ಶಾಲೆ ಪ್ರಾರಂಭ: ಈ ರೀತಿಯಲ್ಲಿ ಮಕ್ಕಳಲ್ಲಿ ಕೋವಿಡ್ 19 ತಡೆಗಟ್ಟಿ

ಶಾಲೆಯ ಆವರಣದಲ್ಲಿ ಪ್ರತಿಯೊಬ್ಬರು ಮಾಸ್ಕ್‌ ಧರಿಸಬೇಕು

ಮಕ್ಕಳು, ಅಲ್ಲಿರುವ ಶಿಕ್ಷಕರು, ಭೋಧಕೇತರ ಸಿಬ್ಬಂದಿಗಳು ಹೀಗೆ ಶಾಲೆಯಲ್ಲಿ ಕೆಲಸ ಮಾಡುವ ಪ್ರತಿಯೊಬ್ಬರು ಕಡ್ಡಾಯವಾಗಿ ಮಾಸ್ಕ್‌ ಧರಿಸಬೇಕು.

ಮಕ್ಕಳು ಸ್ವಲ್ಪ ಕಣ್ಣು ತಪ್ಪಿದರೂ ಗುಂಪು ಸೇರುತ್ತವೆ, ಅದನ್ನು ತಡೆಯುವ ಕೆಲಸ ಶಿಕ್ಷಕರ ಹಾಗೂ ಪೋಷಕರ ಮೇಲಿದೆ. ಮಕ್ಕಳಿಗೆ ಕೊರೊನಾವೈರಸ್‌ ಕುರಿತು ಮನವರಿಕೆ ಮಾಡಿ ಸಾಮಾಜಿಕ ಅಂತರ ಕಾಯ್ದುಕೊಳ್ಳುವಂತೆ ಸೂಚಿಸಬೇಕು.

ಪೋಷಕರು ,ಶಾಲೆಯಲ್ಲಿರುವ ಶಿಕ್ಷಕರು ಹಾಗೂ ಶಿಕ್ಷಕಯೇತರ ಸಿಬ್ಬಂದಿಗಳು ಲಸಿಕೆ ಹಾಕಿಸಿರಬೇಕು

ಮಕ್ಕಳಿಗೆ ಇನ್ನು ಲಸಿಕೆ ಬಂದಿಲ್ಲ. ಆದರೆ ದೊಡ್ಡವರು ಕಡ್ಡಾಯವಾಗಿ ಎರಡು ಡೋಸ್‌ ಕೊರೊನಾ ಲಸಿಕೆ ಹಾಕಿಸಿರಬೇಕು. ವ್ಯಾನ್‌ ಡ್ರೈವರ್‌ಗಳು, ಶಾಲೆಯಲ್ಲಿ ಕೆಲಸ ಮಾಡುವವರು ಪ್ರತಿಯೊಬ್ಬರಿಗೂ ಎರಡು ಡೋಸ್‌ ಲಸಿಕೆಯಾಗಿರಬೇಕು.

ಗಾಳಿಯಾಡುವ ಕೋಣೆಗಳಲ್ಲಿ ಮಕ್ಕಳನ್ನು ಕೂರಿಸಬೇಕು

ಮಕ್ಕಳನ್ನು ಕೊಠಡಿಯೊಳಗೆ, ಸರಿಯಾಗಿ ಗಾಳಿಯಾಡದ ಕೂರಿಸಬಾರದು. ಮಕ್ಕಳ ಕ್ಲಾಸ್‌ ರೂಂ ದೊಡ್ಡದಿರಬೇಕು, ಮಕ್ಕಳು ಕಡಿಮೆ ಸಂಖ್ಯೆಯಲ್ಲಿ ಇರಬೇಕು. ಕೊಠಡಿಯಲ್ಲಿ ಗಾಳಿಯಾಡುವುದು ಕಡಿಮೆ, ಕೊಠಡಿಯೂ ಚಿಕ್ಕದಾಗಿದೆ ಎಂದಾದರೆ ವರಾಂಡದಲ್ಲಿ ಕೂರಲು ವ್ಯವಸ್ಥೆ ಮಾಡಿಸಿ ಕೂರಿಸಬೇಕು.

ಮಕ್ಕಳನ್ನು ಶಾಲೆಗೆ ಕಳುಹಿಸುವ ಮುನ್ನ ಕೋವಿಡ್ ಟೆಸ್ಟ್ ಮಾಡಿಸಬೇಕು

ಶಾಲೆಗಳಲ್ಲಿಯೇ ಈ ಕುರಿತು ಹೇಳಲಾಗುವುದು, ಎಲ್ಲಾ ಮಕ್ಕಳಿಗೆ ಈ ರೀತಿ ಸೂಚಿಸಲಾಗುವುದು. ಸ್ಟಾಫ್‌ಗಳಿಗೂ ಇದು ಅನ್ವಯವಾಗುವುದು.

ಆರೋಗ್ಯ ಸಮಸ್ಯೆ ಕಾಣಿಸಿದರೆ ಶಾಲೆಗೆ ಕಳುಹಿಸಬೇಡಿ

ನಿಮ್ಮ ಮನೆಯಲ್ಲಿ ಯಾರಿಗಾದರೂ ಅಥವಾ ಮಕ್ಕಳಲ್ಲಿ ಕೆಮ್ಮು, ಶೀತ ಮುಂತಾದ ರೋಗ ಲಕ್ಷಣಗಳು ಕಂಡು ಬಂದರೆ ಮಕ್ಕಳನ್ನು ಶಾಲೆಗೆ ಕಳುಹಿಸಬೇಡಿ. ಕೋವಿಡ್ 19 ಪರೀಕ್ಷೆ ಮಾಡಿಸಿದ ಬಳಿಕವಷ್ಟೇ ಅವರನ್ನು ಶಾಲೆಗೆ ಕಳುಹಿಸಬೇಕು.

ನಮ್ಮ ಮಕ್ಕಳ ಸುರಕ್ಷತೆ ಎಷ್ಟು ಮುಖ್ಯವೀ ಬೇರೆಯವರ ಮಕ್ಕಳ ಸುರಕ್ಷತೆ ಕೂಡ ಅಷ್ಟೇ ಮುಖ್ಯ.

ಸ್ವಲ್ಪ ಸಮಯದವರೆಗೆ ಎಲ್ಲರೂ ಜವಾಬ್ದಾರಿಯುತವಾಗಿ ನಡೆದುಕೊಂಡರೆ ಕೊರೊನಾ ತಡೆಗಟ್ಟಬಹುದು.