ನಿಮಗೆ 15ರ ಹರೆಯಕ್ಕೆ ಕಾಲಿಡುತ್ತಿರುವ ಮಗ/ಮಗಳು ಇದ್ದರೆ....

ಮನೆ ಕೆಲಸಗಳು

ನಿಮ್ಮ ಮನೆಗಳಲ್ಲಿ ಕೆಲಸದಾಳುಗಳು ಇದ್ದರೂ ಕೂಡ ಮಕ್ಕಳಿಗೆ ಕೆಲವು ಅಗತ್ಯವಾಗಿರುವ ಮನೆ ಕೆಲಸದ ಬಗ್ಗೆ ಕಲಿಸಿಕೊಡುವುದು ತಪ್ಪಲ್ಲ. ಇಸ್ತ್ರಿ ಮಾಡುವುದು, ಪಾತ್ರೆ ತೊಳೆಯುವುದು, ಮನೆಯನ್ನು ಸ್ವಚ್ಛಗೊಳಿಸುವುದು. ಮುಂತಾದ ಕೆಲಸಗಳನ್ನು ಕಲಿಸುವುದರಿಂದ ಮಕ್ಕಳು ದೊಡ್ಡವರಾದಾಗ ತಮ್ಮ ಜೀವನಕ್ಕೆ ಉಪಯೋಗವಾಗಬಹುದು.

ಬ್ಯಾಂಕ್ ವ್ಯವಹಾರಗಳ ಬಗ್ಗೆ ಜ್ಞಾನ

ಬ್ಯಾಂಕ್ ವ್ಯವಹಾರಗಳ ಬಗ್ಗೆ ಸಾಮಾನ್ಯ ಜ್ಞಾನ ಮಕ್ಕಳಿಗೆ ಕಲಿಸಿಕೊಡುವುದು ತುಂಬಾ ಅಗತ್ಯ. ಉಳಿತಾಯ ಯೋಜನೆ, ಚೆಕ್ ಗಳನ್ನು ಬ್ಯಾಂಕಿನಲ್ಲಿ ಹೇಗೆ ಠೇವಣಿ (ಡಿಪಾಸಿಟ್) ಮಾಡುವುದು ಮುಂತಾದುವುಗಳನ್ನು ಕಲಿಸಿಕೊಡುವುದರಿಂದ ಅವರಿಗೆ ಒಂದು ಉತ್ತಮವಾದ ಆಲೋಚನೆ ಬರುತ್ತದೆ ಮತ್ತು ಅವರಿಗೆ ಅವರದೇ ಆದ ಖಾತೆಗಳನ್ನು ಹೊಂದುವಾಗ ಉಪಯೋಗಕ್ಕೆ ಬರುತ್ತದೆ.

ಸ್ವಯಂ ರಕ್ಷಣೆ

ಮಕ್ಕಳಲ್ಲಿ ಪೋಷಕರು ಸ್ವಯಂ ರಕ್ಷಣೆಯ ಬಗ್ಗೆ ಮತ್ತು ಅದರ ಉಪಯುಕ್ತತೆಯ ಬಗ್ಗೆ ಮಾತಾಡುವುದು ತುಂಬಾ ಅವಶ್ಯಕ. ಅದೂ ಕೆಲವು ಅಪರಿಚಿತರ ಜೊತೆ ವ್ಯವಹಾರ ಮಾಡುವಾಗ ಕೆಲವು ಸಣ್ಣ ಪುಟ್ಟ ಸುಳಿವುಗಳನ್ನು ಕೊಡುವುದರಿಂದ ತಮ್ಮ ಸುತ್ತಮುತ್ತಲಿರುವ ಜನರ ಜೊತೆ ಸುರಕ್ಷಿತವಾಗಿರಬಹುದು.

ಸುರಕ್ಷಿತ ಸೆಕ್ಸ್

ಅನೇಕ ಹದಿಹರೆಯದವರು ಈ ದಿನಗಳಲ್ಲಿ ಲೈಂಗಿಕವಾಗಿ ಸಕ್ರಿಯರಾಗಿರುತ್ತಾರೆ. ಪೋಷಕರು ಅಸುರಕ್ಷಿತ ಸೆಕ್ಸ್ ನ ಬಗ್ಗೆ ತಮ್ಮ ಮಕ್ಕಳಿಗೆ ಜ್ಞಾನ ನೀಡುವುದು ತುಂಬಾ ಅವಶ್ಯಕ.

ಕೆಲವು ಅಡುಗೆಯ ಬಗ್ಗೆ ಸಾಮಾನ್ಯ ಜ್ಞಾನ

ಮಕ್ಕಳು ಹದಿ ಹರೆಯಕ್ಕೆ ಬರುತ್ತಿದ್ದಂತೆಯೇ ಅವರಿಗೆ ಅಡುಗೆಯ ಸಾಮಾನ್ಯ ಜ್ಞಾನ ಕಲಿಸಿ ಕೊಡುವುದು ತುಂಬಾ ಅವಶ್ಯಕ. ಇದರಿಂದ ಅವರು ದೊಡ್ಡವರಾದಾಗ ತುಂಬಾ ಸಹಾಯಕವಾಗುವುದು.

ಪ್ರಥಮ ಚಿಕೆತ್ಸೆ

ಗಾಯ ಅಥವಾ ಉಳುಕಿನಂತಹ ಕೆಲವು ಸಂಧರ್ಭಗಳಲ್ಲಿ ಪ್ರಥಮ ಚಿಕಿತ್ಸಾ ಕೌಶಲಗಳನ್ನು ಮಕ್ಕಳಿಗೆ ಕಲಿಸಿಕೊಡುವುದರಿಂದ ಇಂತಹ ಸಮಯದಲ್ಲಿ ದೊಡ್ಡವರು ಹತ್ತಿರದಲ್ಲಿರದಾಗ ತುಂಬಾ ಉಪಯೋಗಕ್ಕೆ ಬರುತ್ತದೆ.