ಎದೆ ಹಾಲನ್ನು ಹೆಚ್ಚಿಸುವ ಸೂಪರ್ ಫುಡ್ಸ್

ಮೆಂತೆ:

ಮೆಂತೆಯಲ್ಲಿ ಕಬ್ಬಿಣದಂಶ, ವಿಟಮಿನ್ ಗಳು, ಕ್ಯಾಲ್ಸಿಯಂ ಮತ್ತು ಖನಿಜಾಂಶಗಳು ಅಧಿಕವಿರುತ್ತದೆ. ಇದನ್ನು ಎದೆ ಹಾಲು ಹೆಚ್ಚಿಸುವ ಮನೆ ಮದ್ದಾಗಿ ಉಪಯೋಗಿಸಲಾಗುವುದು. ಮೆಂತೆ ಅನ್ನ ಮಾಡಿ ಸೇವಿಸಿ, ಮೆಂತೆ ತುಂಬಾ ತಿನ್ನಬಾರದು, ತುಂಬಾ ತಿಂದರೆ ದೇಹದಲ್ಲಿ ನೀರಿನಂಶ ಕಡಿಮೆಯಾಗುವುದು, ಇದನ್ನು ಹಸಿಯಾಗಿ ತಿನ್ನದೆ ಆಹಾರಗಳ ಜೊತೆ ಹಾಕಿ ಅಥವಾ ಮೆಂತೆ ಅನ್ನ ಮಾಡಿ ತಿನ್ನಿ.

ತುಳಸಿ:

ತುಳಸಿಯನ್ನು ಮನೆಮದ್ದಿನಲ್ಲಿ ಹೆಚ್ಚಾಗಿ ಬಳಸುತ್ತಾರೆ. ಇದನ್ನು ಎದೆ ಹಾಲನ್ನು ಹೆಚ್ಚಿಸಲು ಕೂಡ ಬಳಸಲಾಗುವುದು. ಇದರಲ್ಲಿ ವಿಟಮಿನ್ ಕೆ ಅಂಶ ಇರುವುದರಿಂದ ಎದೆ ಹಾಲು ಹೆಚ್ಚಿಸಲು ಸಹಾಯಕವಾಗಿದೆ. ಇದನ್ನು ಹಸಿ ಅಥವಾ ಸೂಪ್ ಜೊತೆ ಅಥವಾ ಜೇನಿನ ಜೊತೆ ಮಿಶ್ರ ಮಾಡಿ ಸೇವಿಸಿ.

ಹಾಗಲಕಾಯಿ:

ಹಾಗಲಕಾಯಿ, ಸೋರೆಕಾಯಿ ಈ ತರಕಾರಿಗಳು ಎದೆ ಹಾಲನ್ನು ಹೆಚ್ಚಿಸುವಲ್ಲಿ ಸಹಕಾರಿಯಾಗಿದೆ. ಅಲ್ಲದೆ ಹಾಗಲಕಾಯಿಯಲ್ಲಿರುವ ಪೋಷಕಾಂಶಗಳು ತಾಯಿಯ ಎದೆ ಹಾಲಿನ ಮುಖಾಂತರ ಮಗುವಿಗೆ ದೊರೆತರೆ ಮಗುವಿನ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು.

ಹಾಲಿನ ಉತ್ಪನ್ನಗಳು:

ತುಪ್ಪ, ಬೆಣ್ಣೆ, ಹಾಲು ಇವುಗಳನ್ನು ಎದೆ ಹಾಲನ್ನು ಹೆಚ್ಚಿಸುತ್ತದೆ. ಆದರೆ ಈ ಆಹಾರಗಳನ್ನು ತಾಯಿ ತಿಂದರೆ ಎದೆ ಹಾಲನ್ನು ಕುಡಿದಾಗ ಮಗುವಿನಲ್ಲಿ ಅಲರ್ಜಿ ಸಮಸ್ಯೆ ಕಂಡು ಬರುತ್ತದೆ. ಆದ್ದರಿಂದ ಮಗುವಿಗೆ ಅಲರ್ಜಿ ಆಗದಿದ್ದರೆ ಮಾತ್ರ ಈ ಆಹಾರ ಸೇವಿಸಿ.

ಬೆಳ್ಳುಳ್ಳಿ:

ಬೆಳ್ಳುಳ್ಳಿ ಎದೆ ಹಾಲು ಹೆಚ್ಚಿಸುವಲ್ಲಿ ಸಹಕಾರಿಯಾಗಿದೆ. ಇದನ್ನು ಹಸಿಯಾಗಿ ತಿನ್ನದೆ ಸಾರಿನಲ್ಲಿ, ಉಪ್ಪಿನ ಕಾಯಿಯಲ್ಲಿ ಹಾಕಿ ಸೇವಿಸಿ.

ಕೆಂಪು ತರಕಾರಿ:

ಕೆಂಪು ತರಕಾರಿಯಲ್ಲಿ ಅಧಿಕ ನಾರಿನಂಶವಿರುತ್ತದೆ. ಪಾಲಕ್, ಬೀನ್ಸ್, ಸಿಹಿಗೆಣಸು ಇವುಗಳು ಎದೆ ಹಾಲನ್ನು ಹೆಚ್ಚಿಸುತ್ತದೆ. ಪ್ರತಿದಿನ ಬೀಟ್ ರೂಟ್ ಜ್ಯೂಸ್ ಕುಡಿದರೆ ಎದೆ ಹಾಲು ಹೆಚ್ಚಾಗುವುದು.

ಚೀಸ್:

ಗರ್ಭಿಣಿಯಾಗಿರುವಾಗ ಹಾಗೂ ಹೆರಿಗೆಯ ನಂತರ ಚೀಸ್ ಸೇವಿಸುವುದರಿಂದ ದೇಹಕ್ಕೆ ಉತ್ತಮವಾದ ಪೋಷಕಾಂಶ, ವಿಟಮಿನ್ ಮತ್ತು ಪ್ರೊಟೀನ್ ದೊರೆಯುವುದು. ಈ ಸಮಯದಲ್ಲಿ ಚೀಸ್ ಸೇವಿಸಿದರೆ ಹೆರಿಗೆಯ ನಂತರ ಎದೆ ಹಾಲು ಉತ್ಪತ್ತಿಯನ್ನು ಹೆಚ್ಚು ಮಾಡಲು ಸಹಕಾರಿಯಾಗಿದೆ.