ಮಾತ್ರೆ ತಿಂದರೂ ಗರ್ಭ ಧರಿಸುವುದು ಏಕೆ?

Pre Natal

oi-Reena

By Hema S

Published: Tuesday, January 31, 2012, 11:24 [IST]

ಗರ್ಭನಿರೋಧಕ ಮಾತ್ರೆಗಳನ್ನು ಸೇವಿಸಿದರೆ ಗರ್ಭಧರಿಸುವುದಿಲ್ಲ ಎಂದು ಹೇಳಲು ಸಾಧ್ಯವಾಗುವುದಿಲ್ಲ. ಏಕೆಂದರೆ ಮಾತ್ರೆಗಳನ್ನು ಸೇವಿಸಿದರೂ ಗರ್ಭ ಧರಿಸಿರುವ ಉದಾಹರಣೆಗಳು ಸಾಕಷ್ಟಿವೆ. ಈ ರೀತಿ ಮಾತ್ರೆ ಸೇವಿಸಿದರೂ ಗರ್ಭಿಣಿಯಾಗಲು ಈ ಕೆಳಗಿನ ಅಂಶಗಳು ಮುಖ್ಯ ಕಾರಣ:

1. ಗರ್ಭ ನಿರೋಧಕ ಮಾತ್ರೆಗಳನ್ನು ಸೇವಿಸುವವರು ಒಂದು ದಿನ ಮರೆತು ಹೋದರೂ ಕೂಡ ಗರ್ಭ ಧರಿಸುವ ಸಾಧ್ಯತೆ ಇದೆ.

2. ಗರ್ಭ ನಿರೋಧಕ ಮಾತ್ರೆಯನ್ನು ಪ್ರತಿ ನಿತ್ಯ ನಿಗದಿತ ಸಮಯದಲ್ಲಿ ತೆಗೆದುಕೊಳ್ಳಬೇಕು. ವಿಟಮಿನ್ ಮಾತ್ರೆ ತರ ಹೊತ್ತಿಲ್ಲದ ಹೊತ್ತಿನಲ್ಲಿ ತೆಗೆದರೆ ಮಾತ್ರೆ ಪರಿಣಾಮ ಬೀರುವುದಿಲ್ಲ.

3. ವೈದ್ಯರ ಸಲಹೆ ಮೇರೆಗೆ ಇಂತಹ ಮಾತ್ರೆಗಳನ್ನು ಸೇವಿಸಬೇಕು. ಏಕೆಂದರೆ ಎಲ್ಲಾ ಬ್ರಾಂಡ್ ನ ಗರ್ಭ ನಿರೋಧಕ ಮಾತ್ರೆಗಳು ಒಂದೆ ರೀತಿ ಪರಿಣಾಮ ಬೀರುತ್ತದೆ ಎಂದು ಹೇಳಲು ಸಾಧ್ಯವಿಲ್ಲ. ಮಾತ್ರೆಯಲ್ಲಿರುವ ಸಣ್ಣ-ಪುಟ್ಟ ವ್ಯತ್ಯಾಸ ಕೂಡ ಗರ್ಭ ಧರಿಸಲು ಕಾರಣವಾಗುತ್ತದೆ.

4. ಮಾತ್ರೆಯನ್ನು ನುಂಗುವ ಮೊದಲು ಮತ್ತು ನುಂಗಿದ ಅರ್ಧ ಗಂಟೆವರೆಗೆ ಮದ್ಯಪಾನ ಮಾಡಬಾರದು.

5. ನೈಸರ್ಗಿಕ ಔಷಧಿ ತೆಗೆದು ರೂಢಿಸಿಕೊಂಡವರಿಗೆ ಕೆಲವೊಮ್ಮೆ ಇಂತಹ ಮಾತ್ರೆಗಳು ಪರಿಣಾಮ ಬೀರುವುದಿಲ್ಲ. ಏಕೆಂದರೆ ಅವರ ಶರೀರ ಗಿಡ ಮೂಲಿಕೆಗಳಿಗೆ ಹೊದಿಕೊಂಡಿರುತ್ತದೆ.

6. ಈ ಮಾತ್ರೆ ತೆಗದುಕೊಂಡಾಗ ವಾಂತಿಯಾದರೆ ಅಥವಾ ಡಯಾರಿಯಾ ಕಾಣಿಸಿಕೊಂಡರೆ ಈ ಮಾತ್ರೆ ಸೇವಿಸಿದರೂ ಪ್ರಯೋಜನ ಉಂಟಾಗುವುದಿಲ್ಲ.

ಮಕ್ಕಳು ಬೇಡವೆಂದು ಗರ್ಭ ನಿರೋಧಕ ಮಾತ್ರೆ ಸೇವಿಸುವವರು ವೈದ್ಯರ ಸಲಹೆಯನ್ನು ಪಡೆದು ಮಾತ್ರೆ ಬದಲು ಕಾಂಡೋಮ್ ನಂತಹ ವಿಧಾನಗಳನ್ನು ಬಳಸಬಹುದು.