ಎದೆ ಹಾಲಿನ ಉತ್ಪತ್ತಿ ಹೆಚ್ಚಿಸುವ 8 ಆಹಾರಗಳಿವು

Updated: Thursday, December 23, 2021, 19:59 [IST]

ಎದೆ ಹಾಲು ಕಡಿಮೆಯಾದರೆ ತಾಯಿಗೆ ಚಿಂತೆಯಾಗುವುದು ಸ್ವಾಭಾವಿಕ, ಮಗು ತುಂಬಾ ಚಿಕ್ಕದಿದೆ, ಅದಕ್ಕೆ ಹೊರಗಿನ ಆಹಾರವೇನೂ ನೀಡಬಾರದು ಎಂದು ಮಕ್ಕಳ ತಜ್ಞರು ಸೂಚಿಸಿರುತ್ತಾರೆ. ಆದರೆ ಮಗುವಿಗೆ ಹೊಟ್ಟೆ ತುಂಬದಿದ್ದರೆ ಅಳುತ್ತಲೇ ಇರುತ್ತದೆ. ಇದರಿಂದ ಅದನ್ನು ಸಮಧಾನ ಪಡಿಸುವುದೇ ಕಷ್ಟವಾಗುವುದು.

ಮಗುವಿಗೆ ಎದೆ ಹಾಲು ಕಡಿಮೆಯಾದಾಗ, ವೈದ್ಯರು ಪರ್ಯಾಯವಾಗಿ ಫಾರ್ಮುಲಾ ಹಾಲನ್ನು ಕೊಡಲು ಸೂಚಿಸುತ್ತಾರೆ. ಆದರೆ ಪಾರ್ಮುಲಾ ಹಾಲಿನಲ್ಲಿ ತಾಯಿಯ ಎದೆ ಹಾಲಿನಲ್ಲಿರುವಷ್ಟು ಪೋಷಕಾಂಶಗಳು ಇರಲು ಸಾಧ್ಯವೇ? ಅಲ್ಲದೆ ಮಗುವಿಗೆ ಎದೆ ಹಾಲನ್ನು ಕುಡಿಸಿದಷ್ಟೂ ರೋಗ ನಿರೋಧಕ ಶಕ್ತಿ ಹೆಚ್ಚುವುದು.

ಕೆಲವರಿಗೆ ಹೆರಿಗೆಯಾದಾಗಲೇ ಎದೆ ಹಾಲು ತುಂಬಿ ಹರಿಯುತ್ತಿದ್ದರೆ ಇನ್ನು ಕೆಲವರಿಗೆ ಮಗು ಕುಡಿಯುತ್ತಾ-ಕುಡಿಯುತ್ತಾ ಹಾಲು ಹೆಚ್ಚಾಗುವುದು. ಆದ್ದರಿಂದ ಮಗುವಿಗೆ ಎದೆ ಹಾಲುಣಿಸುವಾಗ ಸಮಧಾನವಾಗಿ ಕುಡಿಸಿ, ಅದು ಬೇಗ-ಬೇಗ ಕುಡಿಯಲಿ ಎಂಬ ಅವರಸ ಬೇಡ. ಇಷ್ಟೆಲ್ಲಾ ಮಾಡಿಯೂ ಎದೆ ಹಾಲಿನ ಉತ್ಪನ್ನ ಕಡಿಮೆಯಾಗಿದ್ದರೆ ಈ ಆಹಾರಗಳನ್ನು ಸೇವಿಸಿ:

1. ಮೆಂತೆ:

ಎದೆ ಹಾಲು ಹೆಚ್ಚಿಸುವಲ್ಲಿ ಮೆಂತೆ ಗಂಜಿ, ಮೆಂತೆ ಸೊಪ್ಪು ಎರಡೂ ಒಳ್ಳೆಯದು. ಇವುಗಳಲ್ಲಿರುವ ಈಸ್ಟ್ರೋಜನ್‌ನಂಥ ಅಂಶವು ಎದೆ ಹಾಲು ಉತ್ಪತ್ತಿ ಮಾಡುವುದು. ಕೆಲ ಮಕ್ಕಳ ತಜ್ಞರು ಮೆಂತೆ ತಿನ್ನಲು ಸೂಚಿಸುವುದಿಲ್ಲ, ಕೆಲ ಮಕ್ಕಳಿಗೆ ತಾಯಿ ಮೆಂತೆ ತಿಂದಾಗ ಗ್ಯಾಸ್ಟ್ರಿಕ್‌ ಸಮಸ್ಯೆ ಉಂಟಾಗುವುದು, ಇನ್ನು ಅಸ್ತಮಾ ಇರುವವರಿಗೆ ಮೆಂತೆ ಒಳ್ಳೆಯದಲ್ಲ. ಮೆಂತೆ ಸೊಪ್ಪಿನ ಪಲ್ಯ, ಮೆಂತೆ ಗಂಜಿ ಇವುಗಳನ್ನು ಮಾಡಿ ತಿನ್ನುವುದು ಬಾಣಂತಿಯರಿಗೆ ಒಳ್ಳೆಯದು.

2. ಓಟ್‌ಮೀಲ್

ತಾಯಿಯಲ್ಲಿ ಎದೆ ಹಾಲು ಉತ್ಪತ್ತಿಗೆ ಓಟ್ಸ್ ತುಂಬಾನೇ ಒಳ್ಳೆಯದು. ಹಾಲಿಗೆ ಓಟ್ಸ್ ಹಾಕಿ ತಿನ್ನಬಹುದು. ಒಂದು ಕಪ್‌ ಓಟ್ಸ್ ತಿಂದರೆ 2mg ಕಬ್ಬಿಣದಂಶವಿರುತ್ತದೆ. ಒಂದು ದಿನ ತಾಯಿಗೆ ಅವಶ್ಯಕವಿರುವ ಕಬ್ಬಿಣದಂಶದಲ್ಲಿ ಶೇ.20ರಷ್ಟು ಕಬ್ಬಿಣದಂಶ ಒಂದು ಕಪ್ ಓಟ್ಸ್‌ನಲ್ಲಿದೆ. ಎದೆ ಹಾಲು ಉತ್ಪತ್ತಿಗೆ ಸಹಕಾರಿಯಾಗುವುದು ಮಾತ್ರವಲ್ಲ ನವಜಾತ ಶಿಶುಗಳ ತೂಕ ಹೆಚ್ಚಲು ಸಹಕಾರಿ.

3. ತೆಳು ಮಾಂಸ, ಪೌಲ್ಟ್ರಿ

ಲ್ಯಾಂಬ್, ಪೋರ್ಕ್‌, ಪೌಲ್ಟ್ರಿ ಆಹಾರಗಳಲ್ಲಿ ಕಬ್ಬಿಣದಂಶ ಅಧಿಕವಿರುತ್ತದೆ. ಇವುಗಳನ್ನು ತಿನ್ನುವುದರಿಂದ ಎದೆ ಹಾಲಿನ ಉತ್ಪತ್ತಿ ಹೆಚ್ಚುವುದು. ಮಾಂಸಾಹಾರ ಎಣ್ಣೆಯಲ್ಲಿ ಕರಿದು ತಿನ್ನಬೇಡಿ, ಬದಲಿಗೆ ಸೂಪ್‌ ಮಾಡಿ ತಿನ್ನಿ.

4. ಬೆಳ್ಳುಳ್ಳಿ

ಬಾಣಂತಿಯರಿಗೆ ನೀಡುವ ಆಹಾರದಲ್ಲಿ ಬೆಳ್ಳುಳ್ಳಿಯನ್ನು ಹೆಚ್ಚಾಗಿ ನೀಡಲಾಗುವುದು, ತುಪ್ಪದಲ್ಲಿ ಕರಿದ ಬೆಳ್ಳುಳ್ಲಿ ತಿನ್ನಿ, ಇದರಿಂದ ಎದೆ ಹಾಲಿನ ಉತ್ಪತ್ತಿ ಹೆಚ್ಚುವುದು. ಬೆಳ್ಳುಳ್ಳಿ ಅನ್ನ ಮಾಡಿ ತಿನ್ನಿ.

5. ಸೋಂಪು

ಎದೆ ಹಾಲು ಹೆಚ್ಚಿಸಲು ಸೋಂಪನ್ನು ಮನೆಮದ್ದಾಗಿ ಬಳಸುತ್ತಾರೆ. ಸೊಂಪಿನಲ್ಲಿ ಈಸ್ಟ್ರೋಜನ್‌ನಂಥ ಅಂಶವಿದ್ದು ಎದೆ ಹಾಲು ಉತ್ಪತ್ತಿಗೆ ಸಹಕಾರಿಯಾಗಿದೆ. ದಿನಾ ಒಂದರಿಂದ ಎರಡು ಚಮಚ ಸೋಂಪು ತಿನ್ನುವುದು ಒಳ್ಳೆಯದು.