ಗರ್ಭ ನಿರೋಧಕ ಸ್ಪಾಂಜ್ ಬಗೆ ಗೊತ್ತಿದೆಯೇ?

ಗರ್ಭಧಾರಣೆಯಾಗದಂತೆ ತಡೆಯಲು ಅನೇಕ ವೈದ್ಯಕೀಯ ಸೌಲಭಗಳಿವೆ. ಗರ್ಭ ನಿರೋಧಕ ಮಾತ್ರೆಗಳು, ಕಾಂಡೋಮ್, ಕಾಪರ್ ಟಿ ಹೀಗೆ ಅನೇಕ ಮಾರ್ಗಗಳಿವೆ. ಗರ್ಭ ನಿರೊಧಕ ಮಾತ್ರೆ ತಿಂದರೆ ಅಡ್ಡ ಪರಿಣಾಮ ಉಂಟಾಗುವ ಸಾಧ್ಯತೆ ಇದೆ. ಕಾಂಡೋಮ್ ಹರಿದು ಹೋದರೆ ಗರ್ಭಧಾರಣೆಯಾಗಬಹುದು . ಕೆಲವು ಗರ್ಭ ನಿರೋಧಕ ವಸ್ತುಗಳಿಂದ ಪ್ರಯೋಜನ ಮತ್ತು ಅಪ್ರಯೋಜನ ಎರಡೂ ಇದೆ.

ಸುರಕ್ಷಿತ ಗರ್ಭ ನಿರೋಧ ಮಾರ್ಗ ಬೇಕೆಂದು ಬಯಸುವವರು ಗರ್ಭ ನಿರೋಧಕ ಸ್ಪಾಂಜುಗಳನ್ನು ಬಳಸಬಹುದು. ಈ ಸ್ಪಾಂಜನ್ನು ಬಳಸಿದರೆ ಏಕೆ ಒಳ್ಳೆಯದು ಅನ್ನುವುದಕ್ಕೆ ಕಾರಣಗಳು ನೋಡಿ ಇಲ್ಲಿವೆ:

* ಇದನ್ನು ಫಾಮ್ ಪ್ಲಾಸ್ಟಿಕ್ ಬಳಸಿ ಮಾಡಲಾಗಿದೆ. ಕಾಪರ್ ಟಿ ಹಾಕಿದರೆ ಕೆಲವರಿಗೆ ಸೋಂಕು ಉಂಟಾಗುತ್ತದೆ. ಈ ಸ್ಪಾಂಜು ಬಳಸುವುದರಿಂದ ಅಂತಹ ಸಮಸ್ಯೆ ಕಂಡು ಬರುವುದಿಲ್ಲ.

* ಇದು ಗರ್ಭಧಾರಣೆಯನ್ನು ತಡೆಗಟ್ಟುವುದು ಮಾತ್ರವಲ್ಲದೆ ವೀರ್ಯಾಣುಗಳನ್ನು ಕೊಲ್ಲುತ್ತದೆ.

* ಕಾಪರ್ ಟಿ ವೈದ್ಯಯರ ಬಳಿ ಹೋಗಿ ಹಾಕಿಸಬೇಕು. ಇದನ್ನು ನೀವೇ ಹಾಕಬಹುದು.

* ಇದನ್ನು ಬಳಕೆ ಮಾಡುವುದು ತುಂಬಾ ಸುಲಭ.

* ಇದನ್ನು ಇನ್ನೂ ತಾಯಿಯಾಗಿರದ ಮಹಿಳೆಯರು ಬಳಸುವುದು ಒಳ್ಳೆಯದು. ಏಕೆಂದರೆ ಗರ್ಭ ನಿರೋಧಕ ಮಾತ್ರೆಗಳು ಮುಂದೆ ಗರ್ಭಧಾರಣೆಗೆ ಸಮಸ್ಯೆ ಇರಬಹುದು. ಅಡ್ಡಪರಿಣಾಮದ ಭಯವಿಲ್ಲದೆ ಇದನ್ನು ಬಳಸಬಹುದು.

* ಇದನ್ನು ಒಮ್ಮೆ ಬಳಸಿದರೆ ಮತ್ತೆ ಬಳಸುವಂತಿಲ್ಲ. ಆದ್ದರಿಂದ ಯಾವುದೇ ಸೋಂಕು ಹರಡುತ್ತದೆ ಎಂಬ ಭಯವಿಲ್ಲ.