ಹದಿಹರೆಯದ ಮಕ್ಕಳೊಂದಿಗೆ ಸ್ನೇಹಗಳಿಸಿ, ಬಾಂಧವ್ಯ ಬೆಳೆಸಿ

ಸಲಹೆ#1

ನಿಮ್ಮ ಮಕ್ಕಳನ್ನು ಅತಿಯಾಗಿ ನಿಯಂತ್ರಿಸಲು ಹೋಗದಿರಿ ಅವರಿಗೆ ನಿರ್ಧಾರಗಳನ್ನು ತೆಗೆದುಕೊಳ್ಳಲು ಸ್ವಾತಂತ್ರ್ಯವನ್ನು ನೀಡಿ.ಅವರ ಮೇಲೆ ಹೆಚ್ಚಿನ ನಿಯಂತ್ರಣವನ್ನು ಮಾಡುವುದರಿಂದ ಅವರು ಇನ್ನಷ್ಟು ಕೋಪೋದ್ರಿಕ್ತರಾಗುತ್ತಾರೆ ಮತ್ತು ತಪ್ಪು ಆಯ್ಕೆಗಳನ್ನು ಮಾಡುವ ಸಂಭವವಿರುತ್ತದೆ.

ಸಲಹೆ#2

ಕೆಲವೊಂದು ವಿಷಯಗಳಲ್ಲಿ ಅವರೊಂದಿಗೆ ಮುಕ್ತವಾಗಿದ್ದು, ಉತ್ತಮ ನಿರ್ಧಾರಗಳನ್ನು ನೀಡಿ. ಧೂಮಪಾನ, ಮದ್ಯಪಾನ ಮತ್ತು ಡ್ರಗ್ಸ್‎ಗಳಿಂದ ಉಂಟಾಗುವ ಅಪಾಯಗಳನ್ನು ತಿಳಿಸಿ ಹೇಳಿ. ಅವರುಗಳನ್ನು ಇವುಗಳ ಅಪಾಯಗಳ ಬಗ್ಗೆ ತಿಳಿಯುವಂತೆ ಮಾಡಿ. ಲೈಂಗಿಕ ಅಂಶಗಳ ಬಗ್ಗೆ ತಿಳಿಹೇಳಿ ಮತ್ತು ಸಂರಕ್ಷಣಾ ವಿಧಾನಗಳನ್ನು ಅನುಸರಿಸುವಂತೆ ತಿಳಿಸಿ.

ಸಲಹೆ#3

ಹೊಸ ಸ್ನೇಹಿತರನ್ನು ಮಾಡಿಕೊಳ್ಳುವುದರಿಂದ ಅವರನ್ನು ನೀವು ತಡೆಯುತ್ತಿಲ್ಲ ಎಂಬುದನ್ನು ಖಾತ್ರಿಪಡಿಸಿಕೊಳ್ಳಿ. ಮಕ್ಕಳು ಕೆಟ್ಟು ಹೋಗುತ್ತಾರೆ ಎಂಬ ಭಯ ಬೇಡ. ಬದಲಿಗೆ ಮಕ್ಕಳ ಸ್ನೇಹಿತರನ್ನು ಮನೆಗೆ ಕರೆಸಿಕೊಂಡು ಅವರನ್ನು ಚೆನ್ನಾಗಿ ಉಪಚರಿಸಿಕೊಳ್ಳಿ. ನಿಮ್ಮ ಮಕ್ಕಳು ಯಾರೊಂದಿಗೆ ಸುತ್ತಾಡುತ್ತಾರೆ ಮತ್ತು ಸ್ನೇಹಿತರ ಗುಣಸ್ವಭಾವ ಹೇಗಿದೆ ಎಂಬುದನ್ನು ಕಂಡುಕೊಳ್ಳಿ.

ಸಲಹೆ#4

ಸಣ್ಣ ಸಣ್ಣ ವಿವರಗಳಿಗೂ ಅವರನ್ನು ಸಂದೇಹಿಸಬೇಡಿ. ಅವರ ಚಲನವಲನಗಳ ಬಗ್ಗೆ ಕಣ್ಣಿಡುತ್ತಾ ಅವರನ್ನು ಸಂದೇಹ ಪ್ರವೃತ್ತಿಯಿಂದ ಅತಿಯಾಗಿ ವಿಚಾರಿಸಬೇಡಿ. ನೇರವಾಗಿ ಪ್ರೀತಿಯಿಂದ ಅವರೊಂದಿಗೆ ನಡೆದುಕೊಂಡು ವಿವರಗಳನ್ನು ತಿಳಿದುಕೊಳ್ಳಿ.

ಸಲಹೆ#5

ತಾವು ಸುಂದರವಾಗಿ ಕಾಣಬೇಕು ಇಲ್ಲವೇ ಸ್ನೇಹಿತರೊಂದಿಗೆ ಎದ್ದುಗಾಣುವಂತಿರಬೇಕು ಎಂದು ಬಯಸುತ್ತಿರುತ್ತಾರೆ. ತಾವು ಅಂದವಾಗಿರದಿದ್ದರೆ ತಮ್ಮಲ್ಲೇ ಕೀಳರಿಮೆಯನ್ನು ಬೆಳೆಸಿಕೊಂಡಿರುತ್ತಾರೆ. ಈ ಸಮಯದಲ್ಲಿ ಅವರನ್ನು ಸಾಂತ್ವಾನಗೊಳಿಸಿ ಮತ್ತು ಅವರಿಗೆ ಬೆಂಬಲವಾಗಿ ನಿಲ್ಲಿ.

ಸಲಹೆ#6

ಓದು ಮತ್ತು ಇತರ ಚಟುವಟಿಕೆಗಳಲ್ಲಿ ಅವರನ್ನು ಹೆಚ್ಚು ಒತ್ತಾಯಿಸಬೇಡಿ. ಅವರ ಮೇಲೆ ಹೆಚ್ಚು ಒತ್ತಡವನ್ನು ಹಾಕಬೇಡಿ. ಇದರಿಂದ ಅವರು ಖಿನ್ನತೆಯನ್ನು ಅನುಭವಿಸುತ್ತಾರೆ. ಈ ಸಮಯದಲ್ಲಿ ಅವರಿಗೆ ಕಾಳಜಿಯನ್ನು ತೋರಿ.

ಸಲಹೆ#7

ಕುಟುಂಬ ಪ್ರಯಾಣವನ್ನು ಮಾಡಿ, ಜೊತೆಯಾಗಿ ಸಿನಿಮಾಗಳನ್ನು ನೋಡುವುದು ಆಗಾಗ್ಗೆ ಭೋಜನ ಕೂಟಕ್ಕೆ ಹೋಗುತ್ತಿರಿ. ಇದರಿಂದ ನಿಮ್ಮ ಮತ್ತು ಅವರ ನಡುವಿನ ಬಾಂಧವ್ಯ ಚೆನ್ನಾಗಿರುತ್ತದೆ. ಅವರಿಗೂ ಕುಟುಂಬದೊಂದಿಗೆ ಸಂತಸಮಯ ಕ್ಷಣಗಳನ್ನು ಕಳೆದಿರುತ್ತದೆ.