ಗರ್ಭಿಣಿಯರಿಗೆ ಕೆಳ ಹೊಟ್ಟೆ ನೋವು ಬಂದರೆ ಅಪಾಯವೇ?

ಚೊಚ್ಚಲ ಗರ್ಭದಾರಣೆವಾದರೆ ಹೊಟ್ಟೆಯಲ್ಲಿ ಸಣ್ಣ ಪುಟ್ಟ ನೋವು ಕಾಣಿಸಿದರೂ ಗರ್ಭಿಣಿಯರು ಭಯಪಡುತ್ತಾರೆ. ಹೊಟ್ಟೆಯಲ್ಲಿರುವ ಮಗುವಿಗೆ ಏನಾದರೂ ತೊಂದರೆ ಆಗಿದೆಯೇ ಅನ್ನುವುದು ಅವರ ಗೊಂದಲವಾಗಿರುತ್ತದೆ. ಆದರೆ ಈ ರೀತಿ ಭಯಪಡಬೇಕಾದ ಅವಶ್ಯಕತೆಯಿಲ್ಲ. ಕೆಳ ಹೊಟ್ಟೆ ನಾವು ಕಾಣಿಸಿಕೊಳ್ಳುವುದು ಸಾಮಾನ್ಯ. ಆದರೆ ತುಂಬಾ ನೋವು ಕಾಣಿಸಿದರೆ ಅದು ಕೆಟ್ಟ ಸೂಚನೆಯಾಗಿರಬಹುದು.

ಗರ್ಭಾವಸ್ಥೆಯಲ್ಲಿ ಕೆಳ ಹೊಟ್ಟೆ ನೋವು ಈ ಕೆಳಗಿನ ಕಾರಣಗಳಿಂದ ಉಂಟಾಗುತ್ತದೆ:

* ಗರ್ಭಾವಸ್ಥೆಯಾಗಿ 6 ವಾರಗಳ ಬಳಿಕ ಮುಟ್ಟಿನ ಸಮಯದಲ್ಲಿ ಕಂಡು ಬರುವ ನೋವು ಕಾಣಿಸಿಕೊಳ್ಳುತ್ತದೆ. ಈ ರೀತಿಯ ನೋವಿಗೆ ಭಯ ಪಡಬೇಕಾಗಿಲ್ಲ. ಈ ಸಮಯದಲ್ಲಿ ಭ್ರೂಣ ಮೆಲ್ಲನೆ ಕದಲುತ್ತದೆ. ಆಗ ಈ ರೀತಿಯ ನೋವು ಕಂಡು ಬರುವುದು.

* ಹಾರ್ಮೋನ್ ಗಳಲ್ಲಿ ಬದಲಾವಣೆಯಾದಾಗ ಕೆಳ ಹೊಟ್ಟೆ ಎಳದಂತಾಗುವುದು. ಈ ರೀತಿ ಗರ್ಭಾವಸ್ಥೆಯಾಗಿ 3 ತಿಂಗಳ ಒಳಗೆ ಕಂಡು ಬರುವುದು.

* ectopic ಗರ್ಭದಾರಣೆ ಇದರಲ್ಲಿ ಮಗು ಗರ್ಭಕೋಶದಿಂದ ಹೊರಗೆ ಬೆಳೆಯುತ್ತದೆ. ಈ ಸಮದರ್ಭದಲ್ಲಿ ತುಂಬಾ ನೋವು ಕಂಡು ಬರುತ್ತದೆ, ಹಾಗೂ ಈ ರೀತಿಯ ಗರ್ಭದಾರಣೆಯಲ್ಲಿ ಗರ್ಭಪಾತವಾಗುವ ಸಾಧ್ಯತೆ ಹೆಚ್ಚು.

* 5 ತಿಂಗಳ ಬಳಿಕ ಹೊಟ್ಟೆಯಲ್ಲಿ ಮಗುವಿನ ಚಲನೆ ಚೆನ್ನಾಗಿ ಅನುಭವಕ್ಕೆ ಬರುತ್ತದೆ. ಈ ಸಮಯದಲ್ಲಿ ಸ್ನಾಯು ಸೆಳೆತ ಕಂಡು ಬರುವುದು.

* ಸಾಧಾರಣವಾಗಿ ಹೊಟ್ಟೆ ನೋವು ಸ್ವಲ್ಪ ಹೊತ್ತಿಗೆ ಹೋಗುತ್ತದೆ. ಆದರೆ ವಿಪರೀತ ಹೊಟ್ಟೆ ನೋವು ಉಂಟಾದರೆ ಅದು ಗರ್ಭಪಾತದ ಲಕ್ಷಣಗಳಾಗಿರಬಹುದು. ಈ ಸಂದರ್ಭದಲ್ಲಿ ಕೂಡಲೇ ವೈದ್ಯರನ್ನು ಕಾಣುವುದು ಒಳ್ಳೆಯದು.

* 7 ಮತ್ತು 8ನೇ ತಿಂಗಳಿನಲ್ಲಿ ಕೆಲವೊಮ್ಮೆ ಹೊಟ್ಟೆ ನೋವು ಕಂಡು ಬಂದು ನಂತರ ಕಡಿಮೆಯಾಗುವುದು, ಆದರೆ ತುಂಬಾ ಹೊಟ್ಟೆ ನೋವು ಕಂಡು ಬಂದರೆ ಅದು ಅವಧಿಗೆ ಮುನ್ನ ಹೆರಿಗೆಯಾಗಬಹುದು ಅನ್ನುವುದರ ಸೂಚನೆ. ಕೂಡಲೇ ಆಸ್ಪತ್ರೆಗೆ ಹೋಗುವುದು ಒಳ್ಳೆಯದು.