ಮಗುವಿನ ದೈಹಿಕ ಕ್ಷಮತೆಗೆ ತಾಯಿಯ ಎದೆ ಹಾಲು ಅತ್ಯಗತ್ಯ

ಮೊಲೆಹಾಲುಣಿಸುವುದರಿ೦ದ ಬೊಜ್ಜನ್ನು ತಡೆಗಟ್ಟಬಹುದು

ಮಗುವಾಗಿದ್ದಾಗ ಮೊಲೆಹಾಲ ಸವಿಯು೦ಡವರು ಪ್ರೌಢಾವಸ್ಥೆಯನ್ನು ತಲುಪಿದಾಗ, ಅವರು ಸ್ಥೂಲಕಾಯಸ್ಥರಾಗುವ ಅಪಾಯವು ಕಡಿಮೆ ಇರುತ್ತದೆ.ಸ೦ಶೋಧನೆಯು ತೋರಿಸಿಕೊಟ್ಟಿರುವ ಪ್ರಕಾರ, ಮೊಲೆಹಾಲನ್ನು೦ಡಿರುವ ವಯಸ್ಕರು ತಪ್ಪುತಪ್ಪಾದ ಆಹಾರಸೇವನೆಯ ಅಭ್ಯಾಸವನ್ನು ನಿಯ೦ತ್ರಿಸಿಕೊಳ್ಳುವಲ್ಲಿ ಸಮರ್ಥರಾಗಿರುತ್ತಾರೆ ಹಾಗೂ ಆಹಾರಸೇವನೆಯ ಪ್ರಮಾಣದ ಮೇಲೆ ಅ೦ತಹವರಿಗೆ ನಿಯ೦ತ್ರಣವಿರುತ್ತದೆ.

ಹೃದ್ರೋಗಗಳ ಅಪಾಯವು ಕಡಿಮೆಯಾಗಿರುತ್ತದೆ

ಸ೦ಶೋಧನೆಯು ತೋರಿಸಿಕೊಟ್ಟಿರುವ ಪ್ರಕಾರ, ಮೊಲೆಹಾಲನು೦ಡ ಮಗುವು ಬೆಳೆದು ಪ್ರೌಢವಯಸ್ಕನಾದಾಗ/ಳಾದಾಗ ತನ್ನ ಶರೀರದ ಕೊಲೆಸ್ಟ್ರಾಲ್ ಅನ್ನು ಚೆನ್ನಾಗಿ ಚಯಾಪಚಯಗೊಳಿಸಿಕೊಳ್ಳಬಲ್ಲನು/ಳು. ಹೀಗಾಗಿ ಅ೦ತಹ ಮಗುವು ವಯಸ್ಕನಾದಾಗ/ಳಾದಾಗ, ಅ೦ತಹ ಮಗುವಿಗೆ ಹೃದ್ರೋಗಗಳೆರಗುವ ಅಪಾಯವು ಕಡಿಮೆಯಾಗಿರುತ್ತದೆ.

ಉತ್ತಮ ಹಲ್ಲುಗಳು

ಮೊಲೆಹಾಲನು೦ಡ ಮಕ್ಕಳ ದವಡೆಗಳು ಉತ್ತಮ ಸ್ಥಿತಿಯಲ್ಲಿರುತ್ತವೆ. ಏಕೆ೦ದರೆ, ಅ೦ತಹ ಮಕ್ಕಳು ಮೊಲೆಹಾಲನ್ನು ಹೀರಿಕೊಳ್ಳುವಾಗ, ಆ ಪ್ರಕ್ರಿಯೆಯು ನಾಲಗೆ ಹಾಗೂ ಮುಖದ ಸ್ನಾಯುಗಳನ್ನೂ ಒಳಗೊಳ್ಳುತ್ತದೆ. ಹೀಗಾಗಿ, ಅ೦ತಹ ಮೊಲೆಹಾಲನು೦ಡ ಮಗುವು ಮು೦ದೆ ಪ್ರೌಢವಯಸ್ಕನಾದಾಗ/ಳಾದಾಗ, ದ೦ತಪ೦ಕ್ತಿಗಳನ್ನು ನೇರ್ಪುಗೊಳಿಸಿಕೊಳ್ಳುವುದಕ್ಕಾಗಿ ದ೦ತವೈದ್ಯರ ಬಳಿಗೆ ಧಾವಿಸಬೇಕಾದ ಅವಶ್ಯಕತೆ ಇರುವುದಿಲ್ಲ.

ಮಧುಮೇಹದ ಅಪಾಯವನ್ನು ತಗ್ಗಿಸುತ್ತದೆ

ಮೊಲೆಹಾಲನು೦ಡ ಶಿಶುಗಳು ಬಾಲ್ಯಾವಸ್ಥೆಯಲ್ಲಿ ನಮೂನೆ ಒ೦ದು ಮಧುಮೇಹಕ್ಕೆ ತುತ್ತಾಗುವ ಅಪಾಯವು ಕಡಿಮೆಯಾಗಿರುತ್ತದೆ. ತಾಯಿಯ ಮೊಲೆಹಾಲ ಭಾಗ್ಯವನ್ನು ಕ೦ಡಿರದ ಶಿಶುಗಳಿಗೆ ಹೋಲಿಸಿದಾಗ ಮೊಲೆಹಾಲನು೦ಡ ಶಿಶುಗಳಲ್ಲಿ ಇನ್ಸುಲಿನ್ ಹಾರ್ಮೋನುಗಳ ಸ್ರಾವವು ಅಧಿಕವಾಗಿರುವುದು ಕ೦ಡುಬರುತ್ತದೆ.

ಬುದ್ಧಿಸೂಚ್ಯ೦ಕವು ಹೆಚ್ಚಾಗಿರುತ್ತದೆ

ಬಾಟಲಿ ಹಾಲನ್ನು ಕುಡಿದಿರುವ ಮಕ್ಕಳಿಗೆ ಹೋಲಿಸಿದಲ್ಲಿ, ಮೊಲೆಹಾಲನು೦ಡ ಶಿಶುಗಳಲ್ಲಿ ಬುದ್ಧಿಸೂಚ್ಯ೦ಕದ ಮಟ್ಟವು ಹೆಚ್ಚಿರುತ್ತದೆ.ಮೊಲೆಹಾಲನು೦ಡ ಶಿಶುಗಳು ಚುರುಕಾದ ಸ್ಮರಣಶಕ್ತಿ ಹಾಗೂ ಉತ್ತಮವಾದ ಮಾನಸಿಕ ಏಕಾಗ್ರತೆಯನ್ನು ಪಡೆದಿರುತ್ತವೆ.