ಮಕ್ಕಳ ಫೋಟೋ ಶೂಟ್‌ಗೆ ಸೂಪರ್ ಐಡಿಯಾ, ಪಾಕೆಟ್ ಫ್ರೆಂಡ್ಲೀ ಹೌದು

ಟ್ವಿನ್ನಿಂಗ್ ಡ್ರೆಸ್‌ ಐಡಿಯಾ

ನಿಮ್ಮಲ್ಲಿ ನೀವು ಬಳಸದೇ ಇರುವ ರೇಷ್ಮೆ ಸೀರೆ ಇದ್ದರೆ ಅದರಿಂದ ಅಮ್ಮ-ಮಗಳಿಗೆ ಸೂಪರ್‌ ಆದ ಟ್ವಿನ್ನಿಂಗ್ ಡ್ರೆಸ್‌ ಟ್ರೈ ಮಾಡಬಹುದು. ಹೀಗೆ ಮಾಡುವುದರಿಂದ ಫೋಟೋಶೂಟ್‌ಗೆ ಇಬ್ಬರೂ ಮುದ್ದಾಗಿ ಕಾಣುವಿರಿ ಅಲ್ಲದೆ ಅದಕ್ಕಾಗಿ ಹೊಸ ಬಟ್ಟೆ ಕೊಳ್ಳುವ ಖರ್ಚು ಕೂಡ ಮಿಕ್ಕುತ್ತೆ. ಇನ್ನು ನೀವು ಟ್ವಿನ್ನಿಂಗ್‌ ಡ್ರೆಸ್ಸಿಂಗ್ ಸ್ಟೈಲ್‌ ಮಾಡಿದ್ದೇ ಆದರೆ ನೋಡುಗರ ಗಮನ ಕೂಡ ಸೆಳೆಯುವುದು.

ಬನ್ನಿ ಹೇರ್ ಬ್ಯಾಂಡ್

ನೀವು ಕಲರ್‌ಫುಲ್ ಹೇರ್‌ಬ್ಯಾಂಡ್‌ ಮಾಡಬೇಕೆಂದರೆ ಇಲ್ಲಿ ನೀಡಿರುವ ವೀಡಿಯೋ ಗಮನಿಸಿ. ಸ್ವಲ್ಪ ತಂತಿ, ಪೇಪರ್‌ ಪೀಸ್‌, ಫ್ಯಾಬ್ರಿಕ್‌ ಗ್ಲೂ ಇಂಥ ಕೆಲವೇ ಕೆಲವು ವಸ್ತುಗಳನ್ನು ಬಳಸಿ ಬನ್ನಿ ಹೇರ್ ಬ್ಯಾಂಡ್, ಟೆನ್ನಿಸ್ ಹ್ಯಾಟ್ ಹೀಗೆ ಬಗೆ-ಬಗೆಯ ಹೇರ್ ಬ್ಯಾಂಡ್‌ ಹಾಗೂ ಟೋಪಿಗಳನ್ನು ಮಾಡಿ ಮಕ್ಕಳಿಗೆ ಹಾಕಿ ಸಂಭ್ರಮಿಸಬಹುದು.

ಮುರಿದ ಕೊಡೆ ನಿಮ್ಮಲ್ಲಿದೆಯೇ?

ನಿಮ್ಮಲ್ಲಿ ಕಪ್ಪು ಮುರಿದ ಕೊಡೆ ಇದ್ದರೆ ಅದರಿಂದ ಬ್ಯಾಟ್‌ವಿಂಗ್ ಮಾಡಬಹುದು, ಅದೇ ಬಣ್ಣದ ಕೊಡೆ ಮುರಿದಿದ್ದರೆ ಅದರಿಂದ ಬಟರ್‌ಫ್ಲೈ (ಚಿಟ್ಟೆ) ರೀತಿ ಕೂಡ ಮಾಡಬಹುದು. ಇವುಗಳನ್ನು ಮಾಡಿ ಮಕ್ಕಳಿಗೆ ಹಾಕಿ ಫೋಟೋ ಶೂಟ್‌ ಮಾಡಿಸಿ, ಮುಂದೆ ಅವರು ದೊಡ್ಡವರಾದಾಗ ನಿಮ್ಮ ಕ್ರಿಯೇಟಿವಿಟಿ ಖಂಡಿತ ಮೆಚ್ಚಿಕೊಳ್ಳುತ್ತಾರೆ.

ಕಿರೀಟ

ಈಗ ನೀವು ಮಕ್ಕಳ ಹುಟ್ಟು ಹಬ್ಬವಿದ್ದರೆ ಅವರಿಗೊಂದು ಚೆಂದದ ಕಿರೀಟ ತೊಡಿಸಿ ಕೇಕ್‌ ಕಟ್‌ ಮಾಡಲು ಬಯಸುತ್ತೀರಿ. ಒಂದು ದಿನ ಹಾಕಲು ನೀವು ನೂರಾರು ರುಪಾಯಿ ಖರ್ಚು ಮಾಡಬೇಕಾಗಿಲ್ಲ, ಇಲ್ಲಿ ಅಂಜಲಿಯವರು ನೀಡಿರುವ ಟಿಪ್ಸ್ ಬಳಸಿದರೆ ಸಾಕು ನಿಮ್ಮ ಮಗಳನ್ನು ರಾಜಕುಮಾರಿಯಂತೆ ಸಿಂಗರಿಸಲು ನೀವೇ ಕಿರೀಟ ತಯಾರಿಸಬಹುದು.

ಈ ರೀತಿ ಅನೇಕ ಡ್ರೆಸ್ಸಿಂಗ್‌ ಟಿಪ್ಸ್ ಬಳಸಬಹುದು. ಈ ಐಡಿಯಾ ನಿಮಗೂ ಇಷ್ಟವಾಗಿರಬಹುದು ಅಲ್ವಾ?