ಮಕ್ಕಳಿಗೆ ಕಾಡುವ 'ಸಾಮಾಜಿಕ ಆತಂಕ' ಎಂಬ ಪೆಡಂಭೂತ...

ಅಧಿಕ ಬೆವರುವಿಕೆ

ಒಂದು ವೇಳೆ ನಿಮ್ಮ ಮಗು ವಿಪರೀತವಾಗಿ ಬೆವರುತ್ತಿದ್ದಲ್ಲಿ ಅದರ ಕುರಿತು ಸ್ವಲ್ಪ ಗಮನ ನೀಡಿ. ಅದರಲ್ಲೂ ಚಳಿಗಾಲದಲ್ಲಿ ನಿಮ್ಮ ಮಗು ವಿಪರೀತವಾಗಿ ಬೆವರುತ್ತಿದ್ದಲ್ಲಿ ಜಾಗರೂಕರಾಗಿ ಮಗುವಿನ ಬಳಿ ಸಮಸ್ಯೆಯನ್ನು ಕೇಳಿ. ಯಾವುದೋ ಒಂದು ಕಾರ್ಯಕ್ರಮ ಅಥವಾ ಚಟುವಟಿಕೆಯಲ್ಲಿ ನಿಮ್ಮ ಮಗುವು ವಿಪರೀತ ಜನಗಳನ್ನು ಬೆರೆಯಲು ಹೋಗುವಾಗ ಈ ರೀತಿ ಸಂಭವಿಸಿದಲ್ಲಿ, ಎಚ್ಚರಿಕೆ ವಹಿಸಿ. ಏಕೆಂದರೆ ನಿಮ್ಮ ಮಗುವಿಗೆ ಸಾಮಾಜಿಕ ಆತಂಕ ಇರಬಹುದು. ಮದುವೆ, ಶಾಲಾ ವಾರ್ಷಿಕೋತ್ಸವ ಮುಂತಾದ ಸಂದರ್ಭಗಳಲ್ಲಿ ಇದು ಸಂಭವಿಸುತ್ತದೆ.

ನಡುಕ

ನಡುಕ, ಭಯದ ಸೂಚನೆಯಲ್ಲವೆ. ಸಾಮಾಜಿಕ ಆತಂಕವಿರುವ ಮಕ್ಕಳು ನಡುಕವನ್ನು ಹೊಂದಿರುತ್ತಾರೆ. ಇದು ಒಮ್ಮೊಮ್ಮೆ ಸಾಮಾನ್ಯವಾಗಿ ಎಲ್ಲರಿಗು ಸಂಭವಿಸುತ್ತದೆ. ಭಾಷಣ, ಪ್ರೆಸೆಂಟೇಶನ್ ನೀಡುವಾಗ ಈ ನಡುಕ ಸಾಮಾನ್ಯ. ಆದರೆ ಅಸಾಧ್ಯವಾದಷ್ಟು ನಡುಕ ಕಂಡುಬಂದಲ್ಲಿ, ಅದರಲ್ಲೂ ಜನಗಳ ಮಧ್ಯೆ ನಿಂತಾಗ ನಡುಕ ಕಂಡು ಬಂದಲ್ಲಿ, ಅದು ಸಾಮಾಜಿಕ ಆತಂಕವಾಗಿರಬಹುದು. ಮದುವೆ, ಹುಟ್ಟು ಹಬ್ಬದ ಪಾರ್ಟಿಗಳಲ್ಲಿ ಸಹ ಇದು ಸಂಭವಿಸುತ್ತದೆ.

ಸ್ವ-ಪ್ರಜ್ಞೆ

ಒಂದು ವೇಳೆ ನಿಮ್ಮ ಮಗು ಕನ್ನಡಿಯ ಮುಂದೆ ಹೆಚ್ಚು ಸಮಯ ಕಳೆದರೆ, ಅವರು ಸಮಾಜದ ಮುಖ್ಯವಾಹಿನಿಯಲ್ಲಿ ಚೆನ್ನಾಗಿ ಕಾಣಿಸಿಕೊಳ್ಳಲು ಪ್ರಯತ್ನಿಸುತ್ತಿದ್ದಾರೆ ಎಂದರ್ಥ. ಇದು ಸಹ ಅವರು ಒಂದು ಸಮೂಹವನ್ನು ಎದುರಿಸಲು ಹೋಗುವ ಮುನ್ನ ಮಾಡುವ ತಯಾರಿ. ಇದು ಸಹ ಆತಂಕದ ಒಂದು ಲಕ್ಷಣವಾಗಿರುತ್ತದೆ.

ಕಡಿಮೆ ಆತ್ಮವಿಶ್ವಾಸ ಮತ್ತು ಪಲಾಯನವಾದ

ಮಕ್ಕಳಲ್ಲಿ ಸಾಮಾಜಿಕ ಆತಂಕ ಹೆಚ್ಚಾದಲ್ಲಿ, ಅವರು ಗುಂಪಿನಿಂದ ಪಲಾಯನ ಮಾಡುತ್ತಾರೆ. ಇತರರು ಗಮನಿಸುವಂತಹ ಕೆಲಸಗಳನ್ನು ಅವರು ಮಾಡುವುದಿಲ್ಲ. ಅವರಿಗೆ ಆತ್ಮ ವಿಶ್ವಾಸದ ಕೊರತೆ ಸಹ ಕಾಡುತ್ತದೆ.

ಕಡಿಮೆ ಆತ್ಮವಿಶ್ವಾಸ ಮತ್ತು ಪಲಾಯನವಾದ

ಅಲ್ಲದೆ, ಶಾಲೆಯಲ್ಲಿ ಸಣ್ಣ ಪುಟ್ಟ ಚಟುವಟಿಕೆಗಳಲ್ಲಿ ಭಾಗವಹಿಸಲು ಸಹ ಅವರು ಹಿಂದೇಟು ಹಾಕಲಾರಂಭಿಸುತ್ತಾರೆ. ಇನ್ನು ಕ್ರೀಡೆ ಮತ್ತು ಸಾಂಸ್ಕೃತಿಕ ಚಟುವಟಿಕೆಗಳಲ್ಲಿ ಅವರು ಪಾಲ್ಗೊಳ್ಳುವುದು ತೀರಾ ತೀರಾ ಅಪರೂಪ.