ಮಗುವಿಗೆ ಆಹಾರ ತಿನ್ನಿಸಿದ ಬಳಿಕ, ತೇಗು ಬಂದರೆ ಚಿಂತಿಸದಿರಿ!

ಮಗುವಿಗೆ ಗ್ಯಾಸ್ ಉಂಟಾಗುವುದು ಹೇಗೆ?

ಮೂರು ವಿಧಾನದಲ್ಲಿ ಮಗುವಿನ ಹೊಟ್ಟೆಯಲ್ಲಿ ಗ್ಯಾಸ್ ಉತ್ಪತ್ತಿಯಾಗುತ್ತದೆ. ಒಂದು ಆಹಾರ್ ಜೀರ್ಣವಾಗುವುದರ ಮೂಲಕ, ಎರಡನೆಯದು ಆಹಾರವನ್ನು ಸೇವಿಸುವಾಗ ಗಾಳಿಯನ್ನು ನುಂಗುವುದು, ಮೂರನೆಯದು ಆಹಾರ ಅಸಹಿಷ್ಣುತೆ (ಮಗುವು ಪದ್ಧತಿಯನ್ನು ಒಪ್ಪದೇ ಇದ್ದಲ್ಲಿ).

ಮಗುವಿಗೆ ತೇಗು ಬರಿಸುವುದು ಹೇಗೆ?

ಮಗುವಿಗೆ ಸುಲಭವಾಗಿ ತೇಗು ಉಂಟಾಗಲು ಎರಡು ವಿಧಾನಗಳನ್ನು ಅನುಸರಿಸಬಹುದಾಗಿದೆ. ಮಗುವನ್ನು ನಿಮ್ಮ ತೋಳುಗಳಲ್ಲಿ ಹಿಡಿದುಕೊಳ್ಳಿ. ಮಗುವಿನ ತಲೆಯನ್ನು ಮೇಲ್ಭಾಗದಲ್ಲಿ ಹಿಡಿದುಕೊಂಡು ಬೆನ್ನನ್ನು ತಟ್ಟಿರಿ. ಸ್ವಲ್ಪ ನಿಮಿಷ ಕಾಯಿರಿ ನಿಮ್ಮ ಮಗು ತೇಗುವ ಧ್ವನಿಯನ್ನು ನಿಮಗೆ ಕೇಳಬಹುದು.

ತೇಗಲು ಕುಳಿತುಕೊಳ್ಳುವ ಭಂಗಿ

ಇನ್ನೊಂದು ವಿಧಾನವೆಂದರೆ ಮಗುವನ್ನು ನಿಮ್ಮ ತೊಡೆಯಲ್ಲಿ ಕುಳ್ಳಿರಿಸಿ, ಇದಕ್ಕೆ ನಿಮ್ಮ ತೋಳುಗಳು ಮತ್ತು ಕೈಗಳ ಸಹಾಯವನ್ನು ತೆಗೆದುಕೊಂಡು ಮಗುವಿನ ದೇಹ ಮತ್ತು ತಲೆಯನ್ನು ಬೆಂಬಲಿಸಿ. ಇನ್ನೊಂದು ಕೈಯಿಂದ ಮಗುವಿನ ಹಿಂಭಾಗದಲ್ಲಿ ತಟ್ಟಿರಿ, ಇಲ್ಲಿ ತೇಗು ಬರುತ್ತದೆ.

ಮಗುವಿಗೆ ಯಾವಾಗ ತೇಗು ಬರಿಸಬೇಕು?

ಮಗುವಿಗೆ ಆಹಾರ ತಿನ್ನಿಸಿದ ನಂತರ ಮತ್ತು ತಿನ್ನಿಸುವ ಮಧ್ಯಂತರದಲ್ಲಿ ತೇಗು ಬರಿಸಬೇಕಾಗುತ್ತದೆ. ಹಾಲುಣಿಸುವ ತಾಯಂದಿರು ಹಾಲು ಕುಡಿಸಿದ ನಂತರ ಮಗುವಿಗೆ ತೇಗು ಬರುವಂತೆ ಮಾಡಬೇಕು.

ತೇಗು ಬರಿಸುವುದು ಮಾತ್ರ ಸಾಕೇ?

ತೇಗು ಬಂದ ನಂತರ ಕೂಡ ಮಗು ಇನ್ನೂ ಆರಾಮವಾಗಿಲ್ಲ ಎಂದಾದಲ್ಲಿ ಹೊಟ್ಟೆಯಲ್ಲಿ ಗ್ಯಾಸ್ ಇನ್ನೂ ಇದೆ ಎಂದರ್ಥವಾಗಿದೆ. ಗ್ಯಾಸ್ ಅನ್ನು ಹೊರತೆಗೆಯಲು, ಇತರ ತೇಗುವಿಕೆ ವಿಧಾನಗಳನ್ನು ಅನುಸರಿಸಿ; ಇದು ವಿಫಲವಾದಲ್ಲಿ, ಮಗುವನ್ನು ಅಂಗಾತ ಮಲಗಿಸಿ. ಇದು ಮಗುವಿಗೆ ಆರಾಮವನ್ನು ನೀಡುತ್ತದೆ.

ಮಗುವಿಗೆ ತೇಗು ಬರದೇ ಇದ್ದಲ್ಲಿ ಏನಾಗುತ್ತದೆ?

ಮಗುವಿಗೆ ತೇಗು ಬಂದಿಲ್ಲ ಎಂದಾದಲ್ಲಿ, ಹೊಟ್ಟೆಯಲ್ಲಿರುವ ಗ್ಯಾಸ್ ಅವರಿಗೆ ಭಾರವಾಗಿರುವಂತೆ ಮತ್ತು ಅನಾನುಕೂಲವಾಗುವಂತೆ ಮಾಡಬಹುದು. ಮಗುವಿಗೆ ತೇಗು ಬರದೇ ಇದ್ದಲ್ಲಿ ಅದಕ್ಕೆ ಉಸಿರಾಟಕ್ಕೆ ತೊಂದರೆಯಾಗಬಹುದು, ಇದರಿಂದ ಮಗು ಸೇವಿಸಿದ ಆಹಾರವನ್ನು ಹೊರಹಾಕಬಹುದು.