ಗರ್ಭಾವಸ್ಥೆಯಲ್ಲಿ ಹೆರಿಗೆ ಲಕ್ಷಣಗಳು

1. ವಿಸರ್ಜನೆ:

ನಿಮ್ಮ ಹೆರಿಗೆಯ ದಿನಾಂಕ ಹತ್ತಿರವಾಗುತ್ತಿದ್ದಂತೆ, ನೀವು ಗಮನ ಹರಿಸಬೇಕಾದ ಅಂಶವೆಂದರೆ ಹೆಚ್ಚುವರಿ ಯೋನಿ ವಿಸರ್ಜನೆ ಯಾಗಿದೆ. ಹೆರಿಗೆಯ ಸಮಯದಲ್ಲಿ ಉಂಟಾಗುವ ಮೊದಲ ಲಕ್ಷಣ ಇದಾಗಿದೆ. ಹೆರಿಗೆ ದಿನ ಸಮೀಪವಾಗುತ್ತಿದ್ದಂತೆ ಗರ್ಭಕೋಶವು ಮೆತ್ತಗಾಗಲು ಪ್ರಾರಂಭವಾಗುವ ಸಮಯದಲ್ಲಿ ಈ ಅಂಶ ಕಂಡುಬರುತ್ತದೆ.

2.ಬೆನ್ನುನೋವು:

ಕೆಲವು ಮಹಿಳೆಯರಿಗೆ, ಹೆರಿಗೆಗೆ ದಿನ ಹತ್ತಿರವಾಗುತ್ತಿದ್ದಂತೆ ದೇಹದ ಕೆಳಭಾಗದಲ್ಲಿ ನಿರಂತರವಾಗಿ ನೋವು ಉಂಟಾಗುತ್ತದೆ. ಇದೊಂದು ಸಾಮಾನ್ಯ ಲಕ್ಷಣವಾಗಿದ್ದು ನಿಮ್ಮ ವೈದ್ಯರ ಸಲಹೆಯಂತೆ ಪ್ಯಾರಾಸಿಟಮ‌ಲ್‌ ಮಾತ್ರೆಯನ್ನು ತೆಗೆದುಕೊಳ್ಳುವುದು ಇದಕ್ಕೆ ಉತ್ತಮ ಉಪಶಮನವಾಗಿದೆ.

3.ಸೆಳೆತಗಳು:

ಗರ್ಭಾವಸ್ಥೆಯ ಸಮಯದಲ್ಲಿ ಉಂಟಾಗುವ ಇನ್ನೊಂದು ಹೆರಿಗೆ ಲಕ್ಷಣವೆಂದರೆ ಹೊಟ್ಟೆಯಲ್ಲಿ ಕಿಬ್ಬೊಟ್ಟೆ ಸೆಳೆತವಾಗಿದೆ. ಬಿಸಿ ನೀರ ಸ್ನಾನವು ಈ ನೋವನ್ನು ಹೋಗಲಾಡಿಸುತ್ತದೆ.

4.ಗರ್ಭದ ಒಳಕವಚದ ನೀರಿನ ಸೋರಿಕೆ:

ಗರ್ಭದ ಒಳಕವಚದಲ್ಲಿರುವ ನೀರಿನಿಂದಾವೃತವಾದ ಚೀಲದಲ್ಲಿ ನಿಮ್ಮ ಮಗುವು ತೇಲುತ್ತಾ ಎಲ್ಲಾ ಅಪಾಯಗಳಿಂದ ರಕ್ಷಣೆಯನ್ನು ಪಡೆಯುತ್ತದೆ. ಮಗುವು ಜನ್ಮತಾಳುವುದಕ್ಕಿಂತ ಮುಂಚೆ ಚೀಲವು ಛಿದ್ರಗೊಳ್ಳುತ್ತದೆ. ಇದನ್ನೇ ನೀರಿನ ಸೋರಿಕೆ ಎಂದು ಕರೆಯಲಾಗುತ್ತದೆ. ಗರ್ಭಾವಸ್ಥೆಯ ಸಮಯದಲ್ಲಿ ನಿಮ್ಮಲ್ಲಿ ಉಂಟಾಗುವ ಸಾಮಾನ್ಯ ಲಕ್ಷಣ ಇದಾಗಿದೆ.

5.ವಿಚಲಿತಗೊಳ್ಳುವ ಹೊಟ್ಟೆ:

ನಿಮ್ಮ ಹೊಟ್ಟೆಯ ಅಸಾಮಾಧಾನದಿಂದ ನೀವು ಬಳಲುತ್ತಿರುವಿರಿ ಎಂದಾದರೆ ನಿಮ್ಮ ಸಂತೋಷವನ್ನು ಹೆಚ್ಚಿಸುವ ದೊಡ್ಡ ಉಡುಗೊರೆಗಾಗಿ ನಿಮ್ಮ ದೇಹ ಸಿದ್ಧಗೊಳ್ಳುತ್ತಿದೆ ಎಂದಾಗಿದೆ. ಹೆರಿಗೆಯ ಸಾಮಾನ್ಯ ಲಕ್ಷಣ ಇದಾಗಿದ್ದು ಕರುಳನ್ನು ಹೆಚ್ಚಾಗಿ ತೆರೆದುಕೊಳ್ಳಲು ಪ್ರಚೋದಿಸುವ ಪ್ರೊಸ್ಟಗ್ಲೇಂಡಿಯನ್‌ನ ಇರುವಿಕೆಯಿಂದ ಹೊಟ್ಟೆಯಲ್ಲಿ ವೈಪರೀತ್ಯಗಳುಂಟಾಗುತ್ತದೆ.

6.ವಾಕರಿಕೆ:

ನಿಮ್ಮ ಗರ್ಭಾವಸ್ಥೆಯ ಸಮಯದಲ್ಲಿ ಕೆಲವು ಮಹಿಳೆಯರಿಗೆ ವಾಕರಿಕೆ ಉಂಟಾಗುವ ಪೃವೃತ್ತಿಯ ರೋಗಲಕ್ಷಣ ಕಂಡುಬರುತ್ತದೆ. ಗರ್ಭಾವಸ್ಥೆಯ ಸಮಯದಲ್ಲಿ ನೀವೇನೂ ತಿಂದರೂ ಅದು ವಾಂತಿಯಾಗುತ್ತದೆ. ಕಾತರಿಸುವಿಕೆ, ಹೆದರಿಕೆ, ನೋವು ಮತ್ತು ಹಾರ್ಮೋನ್‌ಗಳ ಮಿಶ್ರಣದಿಂದ ಈ ರೀತಿ ಉಂಟಾಗುತ್ತದೆ.

7.ಕುಗ್ಗುವಿಕೆಗಳು:

ಗರ್ಭಾವಸ್ಥೆಯಲ್ಲಿ ಉಂಟಾಗುವ ಒಂದು ಸಾಮಾನ್ಯ ಲಕ್ಷಣ ಇದಾಗಿದೆ. ಗರ್ಭಾಶಯದ ಬಿಗಿತ ಮತ್ತು ಸಡಿಲತೆಯನ್ನು ಗರ್ಭಿಣಿ ಸ್ತ್ರೀ ಈ ಸಮಯದಲ್ಲಿ ಅನುಭವಿಸುತ್ತಾಳೆ. ಆಕೆಯ ಜೀವನದ ಸುಮಧುರ ಕ್ಷಣಕ್ಕಾಗಿ ದೇಹ ಸಿದ್ಧವಾಗುತ್ತಿದೆ ಎಂಬುದರ ಸೂಚನೆ ಇದಾಗಿದೆ.

8. ಸಣ್ಣ ಹಗುರತೆ:

ಹೆರಿಗೆಯ ದಿನ ಸಮೀಪವಾಗುತ್ತಿದ್ದಂತೆ ನಿಮ್ಮ ಹೊಟ್ಟೆಯಲ್ಲಿ ಸಣ್ಣ ಹಗುರತೆಯನ್ನು ನೀವು ಅನುಭವಿಸುವಿರಿ. ನಿಮಗೆ ಮುಂಚಿಗಿಂತ ಹಗರವಾಗಿ ಉಸಿರಾಡಲು ಸಹಾಯಕವಾಗುವಂತೆ ನಿಮ್ಮ ಮಗುವು ಸೊಂಟದತ್ತ ಹೊರಳುತ್ತದೆ ಮತ್ತು ಅಲ್ಲೇ ನೆಲೆ ನಿಲ್ಲುತ್ತದೆ.

9.ನಡುಕ:

ನಿಮಗೆ ಶೀತವಿಲ್ಲದಿದ್ದರೂ ಹೆರಿಗೆಯ ಪೂರ್ವ ದಿವಸಗಳಲ್ಲಿ ಸಣ್ಣ ರೀತಿಯ ನಡುಕ ನಿಮ್ಮ ದೇಹವನ್ನು ಆವರಿಸುತ್ತದೆ. ಗರ್ಭಾವಸ್ಥೆಯ ಸಮಯದಲ್ಲಿ ಹೆಚ್ಚಿನ ಮಹಿಳೆಯರು ಅನುಭವಿಸುವ ಸಾಮಾನ್ಯ ಲಕ್ಷಣವಾಗಿದೆ.

10.ಆಹಾರದ ಬಯಕೆಗಳು:

ಗರ್ಭಾವಸ್ಥೆಯ ಅವಧಿಯಲ್ಲಿ ಆಹಾರದ ಮೇಲಿನ ಒಲವು ಹೆಚ್ಚುತ್ತದೆ. ಹೆರಿಗೆಯ ಸಮಯದಲ್ಲಿ ವಿಪರೀತ ಹಸಿವು ನಿಮ್ಮನ್ನು ಕಾಡುತ್ತದೆ.