ಗರ್ಭಿಣಿಯರಲ್ಲಿ ರಕ್ತಸ್ರಾವ ಕಂಡು ಬರಬಹುದೇ?

Pre Natal

oi-Reena

By Hema S

Updated: Wednesday, November 21, 2012, 14:15 [IST]

ಗರ್ಭಿಣಿಯಾದಾಗ ತಲೆ ಸುತ್ತು, ವಾಂತಿ, 3 ತಿಂಗಳವರೆಗೆ ಗರ್ಭಪಾತವಾಗಬಹುದೆಂಬ ಭಯ, ಸುಸ್ತು ಈ ರೀತಿಯ ಅನೇಕ ಸಮಸ್ಯೆಗಳು ಕಂಡು ಬರುತ್ತವೆ. ಕೆಲವರಲ್ಲಿ ಗರ್ಭಿಣಿಯಾಗಿ 2-3ನೇ ತಿಂಗಳಿನಲ್ಲಿ ರಕ್ತಸ್ರಾವ ಕಂಡು ಬರುತ್ತದೆ. ಈ ರೀತಿ ಕಂಡು ಬಂದರೆ ಅಬಾರ್ಷನ್ ಆಗಿರಬಹುದೆಂದು ಹೆದರಬೇಕಾಗಿಲ್ಲ. ರಕ್ತಸ್ರಾವ ನಾನಾ ಕಾರಣಗಳಿಂದ ಉಂಟಾಗುತ್ತದೆ. ಆ ಕಾರಣಗಳೇನು ಎಂದು ನೋಡೋಣ ಬನ್ನಿ:

1. ಕೆಲವು ಮಹಿಳೆಯರಲ್ಲಿ ಗರ್ಭಿಣಿಯಾಗಿರುವಾಗ ಪಿಂಕ್ ಅಥವಾ ಸ್ವಲ್ಪ ಕಂದು ಬಣ್ಣದಲ್ಲಿ ರಕ್ತಸ್ರಾವ ಕಂಡು ಬರುತ್ತದೆ. ಈ ರೀತಿ ಗರ್ಭಿಣಿಯಾಗಿ 12ನೇ ದಿನಕ್ಕೆ ಸ್ವಲ್ಪ ಕಂಡು ಬರುತ್ತದೆ. ಅಂಡಾಣುಗಳು ಯೂಟ್ರಸ್ ನ ಒಳಕ್ಕೆ ಹೋಗುವಾಗ ಈ ರೀತಿ ಕಂಡು ಬರುತ್ತದೆ. ಈ ರೀತಿಯ ರಕ್ತಸ್ರಾವ ಕೆಲವು ಗಂಟೆಗಳವರೆಗೆ ಮಾತ್ರ ಕಂಡು ಬರುತ್ತದೆ.

2. ಗರ್ಭಕೋಶದ ಇಕ್ಕಟ್ಟು ಭಾಗ ತುಂಬಾ ಸೂಕ್ಷ್ಮವಾಗಿರುತ್ತದೆ. ಈ ಭಾಗಕ್ಕೆ ಅಧಿಕವಾಗಿ ರಕ್ತ ಸಂಚಾರ ಆದರೆ ಈ ಭಾಗ ತುಂಬಾ ಸೂಕ್ಷ್ಮವಾಗಿ ರಕ್ತಸ್ರಾವ ಕಂಡು ಬರುತ್ತದೆ.

3. ಕೆಲವೊಮ್ಮೆ ಮಾಸುಚೀಲ ಅಥವಾ ಕಸ (ಈ ಕಸ ಹೆರಿಗೆಯಾದಾಗ ಹೊರಬೀಳುತ್ತದೆ) ಇದರ ಸಮೀಪದಲ್ಲಿ ರಕ್ತ ಹೆಪ್ಪು ಕಟ್ಟಿ ಸ್ವಲ್ಪ ಅಧಿಕ ರಕ್ತಸ್ರಾವ ಕಂಡು ಬರಬಹುದು. ಈ ರೀತಿ ಉಂಟಾದರೆ ಯಾವುದೇ ಅಪಾಯ ಉಂಟಾಗುವುದಿಲ್ಲ.

ಗರ್ಭಪಾತ: ಗರ್ಭಿಣಿಯಾಗಿದ್ದಾಗ ರಕ್ತಸ್ರಾವವಾದಾಗ ಅದರ ಬಣ್ಣ ತುಂಬಾ ಕೆಂಪಿದ್ದರೆ (ಮುಟ್ಟಿನ ರಕ್ತಸ್ರಾವದ ರೀತಿ) ಗರ್ಭಪಾತವಾಗಿರುತ್ತದೆ. ಗರ್ಭಪಾತವಾದರೆ ತುಂಬಾ ರಕ್ತಸ್ರಾವವಾಗುತ್ತದೆ. ಈ ಸಮಯದಲ್ಲಿ ಸೂಕ್ತ ಚಿಕಿತ್ಸೆ ಪಡೆಯದಿದ್ದರೆ ರ್ಭಿಣಿಯ ಪ್ರಾಣಕ್ಕೆ ಅಪಾಯ ಉಂಟಾಗಬಹುದು.