ಕೋವಿಡ್ 19 ಬಂದ ಮಕ್ಕಳಲ್ಲಿ ಕಂಡು ಬರುತ್ತಿದೆ MIS-C ಎಂಬ ಅಪಾಯಕಾರಿಯಾದ ಕಾಯಿಲೆ

MIS-C ಎಂದರೇನು, ಇದರ ಲಕ್ಷಣಗಳೇನು ಎಂದು ನೋಡೋಣ ಬನ್ನಿ:

MIS-C ಲಕ್ಷಣಗಳು ಮಕ್ಕಳಲ್ಲಿ ಕಂಡು ಬರುವ ಕವಾಸಕಿ ಕಾಯಿಲೆಯನ್ನು ಹೋಲುತ್ತದೆ. ಎರಡೂ ಕಾಯಿಲೆಯಲ್ಲೂ ಉರಿಯೂತದ ಸಮಸ್ಯೆ ಉಂಟಾಗುತ್ತದೆ.

ಕೋವಿಡ್‌ 19 ಸೋಂಕಿನಿಂದ ಚೇತರಿಸಿದ 4 ವಾರಗಳ ಬಳಿಕ ಮಕ್ಕಳಲ್ಲಿ MIS-C ಲಕ್ಷಣಗಳು ಕಂಡು ಬರುತ್ತಿದೆ.

MIS-C ಕಾಯಿಲೆಯ ಲಕ್ಷಣಗಳು

* ಪ್ರಾರಂಭದಲ್ಲಿ ಜ್ವರದ ಜೊತೆಗೆ ಮೈಯಲ್ಲಿ ಗುಳ್ಳೆಗಳು ಕಂಡು ಬರುವುದು

* ಕಣ್ಣುಗಳು ಕೆಂಪಾಗುವುದು

* ವಾಂತಿ-ಬೇಧಿ (ದಿನ ಕಳೆದಂತೆ ಪರಿಸ್ಥಿತಿ ಕೆಟ್ಟದಾಗುವುದು)

* ಈ ಉರಿಯೂತ ಹೃದಯ ಹಾಗೂ ರಕ್ತ ನಾಳಗಳಿಗೆ, ಇತರ ಅಂಗಾಂಗಗಳಿಗೆ ತೊಂದರೆ ಉಂಟಾಗುವುದು.

ಆದ್ದರಿಂದ ಇಂಥ ಲಕ್ಷಣಗಳು ಕಂಡು ಬಂದ ತಕ್ಷಣ ಕೂಡಲೇ ಮಕ್ಕಳ ತಜ್ಞರ ಬಳಿ ಕೊಂಡೊಯ್ಯಿರಿ.

MIS-C ಬಗ್ಗೆ ತಜ್ಞರು ಏನು ಹೇಳುತ್ತಾರೆ?

* ಕೋವಿಡ್‌ 19 ಬಳಿಕ ಮಕ್ಕಳಲ್ಲಿ ಕಂಡು ಬರುತ್ತಿರುವ ಅಪರೂಪದ ಕಾಯಿಲೆ ಇದಾಗಿದೆ.

* ಮಕ್ಕಳಲ್ಲಿ ಏನಾದರೂ ಇಂಥ ಲಕ್ಷಣಗಳು ಕಂಡು ಬಂದರೇ ಕುಡಲೇ ಮಕ್ಕಳ ತಜ್ಞರ ಬಳಿ ಕರೆತರಬೇಕು.

* ಶಾಲೆ ಪ್ರಾಯದ ಮಕ್ಕಳಲ್ಲಿ ಹೆಚ್ಚಾಗಿ ಈ ರೀತಿಯ ಸಮಸ್ಯೆ ಕಂಡು ಬರುತ್ತಿದೆ. ಸಾಮಾನ್ಯವಾಗಿ 8-9 ವರ್ಷದ ಮಕ್ಕಳಲ್ಲಿ ಹೆಚ್ಚಾಗಿ ಕಂಡು ಬರುತ್ತಿದೆ. ಚಿಕ್ಕ ಮಗುವಿನಲ್ಲೂ, ಹದಿ ಹರೆಯದ ಪ್ರಾಯದವರಲ್ಲೂ ಈ ಲಕ್ಷಣಗಳು ಕಂಡು ಬರುತ್ತಿವೆ.

* ಕೋವಿಡ್ 19 ಸೋಂಕು ತಗುಲಿದ 2-6 ವಾರಗಳ ಒಳಗೆ ಇಂಥ ಕಾಯಿಲೆಯ ಲಕ್ಷಣಗಳು ಕಂಡು ಬರುವುದು.

* MIS-C ಕಾಯಿಲೆಯನ್ನು ಗುಣಪಡಿಸಬಹುದು. ಆದರೆ ಮಕ್ಕಳಿಗೆ ಬೇಗನೆ ಚಿಕಿತ್ಸೆ ಕೊಡಿಸಬೇಕು, ಇಲ್ಲದಿದ್ದರೆ ಅಂಗಾಂಗಗಳಿಗೆ ತೊಂದರೆಯಾಗುವುದು.

MIS-Cಗೆ ಚಿಕಿತ್ಸೆ

MIS-C ಪತ್ತೆಯಾದರೆ ಅದನ್ನು ಗುಣಪಡಿಸಬಹುದು ಎಂದು ತಜ್ಞರು ಹೇಳಿದ್ದಾರೆ. ಸ್ಟಿರಾಯ್ಡ್ಸ್ ಹಾಗೂ ಆ್ಯಂಟಿ ಇನ್‌ಫ್ಲೇಮಟರಿ ಡ್ರಗ್ಸ್‌ ಇವುಗಳನ್ನು ನೀಡಲಾಗುವುದು. ಈ ಚಿಕಿತ್ಸೆಗಳ ಮೂಲಕ ಮಕ್ಕಳ ಹೃದಯ, ಕಿಡ್ನಿ ಇತರ ಅಂಗಾಂಗಗಳಿಗೆ ಹಾನಿಯುಂಟಾಗುವುದನ್ನು ತಡೆಯಲಾಗುವುದು.

MIS-C ಹಾಗೂ ಕೋವಿಡ್ 19 ನಡುವಿನ ಸಂಬಂಧವೇನು?

ಕೋವಿಡ್‌ 19 ತಗುಲಿದಾಗ MIS-C ಕೂಡ ಉಲ್ಭಣವಾಗುವುದು. ರೋಗ ಲಕ್ಷಣಗಳು ಇಲ್ಲದ ಕೋವಿಡ್ 19 ತಗುಲಿದ ಮಕ್ಕಳಲ್ಲಿಯೂ ಈ ಸಮಸ್ಯೆ ಕಂಡುಬರಬಹುದು. ಕೋವಿಡ್‌ 19 ತಗುಲಿದ ಬಳಿಕ ಮಕ್ಕಳಲ್ಲಿ ಈ ರೀತಿಯ ಸಮಸ್ಯೆ ಏಕೆ ಕಂಡು ಬರುತ್ತದೆ ಎಂಬುವುದರ ಬಗ್ಗೆ ಅನೇಕ ಅಧ್ಯಯನಗಳನ್ನು ಮಾಡಲಾಗುತ್ತಿದೆ.