ಷಂಡತನ ಮಾರ್ಡನ್ ಲೈಫ್ ನ ಕೊಡುಗೆ

Pre Natal

oi-Reena

By Hema S

Published: Monday, September 26, 2011, 14:05 [IST]

ಹೆಚ್ಚಾಗುತ್ತಿರುವ ಬಂಜೆತನ,ಷಂಡತನ ಅಥವಾ ನಿಷ್ಫಲ ಆಧುನಿಕ ಜೀವನ ಶೈಲಿಯ ಕೊಡುಗೆಯಾಗಿದೆ. ನಿಷ್ಫಲಕ್ಕೆ 50% ಹೆಣ್ಣಿನಲ್ಲಿರುವ ದೋಷಗಳು ಕಾರಣವಾಗಿದ್ದರೆ, 50% ಗಂಡಿನಲ್ಲಿರುವ ದೋಷಗಳಿಂದ ಉಂಟಾಗುತ್ತವೆ. ಇಂತಹ ಸಮಸ್ಯೆಗಳು ಜೀವನದ ಸುಖ- ನೆಮ್ಮದಿಯನ್ನು ಹಾಳು ಮಾಡುವುದರಿಂದ ಈ ಸಮಸ್ಯೆಯ ಬಗ್ಗೆ ಎಚ್ಚೆತ್ತು ಕೊಳ್ಳಿ.

ಪುರುಷರಲ್ಲಿ ಉಂಟಾಗುವ ನಿಷ್ಫಲಕ್ಕೆ ಕಾರಣಗಳು ಮತ್ತು ತಡೆಗಟ್ಟುವ ವಿಧಾನ:

1 ಮೊಬೈಲ್ ಪೋನ್: ಮೊಬೈಲ್ ಪೋನುಗಳನ್ನು ಪ್ಯಾಂಟ್ ಜೇಬಿನಲ್ಲಿ ಇಡುವುದರಿಂದ ಮೊಬೈಲ್ ಸಿಗ್ನಲ್ ಗಳಿಂದ ಉಂಟಾಗುವ ವಿಕಿರಣಗಳಿಂದ ಪುರುಷರಲ್ಲಿ ವೀರ್ಯಾಣು ಉತ್ಫತ್ತಿ ಕಡಿಮೆಯಾಗಿ ನಿಷ್ಫಲ ಉಂಟಾಗುತ್ತದೆ. ಆದ್ದರಿಂದ ಮೊಬೈಲ್ ಪೋನುಗಳನ್ನು ಬ್ಯಾಗ್ ನಲ್ಲಿ ಇಡಿ. ಆದಷ್ಟು ಪ್ಯಾಂಟ್ ಜೇಬಿನಲ್ಲಿ ಇಡುವುದನ್ನು ಕಡಿಮೆ ಮಾಡಿ.

2 ಧೂಮಪಾನ ಸೇವನೆ: 15-16 ವರ್ಷದಲ್ಲಿ ಧೂಮಪಾನ ಮಾಡುವ ಚಟವನ್ನು ಬೆಳೆಸಿ ಕೊಂಡಿದ್ದರೆ ಅದರಲ್ಲಿರುವ ತಂಬಾಕು ಹಾಗೂ ನಿಕೋಟಿನ್ ಅಂಶಗಳಿಂದ ಶರೀರದಲ್ಲಿ ವೀರ್ಯಾಣುಗಳ ಉತ್ಪತ್ತಿ ಕಡಿಮೆಯಾಗಿ ಷಂಡತನ ಉಂಟಾಗುತ್ತದೆ.

3 ದೇಹದ ಉಷ್ಣತೆಯಿಂದಾಗಿ: ಅಧಿಕ ಕೆಲಸ, ಪ್ರಯಾಣ, ಉಷ್ಣತೆಯ ಹವಾಮಾನ ಈ ಎಲ್ಲಾ ಕಾರಣಗಳು ದೇಹದ ಉಷ್ಣತೆಯನ್ನು ಹೆಚ್ಚಿಸುವುದರಿಂದ ವೀರ್ಯಾಣುಗಳ ಉತ್ಪತ್ತಿ ಕಡಿಮೆಯಾಗುತ್ತದೆ. ಆದ್ದರಿಂದ ಒಳ್ಳೆಯ ಆಹಾರಕ್ರಮ, ಜ್ಯೂಸ್, ಮಜ್ಜಿಗೆ,ಎಳೆನೀರುಗಳನ್ನು ಸೇವಿಸಿ ದೇಹವನ್ನು ತಂಪಾಗಿ ಇಡಿ.

4 ಬಿಗಿಯಾದ ಉಡುಪು: ಅತಿಯಾದ ಪ್ಯಾಂಟ್ ಅಥವಾ ಒಳ ಉಡುಪುಗಳನ್ನು ಧರಿಸುವುದರಿಂದ ವೀರ್ಯಾಣುಗಳು ಸರಿಯಾಗಿ ಉತ್ಪತ್ತಿ ಆಗುವುದಿಲ್ಲ.
ಸಡಿಲವಾದ ಉಡುಪುಗಳನ್ನು ಧರಿಸುವುದು ನಿಮ್ಮ ಶರೀರದ ಸ್ವಾಸ್ಥ್ಯಕ್ಕೆ ಒಳ್ಳೆಯದು .

5 ಬೈಕ್: ಅತೀ ದೂರ ಬೈಕ್ ನಲ್ಲಿ ಪ್ರಯಾಣ ಮಾಡುವುದರಿಂದ ಬೈಕಿನ ಮೆಷಿನ್ ಬಿಸಿಯಾಗಿ ಅದು ಉತ್ಪತ್ತಿಯಾಗಿರುವ ವೀರ್ಯಾಣುಗಣನ್ನು ಕೊಲ್ಲುತ್ತದೆ.
ಆದ್ದರಿಂದ ಬೈಕಿನಲ್ಲಿ ದೂರ ಪ್ರಯಾಣ ಮಾಡುವಾಗ ಆಗಾಗ ಬಿಡುವು ತೆಗೆದುಕೊಳ್ಳಿ.

6. ಒತ್ತಡ: ಒತ್ತಡವು ಎಲ್ಲಾ ರೀತಿಯ ಕಾಯಿಲೆಗಳನ್ನು ತರುತ್ತದೆ. ದುಶ್ಚಟಗಳಿಗೆ ದಾಸರಾಗುವುದು ಕೂಡ ಈ ರೀತಿಯ ಒತ್ತಡದಿಂದ. ಯೋಗ, ಧ್ಯಾನ, ಸಂಗೀತ, ಒಳ್ಳೆಯ ಅಭ್ಯಾಸಗಳಿಂದ ಈ ರೀತಿಯ ಒತ್ತಡಗಳನ್ನು ಕಡಿಮೆ ಮಾಡಿಕೊಳ್ಳಿ. ನೆಮ್ಮದಿಯ ಜೀವನ ನಿಮ್ಮದಾಗಿಸಿ ಕೊಳ್ಳಿ.