ಮಗುವನ್ನು ನರ್ಸರಿಗೆ ಸೇರಿಸುವ ಮುನ್ನ ಇತ್ತ ಗಮನಿಸಿ!

ನರ್ಸರಿಗೆ ಭೇಟಿ ನೀಡಿ

ನಿಮ್ಮ ಮಗುವಿಗಾಗಿ ಒಂದು ನರ್ಸರಿಯನ್ನು ಆರಿಸಲು ಒಳ್ಳೆಯ ಮಾರ್ಗವೆಂದರೆ, ಅದು ನರ್ಸರಿಗೆ ಭೇಟಿ ನೀಡುವುದು. ಇಲ್ಲಿಗೆ ಭೇಟಿ ನೀಡುವುದರಿಂದ ನಿಮಗೆ ಈ ನರ್ಸರಿಯು ನಿಮ್ಮ ಮಗುವಿಗೆ ಸೂಕ್ತವಾಗಿ ಒಪ್ಪುತ್ತದೆಯೇ, ಇಲ್ಲವೇ ಎಂದು ಅರ್ಥವಾಗುತ್ತದೆ. ನರ್ಸರಿಯ ಇತಿಹಾಸ, ಅದರ ಸಿಬ್ಬಂದಿ, ಶುಚಿತ್ವ, ಸುರಕ್ಷತೆ ಮತ್ತು ಭದ್ರತೆ ಇತ್ಯಾದಿಗಳನ್ನು ಪರಿಶೀಲಿಸಿ. ನರ್ಸರಿಗೆ ಆಗಾಗ ಭೇಟಿ ನೀಡುವುದು ಒಳ್ಳೆಯದು. ಇದರಿಂದ ನಿಮ್ಮ ಮತ್ತು ಅಲ್ಲಿನ ಸಿಬ್ಬಂದಿಗಳ ನಡುವೆ ಒಳ್ಳೆಯ ಸಂಬಂಧ ಬೆಳೆಯುತ್ತದೆ.

ನರ್ಸರಿಯಲ್ಲಿರುವ ಮಕ್ಕಳನ್ನು ನೋಡಿ

ನರ್ಸರಿಯಲ್ಲಿರುವ ಮಕ್ಕಳನ್ನು ನೋಡಿದರೆ ಸಾಕು, ನರ್ಸರಿ ಹೇಗೆ ಕಾರ್ಯನಿರ್ವಹಿಸುತ್ತಿದೆ ಎಂದು ಗೊತ್ತಾಗುತ್ತದೆ. ಇತರೆ ಮಕ್ಕಳು ನರ್ಸರಿಯಲ್ಲಿ ಸಂತೋಷವಾಗಿದ್ದಲ್ಲಿ, ಆ ನರ್ಸರಿಯು ಸಮರ್ಪಕವಾಗಿ ಕಾರ್ಯನಿರ್ವಹಿಸುತ್ತಿದೆ ಎಂದು ಭಾವಿಸಿ. ಇಲ್ಲಿ ನಿಮ್ಮ ಮಗುವನ್ನು ಬಿಟ್ಟರೂ, ಸಂತೋಷವಾಗಿ ಇರಬಲ್ಲದು ಎಂದು ಭಾವಿಸಿ. ಇದು ನೀವು ನರ್ಸರಿ ಕುರಿತು ಕೇಳುವ ಎಲ್ಲಾ ಪ್ರಶ್ನೆಗಳಿಗೆ ಉತ್ತರ ನೀಡುವ ಸಲಹೆಯಾಗಿರುತ್ತದೆ.

ಸುರಕ್ಷತೆ ಮತ್ತು ಭದ್ರತೆ ನಿಯಂತ್ರಣಗಳು

ನರ್ಸರಿಯನ್ನು ಆಯ್ಕೆ ಮಾಡಿಕೊಳ್ಳುವ ಮೊದಲು ಅಲ್ಲಿ ಆರೋಗ್ಯ ಮತ್ತು ಭದ್ರತೆಯ ಮಾನದಂಡಗಳನ್ನು ಹೇಗೆ ಜಾರಿಗೆ ತರಲಾಗಿದೆ ಎಂದು ಪರಿಶೀಲಿಸಿ. ನಿಮ್ಮ ಮಗುವು ನರ್ಸರಿಯ ಒಳಗಡೆ ಸುರಕ್ಷಿತವಾಗಿ ಇರುತ್ತದೆ ಮತ್ತು ಅಲ್ಲಿರುವ ವಸ್ತುಗಳಿಂದ ನಿಮ್ಮ ಮಗುವಿಗೆ ಯಾವುದೇ ಹಾನಿಯಾಗುವುದಿಲ್ಲ ಎಂಬುದನ್ನು ಖಚಿತಪಡಿಸಿಕೊಳ್ಳಿ. ಇದೆಲ್ಲದರ ಜೊತೆಗೆ ಶುಚಿತ್ವವನ್ನು ತಪ್ಪದೆ ಪರಿಗಣಿಸಿ. ಒಂದು ಒಳ್ಳೆಯ ನರ್ಸರಿಯು ಸ್ವಚ್ಛವಾದ ನೆಲಹಾಸು, ಅಡುಗೆ ಮನೆ, ಶೌಚಾಲಯ ಇತ್ಯಾದಿಗಳನ್ನು ಒಳಗೊಂಡಿರುತ್ತದೆ.

ಚಟುವಟಿಕೆಗಳು

ನರ್ಸರಿಗಳಲ್ಲಿ ಕೆಲವೊಂದು ಚಟುವಟಿಕೆಗಳನ್ನು ನಡೆಸಲಾಗುತ್ತದೆ. ಇವು ಮಗುವಿನ ದೈಹಿಕ ಮತ್ತು ಮಾನಸಿಕ ಬೆಳವಣಿಗೆಗೆ ನೆರವಾಗುತ್ತದೆ. ಆದ್ದರಿಂದ ನಿಮ್ಮ ಮಗುವನ್ನು ನರ್ಸರಿಗೆ ಸೇರಿಸುವ ಮುನ್ನ ಅಲ್ಲಿ ಚಟುವಟಿಕೆಗಳಿಗೆ ಪ್ರಶಸ್ತವಾದ ಸ್ಥಳ ಮತ್ತು ಉಪಕರಣಗಳು ಇವೆಯೇ? ಎಂದು ಖಚಿತಪಡಿಸಿಕೊಂಡು ನಂತರ ಸೇರಿಸಿ.