ನಿಮ್ಮ ಮಗುವನ್ನೂ ನಿಮ್ಮ ಸಾಕುಪ್ರಾಣಿಯ ಸಂಗಾತಿಯಾಗಿಸಿ!

ನಾಯಕತ್ವದ ಮೇಲೆ ಗಮನ ಹರಿಸಿ:

ನಿಮ್ಮ ನಾಯಿ ಹಾಗೂ ಮಗುವನ್ನು ಒಂದೇ ಕೋಣೆಯಲ್ಲಿರಿಸಿ. ಮತ್ತು ನಿಮ್ಮ ನಾಯಿಗೆ ನಿಮ್ಮದೇ ಮಗುವಿನ ಮೇಲೆ ಪ್ರೀತಿ ಉಂಟಾಗುವಂತೆ ಮಾಡಿ. ಅದು ಒಮ್ಮೆ ನಿಮ್ಮ ಮಗುವನ್ನು ಆತ್ಮೀಯವನ್ನಾಗಿಸಿಕೊಂಡರೆ ಮುಗಿಯಿತು ನಿಮಗಿಂತಲೂ ಚೆನ್ನಾಗಿ ಅದನ್ನು ನೋಡಿಕೊಳ್ಳುತ್ತದೆ.

ಚೆನ್ನಾಗಿ ಪರೀಕ್ಷಿಸಲಿ:

ನಿಮ್ಮ ಹೊಸ ಮಗುವನ್ನು ಸಾಕುಪ್ರಾಣಿ ಒಮ್ಮೆ ಪರೀಕ್ಷಿಸಲಿ. ಒಂದು ಅಥವಾ ಎರಡು ಬಾರಿ ಮಗುವಿನ ಸುತ್ತಲೂ ಪ್ರದಕ್ಷಿಣೆ ಹಾಕಿ ಮಗುವನ್ನು ತನ್ನ ಗೆಳೆಯನ್ನಾಗಿಸಲು ಅದು ತೀರ್ಮಾನಿಸುತ್ತದೆ.

ಸಾಕುಪ್ರಾಣಿಗೆ ಅರ್ಥವಾಗುವಂತೆ ತಿಳಿಸಿ:

ನಿಮ್ಮ ನಾಯಿ ಅಥವಾ ಸಾಕುಪ್ರಾಣಿ ನಿಮ್ಮ ಸಂಜ್ಞೆಯನ್ನು ನಿಮ್ಮ ಮಾತನ್ನು ಆಲಿಸುತ್ತದೆ ಎಂದಾದಲ್ಲಿ ನಿಮ್ಮ ಮಗುವಿನ ಬಗ್ಗೆ ಅದಕ್ಕೆ ತಿಳಿಸಿ.

ನಾಯಿಯ ಬದಲಿಗೆ ಮಗುವಿಗೆ ಹೆಚ್ಚಿನ ಕಾಳಜಿ ಬೇಡ:

ನಿಮ್ಮ ಮನೆಯ ಮಗು ಆಗಮನವಾದೊಡನೆ ನಾಯಿಯನ್ನು ದೂರಾಗಿಸಿ ಮಗುವನ್ನು ಹೆಚ್ಚು ಮುದ್ದು ಮಾಡಬೇಡಿ. ಇದರಿಂದ ಮೂಕ ಪ್ರಾಣಿಯ ಮನಸ್ಸಿಗೆ ವೇದನೆಯಾಗಬಹುದು ಹಾಗೂ ಅದು ಮಗುವಿನ ಮೇಲೆ ದಾಳಿ ನಡೆಸಬಹುದು.

ನಾಯಿಯ ಅವಶ್ಯಕತೆಯನ್ನೂ ಗಮನಿಸಿ:

ನಿಮ್ಮ ನಾಯಿಯ ಬೇಕು ಬೇಡದ ಕಡೆಗೂ ಗಮನ ಕೊಡಿ. ಇದರಿಂದ ಅದು ಕೂಡ ನಿಮ್ಮ ಮಗುವಿನ ಆಗಮನವನ್ನು ಹೃತ್ಪೂರ್ವಕವಾಗಿ ಮನದುಂಬಿಕೊಳ್ಳುತ್ತದೆ. ಪ್ರಾಣಿಗೆ ನಿಮ್ಮ ಪ್ರೀತಿ ಅದರತ್ತ ಕೂಡ ಇದೆ ಎಂಬುದನ್ನು ಮನನ ಮಾಡಿಸಿ.

ಆಹಾರ ಉಣಿಸುವುದು:

ನಿಮ್ಮ ಮಗುವಿಗೆ ಮತ್ತು ನಾಯಿಗೆ ನೀಡುವ ಆಹಾರ ಸಮಯ ಬೇರೆ ಬೇರೆಯಾಗಿರಲಿ. ನಿಮ್ಮ ಮಗುವಿಗೆ ಹಾಲುಣಿಸುತ್ತಿದ್ದೀರಿ ಎಂದಲ್ಲಿ ನಿಮ್ಮ ಮಗುವನ್ನು ಕೋಣೆಯ ಹೊರಗೆ ಕರೆದುಕೊಂಡು ಹೋಗಿ

ಇಬ್ಬರನ್ನು ಮಾತ್ರ ಬಿಡಬೇಡಿ:

ಇಬ್ಬರನ್ನು ಒಂದೇ ಕೋಣೆಯಲ್ಲಿ ನೀವಿಲ್ಲದೆ ಬಿಡಬೇಡಿ. ನಿಮ್ಮ ಮನೆಯ ನಾಯಿ ಅದಕ್ಕೆ ತೊಂದರೆಯನ್ನುಂಟು ಮಾಡದಿದ್ದರೂ ನಾಯಿ ಆಟವಾಡುವುದು ಮಗುವಿಗೆ ಎಳಸು ಮಗುವಿಗೆ ಹಾನಿ ಉಂಟು ಮಾಡಬಹುದು.

ಸುಮಧುರ ಆತ್ಮೀಯತೆ ಏರ್ಪಡುವಂತೆ ಮಾಡಿ:

ನಿಮ್ಮ ಮಗುವನ್ನೂ ನಾಯಿಯನ್ನೂ ಸಮನಾಗಿ ಉಪಚರಿಸಿ. ಮಗುವಿನ ಕೈಯನ್ನು ನಾಯಿಯ ಕೈಗೆ ಕೊಡುವುದು ಮೊದಲಾದ ಪ್ರಕ್ರಿಯೆಗಳನ್ನು ಮಾಡಿ ಇದರಿಂದ ಒಂದು ಸುಮಧುರ ಆತ್ಮೀಯತೆ ಅಲ್ಲಿ ಏರ್ಪಡುತ್ತದೆ.

ಇಬ್ಬರ ಪ್ರಸ್ತುತತೆಯನ್ನು ಪರಿಗಣಿಸಿ:

ಒಂದೇ ಕೋಣೆಯಲ್ಲಿ ನಿಮ್ಮ ಮಗು ಮತ್ತು ನಿಮ್ಮ ನಾಯಿ ಇದ್ದಲ್ಲಿ ಇಬ್ಬರಿಗೂ ಪರಿಗಣನೆ ನೀಡಿ. ಇದರಿಂದ ನಿಮ್ಮ ನಾಯಿಗೂ ಮಗುವಿಗೂ ಅನ್ಯೋನ್ಯತೆ ಉಂಟಾಗುತ್ತದೆ.

ಇಬ್ಬರಿಗೂ ವಿಶೇಷ ಸಮಯ:

ಇಬ್ಬರಿಗೂ ವಿಶೇಷ ಸಮಯವನ್ನು ನೀಡುವುದು ಅತಿ ಮುಖ್ಯವಾದುದು. ಮಗು ಹಾಗೂ ನಿಮ್ಮ ಸಾಕು ಪ್ರಾಣಿ ಇಬ್ಬರೂ ವಿಶೇಷವಾಗಿರುವಂತೆ ನೋಡಿಕೊಳ್ಳಿ.