ಆಂಟಿ ಬ್ಯಾಕ್ಟೀರಿಯಲ್ ಸೋಪು ಮಗುವಿಗೆ ಏಕೆ ಅತ್ಯುತ್ತಮವಲ್ಲ?

ಗರ್ಭಾವಸ್ಥೆಯಲ್ಲಿ ತಾಯಿಯು ತನ್ನ ಮಗುವಿನ ಸಂರಕ್ಷಣೆಯನ್ನು ನಾಜೂಕಾಗಿ ಮಾಡಬೇಕಾಗುತ್ತದೆ. ತನ್ನ ಒಡಲಿನಲ್ಲಿ ಪುಟ್ಟ ಕಂದಮ್ಮನನ್ನು ಹೊರುವ ತಾಯಿ ತನ್ನ ಆರೋಗ್ಯದೊಂದಿಗೆ ಮಗುವಿನ ಆರೋಗ್ಯದ ಕಡೆಗೂ ಗಮನ ನೀಡಬೇಕಾಗುತ್ತದೆ. ತಾನು ತಿನ್ನುವ ಆಹಾರದಿಂದ ಹಿಡಿದು ಸೇವಿಸುವ ಔಷಧಿ, ಮಾಡುವ ಚಟುವಟಿಕೆಗಳು ಹೀಗೆ ಪ್ರತಿಯೊಂದರ ಮೇಲೂ ಆಕೆ ಗಮನ ನೀಡಬೇಕಾಗುತ್ತದೆ. ಹೆಚ್ಚಿನ ರಾಸಾಯನಿಕ ಉತ್ಪನ್ನಗಳನ್ನು ಮಾಡದೇ ಇರುವುದು ಈ ಸಂದರ್ಭದಲ್ಲಿ ಸೂಕ್ತವಾದುದಾಗಿದೆ. ಏಕೆಂದರೆ ಈ ರಾಸಾಯನಿಕಗಳ ಪರಿಣಾಮ ಗರ್ಭಿಣಿಯ ಶರೀರದ ಮೇಲೆ ಯಾವ ರೀತಿಯಲ್ಲಾದರೂ ಪರಿಣಾಮವನ್ನು ಬೀರಬಹುದಾಗಿದೆ.

ಸ್ನಾನಕ್ಕೆ ಬಳಸುವ ಸೋಪು ಕೂಡ ಟ್ರಿಕ್ಲೊಕಾರ್ಬನ್ ಅಂಶಗಳನ್ನು ಒಳಗೊಂಡಿರುತ್ತವೆ. ಇದು ಮಗುವಿಗೆ ಸೋಂಕು ಉಂಟಾಗಲು ಕಾರಣವಾಗುತ್ತವೆ. ಕೆಲವೊಂದು ವಿಧಾನಗಳಲ್ಲಿ ನಮಗೆ ಸಹಾಯ ಮಾಡುವ ಕರುಳಿನ ಬ್ಯಾಕ್ಟೀರಿಯಾವನ್ನು ನಾವೆಲ್ಲರೂ ಹೊಂದಿದ್ದೇವೆ. ಆದರೆ ಈ ಬ್ಯಾಕ್ಟೀರಿಯಾಗಳ ಮಟ್ಟ ಹೆಚ್ಚಿತು ಎಂದಾದಲ್ಲಿ ಇದು ಆರೋಗ್ಯಕರವಾಗಿರುವುದಿಲ್ಲ. ಇನ್ನು ತಾಯಿಯು ಆಂಟಿಬ್ಯಾಕ್ಟೀರಿಯಲ್ ಸೋಪುಗಳನ್ನು ಬಳಸುವುದರಿಂದ ಅದೂ ಅಲ್ಲದೆ ಮಗುವಿಗೆ ಹಾಲುಣಿಸುವ ಸಂದರ್ಭದಲ್ಲಿ ಮಗುವಿನ ಕರುಳಿನ ಬ್ಯಾಕ್ಟೀರಿಯಾದ ಸಮತೋಲನವನ್ನು ಹಾಳುಮಾಡಬಹುದು ಎಂಬುದಾಗಿ ಅಧ್ಯಯನ ತಿಳಿಸಿದೆ.

ಕರುಳು ಒಳ್ಳೆಯ ಮತ್ತು ಕೆಟ್ಟ ಬ್ಯಾಕ್ಟೀರಿಯಾವನ್ನು ಒಳಗೊಂಡಿದೆ. ಸಾಮಾನ್ಯ ಮಟ್ಟವು ಮಿತಿಮೀರಿದಾಗ, ದೊಡ್ಡ ಕರುಳಿನ ಕ್ಯಾನ್ಸರ್, ಕೆರಳಿಸುವ ಕರುಳಿನ ಸಹಲಕ್ಷಣಗಳು, ಅಸ್ತಮಾ, ಮಧುಮೇಹ ಮತ್ತು ಬೊಜ್ಜು ಸಂಭವಿಸುವ ಸಾಧ್ಯತೆ ಇರುತ್ತದೆ. ಪ್ರಸ್ತುತ ಕೆಲವೊಂದು ಜೀವವಿರೋಧಿ ಕ್ಲೆನ್ಸರ್‎ಗಳನ್ನು ಗರ್ಭಾವಸ್ಥೆಯಲ್ಲಿ ಕೆಲವೊಂದು ಸೋಂಕುಗಳನ್ನು ತಡೆಗಟ್ಟಲು ನೀಡಲಾಗುತ್ತದೆ.

ಇನ್ನು ಟ್ರಿಕ್ಲೊಕಾರ್ಬನ್ ಅಂಶವಿರುವ ಲಿಖಿತ ಸೂಚನೆಯಿಲ್ಲದ ಬ್ಯಾಕ್ಟೀರಿಯಾ ವಿರೋಧಿ ಉತ್ಪನ್ನಗಳನ್ನು ಬಳಸಬಾರದು ಎಂಬುದಾಗಿ ಸಂಶೋಧಕರು ತಿಳಿಸಿದ್ದಾರೆ. ಮಗುವಿಗೆ ಸ್ತನ್ಯಪಾನ ಮಾಡಿಸುತ್ತಿರುವ ಸಂದರ್ಭದಲ್ಲಿ ಈ ಅಂಶಗಳು ಮಗುವಿನ ದೇಹದೊಳಕ್ಕೆ ಸೇರಿಕೊಳ್ಳುವ ಸಾಧ್ಯತೆ ಇರುತ್ತದೆ. ಕ್ಲೆನ್ಸಿಂಗ್ ಉತ್ಪನ್ನಗಳನ್ನು ಆರೋಗ್ಯ ತಜ್ಞರ ಸಲಹೆಗಳೊಂದಿಗೆ ಕಾಳಜಿಯಿಂದ ಬಳಸಬೇಕಾಗುತ್ತದೆ.

ಗರ್ಭಾವಸ್ಥೆಯಲ್ಲಿ ಮತ್ತು ಮಗುವಿಗೆ ಹಾಲುಣಿಸುತ್ತಿರುವ ಸಂದರ್ಭದಲ್ಲಿ ಇಂತಹ ಉತ್ಪನ್ನಗಳನ್ನು ಖರೀದಿಸುವ ಮುನ್ನ ನಿಮ್ಮ ಕುಟುಂಬ ವೈದ್ಯರನ್ನು ಸಂಪರ್ಕಿಸುವುದು ಉತ್ತಮವಾಗಿರುತ್ತದೆ. ಆರೋಗ್ಯಕರ ಬ್ಯಾಕ್ಟೀರಿಯಾಗಳು ಆರೋಗ್ಯಕರ ವಿಧಾನದಲ್ಲಿ ನಮಗೆ ಮುಂದುವರಿಯಲು ಸಹಾಯಕವಾಗಿವೆ. ಆದರೆ ಆರೋಗ್ಯಕರ ಬ್ಯಾಕ್ಟೀರಿಯಾಗಳ ನಾಶ ಮಾನವನ ಆರೋಗ್ಯವನ್ನು ನಾನಾ ಬಗೆಯಲ್ಲಿ ಹಾಳುಗೆಡವುವ ಸಾಧ್ಯತೆ ಹೆಚ್ಚಿರುತ್ತದೆ.