ಗರ್ಭಿಣಿಯರಿಗೆ ಕಾಡುವ ಸ್ನಾಯು ಸೆಳೆತಕ್ಕೆ ಪರಿಹಾರ

Pre Natal

oi-Reena

By Hema S

Updated: Monday, August 13, 2012, 16:14 [IST]

ಪ್ರತಿಯೊಂದು ಹೆಣ್ಣಿಗೂ ತಾಯ್ತನದ ಸುಖ ಅನುಭವಿಸಬೇಕೆಂಬ ಬಯಕೆ ಇದ್ದೇ ಇರುತ್ತದೆ. ಗರ್ಭಿಣಿಯಾಗಿ, ಮಗುವಿಗೆ ಜನ್ಮ ನೀಡಿ, ಅದನ್ನು ಸಾಕಿ ದೊಡ್ಡದು ಮಾಡಲು ಸಾಕಷ್ಟು ನೋವು ಅನುಭವಿಸಬೇಕಾಗಿರುತ್ತದೆ. ಅದರಲ್ಲೂ ಗರ್ಭಿಣಿಯಾಗಿ ಹೆರಿಗೆಯಾಗುವವರೆಗೆ ಅನೇಕ ಆರೋಗ್ಯ ಸಮಸ್ಯೆಯನ್ನು ಎದುರಿಸಬೇಕಾಗುತ್ತದೆ. ಆದ್ದರಿಂದಲೇ 'ಒಂದು ಮಗುವಿಗೆ ಜನ್ಮ ಕೊಡುವುದು ತಾಯಿಗೆ ಮರುಜನ್ಮದಂತೆ' ಎಂದು ಹಿರಿಯರು ಹೇಳುವುದನ್ನು ಕೇಳಿರಬಹುದು.

ಗರ್ಭಿಣಿಯರಿಗೆ ಸುಸ್ತು , ತಲೆಸುತ್ತು , ವಾಂತಿ ಈ ರೀತಿಯ ಸಮಸ್ಯೆಗಳ ಜೊತೆ ಕಂಡು ಬರುವ ಮತ್ತೊಂದು ಸಮಸ್ಯೆಯೆಂದರೆ ಸ್ನಾಯು ಸೆಳೆತ. ಇದು ಬಂದರೆ ತಡೆಯಲು ಅಸಾಧ್ಯವಾದ ನೋವು ಕಂಡುಬರುತ್ತದೆ. ಅದರಲ್ಲೂ ಕೆಳ ಹೊಟ್ಟೆ ಮತ್ತು ಕಾಲಗಳಲ್ಲಿ ತುಂಬಾ ನೋವು ಕಂಡು ಬರುತ್ತದೆ.

ಈ ರೀತಿಯ ಸ್ನಾಯು ಸೆಳೆತ ಮೂರು ತಿಂಗಳಿನ ನಂತರ ಹೆಚ್ಚಾಗಿ ಕಂಡುಬರುತ್ತದೆ. ಈ ಸಮಯದಲ್ಲಿ ಹೆಚ್ಚು ಗ್ಯಾಸ್ ಉತ್ಪತ್ತಿ ಮಾಡುವ ಆಹಾರವನ್ನು ತಿನ್ನದಿರುವುದು ಒಳ್ಳೆಯದು. ಕೆಳ ಹೊಟ್ಟೆಯಲ್ಲಿ ಈ ರೀತಿಯ ನೋವು ಕಂಡು ಬಂದರೆ ಸ್ವಲ್ಪ ನಿಧಾನಕ್ಕೆ ಹಿಂದೆಕ್ಕೆ ವಾಲಿದರೆ ಸಾಕು ಸ್ವಲ್ಪ ನೋವು ಕಡಿಮೆಯಾಗುವುದು. ಕುರ್ಚಿಯಲ್ಲಿ ಕೂರುವಾಗ ಸ್ವಲ್ಪ ಮೆತ್ತಗೆ ಕೂರುಬೇಕು. ಓಡಿ ಬಂದು ಕೂರುವುದು, ಕೂತಲ್ಲಿಂದ ಬೇಗನೆ ಎದ್ದೇಳುವುದು ಮಾಡಬಾರದು.

ಇದು ವಿಟಮಿನ್ ಗಳ ಕೊರತೆ ಮತ್ತು ಫಾಲಿಕ್ ಆಸಿಡ್ ಕೊರತೆ ಉಂಟಾದರೆ ಈ ರೀತಿಯ ಸಮಸ್ಯೆ ಹೆಚ್ಚಾಗಿ ಕಂಡುಬರುತ್ತದೆ. ಗರ್ಭಿಣಿಯರು ಒಳ್ಳೆಯ ಪೋಷಕಾಂಶವಿರುವ ಆಹಾರ ತಿನ್ನಬೇಕು.

ಈ ರೀತಿಯ ಸ್ನಾಯು ಸೆಳೆತ ಕಂಡು ಬಂದರೆ ಈ ಕೆಳಗಿನ ಸಲಹೆಯನ್ನು ಪಾಲಿಸಬಹುದು:

1. ತುಂಬಾ ಹೊತ್ತು ಕೂರದೆ ಸ್ವಲ್ಪ ದೂರ ನಡೆಯುವುದು ಒಳ್ಳೆಯದು.

2. ರಾತ್ರಿ ಬೇಗನೆ ಮಲಗಬೇಕು, ಬೆಳಗ್ಗೆ ಬೇಗನೆ ಏಳಬೇಕು. ಬೆಳಗಿನ ಸ್ವಚ್ಛ ಗಾಳಿ ಸೇವಿಸಿದರೆ ಆರೋಗ್ಯಕ್ಕೆ ಒಳ್ಳೆಯದು.

3. ಗರ್ಭಾವಸ್ಥೆಯಲ್ಲಿ ಮಾಡುವ ಯೋಗ ಮತ್ತು ನೀರಿನಲ್ಲಿ ಮಾಡುವ ವ್ಯಾಯಾಮ (water exercise) ಈ ರೀತಿಯ ಸ್ನಾಯು ಸೆಳೆತವನ್ನು ಕಡಿಮೆ ಮಾಡುವಲ್ಲಿ ಸಹಕಾರಿಯಾಗಿದೆ.