ಹೆರಿಗೆಯ ಬಳಿಕ ಸೋಂಕು(Infection) ಉಂಟಾಗಿದೆ ಎಂದು ಸೂಚಿಸುವ ಲಕ್ಷಣಗಳು

Pregnancy Parenting

oi-Reena TK

By Reena Tk

Updated: Wednesday, June 19, 2024, 9:13 [IST]

ಹೆರಿಗೆ ಎಂಬುವುದು ಪ್ರತಿಯೊಬ್ಬ ಹೆಣ್ಣಿಗೆ ಮರುಜನ್ಮವಾಗಿರುತ್ತದೆ ಅದು ಸಹ ಹೆರಿಗೆಯಾಗಿರಲಿ, ಸಿ ಸೆಕ್ಷನ್‌ ಆಗಿರಲಿ ಅವಳು ಹೆರಿಗೆಯ ಸಮಯದಲ್ಲಿ ಹೆರಿಗೆಯ ನಂತರ ತುಂಬಾನೇ ನೋವು ಅನುಭವಿಸುತ್ತಾಳೆ. ಹೆರಿಗೆಯಾದ ಕ್ಷಣದಿಂದ ಅಕೆ ತನ್ನ ದೇಹದ ಮೇಲೆ ಗಮನಹರಿಸಲು ಸಾಧ್ಯವಾಗಲ್ಲ.

ಮಗುವಿಗೆ ಹಾಲುಣಿಸುವುದೇ ಪ್ರಮುಖ ಕೆಲಸವಾಗಿರುತ್ತದೆ. ನವಜಾತ ಶಿಶುವಿಗೆ ಎರಡು ಗಂಟೆಗೊಮ್ಮೆಯಾದರೂ ಹಾಲುಣಿಸಬೇಕು, ಹಾಗಾಗಿ ಅವಳ ದೇಹದ ಮೇಲೆ ಹೆಚ್ಚು ಗಮನಹರಿಸಲು

ಸಾಧ್ಯವಾಗಲ್ಲ, ಯಾರಾದರೂ ಆಕೆಗೆ ಸಹಾಯಕ್ಕೆ ಇದ್ದರೆ ಒಕೆ, ಇಲ್ಲಾಂದ್ರೆ ಈ ಅವಧಿ ತುಂಬಾನೇ ಕಷ್ಟ.

ಇನ್ನು ಹೆರಿಗೆಯ ಬಳಿಕ ಜಾಗ್ರತೆವಹಿಸದಿದ್ದರೆ ಇನ್‌ಫೆಕ್ಷನ್‌(ಸೋಂಕು ಉಂಟಾಗುವುದು), ಇದರ ಬಗ್ಗೆ ವಿವರವಾದರೆ ನೋಡುವುದಾದರೆ:

ಯೂಟ್ರೈನ್‌ ಲೈನಿಂಗ್ ಸೋಂಕು: ಜನನಾಂಗದ ಭಾಗದಲ್ಲಿ ನೋವು, ಸೋಂಕು ಈ ಬಗೆಯ ಸಮಸ್ಯೆ ಉಂಟಾಗುವುದು, ಅತಿಯಾದ ರಕ್ತಸ್ರಾವ, ಹೊಟ್ಟೆ ನೋವು ಮುಂತಾದ ಸಮಸ್ಯೆ ಕಂಡು ಬರುವುದು. ಅದರಲ್ಲಿಯೂ ಹೆರಿಗೆಯಾದ ಮೊದಲಿನ ವಾರ ತುಂಬಾನೇ ಮುಖ್ಯವಾಗಿದೆ.

ಇವೆಲ್ಲಾ ಲಕ್ಷಣಗಳು ಹೆರಿಗೆಯ ಬಳಿಕ ಸೋಂಕು ಉಂಟಾಗಿದೆ ಎಂದು ಸೂಚಿಸುವುದು:
ಜ್ವರ: ಹೆರಿಗೆಯ ಬಳಿಕ ಸುಸ್ತು, ತಲೆನೋವು, ಹಸಿವು ಇಲ್ಲದಿರುವುದು ಸಹಜ, ಆದರೆ ಅದರ ಜೊತೆಗೆ ಜ್ವರ ಕೂಡ ಬಂದರೆ ದೇಹಕ್ಕೆ ಸೋಂಕು ಉಂಟಾಗಿದೆ ಎಂದರ್ಥ.

ಕಿಬ್ಬೊಟ್ಟೆ ನೋವು ಕಡಿಮೆಯಾಗುವುದಿಲ್ಲ
ಹೆರಿಗೆಯ ಬಳಿಕ ನೋವು ಇರುತ್ತದೆ, ಆದರೆ ದಿನಗಳು ಕಳೆದಂತೆ ಕಡಿಮೆಯಾಗುವುದು , ಸಿ ಸೆಕ್ಷನ್‌ ಆದ್ರೆ 5 ದಿನಕ್ಕೆ ನೋವು ಕಡಿಮೆಯಾಗುವುದು. ಆದರೆ ನೋವು ಕಡಿಮೆಯಾಗುತ್ತಿಲ್ಲ ಎಂದಾದರೆ ನೀವು ನಿರ್ಲಕ್ಷ್ಯ ಮಾಡಬೇಡಿ. ನಿಮ್ಮನ್ನು ಹೆರಿಗೆ ಮಾಡಿಸಿದ ವೈದ್ಯರಿಗೆ ತೋರಿಸಿ ಜೊತೆಗೆ ಬೇರೆ ವೈದ್ಯರಿಗೂ ತೋರಿಸುವುದು ಒಳ್ಳೆಯದು.

ಬಿಳುಪು ತುಂಬಾನೇ ದುರ್ವಾಸನೆ
ಬಿಳುಪು ಹೋಗುವುದು ಸಹಜ, ಸ್ವಲ್ಪ ದುರ್ವಾಸೆ ಇರುತ್ತದೆ, ಆದರೆ ವಿಪರೀತ ದುರ್ವಾಸೆ ಅಂತ ಅನಿಸಲ್ಲ, ಆದರೆ ನಿಮಗೆ ಅನಿಸುತ್ತಿದೆ ಎಂದಾದರೆ ಗಾಯ ಒಣಗಿಲ್ಲ ಎಂದರ್ಥ.

ಅಧಿಕ ರಕ್ತಸ್ರಾವ
ಹೆರಿಗೆಯಾದ ಬಳಿಕ ಒಂದು ತಿಂಗಳವರೆಗೆ ರಕ್ತಸ್ರಾವ ಇರುತ್ತದೆ, ಆದರೆ ಈ ರಕ್ತಸ್ರಾವ ದಿನ ಕಳೆದಂತೆ ಕಡಿಮೆಯಾಗುವುದು, ಆದರೆ ವಿಪರೀತ ರಕ್ತಸ್ರಾವ infections ಆಗಿದೆ ಎಂಬುವುದನ್ನು ಸೂಚಿಸುತ್ತದೆ.

ಹೆರಿಗೆಯ ಬಲಿಕ ಸೋಂಕು ಏಕೆ ಉಂಟಾಗುತ್ತದೆ?
ಸಿ ಸೆಕ್ಷನ್ ಹೆರಿಗೆಯಾದವರಿಗೆ ಈ ರೀತಿ ಸೋಂಕು ಉಂಟಾಗುವ ಸಾಧ್ಯತೆ ಹೆಚ್ಚು. ಇನ್ನು ಕೆಲವರಿಗೆ ಅವಧಿ ಪೂರ್ವವಾಗಿ ಗರ್ಭ ಚೀಲ ಬೇರ್ಪಟ್ಟರೆ ಕೂಡ ತುಂಬಾನೇ ಅಪಾಯಕಾರಿ.

ಈ ಸೋಂಕು ತಡೆಗಟ್ಟುವುದು ಹೇಗೆ?
ಕೆಲವರಿಗೆ ಟ್ಯಾಬ್ಲೆಟ್‌ನಿಂದ ಗುಣಮುಖವಾದರೆ ಇನ್ನು ಕೆಲವರಿಗೆ IV ನಡೆಯಲಿದೆ. ಆ ವ್ಯಕ್ತಿಯ ಆರೋಗ್ಯ ಸ್ಥಿತಿ ನೋಡಿ ವೈದ್ಯರು ನಿರ್ಧಾರ ತೆಗೆದುಕೊಳ್ಳುತ್ತಾರೆ. ಸೋಂಕು ಉಂಟಾದರೆ ಎದೆಹಾಲುಣಿಸಲು ತೊಂದರೆಯಿಲ್ಲ. ಎದೆಹಾಲುಣಿಸಲು ಸಾಧ್ಯವಾಗದಿದ್ದರೆ ಪಂಪ್‌ ಮಾಡಿ ಕೂಡ ಹಾಲನ್ನು ಕೊಡಬಹುದು.

ಈ ರೀತಿ ಸೋಂಕು ಉಂಟಾಗುವುದನ್ನು ತಡೆಗಟ್ಟಬಹುದೇ?
ಹೌದು ಹೆಚ್ಚು ಜಾಗ್ರತೆವಹಿಸಿದರೆ ಈ ರೀತಿ ಸೋಂಕು ಉಂಟಾಗುವುದನ್ನು ತಡೆಗಟ್ಟಬಹುದು.
ಹೆರಿಗೆಯ ಬಳಿಕ ಶುಚಿತ್ವದ ಕಡೆಗೆ ಗಮನಹರಿಸಿ
ಸ್ಟಿಚ್ ಮಾಡಿದ ಭಾಗವನ್ನು ಕೈಯಿಂದ ಹಾಗೇ ಮುಟ್ಟಬೇಡಿ, ಸೋಪ್‌ನಿಂದ ಕೈ ತೊಳೆದ ಬಳಿಕವಷ್ಟೇ ಆ ಭಾಗವನ್ನು ಮುಟ್ಟಬೇಕು, ನೀರಿನಂಶ ನಿಲ್ಲದಂತೆ ಮೃದುವಾದ ಬಟ್ಟೆಯಿಂದ ಮೆಲ್ಲನೆ ಒಪ್ಪಿ-ಒಪ್ಪಿ ತೆಗೆಯಬೇಕು.
ವೈದ್ಯರು ಸೂಚಿಸಿದ ಸಲಹೆ ಪಾಲಿಸಿ
ವೈದ್ಯರು ಹೆರಿಗೆಯ ಬಳಿಕ antibiotics ನೀಡಿ ಅದನ್ನು ತೆಗೆದುಕೊಳ್ಳಬೇಕು ಎಂದು ಸೂಚಿಸಿರುತ್ತಾರೆ, ಅದರಂತೆ ತೆಗೆದುಕೊಳ್ಳಬೇಕು.

ಯಾವಾಗ ವೈದ್ಯರಿಗೆ ತೋರಿಸಬೇಕು
ಸಿ ಸೆಕ್ಷನ್ ಆದ ಕಡೆ ನೀರು ಅಥವಾ ರಕ್ತ ಮಿಶ್ರಿತ ಕೀವು ಬರುತ್ತಿದ್ದರೆ
ದಿನದಿಂದ ದಿನಕ್ಕೆ ನಿಮ್ಮ ಆರೋಗ್ಯ ಸ್ಥಿತಿ ದುರ್ಬಲವಾಗುತ್ತಿದ್ದರೆ
ಸ್ವಿಚರ್ ಮಾಡಿದ ಭಾಗದಲ್ಲಿ ತುಂಬಾನೇ ನೋವಿದ್ದರೆ
ಕಿಬ್ಬೊಟ್ಟೆ ನೋವು
ಗಂಟೆಗೊಂದು ಪ್ಯಾಡ್‌ ಬಳಸುತ್ತಿದ್ದರೆ(ಅಧಿಕ ರಕ್ತಸ್ರಾವ)
ಸೂಕ್ತ ವೈದ್ಯರಿಗೆ ತೋರಿಸಬೇಕು.