ಹೆತ್ತವರೇ ಮಕ್ಕಳ ಪಾಲಿಗೆ ಮೊದಲ ರೋಲ್ ಮಾಡೆಲ್...

ಕೀಳರಿಮೆ

ನಮ್ಮ ಸೌಂದರ್ಯ, ವೃತ್ತಿ, ಭವಿಷ್ಯದ ಬಗೆಗೆ ಸದಾ ಕೀಳರಿಮೆಯನ್ನು ಹೊಂದಿಕೊಂಡಿರುತ್ತೇವೆ. ಇದನ್ನು ಮಕ್ಕಳೂ ಮೈಗೂಡಿಸಿಕೊಂಡಲ್ಲಿ ಅವರಲ್ಲಿ ಮಾನಸಿಕ ಸಮಸ್ಯೆಗಳು ಎದುರಾಗಬಹುದಾದ ಸಾಧ್ಯತೆ ಇರುತ್ತದೆ. ಖಿನ್ನತೆ ಅವರಲ್ಲಿ ಬೆಳೆದು ಊಟ ತಿಂಡಿಯನ್ನು ತ್ಯಜಿಸುವ ಸಂಭವವಿರುತ್ತದೆ.

ಗ್ಯಾಜೆಟ್‎ಗಳ ಹೆಚ್ಚುವರಿ ಬಳಕೆ

ಹೆಚ್ಚಿನ ಮಕ್ಕಳ ಪೋಷಕರು ಸ್ಮಾರ್ಟ್‎ಫೋನ್‎ಗಳಲ್ಲೇ ಕಾಲ ಕಳೆಯುತ್ತಿರುತ್ತಾರೆ. ಸಂದೇಶ ರವಾನೆ, ಇಮೇಲ್, ಫೋನ್‎ನಲ್ಲಿ ಮಾತನಾಡುವುದು ಹೀಗೆ ಮೊಬೈಲ್‎ನಲ್ಲೇ ಹಲವಾರು ಕಾರ್ಯಗಳನ್ನು ನಡೆಸುತ್ತಿರುತ್ತಾರೆ. ಆದರೆ ನಿಮ್ಮ ಈ ಅಪರಿಮಿತ ಫೋನ್ ಬಳಕೆ ಮಕ್ಕಳ ಮೇಲೆ ಹೇಗೆ ದುಷ್ಪರಿಣಾಮವನ್ನು ಬೀರಬಹುದು ಎಂಬುದನ್ನು ನೀವು ಮನಗಂಡಿದ್ದೀರಾ? ನಿಮ್ಮನ್ನು ನೋಡಿ ಅವರುಗಳೂ ಇದೇ ಅಭ್ಯಾಸವನ್ನು ಮೈಗೂಡಿಸಿಕೊಂಡಲ್ಲಿ ಅವರ ಅಧ್ಯಯನದ ಮೇಲೆ ಇದು ಕೆಟ್ಟ ಪ್ರಭಾವವನ್ನು ಉಂಟುಮಾಡಬಹುದು.

ಸ್ತ್ರೀ ಪುರುಷ ಭೇದ ಭಾವ

ತಮ್ಮ ಮಕ್ಕಳ ಮೇಲೆ ಕೆಲವು ಹೆತ್ತವರು ಲಿಂಗ ತಾರತಮ್ಯವನ್ನು ಹೇರುತ್ತಾರೆ. ಉದಾಹರಣೆಗೆ ಹೆಣ್ಣು ಮಕ್ಕಳು ಕ್ರೀಡೆಗಳಲ್ಲಿ ಭಾಗವಹಿಸಬಾರದು, ಹುಡುಗರು ಭಾವನೆಗಳನ್ನು ತೋರ್ಪಡಿಸಬಾರದು, ಹೀಗೆ ಮುಂತಾದ ನಿಯಮಗಳು ಅವರುಗಳ ಬೆಳವಣಿಗೆಯನ್ನು ಕುಂಠಿತಗೊಳಿಸಬಹುದಾಗಿದೆ.

ಧೂಮಪಾನ ಮತ್ತು ಮದ್ಯಪಾನ

ಹೆಚ್ಚುವರಿ ಕುಡಿತ ಮತ್ತು ಧೂಮಪಾನ ನಿಮ್ಮ ಮಕ್ಕಳಲ್ಲಿ ಅವರುಗಳು ಈ ಚಟವನ್ನು ಅಳವಡಿಸುವಂತೆ ಮಾಡುತ್ತದೆ. ಸಣ್ಣ ಹರೆಯದಲ್ಲೇ ಅವರುಗಳು ಈ ಚಟಗಳ ದಾಸರಾಗಿ ಬಿಡುತ್ತಾರೆ, ನಂತರ ಆರೋಗ್ಯ ಸಮಸ್ಯೆಗಳನ್ನು ಅವರುಗಳು ಅನುಭವಿಸಬೇಕಾಗುತ್ತದೆ.

ಹೆಚ್ಚು ಸ್ಪರ್ಧಾತ್ಮಕವಾಗಿರುವುದು

ಮಕ್ಕಳನ್ನು ಇನ್ನೊಬ್ಬರ ಎದುರಿಗೆ ಕೀಳಾಗಿಸುವುದು ಅವರ ಪಠ್ಯೇತರ ಚಟುವಟಿಕೆಗಳನ್ನು ಲೇವಡಿ ಮಾಡುವುದು ಮುಂತಾದ ಗುಣಗಳಿಂದ ನಿಮ್ಮ ಮಕ್ಕಳು ಕೀಳರಿಮೆಯನ್ನು ಬೆಳೆಸಿಕೊಳ್ಳಬಹುದಾಗಿದೆ. ತಾವು ಮಾಡುತ್ತಿರುವುದೆಲ್ಲಾ ತಪ್ಪೆಂಬ ಭಾವನೆ ಅವರ ಮನದಲ್ಲಿ ಮೂಡಬಹುದು ಅಂತೆಯೇ ಅವರಲ್ಲಿ ಮಾನಸಿಕ ಋಣಾತ್ಮಕತೆಯನ್ನು ಇದು ಉಂಟುಮಾಡಬಹುದಾಗಿದೆ.

ವಾದ ವಿವಾದ

ನಿಮ್ಮ ಮಕ್ಕಳ ಎದುರಿಗೆ ಕುಟುಂಬ ಸದಸ್ಯರೊಂದಿಗೆ ನೀವು ವಾದ ವಿವಾದಗಳನ್ನು ಮಾಡುತ್ತಿರುವುದು ಮಕ್ಕಳಲ್ಲೂ ಇಂತಹ ಕೆಟ್ಟ ಪ್ರವೃತ್ತಿಯನ್ನು ಬೆಳೆಯುವಂತೆ ಮಾಡುತ್ತದೆ. ತಮ್ಮ ಸ್ನೇಹಿತರೊಂದಿಗೂ ಅವರು ಇಂತಹದ್ದನ್ನೇ ಮಾಡಿ ತಮ್ಮ ವಲಯದಲ್ಲಿ ಕೆಟ್ಟ ಹೆಸರನ್ನು ತೆಗೆದುಕೊಳ್ಳುವ ಸಾಧ್ಯತೆ ಇರುತ್ತದೆ.

ದೈಹಿಕ ಹಿಂಸೆ

ನಿಮ್ಮ ಮಕ್ಕಳನ್ನು ಸಣ್ಣ ಸಣ್ಣ ಕಾರಣಕ್ಕೆ ಹೊಡೆಯುವುದು, ಬೈಯ್ಯುವುದು ಮಾಡುವುದರಿಂದ ಅವರು ನಿಮ್ಮ ಬಗ್ಗೆ ಋಣಾತ್ಮಕವಾಗಿ ಆಲೋಚಿಸಲು ಆರಂಭಿಸುತ್ತಾರೆ. ಇದುವೇ ಅವರು ನಿಮ್ಮ ವಿರುದ್ಧ ತಿರುಗಿ ಬೀಳುವಂತೆ ಮಾಡುವ ಸಾಧ್ಯತೆಯನ್ನೂ ಹುಟ್ಟು ಹಾಕುತ್ತದೆ. ಆದ್ದರಿಂದ ಆದಷ್ಟು ಅವರೊಂದಿಗೆ ಸ್ನೇಹ ಮತ್ತು ಪ್ರೀತಿಯಿಂದ ವರ್ತಿಸಬೇಕಾಗುತ್ತದೆ.