವ ಹಣ್ಣುಗಳನ್ನು ತಿನ್ನಬಾರದು ?

ಯಾವ ಹಣ್ಣುಗಳನ್ನು ತಿನ್ನಬಾರದು ?

ರಸ್ತೆ ಬದಿಯ ಆಹಾರಗಳು

ಬೇಕರಿ ತಿಂಡಿ - ತಿನಿಸುಗಳು

ಕರಿದ ಆಹಾರ ಪದಾರ್ಥಗಳು

ಸಕ್ಕರೆ ಅಂಶ ಹೆಚ್ಚಾಗಿರುವ ಪಾನೀಯಗಳು

ಅತಿ ಹೆಚ್ಚು ಸ್ಟಾರ್ಚ್ ಅಂಶ ಹೊಂದಿದ ಆಹಾರಗಳು, ಪಾಸ್ತಾ ಮತ್ತು ಬಿಳಿ ಅನ್ನ ಇತ್ಯಾದಿಗಳನ್ನು ಸೇವಿಸಬಾರದು.

 ಗರ್ಭಾವಸ್ಥೆಯಲ್ಲಿ ಮಧುಮೇಹ ಸಮಸ್ಯೆಯಿಂದ ಎದುರಾಗುವ ಸಮಸ್ಯೆಗಳು

ಗರ್ಭಾವಸ್ಥೆಯಲ್ಲಿ ಮಧುಮೇಹ ಸಮಸ್ಯೆಯಿಂದ ಎದುರಾಗುವ ಸಮಸ್ಯೆಗಳು

ಗರ್ಭಾವಸ್ಥೆಯ ಮಧುಮೇಹವನ್ನು ನೀವು ಕಡೆಗಣಿಸುವ ಹಾಗಿಲ್ಲ. ಏಕೆಂದರೆ ಇದರಿಂದ ನಿಮ್ಮ ಆರೋಗ್ಯ ಮತ್ತು ನಿಮ್ಮ ಮಗುವಿನ ಆರೋಗ್ಯ ಸಹ ತೊಂದರೆಗೆ ಸಿಲುಕುವ ಸಾಧ್ಯತೆ ಇರುತ್ತದೆ. ಯಾವುದೇ ಕಾರಣಕ್ಕೂ ಹೆಚ್ಚು ಮಾನಸಿಕ ಒತ್ತಡಕ್ಕೆ ಒಳಗಾಗಬೇಡಿ. ಪ್ರಮುಖವಾಗಿ ನಿಮ್ಮ ವೈದ್ಯರ ಬಳಿ ಮಾತನಾಡಿ ನಿಮ್ಮ ಆರೋಗ್ಯದ ಸದ್ಯದ ಸ್ಥಿತಿಗತಿಯ ಜೊತೆಗೆ ನೀವು ತೆಗೆದುಕೊಳ್ಳಬೇಕಾದ ಔಷಧಿಗಳ ಕುರಿತು ಮಾಹಿತಿ ಪಡೆದುಕೊಳ್ಳಿ.

ನಿಮ್ಮ ದೇಹದಲ್ಲಿ ಸಕ್ಕರೆ ಪ್ರಮಾಣ ಹೆಚ್ಚಾದರೆ ನಿಮ್ಮ ಹುಟ್ಟುವ ಮಗುವಿನ ದೇಹದ ತೂಕ ಕೂಡ ಹೆಚ್ಚಾಗುತ್ತದೆ. ಇದರಿಂದ ನಿಮಗೆ ಹೆರಿಗೆ ಸಂದರ್ಭದಲ್ಲಿ ಸಾಕಷ್ಟು ತೊಂದರೆ ಎದುರಾಗಬಹುದು. ಇದು ನಿಮಗೆ ಸದಾ ನೆನಪಿನಲ್ಲಿ ಇರಲಿ.

ಅತಿ ಹೆಚ್ಚು ರಕ್ತಸ್ರಾವ ಆಗುವ ಸಾಧ್ಯತೆ ಕೂಡ ಇರುತ್ತದೆ

ಹುಟ್ಟುವ ಮಗು ಕೂಡ ತನ್ನ ದೇಹದಲ್ಲಿ ರಕ್ತದಲ್ಲಿನ ಸಕ್ಕರೆ ಪ್ರಮಾಣವನ್ನು ದೀರ್ಘ ಕಾಲ ಕಾಯ್ದುಕೊಳ್ಳುವುದು ಕಷ್ಟ ಆಗುತ್ತದೆ.

ಗರ್ಭಾವಸ್ಥೆಯ ಮಧುಮೇಹ ನಿಮ್ಮ ದೇಹದಲ್ಲಿ ಅಧಿಕ ರಕ್ತದ ಒತ್ತಡಕ್ಕೆ ಕಾರಣ ಆಗುತ್ತದೆ.

ತುಂಬಾ ವಿರಳವಾದ ಪ್ರಕರಣಗಳಲ್ಲಿ ಹುಟ್ಟಿದ ತಕ್ಷಣ ಮಗುವಿಗೆ ಮಧುಮೇಹ ಇಲ್ಲವಾಗುತ್ತದೆ. ಕೆಲವು ಪ್ರಕರಣಗಳಲ್ಲಿ ಮಹಿಳೆಗೆ ಹೆರಿಗೆ ಆದ ನಂತರ ಗರ್ಭಾವಸ್ಥೆಯ ಮಧುಮೇಹ ಮತ್ತೊಮ್ಮೆ ಮರುಕಳಿಸುವ ಸಾಧ್ಯತೆ ಇರುತ್ತದೆ. ಇದನ್ನು ಟೈಪ್ - 2 ಡಯಾಬಿಟಿಸ್ ಎಂದು ಕರೆಯುತ್ತಾರೆ.

ಗರ್ಭಾವಸ್ಥೆಯಲ್ಲಿ ಮಧುಮೇಹವನ್ನು ಹೊಂದಿರುವ ಮಹಿಳೆಯರಿಗೆ ನಂತರದಲ್ಲಿ ಅಂದರೆ ಸುಮಾರು ನಲವತ್ತು ವರ್ಷಗಳು ಕಳೆದ ನಂತರ ಸಕ್ಕರೆ ಕಾಯಿಲೆ ಬರುವ ಸಾಧ್ಯತೆ ಹೆಚ್ಚಾಗಿರುತ್ತದೆ. ಹಾಗಾಗಿ ಆಗಾಗ ಮಹಿಳೆ ತನ್ನ ಮಗುವಿನೊಂದಿಗೆ ಮಧುಮೇಹ ಪರೀಕ್ಷೆ ಮಾಡಿಸಿಕೊಳ್ಳುವುದು ಉತ್ತಮ.

ಹೆರಿಗೆಯ ನಂತರ ನಿಮ್ಮ ಜೀವನಶೈಲಿ ಹೇಗಿರಬೇಕು ಎಂಬುದನ್ನು ನಿಮ್ಮ ಸ್ತ್ರೀ ರೋಗ ತಜ್ಞರಿಂದ ಕೇಳಿ ತಿಳಿದುಕೊಳ್ಳಿ.

ಗರ್ಭಾವಸ್ಥೆಯ ಮಧುಮೇಹವನ್ನು ಹೇಗೆ ಪರಿಹಾರ ಮಾಡಬಹುದು ?

ಗರ್ಭಾವಸ್ಥೆಯ ಮಧುಮೇಹವನ್ನು ಹೇಗೆ ಪರಿಹಾರ ಮಾಡಬಹುದು ?

ಇದು ಪ್ರಮುಖವಾಗಿ ಮಹಿಳೆಯ ದೇಹದಲ್ಲಿ ರಕ್ತದಲ್ಲಿನ ಗ್ಲುಕೋಸ್ ಮಟ್ಟ ಯಾವ ಸ್ಥಿತಿಯಲ್ಲಿದೆ ಎಂಬುದನ್ನು ತಿಳಿದುಕೊಳ್ಳುವುದರ ಮೇಲೆ ಅವಲಂಬಿತವಾಗಿರುತ್ತದೆ.

ಬಹಳಷ್ಟು ಪ್ರಕರಣಗಳಲ್ಲಿ ಗರ್ಭಾವಸ್ಥೆಯ ಮಧುಮೇಹವನ್ನು ಕೇವಲ ಆಹಾರ ಪದ್ಧತಿ ಮತ್ತು ವ್ಯಾಯಾಮದಿಂದ ಪರಿಹರಿಸಬಹುದು. ಕೆಲವು ಬಾರಿ ರಕ್ತದಲ್ಲಿನ ಸಕ್ಕರೆ ಅಂಶ ನಿಯಂತ್ರಣ ಮೀರಿದಾಗ ಔಷಧಿಗಳನ್ನು ಮತ್ತು ಇನ್ಸುಲಿನ್ ಇಂಜೆಕ್ಷನ್ ತೆಗೆದುಕೊಳ್ಳಬೇಕಾಗಿ ಬರುತ್ತದೆ.

ಆರೋಗ್ಯಕರವಾದ ಗರ್ಭಾವಸ್ಥೆಗಾಗಿ ಅನುಸರಿಸಬೇಕಾದ ಇನ್ನಿತರ ಕ್ರಮಗಳು : -

ಕೇವಲ ಆಹಾರ ಪದ್ಧತಿಯಲ್ಲಿ ಬದಲಾವಣೆಯನ್ನು ತಂದುಕೊಂಡರೆ ಸಾಲದು. ಉತ್ತಮವಾದ ಜೀವನಶೈಲಿಯನ್ನು ಸಹ ನೀವು ಅನುಸರಿಸಿಕೊಳ್ಳುವುದು ಒಳ್ಳೆಯದು. ವ್ಯಾಯಾಮವನ್ನು ನಿಯಮಿತವಾಗಿ ಮಾಡುವುದರ ಮೂಲಕ ಮತ್ತು ಮನೆಯಲ್ಲಿನ ಸಣ್ಣ - ಪುಟ್ಟ ಕಾರ್ಯ ಚಟುವಟಿಕೆಗಳನ್ನು ಮಾಡಿ ನಿಮ್ಮ ಗರ್ಭಾವಸ್ಥೆಯ ಮಧುಮೇಹ ಸಮಸ್ಯೆಯಿಂದ ದೂರವಾಗಬಹುದು.

ಇದರ ಜೊತೆಯಲ್ಲಿ ವೈದ್ಯರು ನೀಡಿದ pre-natal ವಿಟಮಿನ್ ಅಂಶಗಳನ್ನು, ಪ್ರೋಬಯೋಟಿಕ್ ಆಹಾರಗಳನ್ನು ತಪ್ಪದೇ ಸೇವಿಸಿ. ಆಗಾಗ ವೈದ್ಯರ ಭೇಟಿ ಕಡ್ಡಾಯ.

English summary

Gestational Diabetes Diet: What To Eat For A Healthy Pregnancy

Gestational diabetes diet: What to eat for a healthy pregnancy, Read on,
X